Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Një numër shumë i vogël i tifozëve shkuan në Stadiumin Fadil Vokrri, i cili zë 14 mijë tifozë, për ta parë këtë ndeshje, që është e pazakontë duke e ditur përkrahjen që ekipi kombëtar dardan gëzon kur luan në shtëpi.
KOSOVË- Kosova është duke u përballur me Izraelin këtë mbrëmje në një ndeshje kualifikuese për Euro 2024 nën masa të rrepta sigurie në Prishtinë, e cila është e para për kombëtare izaelite prej se nisi lufta mes Izraelit dhe grupit palestinez Hamas - i shpallur organizatë terroriste nga Shtetet e Bashkuara të Amerikës dhe Bashkimi Evropian - më 7 tetor.
Autoritetet kosovare i rritën masat e sigurisë prej kur futbollistët izraelitë mbërritën në Kosovë të premten dhe i shtoi ato në ditën e ndeshjes të dielën, duke bllokuar rrugët përreth stadiumit Fadil Vokrri dhe duke kryer kontrolle të rrepta për tifozët me bileta. Ajo njoftoi se do të ndalohet “çdo material promovues racist, ksenofobik, politik, fetar.”
Ndeshja ishte paparë të luhej më 15 tetor, por u shty për 12 nëntor pasi luftëtarët e grupit radikal palestinez i sulmuan qytetet e Izraelit jugor, duke i vrarë rreth 1.200 njerëz dhe duke i rrëmbyer mbi 240 të tjerë. Ky sulm nxiti luftë dhe bombardime të pareshtura hakmarrëse të Izraelit në Rripin e Gazës.
Një numër shumë i vogël i tifozëve shkuan në Stadiumin Fadil Vokrri, i cili zë 14 mijë tifozë, për ta parë këtë ndeshje, që është e pazakontë duke e ditur përkrahjen që ekipi kombëtar dardan gëzon kur luan në shtëpi.
Por, forma e dobët e kombëtares dhe moti i keq, si dhe rrethanat në të cilat po zhvillohet ajo mund të kenë ndikuar.
Pak orë para ndeshjes, një slogan i madh me mbishkrimin “Free Palestine”, apo në shqip “Liri për Palestinën”, u vendos në ndërtesën e Hotelit Grand në qendër të qytetit pranë një flamuri ukrainas nga grupi aktivist Kolektivi për Mendim dhe Veprim Feminist - por u hoq shpejt.
Disa ditë para kësaj ndeshjeje, një grup pro-palestinez kishte kërkuar leje për protestë paqësore në ditën e ndeshjes, por Policia e hodhi poshtë kërkesën e tyre për shkaqe sigurie.
Trajneri dhe kapiteni i Izraelit thanë të shtunën se ekipi kombëtar i Izraelit ndihet i "sigurt dhe i rehatshëm" në Kosovë.
Kosova është pothuajse e pashpresë në përpjekjet e saj për ta siguruar pjesëmarrjen në një turne të madh për herë të parë në historinë e ekipit kombëtar, prej pranimit të saj në FIFA dhe UEFA më 2016.
Milot Rashica e kaloi Kosovën në epërsi 1:0 pak para pushimit mes pjesëve, duke i ikur mbrojtjes vizitore pasi u asistua nga sulmuesi Vedat Muriqi.
Verdhekaltrit kanë ngelur shumë mbrapa rivalëve në garë për Kampionatin Evropian 2024, i cili mbahet në Gjermani verën e ardhshme, megjithëse matematikisht ende në lojë.
Edhe në rast fitoreje, Kosova do të mbetej në vendin e katërt në Grupin I kualifikues me 10 pikë, pra gjashte dhe pesë pikë larg dy vendeve të para në grup që çojnë në Euro 2024, të cilat mbahen nga Rumania dhe Zvicra, përkatësisht. Ajo do t'i ketë edhe dy ndeshje deri në fund të fushatës kualifikuese.
Në këtë ndeshje, kombëtares kosovare i mungojnë disa lojtarë kyçë, si kapiteni Amir Rrahmani dhe sulmuesi Edon Zhegrova.
Derisa Kosova pothuajse nuk ka për çfarë të luajë, Izraeli ka shumë arsye për fitore.
Jo vetëm që është në lojë për kualifikim, por ajo dëshiron fitore edhe për izraelitët në atdhe, midis luftës së vazhdueshme mes vendit të tyre dhe Hamasit. Izraeli ka 11 pikë, katër larg vendit që dërgon në Euro 2024.
I pyetur në një konferencë për media në Prishtinë të shtunën nëse kjo ndeshje është barrë për ta, trajneri i Izraelit Alon Hazan e cilësoi atë si mundësi për t’i bërë izraelitët në atdhe të lumtur në një kohë të vështirë lufte.
“Kjo nuk është barrë për ne, ne e dimë se çfarë po përfaqësojmë dhe ne do të bëjmë gjithçka që mundemi për ta fituar këtë ndeshje dhe të sjellim gëzim te populli ynë. Kjo nuk është diçka që mund ta ndaloj ekipin kombëtar, duhet të jetë diçka që i frymëzon lojtarët”, tha Hazan.
Trajneri i Kosovës, Primoz Gliha, tha se lufta Izrael-Hamas nuk duhet të ndikojë në këtë ndeshje dhe se për të nuk është diçka e jashtëzakonshme të luash futboll në kohë lufte.
“Për mua, [nuk ndikon] jo aspak, sepse kjo është jeta, ne kemi pasur luftë në Jugosllavi, kemi luajtur në kushte të ngjashme. Por, futbolli është futboll. Jam shumë i pikëlluar për këtë [luftë]”, tha Gliha, i cili luante si futbollist profesionist për Dinamon e Zagrebit kur atdheu i vet, Sllovenia, u pavarësua nga ish-Jugosllavia në vitin 1991.
Marrë nga REL
TIRANE - Mesditën e djeshme në ndeshjen e Kategorisë së Parë mes Apolonisë dhe Vorës, ku skuadra fierake ka fituar me fitore ...
FIER - Një 35-vjeçar është shpallur në kërkim nga policia e Fierit, pasi ditën e djeshme pas përfunditmit të ndes...
TIRANE - Ndarja nga jeta e Raphael Dwamenas ka tronditur të gjithë. Një arrest kardiak i mori jetën 28-vjeçarit, i cili mbylli syt&...
GUATEMALA - “Çmenduri” me Lionel Messin në Guatemalë. Futbollisti argjentinas u transferua te Inter Miami ...
TURQI - Odise Roshi ka qenë vendimtar në përballjen e sotme të Sakariasporit kundër Bolusporit. Ekipi i lojtarit fierak ka fituar me s...
ANGLI - Chelsea-Manchester City është super sfida e javës së 12-të në Premier League, takim që nis në orën 17:30 ...
SPANJE - Këtë të dielë, Real Madridi shkarkoi Niko Mihic, kreun e departamentit mjekësor të klubit ‘los blancos&r...
ITALI - Pikërisht si sot 13 vite më parë u luajt derbi i famshëm i Milanos në të cilin golashënuesi i njohur suedez Zl...
ITALI - Stefano Pioli është i dëshpëruar me numrin e madh të dëmtimeve që kanë prekur skuadrën e Milanit kët&e...
ITALI - Ngjarjet përsëriten. Ashtu si pas pushimit të fundit për ekipet kombëtare, De Laurentiis e gjen veten duke vle...
