Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
"De la Fuente ka bërë një punë shumë të mirë, sulmon dhe mbrohet shumë mirë. Në kualifikuese ka humbur vetëm një ndeshje kundër Skocisë".
GJERMANI - Trajneri i Shqipërisë, Sylvinho, foli me optimizëm në konferencën për shtypin para ndeshjes me Spanjën. Braziliani prej një ndeshje të madhe nga kuqezinjtë, kundër një prej skuadrave më të mëdha në botë.
Çfarë do të thotë për ju mundësinë për t’u kualifikuar, sigurisht duke e mundur Spanjën?
Është emocionuese dhe për më tepër është një pyetje interesante. Është e rëndësishme për familjen time. Për mua është fantastike. Spanja është skuadër brilante, do të jetë një ditë që nuk do ta harroj. Kemi përfunduar në grupin e vdekjes dhe tani na jepet një mundësi shumë e madhe kundër një prej skuadrave më të mira në botë.
Spanja do të luajë me formacionin e dytë…
E dini më mirë se unë që Spanja e ka në ADN-në e saj zotërimin e topit, ka shumë cilësi në mesin e fushës. Ka diçka tjetër, lojtarë shumë të mirë në krahë. Ka disa lojtarë shumë të shpejtë në krahë dhe qendër. Kanë shumë cilësi edhe në mbrojtje, të lejojnë shumë pak hapësira, janë të organizuar. Ka fituar me Kroacinë dhe Italinë, ka fituar grupin, për ne do të jetë ndeshje shumë e vështirë. Edhe ne kemi lojtarë të mirë, mezi presim të luajmë kundër Spanjës.
Keni para në stadium Spanjën kundër Italinë…
Kam shkuar me Zabaletën, diçka planifikuar, një ditë pas ndeshjes sonë. I njohim të gjithë kundërshtarët tanë, është një skuadër që impresionon, ka lojtarë shumë të mirë. De la Fuente ka bërë një punë shumë të mirë, sulmon dhe mbrohet shumë mirë. Në kualifikuese ka humbur vetëm një ndeshje kundër Skocisë. Lojtarët e mi janë të guximshëm dhe do të japin gjithçka në këtë ndeshje të fundit. Çdo gjë mund të ndodhë gjatë 90 minutave, do të futemi në fushë për të bërë më të mirën.
Keni kaluar në epërsi në dy ndeshjet e para, çfarë ju ka munguar për të fituar?
Është diçka e madhe të shënosh i pari, ky është eventi i dytë i madh dhe lojtarët po përmirësohen. Ka të bëjë me përvojën dhe ballafaqimet në gara të mëdha dhe me skuadra të mëdha. Duhet të vazhdojmë të përmirësohemi, në menaxhimin e fazave të lojës. Nëse do të bëjmë perfomancën më të mirë, mund të arrijmë rezultatin e duhur.
A jeni i lumtur që po luftoni për kualifikimin në grupin e ferrit?
Jam i lumtur, patjetër, shumë njerëz para pesë muajsh kanë menduar se do të pësojnë katër pesë gola, dhe ndeshja e fundit s’do të kishte asnjë vlerë. Jam i lumtur për punën që kemi bërë dhe që jemi në këtë grup të vdekjes. Jam i kënaqur me lojtarët e mi, kemi bërë çdo gjë që kemi mundur. Vazhdojmë të ëndërrojmë.
A është ndeshja më e rëndësishme si trajner e ndoshta edhe si futbollist?
Jam ende i ri, është një ndeshje me shumë rëndësi dhe nuk do ta harroj. Luajmë kundër Spanjës së vendit të parë. Jam gjysmë spanjoll gjysmë brazilian. Nëse kjo është më e rëndësishme, situata mund ta bëjë të tillë. Pas barazimit me Kroacinë ishte ajo, ndoshta mund të bëhet kjo me Spanjën.
Cilën skuadër konsideroni favorite?
Nuk kam arritur të shoh shumë ndeshje. Kam parë Spanjën me Italinë, kemi punuar për orë të tëra, stërvitje, udhëtime. Spanjën e kam parë, por jo ndeshjet e tjera. Vetëm 10-15 minuta mes Holandës dhe Francës. Sigurisht, nëse do të duhet të them emra, Spanja sigurisht, Italian dhe Kroacia gjithashtu.
Shqipëria mund të kualifikohet edhe me dy pikë….
Natyrisht siç kam deklaruar më parë, unë në karrierën time nuk kam parë një trajner që shkon në fushë për barazimin. Nëse ke një skuadër të mrekullueshme luan për të fituar, por varët nga çfarë ndodh gjatë ndeshjes. Nëse duam të kalojmë, duhet të fitojmë. Është e vërtetë që mund të kalojmë më dy barazime, por duhet të luajmë për të fituar dhe të shohim se çfarë do të ndodhë në minutat e fundit.
Është lajm i mirë apo i keq që luajnë lojtarët e stolit të Spanjës?
Ata janë një skuadër e mrekullueshme, edhe skuadra e dytë mund të luajë dhe të fitojë. Janë të motivuar, nuk mund të mendojmë se çfarë bën Spanja. Ata luajnë në nivel shumë të lartë, kushdo që është në fushë. Shpresoj të kemi një ndeshje të mrekullueshme, e dimë që gjithçka mund të ndodhë.
E keni gati formacionin?
Ne e kemi gati formacionin, por ne kemi edhe një seancë stërvitore, do të shohim dhe do të vendosim. Do të tentojmë të shfrytëzojmë mundësitë tonë për të vazhduar përtej fazës së grupeve.
Ndieni keqardhje për mungesën e Dakut?
Sikurse tha edhe Gjimshiti, jemi këtu për të luajtur futboll në një eveniment brilant, duhet të flasim për futboll. Nuk duam të shpenzojmë energji për diçka tjetër. Çfarëdo që ka vendosur “UEFA është punë e saj.
B.T (Dosja.al)
GJERMANI - Kapiteni i kombëtares shqiptare të futbollit, Berat Gjimshiti doli krah trajnerit Sylvinho në konferencën për mediat në...
GJERMANI - Kuqezinjtë nën drejtimin e trajnerit Sylvinho dhe stafit teknik u stërvitën për më shumë se një orë n&eu...
- Tifozët shqiptarë po pushtojnë edhe qytetin e Dusseldorfit. Rrugë janë skuqur nga flamujt shqiptarë… Kudo në baret d...
GJERMANI - Faza e grupeve në Euro 2024 po vjen drejt fundit, me disa kombëtare që do të rikthehen në shtëpi, nëse nuk arrijn&...
GJERMANI - Kombëtarja franceze zgjodhi të mos e zhvillonte seancën e saj në prag të ndeshjes në fushë në Signa Iduna Par...
SPANJE - Fitorja e tretë radhazi dhe e katërta në përgjithësi për Max Verstappen në Grand Prix të Spanjës...
GJERMANI - Vendndodhja nuk është saktësisht më e mira, megjithëse, duhet thënë, ka nga ata që janë padyshim edhe m&...
GJERMANI - Komisioni i Etikës dhe Disiplinës në UEFA ka vendosur të gjobisë sërish Federatën Shqiptare të Futbollit me s...
GJERMANI - Lajmi i keq vjen nga Gjermania… Komisioni i Etikës dhe Disiplinës në UEFA ka dalë me një vendim në lidhje me inc...
SPANJE - Artem Dovbyk është një nga emrat që do të mbushë faqet e transferimeve gjatë gjithë verës. Me 2...
