Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
“Pa rini nuk ka Shqipëri”/ Protestuesit nisin marshimin drejt Kryeministrisë: Rama jepe dorëheqjen! 21 Korrik, 19:46...
“Pa rini nuk ka Shqipëri”/ Protestuesit nisin marshimin drejt Kryeministrisë: Rama jepe dorëheqjen! 21 Korrik, 19:46...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
TIRANË- Deklarata e kryedemokratit Lulzim Basha se në Qendrën Spitalore Nënë Tereza ka patur raste kur të sëmurët kanë humbur jetën pasi ka patur vonesë për kalimin nga urgjenca në sallat e operacionin ka hapur një debat politik, mes mjekes së QSUT, Silvana Çeliku dhe Partisë Demokratike. Deklarata e Bashës u bë gjatë një video-komunikimi të drejtpërdrejt në rrjetet sociale, ku kryedemokrati iu përgjigj shqetësimeve të ndjekësve të tij.
Lulzim Basha: “…në qoftë se të duheshin një minutë apo dy minuta për të kaluar nga emergjenca në sallë operacioni, tani duhet të kalosh dy-tre ashensor. Pse?! Për hir të fasadës. Dhe kanë filluar vdekjet e atyre pacientëve, të cilëve mund t’u shpëtohet jeta, në qoftë se thelbi do të kishte prevaluar mbi fasadën. Jo, fasada në këtë rast, kontekstualisht, po vdes njerëz në QSUT”.
Kaq ka mjaftuar dhe mjekja Silvana Çeliku, e ka cilësuar këtë një budallallëk. Teksa kërkon përmes rrjeteve sociale që reagimi i saj të mos politizohet, mjekja thotë se është e turpshme të akuzosh ashensorin si shkak vonese teksa shton se kushtet në QSUT janë shumë herë më të mira se ato që kanë qenë.
Reagimi i mjekes Silvana Çeliku:
Mirembrema miqte e mi. Te gjitha gazetat kishin prononcimin e kryetarit te opozites per sallat e kirurgjise dhe per pacientet qe vdesin nderkohe qe hypin ne ashensor. Beni mire ju qe jeni rrorull kryetarit te informoheni vete me mire e mos i vini kryetarit ne goje fjale qe e nxjerrin ate, me falni per shprehjen, komplet injorant. Une nuk jam as e majte e as e djathte, jam thjesht profesioniste e ne punen time dua te kem dinjitet, kushte te mira pune e nje page te mire. Kirurgjia e pergjitheshme kishte 90 vjet qe nuk kishte pare asnje investim si ai i bere kohet e fundit. Kush e mohon ose eshte qorr, ose eshte ziliqar e nihilist. A punojme sot ne kirurget ne kushte me te mira ne sallat e operacioneve per shkak te PPP se sterilizimit? Pa diskutim qe po. Mos e dhente zoti te kthehemi pas. Do te jete fatkeqesia me e madhe per kirurgjine, personelin e sallave e kirurget. Por me qesharake nga te gjitha ishte pretendimi se te semuret vdesin sepse vonohen kur hypin ne ashensor. Por kur ka dhe mjeke qe e thone kete mendo masa e gjere dhe kryetari i opozites qe del bllof e i pakulturuar kur artikulon budallalleqe te tilla. Se pari, salla e urgjences eshte ende ne katin e pare, aty ku ka qene, dhe se dyti ne shume vende te botes sallat jane ne kate te larta. Eshte e turpeshme dhe keqedashese te akuzosh ashensorin si shkak vonese. Qesh e indinjuar se nuk qaj dot. Sinqerisht nje mjeke. VO: ju lutem mos ma politizoni komentin.
Por për Gazment Bardhin e PD, mjekja e ka lexuar deklaratën e Lulzim Bashës, gabim. Bardhi ka ndarë fjalimin e plotë të Bashës, që sipas tij, nuk ka thënë se “pacientët po vdesin për shkak të ashensorit”, por që ashensori ka sjellë vonesë në kalimin tek Salla e Operacioneve, pas rikonstruksionit që iu bë repartit të Kirurgjisë. “Pra, në qoftë se të duheshin një minutë apo dy minuta për të kaluar nga emergjenca në sallë operacioni, tani duhet të kalosh dy- tre ashensorë”-riciton Bardhi ,Lulzim Bashën.
Reagimi i Gazment Bardhit:
Duhesh mirekuptuar qe keqleximi i deklaratave të Kryetarit te Opozites, të vjen për shkak se i lexon nepërmjet share-ve te ERTV! Por mqs paske kërkuar që të mos politizohet statusi yt, nuk po ndalem tek kjo pjesë! Aq më shumë që dua të besoj që sje as e majtë dhe as e djathtë! ? Si shërbyese publike që je (se je mjekë në shërbim të qytetarëve) ke detyrimin moral të jesh e vërtetë kur komenton një deklaratë politike dhe aq më shumë kur përpiqesh të bësh politikë! Mirënjohjen Qeverisë shprehja në një formë tjetër, jo duke deformuar deklaratat e zotit Basha!!! E mqs kërkon një pagë me të mirë në statusin tënd do ishte e udhës të shfaqje entuziazëm nga deklarata e zotit Basha për rritjen e pagave të mjekëve dhe të bëje atë share, dhe jo fjalimin e Edi Ramës në OKB për Ukrainën! Edhe këtu të mirëkuptoj, se nuk e ke problem të ardhurat nga paga, as ti dhe as yt shoq! Por që të mos manipulohesh as nga ‘gazetat’ dhe as nga ERTV, më poshtë deklarata e zotit Basha, ku nuk flitet as për vdekje në ashensor dhe ku thuhet një e vërtetë që nga 12 salla aty ku ti punon, janë tashmë në punë vetëm 6.
“E kam dëgjuar edhe javën e kaluar nga mjekët e QSUT se në çfarë gjendje katastrofike ndodhet jo vetëm Pediatria, por e gjithë QSUT-ja. Nuk ka gjë që e përmbledh më mirë konceptin e fasadës sesa ajo që u bë në QSUT. Sapo u inaugurua Kirurgjia e re, nga 12 kemi 6 salla, nga 120 kemi 60 shtretër. Po ta shikosh nga kronikat televizive, po, fasada është e bukur, është e lyer bukur. Po të futesh brenda kemi gjysmën e kapacitetit që kishte e vjetra për t’u shërbyer pacientëve, për të mos u futur në detaje të tjera të tmerrshme që kam dëgjuar nga profesionistët sesi mënyra dhe koha e komunikimit nga një repart i urgjencës tek një repart tjetër është zgjatur në krahasim me çfarë ishte. Pra, në qoftë se të duheshin një minutë apo dy minuta për të kaluar nga emergjenca në sallë operacioni, tani duhet të kalosh dy- tre ashensor. Pse?! Për hir të fasadës. Dhe kanë filluar vdekjet e atyre pacientëve, të cilëve mund t’u shpëtohet jeta, në qoftë se thelbi do të kishte prevaluar mbi fasadën. Jo, fasada në këtë rast, kontekstualisht, po vdes njerëz në QSUT. Do të vij shumë shpejt, edhe tek Pediatria, për të cilën për fat të keq kam marrë raportime, kam parë edhe raportime në media, kemi patur edhe njerëzit tanë në terren së fundmi për të parë sesa e tmerrshme është gjendja dhe për ta denoncuar atë. Dhe ju siguroj që do të jetë një nga prioritetet kryesore dhënia fund e kolapsit në shëndetësi”. Ndjesë që ju ndërpreva nga dëgjimi i këndshëm i fjalimit të Edi Ramës në OKB! Do ridegjohemi për së shpejti!
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Ish-kryeministri Fatos Nano prej një kohe të gjatë qëndron larg politikës dhe medieve. Në raste shumë të rralla ish-lideri historik i Partisë Socia...
Tiranë-Mbrëmjen e djeshme në emisionin “Zonë e Lirë”, ish-deputeti i PD-së Ervin Salianji ka delaruar se është me fat që nuk është brenda në qeli për dosjen “B...
Tiranë- Kryeministri Edi Rama është shfaqur aktiv së fundmi në rrjetet sociale, pasi ka komentuar me disa qytetarë në lidhje me paketën anti-KÇK, e cila ...
TIRANË- Kryeministri Edi Rama ka publikuar mbrëmjen e sotme një video ku bëhen me dije detaje për operacionin anti-KÇK. Në video shpjegohen të gjith...
TIRANË- Arian Çani, moderatori i emisionit “Zonë e Lirë”, ka folur sot për koronavisurin, ku në studo kishte ftuar një mjek alternativ.Gjatë bisedës...
TIRANË- Deputetët e opozitës, janë bërë sërish bashkë dhe kërkojnë interpelancë me ministrin e Brendshëm Sandër Lleshaj. Sipas informacioneve mësohet se kë...
TIRANË– Komisioni i ligjeve miratoi ndryshmet në ligjin “Për statusin e gjyqtarëve dhe prokurorëve”, ndryshime të cilat dukshëm dobësojnë mbrojtjen l...
SHBA- Presidenti i Republikës, Ilir Meta ka zhvilluar sot një takim në Ambasadën e Shqipërisë në Uashington me Zëvendës Ndihmës Sekretarin e Shtetin, si dhe të ...
SHBA- Presidenti Ilir Meta ka komentuar sot nismën e ndërmarrë nga maxhoranca për të dnryshuar procedurën e betimit të gjyqtarëve të Gjykatës Kushtetuese. Në nj...
TIRANË- Presidenti i Shqipërisë, Ilir Meta, ka komentuar sot paketën anti-KÇK që është ndërmarrë nga qeveria shqiptare. Në një intervistë për Zërin ...
