Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
KOSOVË- Kryetari i Lëvizjes Vetëvendosje, Albin Kurti, iu ka dërguar letër ambasadorëve të huaj në Kosovë, në lidhje me situatën COVID-19.
Kurti nëpërmjet një postimi në rrjete sociale ku u kërkon ambasadave të huaja që ta ndihmojnë Kosovën, për të parandalur një krizë shëndetësore e cila mund të shndërrohet në një katastrofë humanitare. Ndër të tjera Kurti thotë se më shumë se 1.000 punëtorë të kujdesit shëndetësor janë infektuar, me sëmundjen vdekjeprurëse dhe se furnizimet esenciale mjekësore që nevojiten për të luftuar COVID-19 janë duke mbaruar. Sipas Kurtit së shpejti nuk do të ketë oksigjen të mjaftueshëm për të shpëtuar pacientët të cilët janë të infektuar.
Postimi i plotë
Shkëlqesi të nderuara,
Ambasadorë të vendeve mike dhe partnere të Kosovës, diplomatë të nderuar.
Kosova është e nderuar që ka partnerë vendet e juaja. Ju keni qëndruar përkrah nesh në kohërat më të vështira.
Shoqëritë tona ndajnë vlerat e përbashkëta të lirisë dhe demokracisë por edhe interesat e njëjta për forcimin ekonomik të rajonit dhe sigurimin e paqes dhe prosperitetit të qëndrueshëm për të gjithë.
Me këtë histori dhe vlera të përbashkëta në mendje, si lider i partisë politike më të madhe në Kosovë, si politikani më i votuar, si aktivist dhe qytetar i shqetësuar i këtij vendi të varfër e të vogël por të qëndrueshëm, ju bëj thirrje që në këto kohëra të vështira dhe të pashembullta të ndihmoni institucionet tona shëndetësore në përballje me COVID-19 për shpëtimin e jetës së njerëzve.
Siç mund ta dini, situata me COVID-19 në dy muajt e fundit është bërë dramatike. Deri më tani 341 persona kanë vdekur, 10.419 janë infektuar, dhe 4.020 janë raste aktive. Në dy javët e fundit kemi pasur mesatarisht dhjetë vdekje në ditë, duke e renditur Kosovën të parën në botë për numrin e vdekjeve nga COVID-19 për milion banorë.
Në baza ditore kemi qindra raste pozitive ku më shumë se 50% të personave të testuar rezultojnë pozitiv. Duke pasur parasysh që qeveria në mënyrë drastike ka ulur gjurmimin e kontakteve, numri i të infektuarve është shumëfish më i lartë çka paraqet rrezik edhe më të madh nëse më shumë njerëz do të kenë nevojë për shtrim në spital. Burimet teknike dhe njerëzore të institucioneve të kujdesit shëndetësor janë shterruar kurse spitalet nuk kanë më kapacitete akomoduese. Të gjitha Njësitë e Kujdesit Intensiv janë të zëna ndërsa mjekët, specialistët dhe infermierët punojnë ditë e natë nën trysni dhe stres të jashtëzakonshëm. Më shumë se 1.000 punëtorë të kujdesit shëndetësor janë infektuar, që shfaq nevojën për më shumë staf mjekësor.
Furnizimet esenciale mjekësore që nevojiten për të luftuar COVID-19 janë duke mbaruar dhe nëse kjo situatë dramatike vazhdon, së shpejti nuk do të ketë oksigjen të mjaftueshëm për të shpëtuar pacientët. Me shkencëtarët që parashikojnë një rritje të infeksioneve në sezonin e vjeshtës dhe dimrit, situata do të përkeqësohet edhe më tej duke shkaktuar një katastrofë humanitare.
Të nderuar ambasadorë, diplomatë të nderuar, unë jam i vetëdijshëm se kriza aktuale shëndetësore dhe ekonomike është globale dhe se edhe vendet e juaja po luftojnë me ndikimet e pandemisë në njerëz dhe në ekonomi.
Por Kosova është në gjendje të rëndë.
Si Lider i Opozitës, është detyra ime që ta mbaj përgjegjës qeverinë aktuale, edhe në kohë të emergjencës kombëtare. Më vjen keq që nuk kemi një qeveri e cila vepron me përgjegjësi dhe profesionalizëm, që dëgjon shkencëtarët dhe ekspertët dhe që gëzon besim dhe kredibilitet midis qytetarëve. Virusi në vetvete nuk është vepër e qeverisë, por dështimi për të vepruar me përgjegjësi është rezultat i drejtpërdrejtë i paaftësisë së saj, çka vuri në rrezik gjithë vendin.
Në këtë situatë tejet të rënduar, unë nuk mund të qëndroj i qetë derisa shoh një krizë shëndetësore që po degjenerohet në humanitare, duke kërcënuar jetët e mijëra qytetarëve të Kosovës.
Ambasadorë dhe diplomatë të nderuar, unë i kam shprehur këto vështrime me ju shumë herë në takimet tona. Tani, në emër të popullit të Kosovës, publikisht ju kërkoj juve dhe vendeve tuaja që t’u siguroni institucioneve të kujdesit shëndetësor të Kosovës pajisjet e nevojshme mjekësore dhe burimet njerëzore për të mundësuar të parandalojmë që një krizë shëndetësore të shndërrohet në një katastrofë humanitare.
Sinqerisht,
Albin Kurti
Kryetar i Lëvizjes VETËVENDOSJE!
10 gusht 2020
ka shkruar Kurti.
(A.K.dosja.al)
1 vit nga zgjedhjet e 25 prillit si e shikoni gjendjen e vendit:
SHBA– Ambasada e Shteteve të Bashkuara në Serbi tha më 10 gusht se përzgjedhjet që bën ky vend për blerjen e armatimit, duhet të pasqyrojnë qëllimin e dek...
GJERMANI- Socialdemokrati Olaf Scholz, zëvendës kancelar i Gjermanisë dhe aktualisht ministër finance konfirmoi ditën e sotme se do të kandidojë për për të zëve...
GREQI- Ministri i Jashtëm i Greqisë Nikos Dendias, ditën e sotme ka reaguar në lidhje me vendimin e Turqisë për të rifilluar kërkimin për gaz në Egjeun Lindor. ...
ZELANDË E RE-Zelanda e Re ka shënuar ditën e djeshme 100 ditë pa asnjë rast të ri me COVID-19. Pavarësisht këtij fakti, autoritetet kanë bërë thirrje për k...
KOSOVË– Instituti Kombëtar i Shëndetësisë Publike të Kosovës ka publikuar të dhënat e 24 orëve të fundit për rastet me COVID-19. Sipas njoftimit në 24 orë...
SHBA– Presidenti amerikan, Donald Trump ditën e sotme i ka bërë thirrje qeverisë libaneze që të zhvillojë një hetim të plotë dhe transparent të shpërthimit trag...
MAURITIUS– Të paktën 1000 tonë naftë kanë përfunduar në det pasi anija naftëmbajtëse japoneze “MV W akashio” u ça pas përplasjes me një barrierë koralor...
LIBAN– Kanë kaluar gjashtë ditë prej shpërthimit të fuqishëm në kryeqytetin libanez, ndërsa mediat e huaja kanë bërë me dije se ka shkuar në 200 numri i përgji...
BJELLORUSI-Gazeta prestigjioze gjermane BILD ditën e sotme ka publikuar një artikull mbi zgjedhjet e fundit në Bjellorusi, të fituata nga liderja e opozitës, S...
SHBA-“Park Avenue” është një bulevard shumë i gjatë,rreth 6 mijë km por që ka gjithmonë trafik në veri-jug në New York City. Është një nga rrugët më të nga...
