“Shumë socialistë më mbështesin, por do t’i mbaj anonim”/ Marjana Koçeku: Një sërë ngjarjesh më kanë bërë të mendoj se s’i përkas këtij grupi politik!
“Si deputete e pavarur po punoj për një platformë politike”/ Koçeku: Të dëgjohen kë...
“Si deputete e pavarur po punoj për një platformë politike”/ Koçeku: Të dëgjohen kë...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
TIRANË- Këshilli i Ministrave, në mbledhjen e ditës së sotme ka miratuar vendimin për dhënien e pagës 4 mijë lekë të reja për naftëtarët në Ballsh, për një periudhë 1 vjeçare. Vendimi vjen disa ditë pasi naftëtarët të cilët qëndruan me javë të tëra në grevë, arritën një marrëveshje me Kryeministrin Rama.
Në vendim thuhet se punonjësve, do t’u paguhen kontributet e sigurimeve shoqërore dhe shëndetësore për periudhën nëntor 2020 tetor 2021. Pas kësaj periudhe nëse në rafineri nuk afrohet asnjë investim, atëherë naftëtarët nuk do të marrin më mbështetje. Sa i përket fondit për pagat e nëntori dhe dhjetori i këtij viti sipas vendimit do të mbulohen nga Drejtoria e Tatimeve, ndërsa viti tjetër nga buxheti i shtetit.
Kostoja për pagat e muajve të mbetur të këtij viti është mbi 92.2 milionë lekë. Ndërsa pagat e tjera deri në tetor të vitit të ardhshëm do të përballohen nga fondi rezervë i buxhetit që është parashikuar në nivelin e 461.3 milionë lekë.
Punonjësit dhe ish punonjësit e rafinerisë për të marrë pagën do të duhet të aplikojnë në mënyrë elektronike pranë drejtorisë së Përgjithshme të Tatimeve, duke listuar një sërë të dhënash përfshirë: të dhëna identifikuese të subjektit tatimpagues ku kanë qenë të punësuar, emër mbiemër të përfituesit, numrin personal të individit, bankën dhe IBAN e llogarisë bankare.
Më pas janë tatimet që brenda 5 ditëve nga data e aplikimit të bëjë verifikimet për çdo punonjës, dhe më pas çon listën e përfituesve të ndara për çdo bankë të nivelit të dytë ku përfituesit kanë llogarinë bankare, tek Dega e Thesarit Tiranë për ekzekutim.
NJOFTIMI:
Përcaktimin e procedurave, të dokumentacionit dhe të masës së përfitimit të ndihmës financiare për punonjësit dhe ish-punonjësit e rafinerisë së naftës, Ballsh Në mbështetje të nenit 100 të Kushtetutës dhe të ligjit nr.88/2019, “Për buxhetin e vitit 2020”, të ndryshuar, propozimin e ministrit të Shtetit për Rindërtimin, Këshilli i Ministrave
V E N D O S I:
TË PËRGJITHSHME
Dhënie ndihme financiare prej 40 000 (dyzet mijë) lekësh në muaj për punonjësit dhe ish-punonjësit e rafinerisë së naftës, Ballsh, sipas listës bashkëlidhur këtij vendimi, për periudhën nëntor 2020 – tetor 2021.
Punonjësve, sipas pikës 1, të këtij kreu, t’u paguhen kontributet e sigurimeve shoqërore dhe shëndetësore për periudhën nëntor 2020 – tetor 2021, duke iu transferuar fondi përkatës Institutit të Sigurimeve Shoqërore dhe Fondit të Sigurimit të Detyrueshëm të Kujdesit Shëndetësor.
KRITERET DHE DOKUMENTACIONI PËR PËRFITIMIN E NDIHMËS FINANCIARE
Ndihma financiare llogaritet dhe jepet çdo muaj për punonjësit e rafinerisë së naftës, Ballsh, për periudhën nëntor 2020 – tetor 2021. Ndihmën financiare e përfitojnë punonjësit si më sipër, pavarësisht nëse kanë përfituar apo jo ndihmë financiare më parë.
Aplikimi për të përfituar ndihmën financiare për punonësit të cilët nuk kanë përfituar ndihmë financiare, sipas vendimit nr.305, datë 16.4.2020, të Këshillit të Ministrave, “Për përcaktimin e procedurës, të dokumentacionit dhe të masës së përfitimit të ndihmës financiare për të punësuarit aktualë dhe të larguarit nga puna si pasojë e COVID-19”, bëhet nga vetë subjekti/individi nëpërmjet dorëzimit elektronik të të dhënave të përcaktuara në pikën 4, të këtij kreu.
Miratimi kryhet pas verifikimit të kritereve, bazuar në të dhënat që administrata tatimore disponon apo të dhënave që të punësuarit do të dorëzojnë.
Subjekti/individi aplikues duhet të paraqesë, pranë Drejtorisë së Përgjithshme të Tatimeve, elektronikisht, të dhënat e përfituesit, ku përfshihen:
a) të dhënat identifikuese të subjektit tatimpagues të pajisur me NIUS ku janë/kanë qenë të punësuar;
b) të dhënat identifikuese të individit si:
emrin, mbiemrin e përfituesit;
numrin personal të identifikimit të përfituesit;
iii. bankën ku përfituesi ka llogarinë rrjedhëse bankare;
IBAN-in e llogarisë bankare.
III. PROCEDURA E VERIFIKIMIT PËR PËRFITIMIN E NDIHMËS FINANCIARE
Administrata tatimore, brenda 5 (pesë) ditëve pune nga data e aplikimit, verifikon në sistemin tatimor, identifikon aplikuesit dhe të dhënat në kërkesën e tyre, duke verifikuar tatimpaguesin nëse është apo jo përfitues i ndihmës financiare.
Drejtoria e Përgjithshme e Tatimeve, pas verifikimeve sipas pikës 1, të këtij kreu, përpilon listat përmbledhëse të përfituesve, të ndara për çdo bankë të nivelit të dytë ku përfituesit kanë llogarinë rrjedhëse bankare. Për çdo listë përmbledhëse, Drejtoria e Përgjithshme e Tatimeve përgatit një urdhër shpenzim të cilin ia paraqet Degës së Thesarit Tiranë për ekzekutim. Paralelisht me dërgimin e urdhrit të shpenzimit në Degën e Thesarit Tiranë, Drejtoria e Përgjithshme e Tatimeve paraqet në bankën respektive të nivelit të dytë listën përmbledhëse të individëve përfitues të ndihmës financiare, me qëllim transferimin e shumës së çdo individi në llogarinë e tij rrjedhëse, pranë kësaj banke. Lista përmbledhëse e individëve përfitues të ndihmës financiare, që paraqitet pranë bankës së nivelit të dytë, duhet të përmbajë të dhënat e mëposhtme:
a) Emrin, mbiemrin e përfituesit;
b) Numrin personal të identifikimit të përfituesit;
c) Bankën ku përfituesi ka llogarinë rrjedhëse bankare;
ç) IBAN-in e llogarisë bankare.
Drejtoria e Përgjithshme e Tatimeve ruan dhe administron dokumentacionin e përcaktuar sipas këtij vendimi, sipas dispozitave ligjore e nënligjore të parashikuara për ruajtjen e dokumentacionit dhe arkivat.
Drejtoria e Përgjthshme e Tatimeve, Instituti i Sigurimeve Shoqërore dhe Fondi i Sigurimit të Detyrueshëm të Kujdesit Shëndetësor miratojnë rregullat procedurale për zbatimin e këtij vendimi.
MASA E NDIHMËS FINANCIARE
Ndihma financiare, që përfitojnë punonjësit/ish-punonjësit, përcaktohet në kreun I, të këtij vendimi. Ndihma financiare do të jepet çdo muaj për periudhën nëntor 2020 – tetor 2021.
ÇËSHTJE TË FUNDIT
Efekti financiar për dymujorin nëntor – dhjetor 2020, në masën 92 261 140 (nëntëdhjetë e dy milionë e dyqind e gjashtëdhjetë e një mijë e njëqind e dyzet) lekë, të përballohet nga fondi i alokuar Drejtorisë së Përgjithshme të Tatimeve për dhënien e ndihmës financiare sipas paketave përkatëse për përballimin situatës së krijuar nga COVID-19. Efekti financiar, për vitin 2021, në masën në masën 461 305 700 (katërqind e gjashtëdhjetë e një milionë e treqind e pesë mijë e shtatëqind) lekë, përballohet nga buxheti i vitit 2021, nga fondi rezervë i buxhetit të shtetit.
Ngarkohen ministri i Shtetit për Rindërtimin, Ministria e Financave dhe Ekonomisë, Drejtoria e Përgjithshme e Tatimeve, Instituti i Sigurimeve Shoqërore dhe Fondi i Sigurimit të Detyrueshëm të Kujdesit Shëndetësor për zbatimin e këtij vendimi.
Ky vendim hyn në fuqi pas botimit në “Fletoren zyrtare”.
(A.k.dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Me rritjen e rasteve të infektuara dhe të viktimave, paniku që ka pushuar qytetarët për pandeminë e koronavirusit duket se ka kapur majat. Pr...
DURRËS– Gjykata e Apelit në Durrës ka dënuar me 6 vite burg italianin Giovanni Di Casimo, i cili kërkohet nga prokuroria e Barit si drejtuesi i një grupi k...
ITALI- Lena Dodaj është nëna e Maringleno Dodaj, një punëtor shqiptar, i cili ndërroi jetë në punë pasi ra nga çatia e një kompanie në Narnie Scalo, më 1...
KORÇË– 61 raste të reja janë regjistruar në 24 orët e fundit në Korçë. Burime për Dosja.al bëjnë me dije se 8 prej të infektuarve me Covid-1...
TIRANË- Policia e Tiranës nuk do të japë leje për asnjë tubim apo aktivitet politik ose festiv. Edhe pse jemi në fushatë zgjedhore dhe të gjitha partitë po...
TIRANË– Këshilli i Lartë i Prokurorisë ka publikuar listën e plotë me kandidatët që i plotësojnë kriteret ligjore për t’u përfshirë në shortin ...
TIRANË– Modelja Françeska Jaçe duket se nuk i ka pritur mirë lajmet e bëra për të, pas aksidentit me makinë që pësoi pak ditë më parë. Duke ...
TIRANË– Ministria e Shëndetësisë ka njoftuar se gjatë 24 orëve të fundit në Shqipëri kanë ndërruar jetë nga pandemia e koronavirusit 9 persona. Sipas njoft...
Shpërndarja e drogës në kryeqytet dhe përdorimi i saj pa as më të voglin dyshim që është kthyer në gangrenën më të madhe të krimit. Aq sa policisë nuk i duhet s...
