Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Ujësjellësi i Tiranës pritet që të ketë një plan të ri biznesi për periudhën 2020-2024 ku do të analizohen një sërë elementësh që lidhen nga investimet e reja që duhet të kryhen në funksion të zhvillimit që merr kryeqyteti tek tarifa me të cilën faturohet uji për familjet.
Në një sqarim të bërë tek dokumentet e Ujësjellësit ku po kërkohet konsulenti që do të hartojë këtë plan biznesi nënvizohet se Plani i Biznesit duhet të përfshijë një analizë të detajuar të kushteve aktuale të operimit të shoqërisë duke vlerësuar të ardhurat aktuale dhe ato të parashikuara, si dhe shpenzimet e operimit dhe të mirëmbajtjes së Shoqërisë të projektuara në pesë vite. Gjithashtu duhet të ketë propozimet për përmirësimet në reduktimin e ujit pa të ardhura, rritjen e përqindjes së mbledhjes së faturave, reduktimin e shpenzimeve për energjinë elektrike, si dhe përmirësimin e mirëmbajtjes së sistemeve.
Shoqëria e Ujësjellës Kanalizimeve e Tiranës ka saktësuar se konsulenti do të punojë mbi planin ekzistues të hartuar në vitin 2017 dhe do të ketë fokus në 11 drejtime.
Drejtimi i parë ka të bëjë me informacionin e përgjithshëm të shoqërisë dhe më pas do të kalojë në vizonin dhe misionin e saj. Pika e tretë ka të bëjë me vlerësimin e kushteve aktuale të UKT si dhe çështjet prioritare ndërkohe që do të vendosen edhe objektivat strategjikë.
Kërkesa për ujë, punësimet dhe investimet
Ndër të tjera UKT vlerëson se në analizë do të kalojnë elementë të rëndësishëm të lidhur me kërkesën për ujë. Konsulenti do të mbajë parasysh popullsinë në zonën e shërbimit dhe popullsinë e shërbyer, kërkesën aktuale për ujë dhe kërkesa për frymë, përcaktimin real të kërkesës aktuale për ujë sipas kategorive të konsumatorëve, ujin pa të ardhura apo bilancin e tij. Po kështu do të vlerësohet niveli optimal i personelit. Kujtojmë këtu që nga Enti Rregullator i Ujit në shumë raste shoqëritë e ujësjellësve janë cilësuar se punojnë më shumë personel sesa kanë nevojë në disa raste edhe mbështetës partiakë. Lidhur me investimet do të shihen mundësitë se ku duhet të bëhen shpenzimet kapitale duke pasur parasysh nevojën dhe zgjerimin që merr kryeqyteti.
Tarifat
Një element tjetër që do të shihet në planin e biznesit ka të bëjë me përcaktimin e nevojës për të ardhura që ka UKT si dhe politika dhe strategjia e përcaktimit të tarifave. Për këtë të fundit do të kalojnë në analizë tarifat e kombinuara (fikse dhe volumetrike), tarifat aforfe (për klientët pa ujëmatës), llogaritja e tarifës mesatare, parashikimi i strukturës së tarifave për periudhat e ardhshme.
Bilanci i Ujësjellësit në 2019-n
Më herët, Ndërmarrja e Ujësjellës kanalizime Tiranë ka raportuar 4.3 miliardë lekë (rreth 35 mln euro) të ardhura në vitin 2019, sipas bilancit zyrtar.
Ndryshe nga 2018-a, kur arkëtimet u rritën me 38% me bazë vjetore, si rrjedhojë e shtrenjtimit të tarifave më 44%, në 2019-n të ardhurat e raportuara shënuan një rënie të lehtë me 1.9%.
Fitimet para taksave të kompanisë ishin 1.1 miliardë lekë, ose gati 8.6 milionë euro. Norma e fitimit para taksave ishte 25%, më e lartë sesa mesatarja e fitimeve në vend që është rreth 8%, sipas të dhënave të INSTAT, që i referohen vitit 2018.
Në krahasim me 2018-n, fitimet para taksave ranë me 16%. Një vit më parë (në 2018-n) ujësjellësi arriti fitime rekord prej 1.2 miliardë lekësh, në dyfishim nga 2017-a, si rrjedhojë e shtrenjtimit të tarifave. Me janar të vitit 2018 çmimi i ujit të pijshëm u rrit 65 lekë/m3 nga 45 lekë për m3, që ishte më parë, ose 44% më i shtrenjtë.
Humbjet e ujit ishin 60.3%. Sipas raportit vjetor 2019, humbja në rrjet vjen nga mos faturimi i ujit të prodhuar për arsyet si më poshtë vijon:
– Lidhjeve të paligjshme në linjat e transmetimit.
– Rrjedhjeve në rrjetin shpërndarës.
– Riparimeve të kryera në linjat e transmetimit ose në rrjetin shpërndarës.
Sipas raportit, investimet në vitin 2019 ishin 2.4 miliardë lekë, ose 90% e planit, pjesa më e madhe e të cilave janë realizra përmes kredisë së dhënë nga Banka Evropiane për Rindërtim dhe Zhvillim (BERZH). Investimi më i madh ishte asistence dhe rehabilitim i rrjetit hidrik prej 790 milionë lekësh, i realizuar nga kompania Vuthaj.
Shpenzimet e personelit ishin rreth 1 miliardë lekë, pothuajse njësoj sa viti i mëparshëm, duke përbërë rreth 30% të shpenzimeve totale.
Marrë nga Monitor
1 vit nga zgjedhjet e 25 prillit si e shikoni gjendjen e vendit:
Një botim i Bankës së Shqipërisë tregon se tregu i shtëpive dhe ecuria e çmimit të tyre ka ndikim në qëndrueshmërinë e biznesit të bankave. Por ky konklu...
Qarku i Tiranës ka kreditimin më të lartë në raport me popullsinë, me rreth 134 mijë lekë për frymë. Me diferencë të thellë, vijon Durrësi me 48 mijë lekë për f...
Shqipëria dhe Kosova, edhe më 2019, u renditën ndër vendet e Europës që grumbullojnë më pak të ardhura buxhetore në raport me Prodhimin e Brendshëm Bruto. Sipas...
Me pandeminë e koronavirusit që tashmë ka hyrë në kulmin e saj, dilema të shumta janë ngritur. Sot askush nuk është në gjendje të parashikojë në këto momente pë...
Pjesë e rubrikës “Ka një mesazh për ty” tek E Diela Shqiptare, ka qenë një vajzë e quajtur Hybe, e cila ka rrëfyer historinë e saj të jetës dhe vështirësitë që ...
“Hajde tek Gazi, hajde tek Gazi! Oferta e fundjavës dy copë 100 lekë. Më të mirat dy copë 300 lekë”. Gazi ishte një prej tregtarëve në tregun “5 Maji” të rrobav...
SHKOPET– Lugina e Shkopetit është një ndër bukuritë natyrore e cila merr një vëmendje të madhe nga pushuesit e huaj. Natyra e këtij vendi pavarësisht se është m...
TIRANË- Edhe pa pandeminë Covid-19, Shqipëria e kishte të brishtë stabilitetin fiskal. Në vitet normale, qeveritë tona historikisht kanë grumbulluar më pak...
TIRANË -Të ardhurat tatimore (taksat që paguajnë bizneset dhe individët) pritet që të jenë 437 miliardë lekë (3.3 miliardë euro) në vitin 2020, me një rrit...
“Kërkova ta lija me qira sapo e bleva, por çmimet e tyre ishin të ulta se zona atëherë ka qenë pa rregulluar, me rrugë të pashtruara, baltë, pa ndri&cced...
