Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË– Deklarata e kryeministrit Edi Rama se pas bluzave të bardha, të parët që do të vaksinohen janë personalitetet që ka Shqipëria, 80 vjeç e lart, ka ndezur jo pak gjakrat në vendin tonë. Nga Vlora, një ditë më parë, kreu i Qeverisë tha se të dielën do të nisë vaksinimi i të moshuarve, por që fillimisht do të injektohen ata që janë mbi 80 vjeç dhe njihen si personalitete.
Dosja.al ngriti e para shqetësimin pas kësaj deklarate, që në një kohë që marrja e një vaksine është e vështirë në të gjithë botën, Shqipëria po bën ndarje klasash. Lufta për sigurimin e dozave të para është e vështirë për të gjitha vendet dhe po nxjerr në pah pabarazitë globale, ku vendet më të pasura marrin më shumë vaksina, e më të varfërit ende nuk kanë nisur vaksinimin, por në vendin tonë, po ndodh një tjetër ndarje.
Ajo e qytetarëve në ‘të thjeshtë’ dhe ‘personalitete’ që i duhen vendit. Pas ngritjes së këtij shqetësimi, rrjeti nuk e ka kursyer kryeministrin Rama për këtë deklaratë. Ishte gazetari Enkel Demi ai që bëri krahasimin e nënës së tij, që e cilësoi zonjë grua me një personalitet, më shumë se 100 vjeç, Zeqiri Mero. Në reagimin e tij, Demi shkruante se njerëz si Mero, Rilindja ka plot, të moshuar, ish-prokurorë, ish-KQ-ista apo ish-sekretarë partie, duke përmendur këtu edhe Spartak Brahon e Gramoz Ruçin, por nëna e tij që nuk ka qenë sigurimse, nuk do ta marrë vaksinën, pa mbaruar numri i këtyre personaliteteve.
Shkrimi i plotë i Enkel Demit
Edi Rama foli dhe një herë për situatën: “Do vazhdojmë me një numër tjetër të moshuarish që janë personalitete që duhet t’i mbajmë sa më mirë dhe jo thjesht të kujtohemi, kur vdesin e të mbajmë fjalim…”. Unë kam nanën në shtëpi, grua zonjë, e moshuar, por nuk ka qenë kurrë komuniste, ish-sigurimse dhe me kriteret e kryeministrit të Shqipërisë asnjë herë në anën e duhur të historisë. Natyrisht, meqë nuk plotëson kriteret e këtilla i thashë sot të ngrohet në diell, sepse përfiton dy gjëra; e para, theket, e dyta, merr vitaminë D qelepir. Zeqiri Mero, nëse më në fund nuk i është dhjerë shpirti, ishte 100 vjeç, kur e përqafonte gjithë dashuri Rilindasi.
Sipas gazetarit Dashnor Kaloçi në vitin 1945 Zeqiri Mero ka zbatuar një radiogram urgjent të firmosur nga Enver Hoxha, me cilësinë e Komandantit të Pergjithshëm të Ushtrisë Nacional Çlirimtare. Ky radiogram aprovonte dënimin me vdekje të gjashtë personave, gjykuar nga një Këshill Gjyqësor Ushtarak i Divizionit të III-të, të Korparmatës së Dytë, të kryesuar nga Kryetari, Irakli Bozo (major) dhe prokuror, Ziqiri Mero, kapiten i parë.Zeqiri Mero është “personalitet” i padiskutueshëm që është vlerësuar me një dekoratë nga Rusia në vitin 2015, me motivacionin që ka qenë i angazhuar në formacionet partizane, në zona të ndryshme të vendit, duke luftuar kundër pushtuesve fashistë. Në nder të tij gjithashtu një rrugë në Korçë thërritet me këtë emër orgurzi. Si Zeqiriu Rilindja ka plot, të moshuar, por ish-prokurorë, ish-KQ-ista apo ish-sekretarë partie, si fjala vjen Spartak Braho dhe Gramoz Ruçi. Këta duhet me çdo kusht të vaksionohen që djalli të rrijë gjallë në shpinë të këtij vendit, kurse nana ime, nana e shumë e shumë të tjerëve duhet të kënaqen, nëse Zoti u fal pak diell, se shoshën e ka Rilindja.
Pas gazetarit Enkel Demi ishte analisti Agron Gjemarkaj, ai që e cilësoi kriminale këtë ndarje. Pa u marrë shumë me subjektivitetin e standartit për të qënë personalitet apo jo, Gjekmarkaj shkruan se jeta e të gjithë njerëzve ka të njëjtën vlerë dhe se sipas tij, është e neveritshme, e perbuzshme dhe e dënueshme të bësh një ndarje të tillë. Analisti madje e quan Ramën një delirant që po i jet të drejtën vetës për të përcaktuar se kush do të jetojë.
Shkrimi i plotë i Agron Gjekmarkajt
Sot ma bëri Zoti nafake të rri në shtëpi dhe po ai me shtyu të ndez televizorin ku në çdo stacion doli ai që nuk mungon kurrë! Deri tani në këtë dekik që po hedh këto mejtime mbi kartë vetëm ai e qet kryet kudo! Një ditë e plotë propagande. U shfaq në Farkë që në sabah me shpiat e termetit si Jani Ferra me Rexhep Dacin (dy personazhe te një filmi socrealist) dhe pastaj duke hedhur ujë mbi zjarrminë që ka shkaktuar denoncimi i familjarve të viktimave tę Kovidit në spitalet tona! Teksa Ai fliste ministrushja Ogerta Manastriliu tundte kokën e saj te mbështjellë me një maske lozonjare, ku mërzisë së Kryeministrit i shtohej melankolia e saj si vaj ulliri në sallatë!
Gjoci e Mrici janë një dyshe që shfaqet shpesh në perrallat e Ultesires perendimore në veri tę vendit ! Sot Gjoci llafosej, Mrici e shikonte nga poshte lart me admirim duke tundur kaptinen plot mend e derte shkaktuar nga virusi. Tani që e ka marrë ferra uraten në menxhaimin e koronavirusit e beson edhe qeveria. Spitalet janë plot , shtepiat plot, vaksina ska ose ka aq sa pas çdo vaksine të gjeje kohe vete Edi Rama dhe të dalë teksa shpohet tek tuk ndonjë. Njerez vdesin perditë me shumicë. Por keto janë gjëra të njohura. Vemendjen e cila goditet here pas here nga thagmat e njeriu që do mandatin e trete per 1 mije shtepi qe po behen dhe per te bere zap smunllekun qe ka zaptuar sokaqet dhe sidomos per ta shnderruar mjeksine në nur paradizi, megjithëse na e pat premtuar që në 2013 e perserit në 2017 dhe prape kesaj here! Por vakia sot qe një tjeter në kufijtë e se pabesueshmes!
Do vaksinojme tha ca të moshuar po jo pleq të zakonshem, madje as veteranet por personalitetet në mosh të thyer! Pa u marrë shumë me subjektivitetin e standartit për të qënë personalitet apo jo tek e drejta per jeten të gjitha qęniet njerzore janë njesoj! Një perzgjedhje e tillë është kriminale, është e neveritshme, është e perbuzshme dhe e denueshme! Vetem një delirant i zgjidhur nga të gjithë zinxhiret e arsyes i jep të drejten vetes të percaktojë kush janë personalitetet e kush jo, kjo garë makabre mes të moshuarve! Se kishim degjuar askund kete postulat as besonim ta degjonin. Në Europe standartet dhe rregullat vlejne per të gjithë. Kryeministri italian as që e beri vaksinen per vete dhe jo vetem kaq po as atij e as homologeve të tij nuk jua lejon etika humane të vëne kritere kaq makabre e diferencuese ne vaksinimin e popullates!
Sa Personalitete ka Shqiperia? çfare kriteresh dhe formularesh plotesohen per të qëne e ndjere tę tille? Mos do na qesin disa emra per të na mbyllur gojen me sentimentalizem? Sa veta ndihen personalitete ….kur vaksinat jane vetem ca qese ? Kur të vaksinohen personalitetet të tjeret do jenë më të qere se kho është aspirata e tyre? Kush do jete komisioni vlerësues i personaliteteve, Akademia e Gjinushit apo ndonjë tjeter kotec ideologjik? Keto dhe shume pyetje te tjera lindin në mesin e një dite propagandistike ku habia kalon çdo fantazi dhe fantazia perfundon tek perbuzja e refuzimi. Edi Rama rrezoi strategjinë e prezantuar nga Ministria e Shendetesise dhe Komiteti teknik ku mjeket ishin te paret e keshtu me rradhë! Sot me “ personalitetet” e ti deshmoi se deshiron te bleje vota me vaksina dhe influence publike nepermjet emrash te caktuar. Bielinski thote “nga të gjitha pasionet njerzore, pas egoizmit, pasioni më i madh e më i eger është ambicja për pushtet.Mund të themi me siguri se asnjë pasion nuk i ka kushtuar njerëzinit kaq vuajtje dhe gjak sa ambicja pë pushtet “ ! Ai qerrata Bielinsk ne dhe Prijesin tonë legjendar paskesh patur parasysh. Ky të blen jeten me vaksina dhe ata ja kthejne me vota. Në dukje një pantonimë e peshtirë në thelb e denjë për tragjedite greke.
Kritikat dhe shpërthimet ndaj Ramës, vijuan edhe sot. Akademiku Artan Fuga e cilëson “krim” deklaratën e kryeministrit Edi Rama. Me anë të një postimi në Facebook, Fuga shkruan se numri një i qeverisë po tenton të marrë rolin e Zotit. Ndërsa shton se deklarata të tillë dënohen nga Kodi Penal. Fuga thekson se jeta e njeriut vlen njësoj, si e atij që ka punuar 40 vjet në minierë, si e nobelistit, si e një njeriu që e ka kaluar jetën në burg, si e një njeriu që jeta e la pa shkollë, por është një gjyshe e dashur.
Postimi i Artan Fugës
Vaksinimi me prioritet i te ashtuquajturve personalitete do te ishte nje krim, një genocid, një marrje pergjegjesie për vdekjen e kujtdo tjetër, do te ishte nje eugjenizem i tipit hitlerian, jeta e njeriut vlen njësoj, si e atij që ka punuar 40 vjet në minierë, si e nobelistit, si e një njeriu që e ka kaluar jetën në burg, si e një njeriu që jeta e la pa shkollë, por është një gjyshe e dashur. Kush përcakton se kush do të vdesi ose kush do të jetojë me kritere meritash shoqërore është një i marrë që merr rolin e Zotit, është një i rrezikshëm që duhet lidhur. E kap edhe kodi penal veç të tjerash. Thirrini mendjes o personalitete!
Dhe pjesa më e prekur e shoqërisë nga kjo deklaratë, vetë të moshuarit janë revoltuar gjithashtu. Nga Elbasani, shumë të moshuar, deklaruan sot se kjo ndarje është diskriminuese dhe aspak e drejtë për ta. Shumë prej tyre shprehen se edhe ata janë bij nënash që presin të marrin vaksinën dhe se ose të vaksinohen të gjithë, ose asnjëri.
“Po ne të tjerët të vdesim ne, ne kemi ndërtuar uram fabrika, kemi tharë këneta, po të kishin punuar ato kuadrat e larta nuk kishte ikur e gjithë rinia në emigracion,”– thotë njëri prej tyre.
“O të gjithë o hiç, njeri është dhe ai që është më i madh se 80 vjeç dhe më i vogël, bij nënësh janë të gjithë. Për veten teme edhe unë personalitet janë. Nuk shkon kjo punë, e thënë shkurt,”- vijon një tjetër.
Por ka nga ata të moshuar që shpresojnë që deklarata e kryeminsitrit të jetë një lapsus nga ky i fundit.
“Është një shprehje, të them lapsus, nëse e ka shprehur me mendimin e vetë tamam, është komplet gabim,”- thotë i moshuari.
Të ketë qenë një gabim apo lapsus? Këtë mund ta sqarojë vetëm kryeministri Edi Rama.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Ish-deputeti i Partisë Demokratike Edmond Spaho, ka reaguar në lidhje me gjobën prej 50 milionë lekëve të vjetra, që i është vënë ditën e sotme ng...
TIRANË- Kryetari i Partisë Demokratike, Lulzim Basha thotë se gjatë këtyre viteve që Rama ka qenë në pushtet ka pasur 100 dështime.Në një video që ka postu...
KAVAJË– Drejtuesja politike e PD për Kavajën e Rrogozhinën, Grida Duma, zhvilloi një takim me përfaqësues të biznesit të vogël të Kavajës ku dëgjoi problem...
ELBASAN- Drejtuesi i Partisë Demokratike në Elbasan, Gazment Bardhi, ka zhvilluar një takim me një nga biznesmenët në këtë qytet.Në një postim në “Faceboo...
VLORE- Një qytetare italiane është shprehur e lumtur që ka ardhur në Shqipëri dhe për të jetuar në Vlorë. Gjatë takimit me kryeministrin Edi Rama ku u shpërndan...
DEVOLL– Drejtuesi politik i Partisë Demokratike për Korçën, Edmond Spaho është gjobitur nga policia me 50 milionë lekë të vjetra pasi ka shkelur rregulla...
TIRANË– Belind Këlliçi i Partisë Demokratike është gjobitur ditën e sotme me 5 milionë lekë të reja për shkelje të masave anti-Covid.Lajmi është bër...
TIRANË– Zëdhënsja e Partisë Demokratike, Ina Zhupa ka dalë në një konferencë për shtyp nga selia blu, ku ka folur rredh marrjes si të pandehura të dy vajz...
VLORË– Kryeministri Edi Rama ishte i pranishëm ditën e sotme në Vlorë aty ku i shpërndau karta anëtarësimi disa shtetasve italianë që jetojnë në qytetin br...
TIRANË– Nënkryetari i LSI-së, Petrit Vasili, ka kritikuar qeverinë lidhur me menaxhimin e situatës COVID-19 në vend.Në një deklaratë për mediat, Vasi...
