"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Bllokimi prej 5 ditësh i aksit Librazhd-Përrenjas ka detyruar mjetet e transportit ndërqytetës të ndryshojnë itinerar, për rrjedhojë është zgjatur edhe koha e udhëtimit deri në 2 orë.
LIBRAZHD- Nëse më parë një qytetar që nisej nga terminali i Juglindjes në Tiranë drejt Korçës dhe udhëtimi zgjaste rreth 3 orë, për shkak të devijimit të itinerarit tashmë koha e udhëtimit është zgjatur me deri në 1 orë e 20 minuta, duke e çuar totalin në mbi 4 orë, në varësi të trafikut dhe ngarkesës në segmentet alternative.
Bllokimi prej 5 ditësh i aksit Librazhd-Përrenjas ka detyruar mjetet e transportit ndërqytetës të ndryshojnë itinerar, për rrjedhojë është zgjatur edhe koha e udhëtimit deri në 2 orë.
Kryetari i Shoqatës së Transportit Ndërqytetas Dashnor Memaj tha se furgonat dhe autobusët vijojnë të kryejnë transport pasagjerësh drejt qyteteve të Korçës dhe Pogradecit, por po devijojnë nga rruga përmes Elbasan-Cërrik-Gramsh-Maliq.
Memaj tha se aktualisht janë të bllokuara lëvizjet e operatorëve drejt qytetit të Përrenjasit, por jo për shkak të mospërdorimit të rrugëve alternative, por fluksi shumë i ulët i pasagjerëve.
Në terminalin e Juglindjes nuk ka ndryshim oraresh për nisjen e mjeteve të transportit nga Tiranë me destinacion qytetet e Juglindjes, Korçë dhe Pogradec, me përjashtim të Përrenjasit ku lëvizja drejt këtij qyteti me mjetet e transportit, nuk funksionin.
Ndërsa operatorët e tjerë janë në lëvizje dhe po funksionojnë si linjë e rregullt. Megjithatë, koha e udhëtimit është rritur ndjeshëm. Nëse më parë itinerari Tirane – Korçë përshkohej për rreth 3 orë, aktualisht udhëtimi zgjat rreth 4 orë ose edhe më shumë. Sipas operatorëve në varësi të trafikut dhe ngarkesës në rrugët alternative për të arritur deri në Korçë udhëtimi është zgjatur 1 orë apo 1 orë e 20 minuta.
Lëvizja po organizohet përmes devijimeve përkatëse, ku mjetet kthehen nga segmentet alternative dhe bashkohen me linjat ekzistuese drejt denstinacionit për qytetin e Pogradecit. Ndërsa lëvizja me furgon nga operatorët privat të licencuar drejt qytetit të Përrenjasit aktualisht nuk funksion, pasi nuk ka kërkesë nga pasagjerët për lëvizje.
Edhe lëvizja me furgon drejt qyteteve të Pogradecit apo Korçës është në numër të ulët. Operatorët pohojnë se mjetet po i lëvizin me 3 apo 4 pasagjerë”, thekson Memaj.
Por për udhëtuar drejt qyteteve të Juglindjes banorët e këtyre zonave po përdorin rrugën tjetër alternative nga Dibra e Madhe, por që ka rezultuar me më shumë kosto financiare për ta nëse udhëtohet me mjet privat.
Pasi për kalimin në pikën kufitare të Maqedonisë së Veriut, duhet të jenë të pajisur me siguracionin e mjetit dhe nëse udhëtojnë me fëmijë (i shoqëruar vetëm nga një prind) duhet të pajisen me prokurë kalimi.
“Të shtunën, kur rruga u bllokua totalisht, një fatkeqësi më detyroi të shkoja në Përrenjas vetëm me dy djemtë e mi të vegjël. Përveç hallit, duhej të gjeja një rrugë alternative. Më sugjeruan të ndiqja itinerarin nga Tirana në Strugë për të arritur në Përrenjas: Tiranë -Klos- Bulqizë- Maqellarë -Kalimi i kufirit -Dibër e Madhe (Debar)- Strugë -Përrenjas.
Nëse nga rruga e vjetër më duhej vetëm të merrja makinën dhe të nisesha drejt Përrenjasit, këtë herë m’u komplikua situata dhe m’u rritën edhe kostot. Para se të nisesha, duhej të shkoja te noteri për të marrë aktin noterial për kalimin e fëmijëve në pikën doganore me Maqedoninë. Preva siguracionin e makinës dhe u nisa. Rruga më shkoi 3 orë”, tregoi për Monitor N.K.
Ndërkohë, një tjetër alternativë kalon përmes zonave rurale dhe është dukshëm më e vështirë për t’u përshkuar. Para segmentit ku ka ndodhur shembja, drejtuesit devijojnë nga aksi kryesor dhe ngjiten në një rrugë malore që kalon nga fshati Spathar drejt Dardhës. Ky segment është me zhavorr, kthesa të forta dhe pjerrësi, duke kërkuar kujdes maksimal gjatë qarkullimit.
Pas kalimit të zonës malore, automjetet zbresin në Hotolisht dhe lidhen sërish me rrugën nacionale drejt Përrenjasit, Pogradecit dhe Korçës.
Rritet çmimi i biletës
Mjetet private për shkak të vështirësisë po marrin dyfishin e biletës. Konkretisht për Tiranë-Përrenjas, çmimi i biletës nga 500 lekë që ka qenë është 1 mijë lekë.
Po ashtu përdorimi i rrugëve alternative po rrit kostot e transportit për operatorët privat, ku disa prej tyre kanë rritur çmimin e biletës deri 40%.
Për sa i përket çmimit të biletës, Kryetari i Shoqatës së Transportit Ndërqytetës Dashnor Memaj tha se nuk raportohet për ndryshim zyrtar, pasi çmimi i biletës për linjat e rregullat të operatorëve privat është e përcaktuar në VKM e ministrisë së Infrastrukturës në bazë të km të përshkruara, megjithëse mund të ketë raste të izoluara abuzimi.
Ndërkohë, sipas burimeve në terren, aktualisht po udhëtojnë kryesisht pasagjerë që kanë nevoja emergjente, për shkak të zgjatjes së kohës dhe vështirësive në qarkullim.
Në disa raste çmimi i biletës së furgonit nga 700 lekë që është për linjën Tiranë-Korçë ka arritur 800, 900 lekë deri në 1,000 lekë apo deri 40% më shtrenjtë nga çmimi i mëparshëm.
Drejtor i Agjencisë Kombtare të Mbrojtjes Civile Haki Çako gjatë konferencës së sotme për shtyp tha se Agjencia ka marrë përgjegjësitë e saj duke qenë në mbështetje të Autoriteti Rrugor Shqiptar për problematikën e krijuar, e cila ka sjellë impakt të drejtpërdrejtë në qarkullimin rrugor dhe në jetën e komunitetit në qarqet Elbasan dhe Korçë.
“Agjencia Kombtare të Mbrojtjes Civile ka qenë në komunikim të vazhdueshëm dhe në gatishmëri të plotë për përballimin e çdo urgjence, përfshirë urgjencat mjekësore. Të gjitha institucionet e përfshira në menaxhimin e situatës janë koordinuar për të garantuar reagim të shpejtë dhe minimizim të rrezikut për qytetarët.
Përmes një vendimi të Këshillit Teknik pritet të ndërhyhet konkretisht për zgjidhjen e situatës së krijuar”, tha Çako.
Ndërsa ministri i Mbrojtjes Pirro Vengu tha se pas shembjes së urës te “Arrat e Gurrës”, procesi është bërë publik dhe është në fazë vendimmarrjeje ndërtimi i një aksi të ri, me fokus sigurinë dhe jetën e banorëve, si dhe lehtësimin e aksesit në rast emergjencash./MONITOR
KOSOVË- Në shtëpinë-muze të kujtesës së civilëve të rënë të luftës mbeten hapësira t&eum...
KOSOVË- “Kushdo që vendos në dyshim ndërhyrjen ushtarake të NATO-s në Serbi, e ftoj të shkojë të vizitoj&eu...
foto ilustuese KOSOVË- Këto janë pamjet nga parada e 1432 fëmijëve në bulevardin e Prishtinës në kujtim të bas...
KOSOVË- Ky rrëfim tronditës nuk ka asnjë lidhje me botën njerëzore. Ky ish-luftëtar i Ushtrisë Çlirimtare t&eum...
KAMËZ- Policia ka shpallur në kërkim një mësuese në shkollën 9-vjeçare “100-vjetori i Pavarësisë&rdq...
foto ilustuese KAVAJË- Policia ka ndaluar një 38-vjeçar në Kavajë, pasi kishte thyer masën e sigurisë &ldquo...
KOSOVË- Dhjetë organizata të shoqërisë civile në Kosovë u kanë bërë thirrje përmes një letre parti...
Foto ilustruse SKRAPAR- Rruga Skrapar-Përmet, ka pësura dëmtime. Siç shikohet edhe nga fotoja e shfaqur në ekran, p&eu...
Foto ilustruse DURRËS- Një ngjarje e rëndë ka ndodhur në Durrës. Një foshnje ka ndërruar jetë pak ç...
Biznesi brenda partisë është shndërruar në një plaçkitje të madhe të pronës publike, aq sa zyrtarët a...
