Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
TIRANË– Ministrja e Jashtme, Olta Xhaçka ka dalë në një konferencë për shtyp pas publikimit të progres-raportit të Parlamentin Europian, përfshirë edhe Shqipërinë. Në një deklaratë për shtyp, kryediplomatja tha se vendi meriton të ulet në tryezën e bisedimeve me BE brenda këtij viti. Po ashtu, ajo shtoi se BE duhet të mbajë premtimin për hapjen e negociatave, ndryshe do të ulte besueshmërinë. Ndërkohë që Xhaçka u ndal edhe në pika të tjera të evidentuara nga raporti i publikuar pasditen e sotme.
DEKLARATA E PLOTË:
Komisioni Evropian prezantoi sot komunikimin e vitit 2021 mbi Politikën e Zgjerimit të BE së bashku me raportet vjetore, një ushtrim tashmë i përvitshëm që vlerëson progresin e vendeve të zgjerimit dhe rekomandon nxitjen e reformave të lidhura me agjendën e anëtarësimit në BE. Ministria për Europën dhe Punët e Jashtme mirëpret komunikimin e këtij viti dhe konkluzionet e raportit për vendin tonë që përcjellin vlerësime pozitive për çka është arritur gjatë këtij viti si dhe vendosin referenca të qarta për punën tonë në agjendën europiane gjatë vitit të ardhshëm. Me gjithë kontekstin e vështirë mbarë europian dhe sfidat përballë pandemisë Covid-19, Komisioni vlerëson se Shqipëria ka vijuar të tregojë vendosmëri për reformat e axhendës europiane dhe ka dhënë rezultarte konkrete dhe të prekshme.
Raporti thekson që Shqipëria i ka shtuar përpjekjet dhe ka prodhuar rezultate të mëtejshme, të prekshme e të qëndrueshme, në pikat thelbësore të identifikuara në konkluzionet e Këshillit.
Raporti i këtij viti reflekton progresin e arritur gjatë vitit të fundit në plotësimin e të gjithë kushteve për zhvillimin e Konferencës së Parë Ndërqeveritare. Komisioni Europian është i qartë dhe e rikonfirmon se Shqipëria i ka përmbushur të gjitha kushtet e lidhura me Konkluzionet e Këshillit të Marsit 2020 për zhvillimin e Konferencës së Parë Ndërqeveritare.
Jo vetëm kaq, por jemi të inkurajur kur shohim që vendi ynë qëndron në një pozicion pararojë në kontekstin rajonal, duke shënuar rritje të vlerësimeve të Komisionit në fushat thelbësore të lidhura me shtetin e së drejtës, veçanërisht me reformën në drejtësi dhe luftën kundër korrupsionit e krimit të organizuar. Më konkretisht, Raporti thekson që Gjykata Kushtetuese është bërë funksionale që prej dhjetorit 2020 dhe që Shqipëria ka vazhduar të përmbushë të gjithë kushtet dhe të shënojë progres të mëtejshëm, të qëndrueshëm e të konsiderueshëm, në adresimin e prioriteteve të tjera të nënvizuara nga Këshilli.
Raporti thekson që rezultatet në reformën në drejtësi kanë vijuar, gjykatat janë funksionale dhe vetingu ka vijuar me ritme të rregullta. Në raport, theksohet përparimi i kënaqshëm i arritur në punën operacionale të Strukturës së Posaçme kundër Korrupsionit dhe Krimit të Organizuar (SPAK) si dhe përshëndetet përmirësimi i kuadrit ligjor që lidhet me luftën kundër korrupsionit e veçanërisht i Planit të Veprimit për zbatimin e strategjisë ndërsektoriale kundër korrupsionit dhe ligji për administrimin e pasurive të konfiskuara. Të gjithë këto arritje, janë provë e qartë jo vetëm e punës së madhe të bërë në këtë drejtim, por edhe e vullnetit të qartë të qeverisë për të luftuar në mënyrë sistematike e të vendosur korrupsionin dhe krimin e organizuar.
Ndërkohë që lidhur me një çeshtje aq të rëndësishme, sa ç’janë zgjedhjet e 25 prillit, ku dua t’ju kujtoj që reforma elektorale ishte një nga kushtet për mbajtjen e konferencës së parë ndërqeveritare, ndërkohë që vetë mbarëvajtja e zgjedhjeve ishte një tjetër moment vërtet thelbësor në vlerësimin e progresit të bërë nga Shqipëria, në raport shprehet vlerësim e përgëzime. Si dhe ne raportin e ODIHR, është vlerësimi më pozitiv që është dhënë ndonjëherë për zgjedhjet në Shqipëri. Vlerësohet se reforma elektorale u krye në perputhje me rekomandimet e ODIHR (parakusht i plotësuar për fillimin e negociatave, siç shprehet Komisioni) dhe vlerësohen zgjedhjet si të mirë-organizuara, duke shënuar se administrata zgjedhore fitoi besimin e palëve. Sigurisht ka vend për përmirësim të mëtejshëm. E rëndësishme është ajo që thekson Komisioni, që akuzat po hetohen, në mënyrë që të mos mbetemi në rrafshin e akuzave dhe perceptimeve.
E po ashtu, e gjej pozitiv faktin që raporti njeh e vlerëson pozitivisht përpjekjet e bëra për të përmirësuar cilësinë e shërbimeve publike si dhe forcimin e kapaciteteve të administratës për të kryer rekrutime të bazuara në merita. Jemi të vetëdijshëm që në këtë drejtim ka ende punë për të bërë, por sërish, besoj që ky raport është në konfirmim i punës së madhe që është bërë për një reformë të thellë të shërbimeve publike dhe administratës si dy nga shtyllat e rëndësishme të procesit të modernizimit dhe europianizimit të vendit.
Raporti përmban gjetje pozitive edhe në në pikë tjetër shumë të rëndësishme, që lidhet me ekonominë dhe me mënyrën sesi është përballuar nga qeveria goditja e dyfishtë që pësoi vendi nga tërmeti i nëntorit 2019 dhe pandemia. Ai konfirmon atë që e kemi thënë në vijimësi, por edhe atë që e kanë të qartë qytetarët shqiptarë, që ekonomia ka filluar ringritjen që në gjysmën e dytë të vitit 2020 dhe që veprimet që ndërmori qeveria dhe banka qendrore për të mbështetur bizneset, familjet dhe sektorin shëndetësor ishin të shpejta dhe të përshtatshme.
Ndërkohë që – dhe kjo lidhet drejtpërdrejtë me punën e këtij dikasteri – përfaqësuesit e Komisionit evidentuan me kënaqësi faktin se Shqipëria ka vazhduar të linjëzohet plotësisht me pozicionet dhe qëndrimet e BE në kuadër politikës së përbashkët të jashtme dhe të sigurisë si edhe ka bërë përpjekje të mëtejshme për të rritur kapacitetet në këtë drejtim. Sigurisht që ka edhe disa pika ku jemi të vetëdijshëm që kemi ende punë për të bërë dhe ku me të drejtë Komisioni evidenton që progresi nuk ka qenë kaq i konsiderueshëm. Natyrisht ato do të konsiderohen dhe do të adresohen me kujdesin e seriozitetin më të madh.
Këtu do të nënvizoja dy momente, për të cilat në fakt jemi duke punuar.
Së pari, atë që i përket mbrojtjes së pakicave kombëtare, ku edhe pse Shqipëria është padyshim një vend model përsa i përket mbrojtes dhe respektit për minoritetet, na duhet të finalizojmë aktet e mbetura nen-ligjore për zbatimin e ligjit kuadër “Për mbrojtjen e pakicave kombëtare”.
Së dyti, çështja e të drejtave të pronës ku edhe pse është bërë shumë punë për të adresuar një situatë të trashëguar prej dekadash, jemi të vetëdijshëm që nevojitet një përparim i mëtejshëm drejt procesit të regjistrimit, digjitalizimit dhe kompensimit. Gjithsesi, siç e thashë më lart, këto pika apo ndonjë pikë tjetër për të cilat në raport vlerësohet se progresi nuk ka qenë i kënaqshëm apo janë ngritur pikëpyetje, do të trajtohen me seriozitetin maksimal, dhe do të komunikohet në mënyrë sa më intensive me të gjithë aktorët e palët e interesuara. Por ajo që del e qartë sot, siç ka dalë e qartë edhe në raportin e vitit 2020, është fakti që Shqipëria është gati për të filluar procesin e bisedimeve, bazuar mbi meritën e arritjeve, por edhe mbi përgatitjet konkrete për të gjithë strukturën e nevojshme për t’iu përgjigjur me efektivitet edhe metodologjisë së re te negocimit, e cila konkretizohet për herë të parë në raportin e këtij viti.
Ndërkohë që ne jemi gati për të hedhur hapin e radhën në procesin e integrimit europian, ndajmë të njëjtin vlerësim me Komisionin Europian se vendet anëtare duhet të përmbyllin diskutimet e tyre pa vonesë dhe se konferencat e para ndërqeveritare me vendin tonë dhe Maqedoninë e Veriut duhet të zhvillohen sa më shpejt që të jete e mundur duke përmbushur kështu një premtim të qartë që i është bërë vendeve tona nga BE. Çdo vonesë ka ndikim negativ ne besueshmërinë e Unionit. Vullneti ynë për të jetësuar objektivin kombëtar të anëtarësimit në BE është i qëndrueshëm, progresi ynë është i pamohueshëm, angazhimi ynë do të vijojë me Komisionin Europian dhe vendet anëtare për të jetësuar më mënyrë konkrete dhe të prekshme premtimin e rikonfirmuar edhe së fundmi në Samitin e Brdos për prespektivën europiane të rajonit tonë. Që prespektiva të jetë e besueshme duhet të veprohet tani: Shqipëria meriton dhe duhet të ulet në tryezën e bisedimeve me BE brenda këtij viti.
LAJMI KRYESOR: Progres-raporti për Shqipërinë, Varhelyi: Hapni negociatat, i ka plotësuar kushtet!
(k.m/dosja.al)
Cila mendoni se është alternativa më e mirë:
BRUKSEL- Zvendëspresidenti i Komisionit Europian, Joseph Borrell ka komentuar Progres-raportin e KE-së për Ballkanin Perëndimor. Me anë të një postimi në Twitte...
TIRANË- Ambasadorja e SHBA-së Yuri Kim është takuar ditën e sotme me Ministren e Turizmit dhe Mjedisit, Mirela Kumbaro. Me anë të një postimi në Twitter, a...
PESHKOPI– Ish-kryeministri Sali Berisha, deklaroi ditwn e sotme nga Peshkopia se ata që bëjnë avokatinë e Edi Ramës, po bëjnë edhe avokatinë e Lulzim Bash...
TIRANË- Kryeministri Edi Rama ka shkuar me vonesë në takimin e sotëm me studentët dhe nxënësit në Durrës. Për këtë, Rama ka kërkuar falje, duke thënë se e ...
PESHKOPI– Ish-kryeministri Sali Berisha paralajmëroi kryeministrin Edi Rama se daullet që ranë ditën e sotme në Peshkopi se janë për betejë për të gjitha ...
PESHKOPI– Një qytetar ka përdorur disa epitete për deputetët e Partisë Demokratike, për të cilët tha se nuk mund ta mbrojnë partinë. Ai u shpreh se Partia...
PESHKOPI– Ish-kryeministri Sali Berisha ka thumbuar kryedemokratin Lulzim Basha, duke ironiuar paralajmërimin që i bëri ky i fundit nga selia blu e Partis...
TIRANË- Ministrja e Arsimit Evis Kushi ka vizituar ditën e sotme studentët në Universitetin Politeknik si dhe Universitetin e Arteve, për t’i ndërgje...
DURRËS- Kryeministri Edi Rama ka deklaruar ditën e sotme se do së shpejti në fushën e arsimit do të vendosin lëndën e Informatikës që në klasë të parë. Nga...
BRUKSEL- Organet e reja të Drejtësisë ishin në qendër të progres-raportit për Shqipërinë nga Komisioni Europian ditën e sotme. Në raportin e publikuar, Brukseli...
