Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
TIRANË– Sot bëhen dy vite nga raporti i Europa Nostras për shembjen e Teatrit Kombëtar. Aleanca për Mbrojtjen e Teatrit ka kujtuar ngjarjen, të cilën e quajnë krim. Raporti i Europa Nostrës e renditi Teatrin të parin ndër 7 vendet e Trashëgimisë Kulturore Evropiane më të Rrezikuara për vitin 2020.
Ata thonë se krimi mbi Teatrin ende nuk është shpaguar, duke akuzuar qeverinë për shembjen. Ata pyesin se ku janë sot pseudoartistët, të ashtuquajturit aktorë të mëdhenj, që kauza e Teatrit u nxori bojën dhe tregoi se kush ishin ata në të vërtetë.
POSTIMI I ALEANCËS PËR MBROJTJEN E TEATRIT
Dy vjet nga 24 Marsi i Europa Nostra-s. Pak ditë më parë festuam modestisht, por me gëzim e nderim të veçantë, përvjetorët e 70 të lindjes së dy figurave shumë të spikatura të skenës dhe ekranit, e dy artistëve të mëdhenj shqiptarë: Mehdi Malka e Edmond Budina, në 20 e 21 mars. Nuk pati ndonjë ceremoni për asnjërin prej tyre nga instancat shtetërore, asnjë kujtesë nga ndonjë institucion apo shoqatë artistike, të cilat pothuajse të gjitha operojnë me fonde dhe lidhje të diktuara nga pushteti. Asnjë mirënjohje nga bashkëpunëtorët e dikurshëm, të cilët gojëkyçur ndaj çnderimit, që u bën pushteti përditë në punën e tyre, nuk gjejnë guximin t’i shohin drejt këta dy burra të shquar, ashtu siç po ndodh rëndom me artistët e tjerë, që vazhdojnë qëndresën për kauzën e rindërtimit të Teatrit aty dhe ashtu siç ishte. Ashtu si po ndodh edhe me të gjithë burrat e gratë qëndrestarë të fundit, të cilët çdo ditë tregojnë ndjeshmëri të lartë ndaj çdo lëvizjeje politiko – shoqërore kundër regjimit në fuqi, përmbysja e të cilit do t’i çelte udhën ringritjes së dy godinave të Teatrit Kombëtar. Si sot, dy vjet më parë, në sheshin e Teatrit, në mesin e terrorit të pandemisë, të cilin e bënte më të zi propaganda antihumane e pushtetit rilindas, shpallëm me gëzim të madh vendimin historik, që institucioni prestigjioz i kulturës evropiane Europa Nostra mori në lidhje me Teatrin Kombëtar të Shqipërisë. Europa Nostra e renditi të parin ndër 7 Vendet e Trashëgimisë Kulturore Evropiane më të Rrezikuara për vitin 2020. Godinat e Teatrit tonë të dashur e fituan këtë nder nga vlerat e rralla, që mbartnin në 80 vite histori: arkitektura futuriste, unike në ditët e sotme në Evropë; ngjarjet e mëdha politike, shoqërore e kulturore, që zunë vend brenda mureve të tyre; shfaqjet e veprave më në zë të dramaturgjisë botërore e asaj vendase; formimi dhe puna unikale e brezave të artistëve, që kanë ushqyer me art të vërtetë dhe ndikim të veçantë një popull të tërë për shumë dekada. Këtyre vlerave iu shtua vlera tjetër e paçmuar: qëndresa e artistëve dhe qytetarëve në mbrojtje të godinave, e pandodhur më parë gjatë 30 viteve histori post-moniste, impakti që pati në jetën e vendit në të gjitha dimensionet e sidomos për rolin e saj në demaskimin e fytyrës së vërtetë të qeverisë së Rilindjes. Renditja në listën e lartpërmendur do të thoshte, se organizata e merrte drejtpërdrejt nën mbrojtjen e saj Teatrin Kombëtar të Shqipërisë, duke u angazhuar në lobim për të bërë të mundur ristrukturimin e dy ndërtesave, i cili do të ishte me kosto shumë herë më të vogël se shuma 46 milionë dollarë, e akorduar për teatrin e ri të propaganduar nga qeveria, para të zhvatura nga Buxheti i Shtetit 2022, që sot mund të hidheshin për t’u lehtësuar mundimet shqiptarëve të thjeshtë.
Por hienat rilindase dhe gjithë vasalët e tyre, të pajisur veç të tjerash me urrejtje të madhe ndaj vlerave të vërteta mbarëkombëtare dhe me pandjeshmëri të tejskajshme ndaj gjithçkaje që emeton kulturë, qytetërim dhe humanizëm, në mëngjesin e errët të 17 majit jo vetëm injoruan organizatën e njohur të kulturës evropiane, por dhunuan 9 nene të Kushtetutës së Shqipërisë me barbari, duke nisur shembjen e ndërtesave, ndërkohë që njerëzit ishin brenda. Krimi mbi Teatrin ende nuk është shpaguar, sepse paguhet e majmet SPAK-u, që kriminelëve të mos u hyjë gjëmb në këmbë. Ku janë sot pseudoartistët, të ashtuquajturit aktorë të mëdhenj, që kauza e Teatrit u nxori bojën e tregoi sa të shtirur e të zbërdhylët janë në shpirt e formim? Ku janë ata, që flasin aq bukur në skenë për ideale e vlera? Ku janë ata, që rezultuan një gënjeshtër e madhe dhe faktuan, ca me vrerin, që vollën kundër dy ndërtesave historike, ca me servilizmin, përuljen apo memecërinë ndaj pushtetit, se sa pak e meritojnë nderimin, që shqiptarët u kanë blatuar dekada me radhë? Ku janë ata, që nëpër rrjete sociale i bëjnë ‘like’ dhe i thurin elozhe veprimit të drejtoreshës së Teatrit Shtetëror të Moskës, e cila dha dorëheqjen, sepse nuk pranonte më të paguhej nga qeveria e saj, duke u shprehur: “Nuk mund të punosh për një vrasës dhe të paguhesh prej tij.” Pse nuk i kërkojnë llogari qeverisë, që e mbështetën sikur janë pa gjak? Pse nuk i thonë: “Ku e ke teatrin e ri, që na e mburre aq fort? I ke hequr Shqipërisë dhe artit kombëtar tri salla, që ishin në funksion të plotë, deri ditën që u shembën, se në i braktisën vasalët e tu, nuk i braktisën qëndrestarët, që vazhdonin jepnin shfaqje aty, me Festivalin për Mbrojtjen e Teatrit.” Po Pehlivanit të Bashkisë, pse nuk shkojnë t’ia tundin dhëmbë e dhëmballë, t’i thonë: “Ku je ti, mor bukëshkalë, që do hapje gropën e teatrit të ri për punë ditësh?!” Por këtyre pseudoartistëve, që vazhdojnë marrin medaljet ‘Nderi i Kombit’, të cilave, kështu siç jepen, u ka rënë vlera fare dhe nder është t’i refuzosh, në të vërtetë nuk ua ndien fare për teatrin e vërtetë dhe kulturën, po fare-fare. Ata janë vetëm zanatçinj, që kërkojnë thjesht të mos humbasin komoditetet e jetës. Nuk kanë faj. Qeniet njerëzore janë të brishta. Që turpi i mbuloftë!
Të dashur miq. Ju drejtohemi juve, që na keni mbështetur dhe na mbështesni sipas mundësive tuaja. Janë mbushur 4 vite nga fillimi i betejës sonë. Ndërkohë të gjithë ndodhemi në kushte politike dhe shoqërore, të cilat kërkojnë zemra të forta dhe mendje të kthjellëta. Shqipëria sa vjen e bie më thellë në gropën e ndyrë, të hapur nga qeverisja grabitqare e Rilindjes. Kemi nevojë që të gjithë bashkë të bëjmë një barrikadë të fortë kundër këtij makthi. Ju bëjmë thirrje të mbajmë njëri-tjetrin. Le të na shërbejë e kaluara jonë e dhimbshme dhe e tashmja e vuajtur për reflektim dhe reagim mbarëqytetar. Të ndryshojmë gjendjen mjerane të vendit, të sjellim një ndryshim të madh politiko-shoqëror, duke ndryshuar së pari mendësinë tonë: duke arsyetuar dhe vepruar jo si të nënshtruar nga e keqja, por si fitimtarë. Ky ndryshim do të ishte një ndihmë shumë e madhe për fitoren e kauzës së Teatrit, e cila ka mbetur në dyert e SPAK-ut, që ka treguar, se nuk ka vullnet të veprojë. Por ne vazhdojmë të qëndrojmë, se jemi me të drejtën. E drejta, edhe pse po vonon shumë të shpallet nga abuzuesit, nuk po i lejon hienat ta hapin gropën në truallin e rrënojave të Teatrit. Nuk janë aq të fortë, sa ç’bërtasin çdo ditë se janë. Teatri do të ringrihet aty ku ishte dhe siç ishte! RROFTË TEATRI!
(a.b)/dosja.al
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Gazmend Paja, aktori i njohur i humorit është investitor strategjik në bregdetin e jugut me kompaninë e tij ‘Ecotech Energy Services’ së bashku me ...
TIRANË– Aktori i humorit, Gazmend Paja ka reaguar për herë të parë lidhur me lajmin se ka marrë tokë në Dhërmi për “investim strategjik”. (Shiko këtu...
DIVJAKË– Zbaticë e theksuar por edhe një tërheqje deti më e madhe se kudo në vijën bregdetare vihet re në Divjakë. Prej disa ditësh, niveli i ujit në...
TIRANË– Një ngjarje e pazakontë ka ndodhur në Kamëz. Një ditë më parë u raportua se kishte rënë nga ballkoni në tokë një grua, ngjarje e cila u rapor...
Fjola Graçi-Dosja.al TIRANË– Humoristi Gazmend Paja është shpallur investitor strategjik nga kryeministri Edi Rama duke përfituar ndërtimin e ...
TIRANË- Ulas Cokyigit nga Turqia është arrestuar nga policia e Tiranës në kuadër të operacionit Taksim. 41-vjeçari, ishte në Tiranë nën masën e sigu...
RUSI- Tregu i aksioneve të Rusisë u hap për herë të parë në një muaj të enjten pasi investitorët morën pjesë në një sesion tregtimi shumë të kufizuar.Sipas CNN,...
FIER- Gëzim Duka endet poshtë e lartë prej muajsh në kadastrën e Fierit. Ai do të legalizojë tokën që ka marrë në vitin 1997 nga komuna e atëhershme për të ndër...
TIRANË– Një aksident i rëndë është shënuar ditën e djeshme në kryeqytet ku një 47-vjeçar ka përplasur një të mitur e cila ndodhet në spital në...
TIRANË– Emiljano Shullazi dhe katër anëtarit e grupit të tij janë drejtuar Gjykatës së Lartë me rekurs, për prishjen e vendimit të Apelit. Rekursi ës...
