Berisha: Çdo demokrat e ka vendin te protesta, sloganet kundër nesh janë vepër e veglave të qeverisë 13 Qershor...
“Rama në burg, Berisha në burg"/ Tensione në Rrjoll, banorët përplasen me policinë 13 Qershor, 11:20 ...
"Duhet me shku në Zvërnec me pa ato pronat"/ Adrian Rama dhe Artur Shehu takime në Stamboll në 2020: Vila po më thot&eu...
“Me çfarë do ta bëjnë mirëqenien këta patriotët?”/Rama: Shqipëria e 2030 do jetë...
“Zgjedhjet e Europianit do të jenë të vështira, por atë vuajtje le ta lë për muajin maj. Tani të fokusohemi te Kili dhe Suedia. Nuk e kam mendjen te lista finaleve”.
TIRANE - Trajneri i kombëtares, Sylvinho foli në konferencë për shtyp para grumbullimit për dy ndeshjet miqësore ndaj Kilit dhe Suedisë, respektivisht më datë 22 dhe 25 mars. Tekniku i kuqezinjve shpjegoi me më shumë detaje emrat në listën e të grumbulluarve.
Muja dhe Daku jashtë, dhe grumbullimi për Arbër Hoxhën? “Në sulm ka shumë dhimbje koke që është normale për mua. Muja, Daku dhe Gjasula janë të rëndësishëm, i kemi në konsideratë, por unë nuk mund të grumbulloj 30 lojtarë.
Duhet të shohim edhe lojtarë që vijnë për herë herë të parë me mua si Manaj, për Brojën është hera e dytë. Hoxhën e ndiqnim për tre muaj, luan në të majtë. Duhet të ndjekim lojtarët. Nuk ishte e lehtë. Në sulm ka shumë dhimbje koke që është normale për mua.
“Jam i kënaqur me ekuilibrin e skuadrës në ofensive dhe në aspektin difensiv. Kemi pasur një nga mbrojtjet më të forta, të gjithë kanë punuar dhe ndihmuar në fazën defensive. Lojtarin e vëzhgojmë në çdo moment të stërvitjes dhe jo vetëm në ndeshje, është një proces që nis sapo vjen lojtari.
Ne nuk i cilësojmë ndeshjet si miqësore dhe kemi kundërshtarë të fortë përballë, luajmë kundër Kilit me lojtarë të fortë. Kanë emra si Sanchez apo Vargas. Të njëjtën mund të them edhe për Suedinë, janë të fortë individualisht me lojtarë që luajnë në klube si Manchester United, Atalanta, Tottenham”.
“Kur punojmë për ndeshjen nuk futemi për të barazuar, por për të fituar, nuk bëj llogari. E mbaj mend në ndeshjen me Moldavinë kur më thonin se na duhet vetëm një pikë, por nuk mendoj kështu kur futem në ndeshje.
Ne punojmë për të fituar, pastaj mund të barazojmë apo humbasim. Ajeti dhe Ismajli janë të dëmtuar, kemi folur me doktorët dhe me vetë lojtarët. Iu vjen keq, por nuk mund të rrezikojmë. Tani rikthehet Kumbulla, është Mersinaj Veseli duhet t’i shohim të gjithë. Punohet për të fituar, unë nuk e njoh fjalën miqësore”.
A do luani me dy sulmues meqë janë grumbulluar shumë të tillë, po për rinovimin? “Është një moment i rëndësishëm për të vëzhguar lojtarë, në kombëtare nuk mund të humbet kohë, çdo stërvitje ka rëndësi. Në çdo stërvitje provojmë dhe do të shohim ku lojtarët gjenden mirë me njëri-tjetrin, të shohim.
Kontrata? Kemi një raport shumë të mirë me Federatën, por ne të gjithë mendojmë për Europianin. Ka shumë punë për të bërë, pas këtyre miqësoreve do të flasim më shumë edhe për kundërshtarët në grupe. Ne mendojmë të gjithë për Europianin, nuk ka kohë për këtë situatë”.
Lojtarët që nuk luajnë më rregullisht, Bajrami, Seferi, Kumbulla apo Broja, ju shqetëson kjo situatë? “Nuk mund të them që jo, por kështu është jeta e një futbollisti. Sa më shumë të luaj aq më mirë, por nuk i them lojtarëve të ndryshojnë apo jo skuadër. Sepse sa më shumë të luajë aq më mirë vjen në kombëtare. Por, nuk kam çfarë të bëj. Nuk them se nuk më shqetëson, më shqetëson.
Po, pres që lojtarët të zbresin në fushë dhe të bëjnë mirë, shumë mirë. Kemi lojtarë që njihen, por kemi edhe lojtarë që luajnë në klube më të vogla. Të cilët mund të shpërthejnë, si në rastin e Asanit. Mund të kemi surpriza.
Kjo është ëndrra e çdo trajneri: të marrë një lojtar dhe të rrisë nivelin e tij. Do të kemi surpriza. Ai që kam në mendje, që mund të më surprizojë, është ende i vogël. Vetëm 14 vjeç.
Duhet të vijojmë të menaxhojmë lojtarët siç kemi bërë deri tani. Kjo është puna. Edhe gjatë eliminatoreve kishim lojtarë që nuk luanin në klubet e tyre, por e menaxhuam situatën.
Berisha, Strakosha dhe Kastrati, i kam grumbulluar të tre. Ka luajtur Berisha, por edhe Strakosha. Të dy kanë bërë mirë, kanë zhvilluar paraqitje pozitive.
Kastratin doja ta shihja me Bullgarinë, por e kapi gripi, më vjen keq. Pasi doja ta shihja në fushën e lojës. Duhet t’i menaxhojmë dhe t’i përmirësojmë lojtarët.
Punojmë në stërvitje, por edhe me video. Që t’ua bëjmë më të thjeshtë lojtarëve, që të jenë sa më të përgatitur kur të zbresin në fushë.
Daku? Nuk e kam zakon të flas me lojtarët që kanë mbetur jashtë pas publikimit të listës. Ne e sollëm në Kombëtare Dakun, unë e afrova për herë të parë. Dhe ai bëri mjaft mirë.
Ka bërë një rrugëtim të bukur, ka luajtur shumë mirë. Por dua të shoh lojtarë të rinj tani. Daku ka bërë mirë, edhe Muja ka bërë mirë. Gjithashtu edhe Gjasula, një ‘veteran’.
Nuk është se nuk bëjnë pjesë në planet tona, por nuk mund të merrnim 40 lojtarë në miqësore. Të shohim në maj.
Ata duhet të luftojnë për hapësirat e tyre. E di që lojtarët mërziten, por zgjedhjet përfundimtare do të bëhen në maj.
Unë dhe stafi im e kemi vlerësuar shumë mirënjohjen dhe dashurinë e shqiptarëve. Të gjithëve u them që ne luajmë për popullin. Është bukur.
Kam punuar edhe te Brazili, tani te Shqipëria. Ne luajmë për popullin dhe njerëzit. Është fantastike të punosh me Kombëtaren.
Euro 2024? Është spektakolare të luajmë në Europian. Punojmë çdo ditë për t’u përmirësuar. Do të jetë bukur”.
“Kili&Suedi? Janë dy ndeshje shumë të rëndësishme. Çdo lojtar ka historinë e ardhjes deri këtu. Është momenti që ne të provojmë sa më shumë elementë.
Manaj-Broja? Kemi një rrugëtim përpara, do të luajmë këto dy ndeshje, në të cilat jemi shumë të përqendruar. Jam shumë i karikuar në punën time dhe në vëzhgimin e Manajt dhe Brojës.
Duhet të rritim nivelin tonë të lojës në çdo drejtim, sepse do të përballemi në Europian me kundërshtarë të nivelit të lartë.
Zgjedhjet e Europianit do të jenë të vështira, por atë vuajtje le ta lë për muajin maj. Tani të fokusohemi te Kili dhe Suedia. Nuk e kam mendjen te lista finale e Europianit”, tha ndër të tjera ai.
Frikë? Jo, kurrë. Nuk kam frikë nga impakti që do të kenë lojtarët e rinj. Kombëtarja është e hapur, e kam thënë që në fillim. Nuk jemi një klub me 23-24 lojtarë, që pret merkaton për t’u përforcuar.
Raporti në dhomat e zhveshjes është shumë i mirë. Dhe as që jam i shqetësuar për këtë aspekt.
Kemi rastin e Hoxhës, të cilin e ndjekim prej 3 muajsh. Nuk është i vetmi, kemi ndjekur edhe lojtarë të tjerë. Dera është e hapur për të gjithë”.
B.T (Dosja.al)
ITALI - Këtë të premte, Roma ka lëshuar një deklaratë, ku konfirmon vërtetësinë e një rasti të diskutue...
SPANJE - Përplasja mes Real Betis dhe Celta në ndeshjen e 31-të të La Ligës është shtyrë për ...
SPANJE - Thibaut Courtois dhe Eder Militao janë tashmë në fazën e fundit të rikuperimit, në fazën e shokut siç ...
TIRANE - Sylvinho, trajneri i Kombëtares, po flet në “Shtëpinë e Futbollit” për ndeshjet miqësore ndaj Kilit dhe Suedi...
ARABIA SAUDITE - Al Nassr iu rikthye fitoreve në kampionatin saudit këtë të premte, me golin e Cristiano Ronaldos. Sulmuesi portugez ...
ANGLI - Këtë fundjavë, Chelsea do të përfshihet në çerekfinalet e Kupës FA kundër Leicesterit, pas...
ITALI - Pavarësisht se është tetëmbëdhjetë vjeç dhe ka fituar përvojë nga disa seanca praktike falas, pilo...
Lois Openda, autore e një dyshe kundër Këlnit GJERMANI - Këlni do të ketë zgjatur vetëm një periudhë kët&...
ITALI - Janë 28 lojtarë të thirrur nga trajneri Luciano Spalletti për ndeshjet miqësore në SHBA kundër Venezuelës dhe ...
GJERMANI - Vera e ardhshme premton të jetë plot ngjarje për Liverpool-in. ‘Reds’ do t'i thonë lamtumirë trajner...
