“Keqinterpretuan fjalën time dhe u zaptua zemra e Thethit”/ Rama: Paketa e Maleve nuk është për biznesmenët dhe as për oligarkët
“Unë kam thënë që do legalizojmë ndërtimet e vjetra”/ Rama: Keqinterpretuan fjalën time dhe u zap...
“Unë kam thënë që do legalizojmë ndërtimet e vjetra”/ Rama: Keqinterpretuan fjalën time dhe u zap...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
LONDER – Anglia dhe Gjermania do të përcaktojnë përfaqësuesen e parafundit çerekfinaliste të edicionit të 16-të të Kampionatit Evropian dhe dy vendet i rikthehen rivalitetit të vjetër ndërmjet tyre, me një përballje të shumëpritur dhe tepër emocionuese, që është e treta në fazat finale të kompeticionit më të rëndësishëm të Kontinentit të Vjetër në rang përfaqësuesesh.
Këto dy ekipe kombëtare ritakohen në një sfidë kompetitive për herë të parë pas plot 11 vjetësh, më saktë që nga 27 qershori i vitit 2010 në botërorin e Afrikës së Jugut, në “Bloemfontein”, ku “Mannschaft”-i triumfoi me rezultatin e thellë 4-1 ndaj “Tre Luanëve” të Fabio Capello-s, duel i famshëm ku kryesori uruguaian, Larrionda, bashkë me asistentët e tij, i mohuan një gol të qartë mesfushorit Frank Lampard, ndonëse topi i goditur nga numri 8 i anglezëve e kaloi me afërsisht treçerek metri vijën e portës, në rrethana tepër të veçanta që do të vlenin golin e barazimit që në pjesën e parë, pavarësisht se “Panzer”-at kishin dominuar pothuajse gjatë gjithë fraksionit hapës të atij takimi.
Anglia do të presë kështu Gjermaninë, pasi i mbylli tri sfidat e para të fazës së grupeve pa pësuar as gol. Për herë të fundit “Tre Luanët” ia kishin dalë për të kaluar në fazën e sfidave me eliminim të drejtpërdrejtë në një aktivitet madhor më shumë se gjysmë shekulli më herët, më saktë në Kupën e Botës së vitit 1966, pra pikërisht në botërorin që e organizuan vetë dhe që përfaqëson njëherësh edhe suksesin e vetëm të kombëtares angleze në këtë sport.
Duke përfshirë edhe sfidën e Afrikës së Jugut në fazën e 1/8 Anglia ka fituar vetëm 1 nga 5 përballjet e fundit mes tyre, por gjithsesi katër sfidat e fundit kanë qenë thjesht ndeshje miqësore dhe “Tre Luanët” vazhdojnë të krenohen me suksesin e 26 marsit të vitit 2016, kur Anglia e Roy Hodgson-it përmbysi disavantazhin e fraksionit hapës për të triumfuar përpara 71.400 spektatorëve me shifrat 3-2, brenda në “Olympiastadion” të Berlinit. Takimi i fundit ndërmjet tyre është luajtur po në Wembley, katër vjet më parë, ku dy ekipet zhvilluan një ndeshje zhgënjyese, duke barazuar pa gola, përpara 81.300 të pranishmëve.
Anglia pra nuk ka pësuar asnjë gol, por në krahun tjetër “Tre Luanët” kanë shënuar thjesht dy të tillë. Vendasit kanë pasur gjatë gjithë kohës avantazhin e faktorit fushë dhe pas vendit të parë në Grupin D ekipi i drejtuar nga trajneri Gareth Southgate do të ketë privilegjin për të luajtur sërish në stadiumin e mirënjohur londinez. Në kryeqytet, në një lojë pothuajse të barabartë, anglezët mposhtën 1-0 Kroacinë, falë një goli të realizuar nga Raheem Sterling në fillimin e pjesës së dytë, ndërsa me Skocinë “Tre Luanët” nuk goditën asnjëherë në kuadrat gjatë 45’ të para dhe e përfunduan takimin me vetëm një gjuajtje në portë.
Pas barazimit me rrjeta të paprekura me Skocinë vendasit ia dolën për të mundur minimalisht 1-0 Republikën Çeke, falë një tjetër goli të sulmuesit të Manchester City-t, Raheem Sterling, por gjithsesi edhe në këtë ndeshje anglezët nuk tentuan asnjëherë drejt portës kundërshtare, gjatë gjithë fraksionit të dytë të lojës.
Në krahun tjetër, “Nationalelf” është shfaqur me shumë luhatje, megjithëse, për hir të së vërtetës, “Panzer”-at ishin shortuar në një grup të hekurt. “Mannschaft”-i pati favorin për t’i zhvilluar të tria takimet në “Allianz Arena” të Mynihut, sidoqoftë në takimin hapës vendasit ishin me shumë shumë fat që e humbën ndeshjen me vetëm një gol diferencë, pavarësisht faktit që francezët nuk shënuan vetë por kampionët në fuqi të botës triumfuan falë një autogoli të qendërmbrojtësit Mats Hummels, i pari që ka shkaktuar Gjermania në fazën finale të një kampionati evropian.
Në takimin e dytë skuadra e drejtuar nga trajneri Joachim Low dominoi Portugalinë, duke fituar 4-2, ndërsa në sfidën përmbyllëse vendasit e panë veten jashtë Evropianit për plot një orë lojë dhe “Mannschaft”-i ia doli për të shënuar golin e kualifikimit vetëm në 84’, me anë të mesfushorit të Bayernit, Leon Goretzka.
Te Anglia bie në sy shterpësia e kapitenit Harry Kane, sidoqoftë dilema të mëdha janë ngritur gjithashtu edhe në lidhje me dyshen Mason Mount – Ben Chilwell, të cilët qëndruan të izoluar deri një ditë përpara këtij takimi për të respektuar masat anti-covid. “Tre luanët” kanë humbur katër sfidat e fundit me eliminim të drejtpërdrejtë në këtë aktivitet, ndonnse kanë shënuar të parët brenda 5’ të para në plot tri prej këtyre ndeshjeve.
Në 11 sfidat kompetitive Evropian plus botëror Gjermania kryeson bilancin me 4 fitore, 4 barazime e 3 humbje, ndërkaq duke shtuar edhe sfidat miqësore statistikat e përgjithshme të 32 ndeshjeve janë krejtësisht të barabarta me nga 13 fitore për secilën prej tyre dhe 6 barazime. Takimi Angli – Gjermani do të mbahet pra në Wembley, në orën 18:00, dhe do të drejtohet nga kryesori holandez Danny Makkelie, ndërkohë dueli tjetër që mbyll përfundimisht fazën e 1/8 Suedi – Ukrainë do të luhet në mbrëmje, në orën 21:00 në “Hampden Park” të Glasgow-t, dhe do të drejtohet nga italiani Daniele Orsato.
B.T (Dosja.al)
Iftar dhe politikë, a u prek Muaji i Ramazanit nga politikanët?
BUKURESHT – Përballja mes Francës dhe Zvicrës ka prodhuar shumë emocione jo vetëm sa i përket golave dhe spektaklit brenda fushës së lojës, por edhe në sh...
BRITANI E MADHE– Sot në Londër do të luhet një tjetër ndeshje drithëruese, e cila do të përcaktojë një nga skuadrat e 1/8 të Euro2020. Bëhet fjalë për nde...
BRAZIL – Janë zhvilluar në mëngjesin e sotëm edhe dy takimet e fundit në grupin A të “Copa America”, event që sikur dihet është duke u zhvilluar në Brazil.Në “A...
DANIMARKE – Në ndeshjen e 1/8-ve, në “Parkar” të Kopenhagenit, Zvicra eliminoi francën nga vazhdimi i “Euro2020”. Pasi 90 minutat u mbyllën me rezultatin ...
DANIMARKE – Kapiteni i Zvicrës, Granit Xhaka është shprehur krenar për kalimin e helvetëve në turin çerekfinal të “Euro2020”. Veç të tjerash...
DURRES – Nevil Dede, pas eksperiencës te Tirana në Superiore, do të rikthehet sërish në pankinë dhe këtë herë për të drejtuar skuadrën e Erzenit në Kategorinë e...
BUKURESHT- Surpriza e madhe vjen nga Bukureshti, Zvicra eliminon Francën me penallti (5-4) në një mbrëmje të çmendur! Koha e rregullt përfundoi me rezult...
DANIMARKË– Spanja kalon në çerekfinale të kampionatit Europian. Skuadra iberike mposhti Kroacinë në një ndeshje të çmendur që zgjati 120 minu...
DANIMARKË-Kroacia dhe Spanja janë duke matur forcat në takimin e tyre për fazën e 1/8-ve.{"videoid":"1624897318478","type":50,"ratio":0.75}20′ E pabe...
BELGJIK – Belgjika kundër Italisë do të jetë njëra nga çerekfinalet më interesante të Kampionatit Evropian.Të dyja këto skuadra kombëtare kanë treg...
