Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
TIRANË– Kryeministri Edi Rama e quan rastësi faktin që presidenti Erdogan erdhi në Shqipëri në ditën e vdekjes së Skndërbeut. Me anë të një postimi të gjatë të bërë në ‘Facebook’, me të cilin bashkangjiti dhe një foto së bashku me Erdogan, Rama flet për vizitën e djeshme. Duke shkruar se e gjitha ishte një rastësi e se njerëzit në vend nuk u kursyen me sharje dhe mallkime, Rama thotë se Shqipëria nuk duhet të jetë “më katolike se Papa” në politikën e saj të jashtme, po mund të jetë “trimi i mirë me shokë shumë”.
Rama thotë se këto spazma urrejtjeje sportive, të cilat burojnë nga tifozllëku i sëmurë partiak, mllefi i pangushëllueshëm “intelektual” dhe fatkeqësisht, ndonjëherë edhe nga budallallëku islamofobik.
POSTIMI:
Dje, duke komentuar vizitën e presidentit të Republikës së Turqisë, disa miq këtu nuk u kursyen në sharje e në mallkime “në emër të Skënderbeut”! Rastësia e desh që vizita e djeshme të përkonte me ditën e vdekjes së Heroit tonë Kombëtar, çka e mësuan me këtë rast plot prej atyre që rendin t’i fryjnë zjarrit të patriotizmit digjital apo opozicional, i cili ndizet sa herë unë takohem me “pushtuesin” nga Ankaraja.
Po çfarë lidhje ka me rrethimet e Krujës dhe me qëndresën e Gjergj Kastriotit, Republika e Turqisë, e cila fill pas formimit të saj ka firmosur me Shqipërinë, 100 vjet më parë, në vitin e largët 1923, “Marrëveshjen e Miqësisë së Përjetshme”?
Ku lidhet Turqia moderne, anëtare e NATO-s, mike e sprovuar në më shumë se një rast e Shqipërisë dhe shqiptarëve, e si ngatërrohen me shigjetat e rrethimtarëve të Krujës, vaksinat e ardhura në Shqipëri nga ky shtet mik, falë kujdesit të veçantë mikut tim, Presidentit Erdogan, në kohën kur i tërë Ballkani mbeti si peshku pa ujë, brenda rrethimit mbytës të Armikut të Padukshëm? Si mund të lidhen me luftën e pesë e kusur shekujve më parë, punëtorët e palodhur turq dhe Presidenti i Republikës së Turqisë, të cilët vitin e fundit ndërtuan një lagje të re me 522 shtëpi për familjet e prekura nga tërmeti apo një spital të ri ultramodern për njerëzit e këtij vendi? Nuk e di a e ka ndonjë popull tjetër atë shprehjen, “për inat të s’ime vjehrre shkoj e fle me mullixhinë”. Por dihet me siguri, se përgjatë historisë së tij, ky popull ka parë shumë dyndje shqipesh të inatosura në derën e mullixhiut. Inati ndaj njëri-tjetrit na ka penguar rëndom, ne shqiptarëve, të shohim të mirën e shtëpisë sonë të përbashkët. Kjo e rreshtimit të djeshëm të shumëkujt (që inatin në fakt e ka me qeverinë e me mua), në ushtrinë imagjinare të mbrojtësve të kështjellës sonë nga pushtuesit turq, ishte një ilustrim i radhës për rrugën pa krye ku të shpie “inati ndaj vjehrrës”.
Natyrisht këto spazma urrejtjeje sportive, të cilat burojnë nga tifozllëku i sëmurë partiak, mllefi i pangushëllueshëm “intelektual” dhe fatkeqësisht, ndonjëherë edhe nga budallallëku islamofobik, nuk e ndryshojnë as përmbajtjen e miqësisë tradicionale me popullin turk, as kursin e partneritetit strategjik me Republikën e Turqisë. Dikush ndër të inatosurit e djeshëm denonconte hipokrizinë time. Sipas tij isha vetëdemaskuar nga mikpritja që i rezervova Presidentit Erdogan në Tiranë, pas mikpritjes që më rezervoi Papa Françesku në Romë. Në fakt jo, ky shembull tregon krejt të kundërtën e hipokrizisë; vërtetësinë dhe thellësinë e marrëdhënieve të posaçme personale për shkak të detyrës. Këto e të tjera marrëdhënie të këtij niveli, reflektojnë bindjen time se Shqipëria nuk duhet të jetë “më katolike se Papa” në politikën e saj të jashtme, po mund të jetë “trimi i mirë me shokë shumë”. Po shokë ama, natyrisht.
Presidenti i Turqisë ishte i pranishëm ditën e djeshme në Shqipëri, në një vizitë që zgjati më shumë se 10 orë. Ai përuruoi banesat e reja në Laç, xhaminë në Tiranë si dhe mori pjesë në Kuvendin e Shqipërisë.
(a.b)/dosja.al
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË – Kryetari i Partisë Demokratike, Lulzim Basha, u shpreh se modeli i së keqes na ka shkatërruar për një kohë tepër të gjatë, por që është akoma në k...
TIRANË- Ditën e djeshme presidenti turk Rexhep Tajip Erdogan vizitoi Shqipërinë dhe së fundmi ai ka publikuar disa foto teksa pritej nga banorët e qytetit ...
TIRANË – Pas bashkëbisedimit me gratë dhe vajzat demokrate në kuadër të procesit zgjedhor të LDGSH, Kryetari i Partisë Demokratike, Lulzim Basha ësht...
TIRANË – Ish-kreu i Partisë Demokratike Sali Berisha akuzoi dy kryetarët e degëve të PD në Fier dhe Durrës. Në emisionin “Quo Vadis” në ...
TIRANË – Nënkryetarja e Partisë Demokratike, Grida Duma ka shprehur mjerimin dhe keqardhjen e saj për ish-Kryeministrin Sali Berisha, i cili sipas saj mble...
TIRANË – Pasi ka dalë nga njëri prej lokaleve të kryeqytetit ku zhvilloi një takim me gratë dhe vajzat demokrate, kreu i PD, Lulzim Basha ka përshëndetur n...
TIRANË – Në bashkëbisedimin me gratë mori fjalën e saj edhe Nënkryetarja e Partisë Demokratike, Grida Duma, e cila zbuloi se njëra nga gratë i dërgon në mo...
TIRANË – Kryetari i Partisë Demokratike kishte planifikuar që të zhvillonte sot një takim me gratë e kësaj force politike. Jashtë ambienteve ku ishte kryed...
TIRANË – Kryetari i Partisë Demokratike, Lulzim Basha në bashkëbisedimin me gratë Lidhjes Demokratike të Gruas Shqiptare, deklaroi se dëshiron më shumë zon...
TIRANË– Ish-kryeparlamentarja Jozefina Topalli ka ndjekur ditën e sotme bashkëbisedimin që kreydemokrati Lulzim Basha zhvilloi me gratë dhe vajzat e ...
