Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Një ish-lojtar i Arsenalit, që dikur u cilësua si ‘Thierry Henry i ri’, tani po jeton një jetë krejtësisht ndryshe, tetë vite pas largimit nga klubi.
ANGLI - Shumë sulmues të Arsenalit janë përpjekur ta mbushin boshllëkun e lënë nga legjendari francez që kur ai u largua nga klubi në vitin 2007, me nivele të ndryshme suksesi.
Robin van Persie e trashëgoi rolin e Henryt si sulmuesi kryesor i Arsenalit dhe golat e tij i siguruan një transferim te Manchester United, por pasardhësit e tij kanë pasur fat të ndryshëm.
Pierre-Emerick Aubameyang ishte ndoshta më i suksesshmi, ndërsa Alexandre Lacazette u ble për një shumë të madhe nga Lyoni, por nuk ishte aq i efektshëm sa shpresonin tifozët e Arsenalit.
Aktualisht, opsionet e Arsenalit në sulm janë Kai Havertz dhe Gabriel Jesus, por të dy janë të dëmtuar dhe mund të humbin pjesën e mbetur të sezonit, me Jesus që tashmë është konfirmuar se ka dëmtuar ligamentin e gjurit (ACL).
Në vitin 2013, trajneri Arsène Wenger mendoi se kishte gjetur lojtarin që mund të merrte përsipër rolin e Henryt, por gjërat nuk shkuan siç pritej.
Në gusht të vitit 2013, Arsenali nënshkroi me sulmuesin Yaya Sanogo një kontratë afatgjatë, pasi ai kishte shënuar 10 gola në 13 ndeshje në Ligue 2 me Auxerre sezonin e kaluar. Sulmuesi i ri francez madje u nominua për çmimin ‘Golden Boy” 2013, dhe Wenger foli për të si një yll të së ardhmes.
Pas zyrtarizimit të transferimit të tij, trajneri francez deklaroi: “Ai ka treguar se ka potencial me paraqitjet e tij të fundit për Auxerre dhe gjithashtu për ekipin kombëtar U-20 të Francës. Po presim me padurim që Yaya t’i bashkohet skuadrës dhe të vazhdojë zhvillimin e tij premtues. Ai ka një të ardhme të madhe këtu, natyrisht”.
Sanogo debutoi me Arsenalin në gusht 2013 dhe luajti në disa ndeshje të rëndësishme për klubin, por nuk arriti të shënojë asnjë gol në 14 paraqitjet e tij të para. Iu desh deri në nëntor 2014 për të shënuar golin e tij të parë dhe të vetmin me Arsenalin, në një fitore 2-0 ndaj Borussia Dortmund në fazën e grupeve të Champions League.
Francezi luajti ndeshjen e tij të fundit për Arsenalin në janar 2015, kur u huazua te Crystal Palace. Ai shënoi një gol në FA Cup, por nuk arriti të gjejë rrjetën në asnjë nga 10 paraqitjet e tij në Premier League.
Pas periudhave të huazimit te Ajax dhe Charlton, Sanogo u lirua nga Arsenali në verën e vitit 2017. Ai më pas u rikthye në Francë për të nënshkruar me Toulouse në Ligue 1, ku pati një sezon të parë të mirë me 9 gola në të gjitha garat.
Megjithatë, nuk arriti të përsëriste suksesin në dy sezonet e ardhshme, përpara se të kalonte në një periudhë të shkurtër e të pasuksesshme te Huddersfield Town në sezonin 2020/21.
Karriera e Sanogos që nga ajo kohë ka qenë vërtet e pazakontë
Në vitin 2023, pas 18 muajsh pa klub, ai nënshkroi me Urartu në kampionatin armen. Ai shënoi dy gola në debutimin e tij, por më pas u dëmtua në ndeshjen e dytë dhe mungoi për dy muaj.
Gjithsesi, Sanogo arriti të fitojë titullin kampion të Armenisë me Urartu, edhe pse nuk luajti mjaftueshëm për të marrë një medalje. Më vonë ai u aktivizua nga stoli në finalen e Superkupës së Armenisë kundër Shirak, por skuadra e tij doli e mundur.
Gjatë sezonit 2023/24, ai shënoi katër gola për Urartu përpara se të largohej për t’u bashkuar me Qingdao Red Lions në ligën e dytë kineze. Në një deklaratë pas largimit të tij, Urartu shkroi: “E falënderojmë Yaya Sanogon për punën e tij të përkushtuar dhe i urojmë suksese në karrierën e tij të ardhshme.”
Qingdao po lufton për mbijetesë këtë sezon, por Sanogo ka arritur të shënojë gjashtë gola në 19 paraqitje për klubin. Mediat kineze, përfshirë CGTN, publikuan një video të shkurtër për kohën e Sanogos në klubin e ligës së dytë kineze.
Duke folur për transferimin e tij në Kinë, Sanogo tha: “Nuk kisha qenë kurrë në Kinë më parë dhe nuk dija çfarë të prisja. Kur erdhi kjo ofertë, thashë ‘OK’. Kisha qenë në Azi në 2009 për një turne dhe ishte një përvojë e shkëlqyer. Më kujtohet se më pëlqeu shumë. Kështu që mendova: ‘Pse të mos shkoj në Kinë?’ Ishte një vendim i lehtë.”
B.T (Dosja.al)
ANGLI - Ndërsa Mbreti Charles vizitonte arenën, ai takoi Son dhe kryetarin e klubit Daniel Levy, takim që u shpëtoi kamerave. Gjatë bi...
ARABIA SAUDITE - Sipas “The Paper”, pavarësisht një oferte nga Al-Hilal me vlerë 65 milionë paundë gjatë dy sezon...
BRAZIL - Biznesmeni Bruno Lopez de Moura, në një deklaratë për CPI (Komisioni Hetimor Parlamentar), pretendoi se mesfushori i...
BRAZIL - Neymar Junior synon të kthehet në të qenit lojtari që magjepsi botën, nga ai Botëror i famshëm 2014 në Bra...
SPANJE - Legjenda e Barcelonës po feston një përvjetor mjaft kurioz këtë shkurt. Dhe e njëjta llogari zyrtare në Insta...
SPANJE - Nuk duhen shumë fjalë për të shpjeguar se çfarë do të thotë Lamine Yamal për Barç&eum...
FRANCE - Në fjalimin e tij të parë që pas lajmërimit për largimin e tij nga skuadra franceze në fund të Kupës s&eum...
FRANCE - Ish-zv.presidenti i Federatës Franceze të Tenisit (FFT), Jean-Pierre Dartevelle, u dënua të enjten me 10 vjet burg nga gjykata pena...
ITALI - Prezenca e tij në tribunat e stadiumit Pierluigi Penzo ishte vënë re. Të dielën e kaluar, Wissam Ben Yedder ishte d&e...
PORTUGALI - Në fundin e Porto-Romës që përfundoi 1-1, Claudio Ranieri shpërtheu të gjithë zemërimin e tij ndaj gjyqtarit...
