Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
TIRANE- Pas përfundimit të Kongresit të Partisë, mëritë po bëhen publike nga të gjithë socialistët e vjetër që nuk ishin të ftuar në Kongres. Spikati mungesa e Arta Dades, Shpëtim Gjikës apo Arben Dukës, këta të dy të fundit nuk kanë pa përgjigjie lidershipin e PS.
Arben Duka, i njohur për bejtet e botuara në gazetën Dita, si një nga socialistët më pro Rama ka “shpërthyer” sot me anë të një tjetër bejteje që është botuar tek kjo gazetë.
Duka thotë se nuk u ftua në Kongres, megjithëse ishte një nga socialistët që punoi fort që PS dhe Rama të vinin në pushtet.
Pas tij, një replikë i ka ardhur nga ish-kryebashkiaku i Vlorës, Shpëtim Gjika i cili përgjigjien Dukës dhe Ramës ua ka kthyer në vargje. Duka, nip i bejtexhiut të famshëm Xhebro Gjika e bën sot publik këtë talent, ku me nota të forta ironie thumbon Ramën pse nuk u ftua në Kongres.
Poezia e plotë e Arben Dukës
Se ç’u mblodh Kongresi.
qe një lajm për ne,
mjeri unë i mjeri,
që s’isha atje!
Që s’isha atje,
se s’kisha një ftesë,
gjithë ne veteranëve,
na kanë fshirë me fshesë!
Unë kam qenë dikur,
socialist i parë,
Një ng’ata që Ramën,
e bëmë Kryetar!
Bashkë me Koço Danajn,
malin e patundur,
Ramës konkurrimin,
ia bëmë të mundur!
Një libër për Ramën,
fiks atë ditë qita,
edhe treqind kopje,
në Kongres i shita!
Edhe libri im,
fitues e nxori,
Rama për çudi,
treqind vota mori!
Një mesazh të Koços,
e ruaj dhe sot:
“De-o Arben Duka,
një libër një votë!”
Ky po bën humor,
thoni sigurisht,
por unë ju betohem:
“Flas shumë seriozisht!”
Më ka shkruar Rama:
“Je shumë burrë i mirë,
dhe nesër të pres,
për kafe në zyrë!
Po unë nuk i shkova,
për kafe në zyrë,
atë mavro kafe,
kurrë s’e kemi pirë!
Kurrë ndonjë post,
s’i kërkova unë,
po për Socialisten,
kam punuar shumë!
Që nga ditë e parë,
unë dhe staf i DITËS,
për Partinë e Ramës,
u bëmë rrufepritës!
“Dita” vetëm “Dita”,
gjithë vendin e tundi,
një gazetë e vetme,
gjithë mediat i mundi!
I mundi të gjithë,
në të gjitha planet,
jo vetëm gazetat,
por edhe ekranet!.
Fare pa trokitur,
derë më derë shkuam,
Populli na do,
Ne popullin duam!
Si ca shërbëtorë,
ndofta na menduan,
ndaj u çakërdisën,
kur i denoncuam!
Ishim ne të parët,
ashtu “shërbëtorë”,
që Ramën e kapëm,
me preshin në dorë!
Të parët i thamë,
neve derëziut,
se po bën hatanë,
me njerzit e Saliut?!
Të thamë po ushqen,
Salën kriminel,
se në çdo aferë,
Bashkim Ulaj del!
“Do të hedh në Lanë!”,
Sala ka bërë benë,
e prapë milionat,
prej teje i venë!
S’ju kam tradhtuar,
thua sot aty,
po kjo punë e Ulajt,
s’quhet tradhti?!
Ka në fjalën tënde,
shumë demagogji,
bust i Mit’hat Frashrit,
a s’është tradhti?!
Ridvanin në Bankë,
e dërgove ti,
kjo punë e Bodes,
a s’është tradhti?!
Sot nuk është dita,
por një tjetër hera,
do të numërojmë,
tradhti të tjera!
Meqë sot po hiqesh,
burrë i idealit,
si i heq Stadiumit,
emrin e Qemalit!
Me një Qemal Stafa,
djali legjendar,
çdo shtet e çdo komb,
do ndihej krenar!
Të kishin Qemalë,
vendet perëndimore,
do t’i kishin bërë,
qindra përmendore!
Duket se ke bërë,
ti një pakt me Djallin,
të ngresh Mit’hat Frashërin,
të ulësh Qemalin!
Ne s’na ke armiq,
sot e gjithë jetën,
por problem të madh,
kemi të vërtetën!
Neve kot së koti,
asnjeri nuk ngasim,
po s’thamë të vërtetën,
nga marazi plasim!.
Mos mendo se tënden,
e ke gjithë kopenë,
më të shumtit rrinë,
se s’kanë ku të venë!
Dhe pa ty PS-ja,
ka qenë forcë e parë,
ti Lulit dhe Monës,
ngriju lapidarë!
Populli e sheh,
atë qenëri,
nuk di ku të shkojë,
ndaj dhe vjen aty!
Mos u mburrni shumë,
në Kongres tani,
se nuk kemi parë,
ndonjë mrekulli!
Më të shumtit punës,
haberin s’ja dinë,
këtu përjashtoj,
sot Erion Velinë!
Ai meriton,
fjalët më të mira,
sepse në Tiranë,
ka bërë mrekullira!
E fiton Tiranën,
për herën e dytë,
në fushatë zgjedhore,
ka kthyer çdo ditë!
Erioni ja vlen,
më të mirë nuk presim,
ndaj ne fuqimisht,
Atë do mbështesim!
Po punë të mbarë,
paçi në Kongres,
edhe pse për mua,
s’gjetët dot një ftesé!?
Postimi i plotë i Shpëtim Gjikës:
Arben Dukës miqësisht me vargjet e mia modeste !
Tung o Arben Duka
Më bëre të llois
Se aq mirë sa ty
Fjalët s’i radhis
Tani pas Kongresit
Ndonjë llaf ta themi
Se ne veteranët
Vetëm fjalën kemi
Për ne veteranët
Mbase mirë do ishte
Jo në presidium
Të paktën një karrige
Pa shumë pretendime
Nuk donim kolltuk
Vetëm të dëgjonim
Se jemi të urtë
Nuk bëhej qameti
Vetëm për një ftesë
Që dhe veteranët
Të ishin në Kongres
Të ishin si fasadë
O ti Arben Duk’
Jo për të llafosur
Thjesht sa për fejsbuk’
Shpresoj o miku im
Në se jemi gjallë
Në Kongresin tjetër
Të jemi në ballë
Tani s’kemi nge për llafe
Kemi një fushatë
Socialistët punë
Rilindasit gallatë
Puna do vazhdojë
Të rinj e veteranë
Të fitojmë zgjedhjet
Nga Vlora në Tiranë
Dhe pasi të fitojmë
Me punë ditë e natë
Të dyve do na thonë
Keni grirë sallatë
Sh.Gjika Vlorë, më 24 Mars 2019!
Ditën e djeshme, Partia Socialiste mblodhi Kongresin, që zgjati plot 8 orë. Në këtë Kongres u konfirmua kandidatura e Erion Veliajt në Tiranë dhe 6 emra të tjerë si kandidatë të PS në rrethe. (Lexo këtu)
(B.B/ Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
SHKODËR- Kryeministri Edi Rama, gjatë mitingut ku u konfirmua rikandidimi i Erion Veliajt për Bashkinë e Tiranës, deklaroi se me 1 korrik edhe bashkitë e d...
TIRANË- Në përvjetorin e 20-të të sulmeve ajrore të NATO-s mbi Serbinë, ka reaguar edhe Presidenti i Shqipërisë, Ilir Meta.Me anë të një postimi në rrjetet...
TIRANË- Një ngjarje e paprecedentë mësohet të ketë ndodhur ditën e djeshme në mitingun e zhvilluar pas konfirmimit të Erion Veliajt si kandidat për një man...
TIRANË- Partia Demokratike dhe LSI-ja kanë kundërshtuar, vendimin e Gjykatës së Tiranës për të mbajtur në burg, tre nga protestuesit e opozitës të arrestua...
Mesazhi i sotëm i Presidentit të Greqisë, Prokopis Pavlopulos për festën kombëtare të 25 marsit, nuk la pa përmëndur edhe Shqipërinë,duke theksuar se rruga e in...
Pas hapit të parë për një pikë të përbashkët kufitare, hapi i dytë ishte nënshkrimi i një marrëveshje më 29 dhjetor të vitit të kaluar mes Kosovës dhe Shqipëris...
TIRANË– Kreu i grupit Parlamentar të LSI, Petri Vasili ka reaguar nëpërmjet një shenimi në rrjetin social “Facebook” ndaj situatës politike në të cilën ndo...
TIRANË- Një ditë pas konfirmimit të Veliajt si kandidat për kryetar të bashkisë Tiranë, Partia Demokratike ka bërë të ditur sot se kryebashkiaku Veliaj dhe...
Tiranë- Për përgjimet e reja të Ervin Salianjit për dosjen “Babale”, Çlirim Gjata, Sekretari Ligjor në Partinë Demokratike nga selia e PD-së është shpreh...
Nuk ka nevojë për prezantim po të thuhet “mami i Lali Erit”. Është ajo që me kursimet e pensionit pagoi dasmën madhështore në Kalanë e Gjirokastërs, por ës...
