"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
VLORË -Emisioni “Stop” ka publikuar sot denoncimin e një qytetari nga Vlora, të cilit i kanë falsifikuar firmën dhe i kanë hapur probleme me bankës. Në muajin shtator,Antonio Avdiraj, ka shkuar të blejë një celular me kredi, por banka i ka thënë se ai ka një kredi për të shlyer në bankë, po për blerjen e një celulari.
“Unë jam interesuar në këtë emision, pasi më është bërë një padrejtësi. Doja të merrja një telefon me këste dhe më thanë që je debitor, shkova tek banka dhe më thanë ke një kontratë që ke bërë, por unë nuk kam asnjë dijeni për këtë. Në kontratë kishin vendosur adresë, numër telefoni false, por kishin vendosur kartën që nuk e di nga e kanë marrë”, thotë Avdiraj.
Ai mohon që të ketë firmosur kontratë me bankën dhe shton se ka shkuar në Polici tek krimi ekonomik për të denoncuar përdorimin e emrit të tij. Në bankë i thonë, se në 30 mars 2020 ka firmosur një kontratë me një servis celulari në Vlorë, me administrator Kreshnik Rama.
Fill pas denoncimit, në skenë del i ati i administratorit të servisit, Skënder Rama, i cili i premton Antonios, se do ta mbyllë ai këtë problem. Sipas administratorit dhe të atit, celulari është blerë on line dhe këtu ka ndodhur ngatërresa.
Pas këtij denoncimi, Skënder Rama ka kërkuar takim me Antonio Avdirajn dhe i kërkon atij që të terheqe denoncimin, pasi i del ai garant që do i zgjidh problemin.
Video e plotë:
Skënder Rama: Jo do gjejë zgjidhje, po do gjejë zgjidhje si Çeçoja, se ne kemi miq, njerëz, shokë e vëllezër plot. Ai, apo kushdo, që i ka vënë emër kësaj pune, do e paguajë atë, që ka bërë. Ne do të kërkojmë falje ty, për të mbyllur situatën, por edhe ti do na kërkosh falje, se na je bërë havale.
Mos bëj më nxitime, se nuk është e mirë! Ti, po ç’ke, që i jep gojës? Ti mbylle dhe do i bisedosh me mua gjërat! Mos u nxito te flasësh për këtë çështje, për asnjë gjë! Unë dua, me ndihmën tënde, me forcën time dhe gjithë njerëzve, që na vijnë vërdallë, ta mbyllim, t’i vëmë emër e t’i mbyllim letrat, ashtu siç janë për t’u bërë. Ligji është ai, që ne duhet të mbyllim atë te burimi. Atje te burimi është pagesa. Të mbyllim atë dhe jemi në rregull bashkë. Unë do bëj pagesën. Nuk kam vrarë njerëz, as ti nuk ke vrarë njerëz.
Denoncuesi: Do thotë policia: Ti ke bërë kallëzim të rremë.
Skënder Rama: Po ik ore, ik, o polici! Hajde të bëjmë pagesën, që është për t’u mbyllur, të vemi bashkë, ore. Mos fantazo budallalliqe. Ç’na flet gjëra kot!
Denoncuesi: Çfarë do i thuash bankës?
Skënder Rama: Çfarë do i them unë bankës, e di unë, kur ta paguaj. Çfarë është ky muhabet? Do bëjmë këtë, po sikur ta bëjmë edhe kështu.
Skënder Rama: Maksimumi është 1 javë. Unë mund ta bëj edhe më shpejt. Do ta mësosh ti emrin, kush e ka bërë, por jo tani. Mos ma kërko tani!
Denoncuesi: Ti e njeh?
Skënder Rama: Qysh nuk e njoh? Sepse unë jam zënë me atë, kam bërë llafe dhe i kam thënë “pse mor, te djali ynë e ke bërë ti këtë?”.
Por problemi nuk mbaron këtu, “Stop” ka shkuar tek servisi dhe ka takuar administratorin për të mësuar rreth kësaj çështje.
Gazetari: Kush e ka blerë këtë celular në këtë servis?
Kreshnik Rama: Ky celular është blerë “on line”. Është bërë me anë të telefonit dhe ka vajtur dikush, që.., domethënë, që ka firmosur, që e ka marrë si kontratë dhe ka vajtur, është firmosur. Kur është bërë kjo, ka filluar karantina.
Gazetari: Më 30 mars karantina, po mirë, lejohej të bëhej “on line”? Ti ke firmosur. Si ke firmosur?
Kreshnik Rama: Kjo ka vajtur njëherë pa firmën, pa firmën time. Kanë vajtur dy kopje. Një e merr personi, një e marr unë. Në momentin, që e merr personi, ai e ka firmosur. Pastaj e kam firmosur unë.
Gazetari: Antonio thotë, që nuk kam marrë kurrë një celular në këtë servis.
Kreshnik Rama: Kjo është firma ime dhe unë nuk mund ta mohoj, që është firma ime.
Gazetari: Me këto të dhëna, Antonio, ka ardhur ndonjëherë?
Kreshnik Rama: Fizikisht, tek unë, Antonio nuk ka ardhur.
Gazetari: Ti thua, që është bërë “on line”?
Kreshnik Rama: Thjesht është firmosur në shtëpi. Unë kam punuar gjithë marsin, pastaj fola me ata çunat e bankës dhe i kam hequr këto “on line”, se filluan këto problemet e njëpasnjëshme.
Gazetari: Një person tjetër, i afërmi juaj, ka bërë biseda me Antonion?
Kreshnik Rama: Jo!
Gazetari: Skënder Rama kush është?
Kreshnik Rama: Babai im!
Gazetari: Unë di, që z. Skënder ka bërë disa biseda me Antonion, ku i premton, që do ta shlyejë ai detyrimin.
Kreshnik Rama: Kur janë bërë këto biseda?
Marrë nga KLAN
1 vit nga zgjedhjet e 25 prillit si e shikoni gjendjen e vendit:
Në qytetin e Elbasanit ekziston një rrugë që prej vitesh mban dy emra, atë të Heroit të Popullit Kozma Naska dhe të një ish pedagogu dhe studiuesi të mirëfilltë...
POLICAN– Në qytetin e Poliçanit, kanë rezultuar pozitiv me COVID drejtori dhe dy punonjëse në qendrën polivaliente të të moshuarve.Stafi i qendrës ...
TIRANË– Një debat i ashpër ka lindur për vrasjen e mësuesit në Francë, Samuel Paty, të cilit iu pre koka nga një 18-vjeçar prej Çeçeni...
TIRANE– Djali i Remzi Hoxhës të zhdukur më 21 tetor 1995, Ardian Hoxha, në studion e ‘Repolitix’ mbrëmjen e sotme ka rrëfyer se përse ka hequr...
TIRANE– Një nga personat që takoi ditën e djeshme ministrin e Jashtëm Gre, Nikos Dendias ishte Fredi Bejleri, kreu i OMONIA-s.Ai ka treguar për ‘abcnews’ se i k...
SARANDE– Ditën e sotme u njoftua nga Ministria e Shëndetësisë se mes katër pacientëve që kanë ndërruar jetë si pasojë e Covidit është edhe një 61-vje&cced...
BULQIZE– Qyteti i Bulqizës ka pasur raste të reja me COVID ditën e sotme. Në shkollën 9-vjeçare ” Xhevdet Doda” kanë rezultuar pozitiv ...
TIRANË– Çështja penale kundër Arben Grorit është transferuar në Gjykatën e Elbasanit, pasi ajo e Tiranës shpalli moskompetencë për të gjykuar dosjen...
TIRANË– Vetëm pak ditë na ndajnë nga 2-vjetori i vrasjes së ekstemistit grek në Bularat, Konstandinos Kaçifas. Mediat greke bëjnë me dije se n...
