Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Çdo 8 dhjetor, sjell në vëmendje vrasjen e të riut.
TIRANË- 8 Dhjetori, Dita Kombëtare e Rinisë do të përkujtohet për çdo vit, por që pas 2020-s mbart me vete dhe një ngjarje tepër të rëndë që riktheu protestat e ndezura në emër të 25-vjeçarit Klodiana Rasha që u vra nga efektivi i Policisë, Nevaldo Hajdaraj.
Si ndodhi vrasja
Rashës, të riut nga Puka, djalit më të vogël të familjes, iu mor jeta në lule të rinisë teksa po kthehej në shtëpi. Ai po ecte në rrugën “Dritan Hoxha”, në momentin që u pikas nga efektivi Hajdaraj, i cili po patrullonte me kolegun e tij nga Zogu i Zi në drejtim të sheshit “Shqiponja”. Mëkati i vetëm i Rashës ishte shkelja e orës policore dhe kjo rezultoi fatale për të.
Efektivët i thirrën, por Rasha nuk ndaloi dhe Hajdaraj e ndoqi nga pas. Kamerat e sigurisë që u publikuan më vonë treguan Hajdarin që ndjek nga pas Rashën, i cili u fut në rrugicën që lidh zonën e Laprakës me rrugën ‘Dritan Hoxha’. Në orën 02:02, Hajdaraj del krah Klodianit duke i drejtuar pistoletën e shërbimit. Pas tentativës për ta kapur efektivi Nevaldo Hajdaraj rrëzohet në trotuar, kurse Klodiani vijon të vrapojë me shpinë nga efektivi. Dhe pikërisht në këtë moment, Hajdaraj ngre dorën dhe e qëllon Klodian Rashën me pistoletën e shërbimit pas shpine. Pas Hajdarajt, në vendin e ngjarjes, mbërriti dhe kolegu i tij, por Rasha ishte tashmë i plagosur. Policët njoftojnë ambulancën, por hemorragjia dhe vendi ku ishte qëlluar bënë që 25-vjeçari, origjinë nga Puka të mos mbijetonte.
Ai ndërroi jetë, ndërsa ambulanca u nis drejt Spitalit të Traumës në orën 02:10 minuta e 40 sekonda. Klodian Rasha kishte mbërritur i pajetë në spital.
Mbulimi i krimit solli protestat
Ngjarja e rëndë u përpoq të mbulohej duke hapur ‘kartoketën’ e Policisë së Shtetit, duke gjetur ‘cene’ në të shkuarën e 35-vjeçarit, a thua se inkrimi i të riut do justifikonte faktin që ia morën jetën pabesisht ata që patrullonin pikërisht për të ruajtur sigurinë.
Fillimisht u fol se Rasha ishte i inkriminuar pasi ishte ndaluar nga policia në vitin 2016. Për t’i mëshuar më shumë të njëjtës teori, në media u gjet vend për të raportuar dhe se 25-vjçari kishte një pistoletë në dorë. Por, kur u pa se asnjë nga këto të dyja alternative nuk u pranuan në publik, u tha se pistoleta ishte gjetur rastësisht në rrugë e se po hetohej për të zbuluar se kujt i përkiste.
Hajdaraj u arrestua, por ndërkohë që autoritetet përpiqeshin të mbulonin diellin me shoshë, rinia u ngrit në protesta të fuqishme. Qindra e mijëra të rinj marshuan në të gjithë qytetet e Shqipërisë, por kulmuan në Tiranë, ku shpërthyen dhe përplasjet me efektivët e policisë.
Në total u protestua për 7 ditë me rradhë dhe u mbyllën me ‘prerjen e kokës’ së Sandër Lleshajt si ministër i Brendshëm. Ai dha dorëheqjen duke i pasuar detyrën Bledi Çuçit dhe ishte i vetmi që u ‘sakrifikua’, pasi Drejtorin e Policisë së Shtetit në atë kohë, Ardi Veliu, kryeministri Edi Rama 'nuk e lëshoi'.
Lutjet për drejtësi
Ditët kalonin dhe familja e Klodian Rashës kërkonte drejtësi. Babai i të riut, Qazim Rasha than ë përkujtimin e djalit të tij se uronte që atë që kishte përjetuar ai të mos e i ndodhte askujt.
“Lus zotin që të tilla tragjedi të mos ekzistojnë në asnjë vend të botës, mua më plagosi shpirtin, mua më ndau zemrën, kjo ka qenë arsyeja që ditën e parë që iu kam kërkuar që këtë lloj plage të mos e imagjinojë askush. Të tilla tragjedi të mos ketë asnjë familje asnjë qenie njerëzore. Dua të shpreh mirënjohje për secilin që ka shprehur interes për familjen time. Besoj se nuk ka specie në botë që të imagjinojë që në 2020 një nënë një baba, aq më tepër një malësor si puna ime, të luajë apo të imagjinojë të shesë apo të blejë gjakun e fëmijës së vetë. Ky nuk është faji im është faji i asaj qenie që mund ti shkojë ndërmend. Në shtëpinë time kam pritur e kam përcjellë numër të madh njerëzish, jam mirënjohës për secilin, qoftë qytetarë apo pushtetarë. Shteti e ka për detyrë atë që se ka bërë deri tani ndoshta ta bëjë. Më esencialja që kërkoj është zbardhjen e inkriminimit që persona të caktuar apo segmente të caktuar u munduan që fëmijën ta përbaltin ta inkriminojnë dhe të arrijnë deri aty sa të vënë armën që fëmija të bëhet kriminel. Sot është momenti që ia kërkoj shtetit që përbaltjen e djalit vendosjen e armës bën mirë që shteti ta gjejë personin sa unë nuk kam vendosur ta gjej vetë. Tragjedi e plagë të tilla lus zotin të mos i ndodhë askujt,”- tha ai një vit më parë.
Hajdaraj dënohet
Nevaldo Hajdaraj u dënua me 18 vite burg, por për shkak të gjykimit të shkurtuar, ai do të kryejë 12 vite burg. Prokuroria kërkoi dënim me 20 vite burg dhe heqje të gjykimit të shkurtuar, por Apeli vendosi të rrëzonte kërkesën e mbrojtjes për heqje të akuzës për “vrasje me dashje” për shkak se u vetëmbrojt, duke u shprehur se Klodian Rasha nuk kishte armë me vete dhe nuk përbënte rrezik për jetën e efektivit Hajdaraj.
Sot ka dhe një rrugë me emrin 'Klodian Rasha', por a e shlyen kjo fajin?
Policia KORÇË- Një i ri është arrestuar ditën e sotme në Korçë. Mësohet e 20-vjeçari isht...
policia italiane ITALI- Një 26-vjeçar shqiptar, i kërkuar nga autoritetet zvicerane për shkelje të rëndë të ...
Sekuestrimet SELANIK- Një 39 vjeçar shqiptar është arrestuar nga policia greke në Selanik. Pontosnews shkruan se atij i ësh...
Policia greke KAPSHTICË- Një shqiptar i shpallur në kërkim për trafik droge është arrestuar nga policia greke në Ka...
Braverman dhe Sir Roger Gale BRITANI- Gjuha e Suella Braverman për azilkërkuesit shqiptarë po “përkeqëson” një si...
Mall i sekuestruar SPANJË- Guardia Civile spanjolle ka arrestuar sot shtatë anëtarë të një bande kriminale shqiptare që ...
Albana Ferraj TIRANË- Policia e Tiranës ka arrestuar 3 persona të shpallur në kërkim për kryerjen e veprave të ndryshme ...
Burgu KORÇË- Gjendet drogë në burgun e Drenovës. Sasia e lëndës narkotike iu është zbuluar një prej t&e...
Foto Ilustruese TIRANË- Shëndetësia po lulëzon, por kjo vetëm në “Facebook-un” e ministres së Shëndet&e...
Rruga e Arbrit TIRANË- Rruga e Arbrit, koncesioni i rrugës Thumanë–Kashar, koncesioni për rrugën Lekaj–Fier, tuneli i ...
