Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Sulmuesi i kombëtares shqiptare, Sokol Cikalleshi ka dhënë eksperiencën e tij në lidhje me lojtarët turk, ku ka treguar ‘hile’ se si ti mundim kundërshtarët sot në ‘Loro Boriçi’
Cikalleshi tregon edhe opinionin e krijuar në Turqi për skuadrën tonë kundërshtare dhe rëndësinë që ka kjo ndeshje referuar objektivit kualifikim drejt Europianit “Euro 2020”.
Cikalleshi, keni pësuar një dëmtim muskulor në kofshë që ju mban jashtë prej disa ditësh. Si po shkon rikuperimi?
Rikuperimi po shkon shumë mirë. Ka kaluar rreth dy javë që nga dëmtimi dhe mendoj se pas një jave mund të futem që të stërvitem plotësisht me skuadrën. Jam duke u riaftësuar me terapi dhe ushtrime dhe po pres me padurim që të zbres në fushë për të ndihmuar sadopak skuadrën në këtë situatë të vështirë ku ndodhet.
Çfarë ndjesie është që të mos jeni në grumbullimin e Kombëtares?
Ndjesitë nuk janë të mira. Unë dua që të jem atje, pasi dua që të ndihmoj Kombëtaren si brenda dhe jashtë fushe.
Çfarë ju mungon konkretisht nga grumbullimi me kuqezinjtë?
Më mungon takimi me shokët dhe sporti që i japim njëri-tjetrit, pasi atje jemi një grup i mirë që japim gjithçka dhe bëjmë gjithçka për të mirën e Kombëtares.
Ju e njihni më mirë se kushdo kundërshtarin, si vjen Turqia në këtë ndeshje dhe çfarë pikash të forta ka? Turqia, ashtu si ne, në periudhën e fundit ka pasur oshilacione me ulje dhe ngritje. Sidoqoftë, ajo mbetet një nga kombëtaret më të rrezikshme që kemi ne në grup, pavarësisht kësaj.
Ka lojtarë cilësorë që mund të bëjnë diferencën nga momenti në moment. Me ardhjen e tij në stol, trajneri i ri Gynesh ka kthyer në kombëtare disa nga emrat e njohur të Turqisë. Mendoj se, edhe pse është në moshë madhore, Emre Belezoglu është një prej futbollistëve më kyç të kombëtares sepse edhe në Turqi po bën një kampionat shumë të mirë me Bashakshehirin, është lideri i tyre dhe po i çon drejt titullit kampion.
Po ashtu kanë në sulm Burak Ilmaz. Kanë në portë një portier shumë të mirë dhe do të jetë një ndeshje shumë e luftuar. Megjithatë, do të doja që ne të bënim një lojë të mirë dhe të tregonim vlerat tona. Gjithashtu, uroj që Turqia të jetë në një ditë jo dhe në fund të jemi ne që ta fitojmë këtë ndeshje.
Luani prej vitesh në Turqi, si mund t’i shënohet portierit turk?
Kam luajtur me portierin Mert te Bashakshehir dhe e njoh shumë mirë. Ai has vështirësi në lojën me këmbë dhe në goditjet tokazi.
A keni një sugjerim për shokët e repartit te Shqipëria?
Në momentin që portierit do t’i kthehet topi pas nga mbrojtësit turq, ne duhet ta presojmë dhe të mos e lejojmë që të luajnë lirshëm. Sepse duke presuar, ai mund të çekuilibrohet dhe të krijohen situata në favorin tonë.
Ju ndiqni edhe mediat apo opinionet në Turqi, si e komentojnë Shqipërinë?
Komentet gjatë këtyre ditëve e konsiderojnë Shqipërinë një kundërshtar shumë të rrezikshëm. Duke qenë se ndodhemi pak a shumë në gjendje të njëjtë, këtu mendojnë se cilado prej ekipeve që do ta fitojë këtë ndeshje, do të bëhet siç themi edhe ne në Shqipëri “me krahë” dhe një fillim i mbarë për vazhdimësinë e grupit. Ata e dinë dhe e ndiejnë forcën e Kombëtares sonë, na mendojnë shumë të përgatitur dhe kjo vihet re gjerësisht nga komentet dhe opinionet mediat turke. E kanë pranuar që do të jetë një ndeshje e vështirë kundër Shqipërisë.
A ka një pikë të dobët Turqia, që duhet ta kemi parasysh?
Në fazën mbrojtëse, Turqia ka pasur gjithmonë ndryshime dhe nuk po gjen lojtarët fiks të këtij reparti. Mendoj se ky mund të jetë një aspekt që duhet ta shfrytëzojmë më së miri.
Ju ishit duke firmosur një kontratë të rëndësishme, por Panuçi ju refuzoi kërkesën për t’u vonuar në grumbullim. Së fundmi përjashtoi Strakoshën për një vonesë të avionit. Çfarë menduat kur trajneri mori këtë vendim edhe kundrejt portierit?
Situata ime me trajnerin i përket së shkuarës. Çdo gjë është sqaruar dhe çdo koment, tashmë është i tepërt. Sa i përket situatës së Strakoshës, të them të drejtën e kam mësuar vetëm nga mediat dhe nuk e di ngjarjen me detaje se për çfarë bëhet fjalë.
Është vonuar për të arritur avionin…
Për mendimin tim, nuk mund të jap një opinion të saktë, referuar çfarë thashë më sipër. Më mirëkuptoni.
Ermir Lenjani ka deklaruar se “sa të jetë Panuçi trajner, nuk vij më në Kombëtare”. Si e komentoni këtë vendim dhe deklaratë të tij?
Lenjani është një lojtar profesionist dhe një shok shumë i mirë. Por, deklarata të tilla janë tepër personale dhe çdo koment është i tepërt.
A keni një parashikim për ndeshjen?
Meqë ma kërkoni, unë po e bëj edhe një parashikim. Duke u nisur edhe nga ajo çfarë më do zemra, them që fitojmë ne 1-0.
Autori i golit?
Do ishte e tepërt ta gjeja edhe këtë, sepse s’jam magjistar (qesh…). Uroj shumë dhe dua shumë të fitojmë.
Intervista nga Panorama Sport.
B.N/dosja.al
Tirana është boshatisur për ditët e pushimit. Cilën nga ritet e shenjta po ndiqni:
Lionel Messi i mahniti të gjithë me paraqitjen e tij kundër Real Betisit kur shënoi tri gola njëri më i bukur se tjetri.Pavarësisht kësaj, gazetari i njohur Tam...
Uefa ka ngarkuar me faj Neymarin për shpërthimin e tij në rrjetet sociale pas skualifikimit të Paris Saint Germain në ndeshjen me Manchester United.27 vje&ccedi...
SHKODËR– Shqipëria do të përballet mbrëmjen e sotme me Turqinë në kuadër të rrugëtimit për në “Euro 2020”. Ndeshja do të nisë në orën 20:45 dhe do të luhet...
Sot në orën 20:45 në “Loro Boriçi” do të zhvillohet ndeshja Shqipëri-Turqi, takim ky i vlefshëm për kualifikueset e “Euro 2020”.Shkolla turke, Medreseja ...
Menjëherë pas ndeshjes ndaj Betis, të dielën e kaluar, trajneri i Barcelonës, Ernesto Valverde u ka komunikuar futbollistëve të tij vendimin nëpërmjet të cilit ...
Lajmi i mirë për Shqipërinë dhe i keq për Turqinë. Mesfushori i ish-skuadrës së Cikalleshit, Istambul Basaksehir, Kahveci, është dëmtuar në stërvitje dhe nuk do...
Është mbyllur me rezultatin 2-2 ndeshja mes Kosovës dhe Danimarkës. Danezët arritën të barazonin vetëm në minutën e parë shtesë me Pierre-Emile-Hojbjerg. P...
Edhe pse Barcelona ka bërë blerje të zgjuara shumicën e kohës, ka pasur dhe disa dështime. Njëri prej tyre mund të quhet Andre Gomesh, i cili u ble nga Valencia...
Kosova dhe Danimarka do t’i masin forcat në një ndeshje miqësore që zhvillohet nga ora 19:00 në stadiumin ‘Fadil Vokrri’.Në portë do të jetë Arijanet Muri&ccedi...
Trajneri i kombëtares, Christian Panucci ka folur për mediat në lidhje me ndeshjen që do zhvillohet nesër mes Shqipërisë dhe Turqisë.Ai i është përgjigjur pytje...
