Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Frika nga COVID, kufizimet e orareve dhe lëvizshmërisë në vende të ndryshme të rajonit, Europës dhe botës ka ulur pothuajse në 95% kërkesat për festime jashtë kufinjve. Çiftet e reja deri në 40 vjeç kanë zgjedhur të drekojnë në restorante, edhe ata të paktë.
Kurse qirinjtë do ti ndezin ato çifte të reja të guximshme, që megjithë egërsinë e armikut ende të panjohur, nuk arrijnë dot ta shmangin traditën. Ata kanë zgjedhur të prenotojnë hotele brenda Shqipërisë në zona turistike ku do të darkojnë si çdo vit nën dritën e qirinjve.
“Hotelet nuk janë të kufizuar në fashë orare nga protokolli anti COVID. Sigurisht kemi protokollin e masave që respektojmë. Por të rinjtë, të jemi të sinqertë nuk i respektojnë, veçanërisht për festa. Prenotimet për festën e Shën Velentinit në hotelet turistike vazhdojnë. Çiftet janë të reja deri në 40 vjeç që prenotojnë. Ata do të hanë darkën e datës 13 duke pritur orët e para të datës 14 dhe drekën e 14-ës”, shprehet Kujtim Dervishi kryetar i Shoqatës së Hoteleve Turistike në Shqipëri.
Sipas tij kërkesat më të shumta janë për në Korçë që është bërë një destinacion i gjithvitshëm, Vlora, Durrësi. Megjithatë, tregon ai, kërkesat kanë rënie me 40% krahasimisht me vitin e kaluar para pandemisë.
Për restorantet situata paraqitet nën një tablo më të errët. Kreu i shoqatës së Bar- Restoranteve në nivel kombëtar Enri Jahaj shprehet se kërkesat për prenotime kanë rënë në 90% për këtë Shën Valentin krahasuar me një vit më parë.
“Shën Valentini në mendjen e të gjithëve është festimi nën dritën e qirinjve. Ulja e fashës orare deri në orë 20:00 si masë për të kontrolluar virusin, do të thotë pamundësi për të darkuar, pamundësi për të dëgjuar muzikë. Shtoji kësaj frikën, pamundësinë financiare si rezultat i krizës dhe pasigurinë për të ardhmen, rezultati është qëndrimi në shtëpi. Kërkesat për të drekuar për Shën Valentinin janë sporadike”, shprehet Jahaj.
Të njëjtën gjë pohon edhe Ina Baolli nga restorant Ejona në zonën e Ish Bllokut në Tiranë.
“Duke qenë se janë vendosur fashat e reja të orareve dhe restorantet apo baret janë të mbyllura në orën 20:00, si pasojë edhe rezervimet janë minimale. Duke sjellë dhe anulime në rezervime”, shprehet Baolli.
Ajo thotë se, gastronomia si sektor është prekur në mënyrë të drejtpërdrejtë nga fillimi i pandemisë dhe vazhdon të vuajë pasojat e kufizimeve dhe atmosferës së krijuar në tërësi.
“Dhe fakti që institucionet përgjegjëse vazhdojnë mos të japin sqarime në lidhje me kohën që do na duhet të ecim drejt kësaj paqartësie e bën punën e të gjithëve akoma më të vështirë. Shpresojmë që njerëzit të gjejnë mënyrën për të lartësuar ndjenjën e dashurisë në formë sa me të pastër të mundshme”, thotë Baolli.
Kurse kërkesat e çifteve të reja për të festuar jashtë kufijve janë sporadike.
Gazeta “Si” kontaktoi disa prej agjencive të mëdha dhe më pak të mëdha në kryeqytet dhe pesimizmi në lidhje me tkurrjen e thellë dhe të parekuperueshme të biznesit të udhëtimit dhe turizmit lexohet qartë në sytë dhe zërin e tyre.
Destinacionet e hapura dhe paketat e ofruara prej tyre janë Mal i Zi, Maldive dhe Dubai. Kërkesat sporadike vijnë nga çiftet 20-40 vjeç.
Marjen Rama nga Explorer Travel & Tours thotë për gazetën “Si” se deri më tani pranë agjencisë së tij nuk ka asnjë kërkesë për të festuar Shën Valentinin jashtë kufijve, në destinacionet e ofruara që gjenden edhe në llogarinë e Facebook të agjencisë.
Të njëjtën gjë pohon edhe Besnik Vathi nga ATHS. “Asnjë kërkesë nuk kemi. Situata nuk është gri, por e zezë. Kush udhëton tani? Përse të udhëtojë? Frikë, kufizime, pamundësi financiare, pasiguri”, shprehet Vathi.
Nga Global Travel thonë se ka kërkesa të pakta, klientët besnikë. “Kanë prenotuar për Maldive, Dubai dhe Mal të Zi. Situata është gropë. Nuk ka shenjë krahasimi me vitin e kaluar. Çmimet janë ulur, vetëm tua paguajmë ne me lekët tona. Kërkesa nuk ka”, shprehet një prej agjentëve nga Global Travel.
Në këtë panoramë COVIDIANE, mjafton shëndeti dhe dashuria. Festimet mund të bëhen edhe nën batanije me gotën e verës në dorë duke parë një film romantik.
Marrë nga Gazeta “Si”
1 vit nga zgjedhjet e 25 prillit si e shikoni gjendjen e vendit:
TIRANË – Legjislacioni për zbardhjen e aksionerëve të vërtetë të kompanive që operojnë në Shqipëri është finalizuar me një vendim të Këshillit të Min...
TIRANË– Pandemia e ka goditur rëndë transportin ajror. Trafiku i pasagjerëve ra me 61% në 2020-n, duke zbritur në nivelin më të ulët që nga viti 2008. Si u...
TIRANË- Drejtuesja e qendrës “Linja e Këshillimit për Gra dhe Vajza”, Iris Luarasi tha në emisionin “Bardh a Zi” se të gjithë sot jemi dëshmita...
TIRANË- Soni, një 30-vjeçar që jeton në Tiranë e thotë me bindje të plotë se nëse do i jepet rasti, nuk do të vaksinohet për COVID-19. Megjithatë, p...
SHQIPËRI– Nëse ka dy çështje globale vërtetë të rëndësishme, janë ato mjedisore dhe klimaterike. Për herë të parë Shqipëria e ka rastin të mar...
Familjet që kishin kryefamiljarin me arsim të lartë kanë ulur konsumin në vitin 2019 në raport me vitin 2017, në pjesën më të madhe të qarqeve në vend.Sipas të ...
Pandemia ka dhënë efekt të ndjeshëm në performancën e të ardhurave buxhetore në vitin 2020, ndonëse në muajt e fundit situate ka ardhurt drejt përmirësimit.Sipa...
Alberti, i cili prej vitesh tregton në një njësi pakice të ushqimeve në Tiranën e Re, pohon se ky vit ka qenë negativ sa i takon xhiros ditore. Në 20 vite përvo...
TIRANË– Pasiguritë që ka krijuar pandemia Covid-19 i kanë penguar bizneset të avancojnë me planet e investimeve, duke e ndryshuar sjelljen financiare...
TIRANË- Deficiti buxhetor, apo diferenca mes shpenzimeve dhe të ardhurave, për mbulimin e së cilës qeveria ka qenë e detyruar të marrë borxh, arriti në një...
