"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Deklarata e sotme e Ambasadës amerikane kundër djegjes së mandateve nga opozita, po shpërndahet me efektin e një bombe në mediat online. Dhe jo fare pa shkak, brenda saj gjenden shprehje të fortaqë e konsiderojnë këtë veprim si “minim të parimeve bazë të demokracisë”, “sabotim të përparimit të vendit dhe “zhgënjeni njerëzit të cilëve keni privilegjin tu shërbeni”.
Mesazhi ameriakn është pak a shumë në të njëjtën linjë me atë atë të BE duke konfirmuar se ndryshe nga sa pretendojnë drejtuesit e PD-së ka një consensus për të ushtruar presion të fortë kundër aktit të djegjes së mandateve.
Po si duhet lexuar kjo deklaratë dhe a përbën ajo qëndrimin përfundimtar të ndërkombëtarëve ?
Për t’i dhënë përgjigje kësaj pyetjeje është mirë të vëzhgosh në dy linja:
Në atë që ka ndodhur në të shkuarën e afërt, gjatë kohës së çadrës së PD-së dhe së dyti me atë që i ka ndodhur mbarë liderve shqiptarë pas përplasjeve të ashpra me Uashingtonin.
Le ta nisim me të parën, kur demokratët në shkurt 2017 shpallën bojkotin e kuvendit dhe ngritjen e çadrës diplomatët që merren me Shqipërinë vunë alarmin. Shefja e politikave të jashtme të Bashkimit Evropian, Frehderica Mogherini lëshoi një mesazh të qartë kundër bojkotit, kundër pengimit të reformës në drejtësi dhe theksoi se moszbatimi i reformës po ngadalesonte integrimin e Shqipërisë. Pasi Mogherini foli, Edi Rama i’u drejtua gazetarëve gjithë krenari: “Më qartë se kaq nuk bëhet”. Për të provuar se mesazhi i saj qe në drejtim krejtësisht të kundërt me qëllimet e opozitës, mjafton të citohet komenti i agjensisë Associated Press i cili është i ngjashëm si dy pika uji me sot: “Shefja e politikave të jashtme të Bashkimit Europian i tha të premten opozitës shqiptare se bojkoti i Parlamentit po pengon integrimin e vendit në BE”. Pak ditë më pas të njëjtat mesazhe u dërguan edhe nga Berlini.
Zëdhënësi i Angela Merkel, Siebert, në një intervistë për Top Channel denoncoi: “Thirrjet për dhunë, që dëgjohen herë pas here, nuk mund dhe nuk duhet të jenë një nga mjetet për të imponuar pozicione konfliktuale politike”.
Edhe ambasadori amerikan në Tiranë, Donald Lu, megjithëse gjatë një dreke me gazetarë tha se i mështeste kërkesat e opozitës për zgjedhjet e lira dhe të ndershme, për drogën dhe dekriminalizimin, tha se ishte kundër saj për bojkotin dhe bllokimin e reformës në drejtësi. Pra shkurt edhe ai ishte për ti hequr opozitës armët më ekstreme për të arritur qëllimet e saj.
Në ditët e saj çadra e PD dukej e anatemuar dhe e braktisur.
Por ç’ndodhi më pas?
Kriza shqiptare shkoi deri tek kancelarja Merkel. Në Tiranë ia behën politikanë të një rangu shumë më të lartë sesa diplomatët e rangut të pestë që vegjetojnë zakonisht këtu. Rama u detyrua të bënte koncesione të mëdha. Fillimisht ai pranoi kërkesën e Lu-së për të flakur nga qeveria njeriun e policisë që deshëm, Saimir Tahirin, që tashmë ndërkombëtarët e dinin se me se ishte marrë. Ndërmjetësimi i Mc Allister e detyroi kryeministrin deri në pikën e paimagjinueshme të bashkëqeverisjes dhe ofroi një paketë shumë më të favorshme për opozitën se ajo që pollën me dyer të mbyllura Rama dhe Basha. Pra radikalizmi dha fryte të paimagjinueshme më parë. Ai i bëri edhe ndërkombëtarët të reflektojnë.
Sepse pot ë njohësh krizat shqiptare dhe ato më gjërë, ndërkombëtarët ndjekin gjithnjë një taktikë. Ata nuk nisen nga parimet e së drejtës, por nga arritja e qëllimit. Ata duan paqe, marrëveshje dhe stabilitet dhe për ta pasur pëedorin rrugën më të lehtë: ushtrimin e presionit tek hallka më e dobët. Përkatësisht tek opozita. Dhe vetëm kur shohin se aty u ngec sharra në gozhdë, provojnë trysninë tek pala më e fortë qeveria.
Pra edhe sot pas shpalljes së djegjes së mandateve nga opozita jemi në fazën fillesatre kur përpjekja po bëhet për të zmbrapsur dyshen PD – LSI.
Por këto tone të forta janë thjeshtë lëvizje taktike. Nëse ato qëndrojnë lavjersja e presionit do të peshojë nga pala tjetër.
Edhe historia këtë na mëson.
Fatos Nano qe për një kohë të gjatë në listat e të padëshëruarve nga “makartisti” Rajerson dhe njeriu me thikë në dorë Kris Hill, deri sa mbërriti që ShBA të kërkonte lirimin e tij nga burgu dhe të angazhohej për përmbysjen e regjimit të Berishës së parë.
Duke bërë këtë panoramë, duket qartë se me veprimet e tij radikale, Basha po e humbet për momentin mbështetjen ndërkombëtare. Të gjitha deklaratat e faktorëve të rëndësishëm janë në favor të qëndrimeve të ramës dhe më pro shumicës qeverisëse. Çadra në boulevard duket se po injorohet nga ndërkombëtarët.
Kush e bën këtë ekspoze normalisht duhet të mbërrinte në një konkluzion dëshpërues për PD dhe fatin e protestës.
Por gjërat nuk duhen parë vetëm në këtë këndvështrim. Historia e këtyre 25 viteve tregon se asnjë nga liderët kryesorë në Shqipëri nuk ka ardhur në pushtet pa pasur ndonjë konflikt serioz me ndërkombëtarët.
Fatos Nano akuzoi CIA-n për burgosjen e tij dhe diplomatët Kris Hill dhe Rajerson se po e godisnin për të përkrahur Berishën.
Për këtë përmbysje Berisha i anatemoi po CIA-n, Amerikën dhe ambasadorët e Shba. Ai madje i deklaroi gazetës “Corrierre della Sera” se ai qe konfiktuar me amerikanët sa herë që donte të mbronte interest e vendit të vet. Por të gjitha këto nuk e penguan të rikthehej në pushtet në vitin 2005 dhe të priste Xhorxh Bushin në Tiranë
Edhe me Ramën u përsërit e njëjta fabul. Akuzat për celula anti-amerikane pranë PS-së, karshillëku për të quajtur“Burrë shteti” dhe “Yll në ngritje” ata që kishin qëlluar mbi protestuest në 21 janar, nuk e penguin fitoren e qershorit 2013.
Aq evidente është bërë kjo përsëritje e historisë sa në Tiranë është shndërruar në anekdotë shprehja: nuk mund të vish në pushtet, pa u shpallur më parë si anti amerikan.
Ndoshta në këtë fazë është edhe opozita e sotme. Deklarata e selisë së rrugës së Elbasanit në pamje të parë duket si një bombë kundër saj. Dhe e tillë do të mbetet nëse deklaratat për mandatet do të mbeten një bllof apo një lojë. Por nëse edhe ShBA edhe BE e shohin se kanë të bëjnë me një këmbëngulje serioze, ashtu sikurse na mëson historia, ekuacioni do të ndryshojë. Dhe si gjithmonë lisharsja e trysninë do të balancohet.
Marrë nga: Lapsi.al
Tirana është boshatisur për ditët e pushimit. Cilën nga ritet e shenjta po ndiqni:
Në pesë qarqe, Korçë, Kukës, Fier, Vlorë, Berat lindjet kanëpësuar rënie dyshifrore në vitin 2018, teksa numri ityre kapësuar rënie në të gjitha qarqet e...
Nuk janë të pakta rastet që të moshuarit pasi kanë punuar një jetë nuk mund të gezojnë pensionin e pleqërisë për shkak të ngatërresave nga më të ndryshme që ndo...
Ambasada amerikane ka deklaruar se lënia e mandateve nga opozita “minon parimet bazë të demokracisë dhe saboton përparimin e rëndësishëm që Shqipëria ka arritur...
TIRANË- Prej ditësh kryefjalë e aktualitetit poltik është vendimi i opozitës për të djegur mandatet e fituara në zgjedhjet vendore të 2017-ës.Pas pretendim...
Teksa qëndron para një objekti tjetër të dhunuar të hebrenjve, Mauricette Rouffignat kujton ditët e errëta të së shkuarës: “Kam përjetuar Luftën e Dytë Bo...
Vendimi radikal i PD për të djegur mandatet e deputetëve, si reagimi i vetëm për t’u përballur me një qeverisje autokratike, ka ngritur dilema të mëdha brenda k...
Ka disa kohë që në opinion përflitet djegia e mandateve nga ana e PD-së.Një pjesë e militantëve të saj të sinqertë e shohin si një shenjë radikalizmi të liderit...
Cila është zgjidhja politike? Pse protestat nuk e rrëzojnë dot sistemin edhe nëse rrëzojnë qeverinë?Protesta e fundit synoi rrëzimin e qeverisë. Një kërkesë e d...
TIRANË- Një ditë pas deklaratës së kryetarit të Partisë Demokratike, Lulzim Basha se opozita do të shkojë drejt djegies së mandateve, ambasadorja gjermane ...
Protesta e opozitës zhvilluar ditën e djeshme nisi me dhunë dhe përplasje, pasi protestuesit i vunë flakën skelës dhe rrëzuan kërpudhën që ishte vendosur si sim...
