Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
GJERMANI– Njerëzit në Republikën Çeke tani mund të bëjnë blerje në dyqane, të luajnë tenis dhe të shkojnë për not. Austria po planifikon të rihapë dyqane më të vogla pas Pashkëve. Danimarka do të rihapë kopshtet dhe shkollat nga java e ardhshme nëse rastet e koronavirusit mbeten të qëndrueshme, gjithashtu edhe Norvegjia do të hapë shkollat dhe kopshtet për fëmijët pas një jave.
Këto janë shtetet e para në Perëndim që fillojnë të dalin gradualisht nga izolimi që ka urdhëruar qeveria si shkak i koronavirusit. Të tjerët do të duan të shohin ende një plan efikas sesi mund të dalin nga bllokimi në shtëpi.
Për atleten profesioniste Irena Gillarova, nga Republika Çeke, lehtësimi i kufizimeve të enjten do të thotë se ajo mund të kthehet në stërvitje në stadiumin Juliska në Pragë për herë të parë pasi vendi i saj u mbyll.
“Ishte e shkëlqyeshme, sinqerisht. Unë isha shumë e lumtur dhe ndihem mirë“- tha ajo për CNN të premten.
Dr. Peter Drobac, një ekspert global i shëndetësisë në Shkollën e Biznesit në Oxford Saïd, i tha CNN se ato vende që tani po lehtësojnë masat ndaj virusit ishin “shembuj të rëndësishëm dhe shpresëdhënës” për Perëndimin. “Ne kemi ende shumë mësime për të bërë në lidhje me atë se si ne do të dalim nga bllokimet në mënyrë të sigurt dhe efektive.”- tha ai.
Hapja e kufijve do të sjellë rrezik, tha drejtori Rajonal i Organizatës Botërore të Shëndetit për Evropën, Dr. Hans Kluge, i cili paralajmëroi këtë javë se situata në Evropë është ende “shumë shqetësuese” dhe insistoi se tani nuk është koha për lehtësuar masat. Evropa “mbetet ende si epiqebdra e pandemisë”, tha ai të mërkurën, me shtatë nga 10 vendet më të prekura që ndodhen në kontinent.
Asnjë nga ata vende që planifikojnë të lehtësojnë kufizimet e tyre në ditët në vijim nuk janë ndër më të prekurit nga Evropa, dhe ata do të jenë të prirur të shmangin një valë të dytë të infeksioneve. Atëherë, si kanë arritur këtu?
Sipas Drobac, vendet që po përgatiten për të lehtësuar kufizimet kishin diçka të përbashkët: ato ishin ndër të parat në Evropë që ndërmorën masat drastike kundër koronavirusit ose masa të rënda për distancimin shoqëror dhe kishin aplikuar shumë teste.
“Ajo që ata kanë njoftuar në lidhje me atë se si ata planifikojnë gradualisht lehtësimin e kufizimeve “duket e arsyeshme dhe duket e zgjuar.– u shpreh Drobac.
Është një proces shumë gradual dhe ata do të jenë në gjendje të mësojnë dhe të gjurmojnë rastet për sa i përket infeksioneve të reja. Por nëse lehtësohen shumë masat dhe infeksionet nisen të rriten, ata mund të tërhiqen pak. Kështu do të veprojë çdo vend.
Vendet e tjera që kërkojnë të ndjekin rrugën e tyre duhet të plotësojnë tre kritere të përgjithshme, shtoi ai, veçanërisht nëse ata do të shmangin një valë të dytë.
Së pari, ata duhet të kenë “ulur kurbën” dhe të shohin një ulje të vazhdueshme të numrit të çështjeve të reja, tha ai.
Së dyti, sistemet e tyre të kujdesit shëndetësor duhet të jenë në gjendje të përballojnë situatën pa përdorur masa krize siç janë dhomat e urgjencës.
Së treti, ata kanë nevojë për një sistem të vendosur për testimin masiv, gjurmimin e kontakteve dhe izolimin, në mënyrë që njerëzit e sëmurë të mund të izolohen para se të infektojnë të tjerët, tha ai.
Danimarka
Danimarka do të rihapë shkollat dhe qendrat e kujdesit ditor të mërkurën, pasi autoritetet vendase kanë thënë se numri i rasteve të reja është ulur ndjeshëm dhe gjendja e Covid-19 është stabilizuar. Ndërkohë ende ka bizneze dhe punë të tjera që nuk mund të punojnë normalisht, si shkak i masave. Të tilla si mbyllja e bareve, restoranteve, qendrave tregtare dhe tubimet publike me më shumë se 10 persona, do të qëndrojnë mbyllur për të paktën një muaj. Vendi skandinav, i cili ka mbi 5,000 raste të koronavirusit dhe gjithsej 237 vdekjeve, ka parë ditët e fundit se numri i rasteve të reja që kanë nevojë për t’u shtruar në spital është më i ulët sesa në fillim të shpërthimit dhe gjendja po stabilizohen ditët e fundit.
Megjithatë vendi do të vijojë të ndjekë rregullat në mbrojtje të shëndetit të njerëzve.
Kombi prej 5.8 milionë banorëësh ishte ndër të parët në Euvrop që mbylli kufijtë më 13 mars. Në të njëjtën javë, mbylli shkollat, kafenetë dhe dyqanet si edhe ndaloi mbledhjet e më shumë se 10 njerëzve dhe vizitat në spitale. “E vetmja mënyrë se si kemi shmangur skenarët tragjikë në vende si Italia dhe SHBA. është sepse ne kemi vepruar shpejt.”- tha Frederiksen në TV kombëtar danez.
Rihapen dyqanet në Çeki
Republika Çeke gjithashtu bëri një lëvizje të shpejtë në kufizimin e udhëtimeve, tubimet masive, daljet e panevojshme përveç furnizimit me ushqime dhe ilaçe, pasi shpalli gjendjen e jashtëzakonshme në 12 mars. Në mënyrë të pazakontë në Evropë, gjithashtu kërkoi që 10.7 milion njerëz të përdornin rregullisht maskat për fytyrën jashtë shtëpisë nga 19 marsi. . Këto përpjekje të rrepta të kontrollit tani duket se po shlyhen, pasi qeveria njoftoi të hënën se do të fillonte të lehtësonet disa kufizime të koronavirusit këtë javë.
Që nga e marta, njerëzve u është lejuar të dalin nga shtëpia pa maska. Dyqanet do të hapen. Objektet në natyrë për sporte individuale po rihapen gjithashtu, por vetëm në një farë mase, pasi nuk do të lejohen më shumë se dy njerëz në të njëjtën hapësirë. Udhëtimet e domosdoshme, urgjente jashtë Republikës Çeke do të lejohen nga 14 prilli, thuhet në një njoftim për shtyp të qeverisë.
Austri: Qasje hap pas hapi
Edhe Austria është një ndër vendet që poplanifikon ripapjen e vendit. Kancelari austriak Sebastian Kurz njoftoi këtë javë se vendi po përgatitej për një “ringjallje” pas Pashkëve, duke rihapur disa dyqane më të vogla, si dyqanet për pajisje kompjuterike nga 14 prilli. Por me lehtësimin e masave do të kërkojë që njerëzit të mabajnë maska për fytyrën në supermarkete dhe në transportin publik.
Nga 1 maji do të hapen të gjitha dyqanet, qendrat tregtare dhe parukeritë, ndërkohë restorantet dhe hotelet do të hapen nga mesi i majit në mënyrë graduale. Kjo do të ndodhë “në kushte të rrepta sigurie, natyrisht.”- tha Kurz.
“Qëllimi ynë duhet të jetë që të eliminojmë hap pas hapi sëmundjen. Le të tërhiqemi të gjithë së bashku për një javë më shumë.”- tha Kurz. Numri i rasteve të konfirmuara të koronavirusit në Austri ka arritur në 12.969 ndërsa numri i viktimave ka shkuar në 295.
Norvegji: Optimizëm i kujdesshëm
Norvegjia po merr përsëri një qasje të ndryshme, duke i dhënë përparësi rihapjes së shkollave pasi lehtëson masat errepta që u morën në mes marsit. Norvegjia do të fillojë të lehtësojë masat e bllokimit nga 20 prilli, tha kryeministrja Erna Solberg, kur kopshtet për fëmijë do të fillojnë të rihapen. Një javë më vonë, shkollat do të rihapin vetëm për nëxënësit deri në klasën e katërt.
“Dëshira jonë është që të gjithë nxënësit të kthehen disi në shkollë para verës. Niveli i infeksionit është ulur. Duke punuar së bashku, ne e kemi virusin nën kontroll dhe mund të fillojmë të heqim kufizimet pak nga pak. Ne do ta bëjmë këtë së bashku, me kujdes dhe duke marrë kohën e duhur.”-shtoi ajo.
Gjermani: Shpresa e kujdesshme
Kancelarja e gjermane Angela Merkel tha të enjten se shifrat e fundit të të infektuarëve me koronavirus jepnin arsye për “shpresë të kujdesshme”, por paralajmëroi se gjermanët duhet të zbatojnë kufizimet aktuale gjatë fundjavës së festave për Pashkët.
Ajo tha se vendimi i lehtësimit të masave do të bazohej në një studim të gjerë shkencor që do të botohej javën e ardhshme. Ministri i Shëndetësisë Jens Spahn më herët tha se vendi kishte parë një “rrafshim” në infeksionet e raportuara rishtazi, pasi masat kufizuese në për popullin hynë në fuqi. Gjermania aktualisht po kryen 100,000 teste të koronavirusit në ditë, tha ai, dhe 40% e shtretërve nëpër spitale për kujdesin intensiv janë bosh pavarësisht krizës.
“Ne duam të kthehemi gradualisht në normalite, por ne jemi akoma larg nga një jetë e përditshme ashtu siç e jetonim para virusit. Jo gjithçka do të kthehet në atë mënyrë siç ishte. Ne do të vazhdojmë të jetojmë të izoluar dhe me pandeminë në Gjermani.“- tha Spahn.
Zvicra po konsideron gjithashtu një rrugëdalje nga izolimi. Megjithë shtrirjen e kufizimeve të distancës sociale deri më 26 prill, qeveria e saj ka treguar që masa të tjera mund të lehtësohen brenda muajit prill. Ndërsa këto vende dhe shtete të tjera po planifikojnë lehtësimin e masave është e qartë se ende do të jetojnë me masa kufizuese.
Burimi: CNN
A.C/Dosja.al
1 vit nga zgjedhjet e 25 prillit si e shikoni gjendjen e vendit:
ITALI– Në Itali përgjatë 24 orëve të fundit janë shënuar 619 vitkima nga koronavirusi, duke e çuar në 19468 numrin e përgjithshëm të të vdekurve.Sipa...
SHBA– Gjatë muajit të kaluar, ai ka bërë shumë deklarata optimiste në lidhje me hidroksilkolinën. CNN e ka kontrolluar këtë fakt dhe ka zbuluar se Presidenti ës...
SHBA– Mediat e huaja shkruajnë se kompanitë rivale po hapin sistemet e tyre të operimit në mënyrë që edhe në pajisjet iPhone, edhe Android të bëhet i mund...
BRITANI E MADHE- Të paktën 917 të tjerë të vdekur brenda një dite në Britaninë e Madhe duke e çuar numrin e vdekjeve të koronavirusit në Mbretërinë e Bas...
KINË-U tha se kalimi i virusit është bërë nga kafsha tek njeriu. Gjithashtu mediat e huaja thanë se në atë treg shiteshin minj, gjarpërinj dhe lakuriqë nat...
ITALI– Përmes një video të publikuar në rrjetet sociale jepet një kolazh me imazhe fotografike, ku janë përfshirë disa nga komunat më të njohura ku banojnë sot...
GJERMANI– Qyteti i Heinsbergut ishte një nga zonat e para që u godit fort nga virusi Corona në Gjermani. Ndërsa numri i rasteve vazhdon të rritet, mjekët dhe in...
SHBA– OKB në Nju Jork ka adoptuar metodat e punës dhe që nga 16 marsi vazhdon funksionimin me punonjës në distancë dhe prezencë të minimalizuar fizike personeli...
ITALI– Ditën e djeshme kryeminsitri italian Conte doli në një konferencë e pestë për shtyp rreth orës 19:30 të së premtes duke folur për fazën e dytë të virusit...
ITALI– Në Itali është ende herët që të rinisin aktivitetet sportive madje dhe stërvitjet. Asnjë skuadër nuk do të lejohet të zbresë në fushë më 13 maj, sikurse ...
