Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Tiranë- Kolegji i Posaçëm i Apelimit (KPA) duket se ka vendosur të mbaj në “ankth” kryetarin e Gjykatës së Lartë, Xhezair Zaganjori. Rastin i tij po qëndron prej më shumë se 6 muajsh pa e kaluar në seancë, ku do të përballet me Komisionerin Publik, i cili kundërshtoi konfirmimin e tij në detyrë gjatë procesit të Vetingut.
Ky term nuk korrespondon me logjikën ekonomike dhe juridike. Gjithësesi trupa e Vetingut, e përbërë nga komisionerët Olsi Komici, kryetar; Pamela Qirko relatore dhe Roland Ilia anëtar, vendosën konfirmimin në detyrë të Zaganjorit.
Thuajse i menjëhershëm ishte reagimi i vëzhguese të Operacionit Ndërkombëtar të Monitorimit (ONM). Në 6 Gusht 2018, ONM i rekomandoi Komisionerit Publik të kërkonte shkarkimin nga detyra të kreut të Gjykatës së Lartë.
Në bazë të rekomandimit të ONM dhe analizës së kryer prej tij, Komisioneri Publik Florian Ballhysa ankimoi vendimin e konfirmimit të Xhezair Zaganjorit në 12 Tetor 2018.
Prej asaj kohe, Kolegji i Posaçëm i Apelimit (KPA) nuk ka ndërmarrë asnjë veprim konkret për të shqyrtuar rastin e kreut të Gjykatës së Lartë.
“Boldnews.al” ka kryer një verifikim lidhur me trendin e ndjekur nga Kolegji i Posaçëm i Apelimit për shqyrtimin e rasteve të ankimuar. Rezulton se janë të paktën 12 prokurorë e gjyqtarë, të cilët kanë dalë para Komisionit të Vetingut në të njëjtën periudhë me Zaganjorin, rastet e të cilëve tashmë janë marrë në shqyrtim apo janë përfunduar nga Kolegji i Posaçëm i Apelimit.
I vetmi nga ai grup që nuk është përballur ende me trupën gjyqësore të KPA është Xhezair Zaganjori.
“Boldnews.al” i ka renditur në formë tabelare, sipas specifikave, përballjen e 11 gjyqtarëve dhe prokurorëve të njëkohshëm me Zaganjorin, të cilët tashmë kanë përfunduar apo janë në zhvillim të procedurave para Kolegjit të Posaçëm të Apelimit
Ankimet në “dhomë këshillimi”
Kolegji i Posaçëm i Apelimit shqyrton, në përgjithësi, ankimet e subjekteve të shkarkuar, në “dhomë këshillimi”. KPA ka shqyrtuar në dhomë këshillimi, rastet si më poshtë:
– Anëtari i Gjykatës së Lartë, Tom Ndreca, u shkarkua nga detyra në dt. 17 Korrik 2018, prej Komisionit të Pavarur të Kualifikimit. Kolegji i Apelimit e shqyrtoi rastin e tij në 11 Nëntor 2018 dhe vendosi shkarkimin e tij përfundimtar nga detyra.
– Anëtari i Gjykatës së Lartë, Artan Zeneli, u shkarkua nga detyra në dt. 18 Korrik 2018, prej Komisionit të Pavarur të Kualifikimit. Ai u shkarkua përfundimisht nga Kolegji i Posaçëm i Apelimit në 4 Shkurt 2019.
– Anëtari i Gjykatës së Lartë, Shkëlzen Selimi, u shkarkua nga detyra në dt. 30 Korrik 2018, prej Komisionit të Pavarur të Kualifikimit. Ky vendim u la në fuqi nga Kolegji i Posaçëm i Apelimit më 7 Shkurt 2019.
– Anëtari i Gjykatës së Lartë, Gani Dizdari, u shkarkua nga detyra në dt. 16 Korrik 2018, prej Komisionit të Pavarur të Kualifikimit. Ky vendim u la në fuqi nga Kolegji i Posaçëm i Apelimit më 12 Shkurt 2019.
– Prokurori i Tiranës, Adriatik Cama, u shkarkua nga detyra në 12 Korrik 2018, prej Komisionit të Pavarur të Kualifikimit. Vendimi për shkarkimin e tij u la në fuqi nga Kolegji i Apelimit në datë 18 Shkurt 2019.
Ankimet nga Komisioneri Publik
– Prokurorja e Tiranës, Antoneta Sevdari, u konfirmua në detyrë nga shkalla e parë e Vetingut në datë 18 Korrik 2018. Rasti i saj u ankimua nga Komisioneri Publik. Kolegji i Posaçëm i Apelimit e mori në shqyrtim dhe vendosi shkarkimin e saj në datë 28 Shkurt 2019.
– Anëtari i Gjykatës së Lartë, Edmond Islamaj, u konfirmua në detyrë nga shkalla e parë e Vetingut në 7 Korrik 2018. Vendimi u ankimua nga Komisioneri Publik. Kolegji i Posaçëm i Apelimit ka nisur seancat ndaj Islamajt në 12 Nëntor 2018. Ende nuk ka një vendimmarrje, pavarësisht se janë kryer rreth 10 seanca gjyqësore.
– Gjyqtarja e Tiranës, Alma Brati, mori viston e KPK për të vijuar detyrën në 5 Korrik 2018. Komisioneri Publik kërkoi shkarkimin e saj. Kolegji i Posaçëm i Apelimit ka nisur seancat gjyqësore që në 12 Dhjetor 2018. Ende nuk ka një vendimmarrje përfundimtare, pasi seancat po vijojnë.
– Gjyqtari i Tiranës, Astrit Faqolli, u konfirmua në detyrë nga KPK në 25 Korrik 2018, në të njëjtën ditë me Xhezair Zaganjorin. Ai u përball me Komisionerin Publik para Kolegjit të Posaçëm të Apelimit. KPA vendosi shkarkimin e Faqollit në datë 7 Mars 2019.
Ankimet e subjekteve të shkarkuar në seancë
Për dy subjekte, të cilët kanë dalë në seancë dëgjimore të shkallës së parë të Vetingut në një kohë me Zaganjorin dhe që janë shkarkuar, Kolegji i Posaçëm i Apelimit ka ‘thyerr” rregullin e përgjithshëm dhe ka vendosur që t’i kalojë në seancë gjyqësore.
– Gjyqtari i Tiranës, Artan Lazaj, u shkarkua nga detyra prej Komisionit të Pavarur të Kualifikimit në dt. 11 Korrik 2018. Ai ankimoi vendimin pranë Kolegjit të Posaçëm të Apelimit. Ky institucion e mori në shqyrtim rastin e tij dhe vendosi përfundimisht shkarkimin e Lazajt në 18 Prill 2019.
– Prokurorja e Prokurorisë së Përgjithshme, Rovena Gashi, u shkarkua nga Komisioni i Pavarur i Kualifikimit në 25 Korrik 2018. Ajo ankimoi vendimin dhe Kolegji i Posaçëm i Apelimit nisi seancat publike në 4 Prill 2019. Ende nuk ka vendimmarrje përfundimtare për rastin e prokurores Gashi.
Marrë nga Bold News
Tirana është boshatisur për ditët e pushimit. Cilën nga ritet e shenjta po ndiqni:
Korçë- Në Korçë janë sekuestruar nga policia 46-kilogramë kanabis dhe 20 mijë euro. Nga prangat e policisë ka rëndë Th.Dh 34-vjeç, i cili ...
Durrës- Aeroplanmbajtësja amerikane “Abraham Lincoln” është duke bërë stërvitje në detin Adriatik prej 10 ditësh. Ministrja e Mbrojtjes, Olta Xhaçka ka p...
Tiranë– Të dhënat e bëra publike nga Dhoma e Përfaqësuesve në Kongresin e Shteteve të Bashkuara të Amerikës, zbulojnë se ish-Prokurori i Përgjithshëm, Adr...
Tiranë- Mbrëmjen e djeshme në emisionin “Open” të Eni Vasilit, ministri i jashtëm në detyrë Gent Cakaj ka pasur një debat me gazetarin Robert Rakipllari.Rakipl...
VLORË-Një aksident ka ndodhur në qytetin e Vlorës.Dosja.al mëson se një automjet i tipit “Audi” për shkak të shpejtësisë së lartë me të cilën po udhëtonte,...
TIRANË– Shtyhet për të tetën herë seanca ndaj Emiljano Shullazit dhe 4 të pandehurve të tjerë. Shkak për këtë shtyrje është bërë mosformimi i trupit ...
TIRANË– Zyrat e Air Albania mesa duket nuk janë ende funksionale edhe pse kompania ka nsiur fluturimet. Një qytetar ka vizituar zyrat pasditen e sotm...
GJERMANI– Një shqiptar është qëlluar me armë zjarri në qytetin e Wuppertal, Gjermani. Sipas policisë gjermane ngjarja ka ndodhur më datë 28 prill të këtij viti....
LEZHË– Një 40-vjeçar shqiptar është ekstraduar ditën e sotme nga Greqia. Sipas njoftimit zyrtar, 40-vjeçari me inicialet K. S., dyHhohet se k...
VLORË– Një grup protestuesish nga qyteti i Vlorës kana dalë për të shprehur pakënaqësitë e tyre me sistemin qeverisës. Ata shprehen se nuk janë as më PD-në...
