Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
BEOGRAD– Kur sheh fytyrat e tyre, mendon se në ato momente fotografi u ka kërkuar që të buzëqeshin për kamerën. Por nuk është kështu! Personi që shihni në foto është udhëheqësi i një grupi tifozësh futbolli i quajtur Veljko Belivuk, ose ‘Velja Nevolja’ [Problemi Velja].
I arrestuar në shkurt, Belivuk akuzohet për drejtimin e një bande kriminale të lidhur me trafikun e drogës, rrëmbimin, pastrimin e parave dhe një varg vrasjesh brutale në Serbi. I njohur prej kohësh për sjelljen e tij të dhunshme, Belivuk megjithatë kaloi relativisht shumë pak kohë pas hekurave, një fakt që disa ia atribuojnë lidhjeve të tij me zyrtarë të Partisë Progresive Serbe në pushtet, SNS. Por duket se në fillim të këtij viti, fati i tij mbaroi.
Muskuj për partitë politike
Belivuk u rrit në Beogradin e viteve 1990, kur Jugosllavia socialiste po shpërthente në luftë dhe figurat e krimit të armatosur ishin heronj të tabloidëve. Në fillim të viteve 2000, ndërsa reformatorët përpiqeshin të kapnin trashëgiminë e sundimit të Slobodan Millosheviçit, Belivuk hyri në botën e sigurimit privat. Ngjarja e tij e parë ndodhi në vitin 2007, kur Belivuk, si shef i sigurimit në BlayËatch, një klub nate i njohur në Beograd, u përfshi në një incident të dhunshëm me dy të mitur.
Në vitin 2008, prokurorët e akuzuan atë për vrasje në tentativë dhe armëmbajtje pa leje, por pasi dëshmitarët ndryshuan deklaratat e tyre, aktakuza u zbut në vitin 2015 nga tentim vrasje në lëndim të rëndë trupor. Akuza e armëve tashmë ishte rrëzuar dhe në mars të vitit 2016 – 8 vjet pas veprës – Belivuk u dënua me pesë muaj e gjysmë burg, praktikisht jashtë qelisë, pasi kohën e dënimit e kishte mbuluar në paraburgim.
Në atë kohë, Belivuk ishte një tifoz i madh, pasi nuk mungonte kurrë nga tribunat e klubit të futbollit Partizan të Beogradit së bashku me Aleksandar Stankoviç, i njohur si Sale the Mute, i cili do të vritej në tetor 2016. Në dhjetor 2013, Belivuk dhe një tifozë të tjerë shkatërruan një kafene në Beograd në pronësi të Aleksandar Vaviç, drejtues i grupit të tifozëve të Partizanit, Alcatraz.
Belivuk ishte bërë një udhëheqës i ‘Janjicarit’ të Partizanit, grup i formuar në vitin 2013 gjoja si klub tifozësh, por shumë prej tyre ishin të përfshirë në tregëtinë e drogës dhe përdoreshin si “çirakë” për partitë politike.
I prenë kokën
Megjithatë, në vitin 2016, Belivuk dukej se kishte tejkaluar kufirin kur një video e tij duke sulmuar brutalisht një burrë jashtë stadiumit të Partizanit u bë virale dhe emri i tij u vendos në të gjitha gazetat.
Duke e pranuar fajin, Belivuk u dënua me një vit arrest shtëpiak, pa asnjë mbikëqyrje elektronike. Por përpara se të fillonte dënimi i tij, Belivuk u arrestua në lidhje me vrasjen e Vlastimir Millosheviçit në janar 2017. Ai kaloi 14 muaj në paraburgim dhe në maj 2018 u lirua nga akuza për vrasjen. Gjyqtarja, Slavica Nikolic, tha se provat e paraqitura kishin për bazë vetëm dyshimin e arsyeshëm dhe kjo nuk mjaftonte për të marrë një vendim. Problemet juridike të Belivuk, megjithatë, nuk i ndaluan bashkëpunëtorët e tij që të punësoheshin për të ndihmuar në sigurimin e ditës së betimit të Aleksandër Vuçiç si president i Serbisë në prill 2017.
Rreth fundit të 2019-ës, fillimit të 2020-ës, Janjicarët ndërruan emrin e tyre në ‘Principi’; por pavarësisht ndryshimit të emrit, ata ruajtën lidhjet e tyre të mira me një këshilltar të lartë të policisë dhe sekretarin e përgjithshëm të qeverisë serbe. Por aktivitetet e Belivuk ishin gjithnjë e më shumë publike. Në fillim të vitit 2020, një video e tij u shfaq në mediat sociale që tregonte Belivuk duke ngacmuar udhëheqësin e një grupi rival të tifozëve të Partizanit. Sado e keqe, videoja nuk ishte asgjë në krahasim me atë që po ndodhte. Policia serbe arriti që të kishte akses në rrjetin e komunikimit “Sky EEC” që Belivuk dhe bashkëpunëtorët e tij përdornin për të komunikuar. Në një nga mesazhet, Belivuk – ose ‘Sopranoja’ siç njihej– dërgoi një foto të kokës së prerë të tifozit të Partizanit, Goran Veliçkoviç.
“Shikoni foshnja, Meksikë në mes të Beogradit hahaha,”-shkruante ai krahas fotos. Në trupin e Veliçkoviçit ishte skalitur një referencë nënçmuese për një person me emrin Korac. Filip Korac është një udhëheqës i bandës kriminale malazeze të trafikut të drogës, e cila është përfshirë në një luftë të egër në terren me bandën rivale malazeze të Kavacit. Mendohet se edhe Belivuk ishte anëtar i Kavacit.
Prokurorët thonë se Veliçkoviç ishte një nga shumë viktimat që u dërguan në një shtëpi në një periferi të Beogradit, u torturuan, u vranë dhe u copëtuan dhe eshtrat e tyre u futën në një mulli mishi për t’u hedhur më pas në lumë. Po ashtu, banda kishte përdorur edhe një ‘bunker’ sekret në stadiumin e Partizanit për të fshehur drogën dhe armët.
Miqtë në pozicione të larta në shtet
Gazetarët investigativë kanë paraqitur prova bindëse të lidhjeve mes bandës së Belivuk dhe atyre që janë përgjegjës për drejtimin e vendit. Në korrik, Rrjeti i Raportimit të Krimit dhe Korrupsionit me qendër në Beograd, KRIK, publikoi artikullin e radhës, të cilën Belivuk e pranoi vetë para Gjykatës. Belivuk tha se Vuçiç i kishte kërkuar që të vinte nën kontroll thirrjet kundër presidentit nga tribuna e Partizanit gjatë ndeshjeve të futbollit, për të frikësuar protestuesit antiqeveritarë. Po ashtu i kishte kërkuar që marshimi i komunitetit LGBT të zhvillohej paqësisht. Belivuk tha se ai e kishte takuar personalisht Vuçiqin në disa raste, një pretendim që presidenti e mohoi. Krahu i djathtë i Belivuk, Marko Miljkoviç, pretendoi se ishte takuar me Ministrin e Brendshëm Aleksandar Vulin, si dhe vetë Vuçiçin. Por edhe Vulin e ka mohuar një pretendim të tillë.
BIRN ka raportuar më parë për lidhjet e grupit me një numër zyrtarësh qeveritarësh. Edhe djali 23-vjeçar i Vuçiçit, Danilo, është fotografuar disa herë me anëtarë të ndryshëm të grupit Janjicari. Duke iu përgjigjur raporteve të shtypit për miqtë e djalit të tij, Vuçiç tha se ata ishin thjesht tifozë futbolli, jo kriminelë.
Një nga ata që u fotografuan me Danilon në një ndeshje të Kupës së Botës 2018 në Rusi, Boris Karapandzic, tani përballet me akuzat si një nga bashkëpunëtorët e Belivuk, pasi tashmë është dënuar për trafik droge, posedim të paligjshëm të armëve dhe përfshirje në shkatërrimin e kafenesë së Vaviçit në Beograd.
Por edhe fati mbaron
Belivuk dhe Miljkovic u ndaluan të hynin në Malin e Zi për arsye sigurie. Por në fillim të këtij viti, Belivuk shkoi gjithsesi, pasi mesa duket iu hap rruga nga disa oficerë policie, edhe këta të fundit të arrestuar. Mediat shtuan se ai u takua në Mal të Zi me një burrë të quajtur Radoje Zvicer, një anëtar i rangut të lartë të klanit Kavac. KRIK ka raportuar se Belivuk ishte anëtar i klanit. Pas kthimit të tij nga Mali i Zi në janar, Belivuk u ndalua për disa orë, ndërsa një numër personash u arrestuan në Mal të Zi me dyshimin se tentuan ta vrisnin.
Ditë më vonë, herët në mëngjesin e 4 shkurtit, Belivuk u arrestua.Më 30 korrik, Belivuk dhe 29 bashkëpunëtorë u përballën me drejtësinë dhe akuzat e ngritura ndaj tyre. Belivuk akuzohet personalisht për 5 akuza për vrasje të rëndë, prodhim, mbajtje, mbajtje dhe trafik të paligjshëm të armëve dhe lëndëve plasëse, rrëmbim dhe prodhim dhe shpërndarje të paautorizuar të lëndëve narkotike. Prokurorët e krimit të organizuar njoftuan më 19 tetor se po hetonin gjithashtu grupin për një vrasje të gjashtë. Por a do t’ja dalin ta dënojnë?
Marrë nga BI
(k.m/dosja.al)
Cila mendoni se është alternativa më e mirë:
KRUJË– Një aksident ka ndodhur pasditen e sotme në Fushë-Krujë, ku një motor ka humbur kontrollin e si pasojë janë plagosur 2 persona. Ngjarja raport...
TIRANË– Në kohën kur Partia Demokratike zyrtarisht deklaron se ka SHBA me vete në përballjen me kryeministrin Edi Rama, një goditje jo e papritur vje...
SARANDË– Një aksident ka ndodhur pasditen e sotme në qytetin e Sarandës, por fatmirësisht nuk ka të lënduar në njerëz.Siç duket edhe nga pamje...
ELBASAN– Një aksident ka ndodhur në aksin rrugor Librazhd-Elbasan, ku një makinë është kthyer përmbys. Mbetet e paqartë nëse ka persona të lënduar, ndërsa...
VLORË- Një 80 vjeçar në Vlorë ka humbur jetën pasi u rrëzua në një pus. Ngjarja e rëndë ndodhi ditën e sotme rreth orës 17:00, në fshatin Nartë. Pus...
TIRANË– 7 viktima janë shënuar nga pandemia e koronavirusit në Shqipëri përgjatë 24 orëve të fundit. Ministria e Shëndetësisë ka bërë me dije se kanë...
TEPELENË– Një makinë tip “Peugeot” ka dalë nga rruga në aksin rrugor Tepelenë-Gjirokastër. Mësohet se gjatë aksidentit të ndodhur pranë vendit të njo...
GREQI- Aldo Baho, i njohur si “Sakati” është arrestuar nga Policia në tentativë për të kaluar kufirin për në Greqi. Baho, ose ndryshe “Sakati”, nofkë të cilën e...
EGJIPT– Kryeministri Edi Rama ndodhet në Egjipt. Ai është pritur nga kryeministri i Republikës arabe të Egjiptit, Moustafa Madbouly. Rama është pritur në ...
TIRANË– Ngjarjet tragjike të ndodhura në vendet më me ndikim në botë, siç është Hollywood, lënë një impakt të madh te publiku. Rasti i një dit...
