Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Në një reagim të plotë sot, "Tatimet" pretendojne se ky lajm është i pavërtetë, madje sipas tyre Tarja është punonjës i Administratës Tatimore prej vitit 2014 dhe nuk rezulton i dënuar më parë. Duke publikuar edhe dokumentet.
TIRANË- Drejtoria e Tatimeve ka reaguar pas një lajmi që ka publikuar një ditë më parë, duke përgënjeshtruar të dhënat ku pretendohej se drejtori i Përgjithshëm i Tatimeve, Ceno Klosi ka emëruar në krye të drejtorisë së Verifikimit në Terren dhe Koordinimit, Trëndafil Tarjen. Ai pretendohet se është i arrestuar më parë nga Policia për favorizim të bixhozit dhe shpërdorim detyre në 2015.
Në një reagim të plotë sot, "Tatimet" pretendojne se ky lajm është i pavërtetë, madje sipas tyre Tarja është punonjës i Administratës Tatimore prej vitit 2014 dhe nuk rezulton i dënuar më parë. Duke publikuar edhe dokumentet.
“Lidhur me artikullin e publikuar dje, datë 10.08.2022, në portalin Balkanëeb me titull “Skandali/Tatimori i arrestuar për ryshfet me pikat e bixhozit gradohet nga Ceno Klosi drejtor i Verifikimit në Terren”, Drejtoria e Përgjithshme e Tatimeve sqaron qytetarët shqiptarë se lajmi i sipërcituar është i pavërtetë dhe i pabazuar. Me qëllim informimin korrekt të opinionit publik, Administrata Tatimore sqaron se zoti Trëndafil Tarja është punonjës i Administratës Tatimore prej vitit 2014. Emërimi i tij në pozicionin Inspektor Zbatimi, në Sektorin e Zbatimit (Task-Forcë), në Drejtorinë e Hetimit Tatimor, në Drejtorinë e Përgjithshme të Tatimeve, është kryer në zbatim të vendimit nr. 1324, datë 05.09.2014. Prej 8 vitesh nga emërimi i tij i parë, z. Tarja ka ushtruar funksione të ndryshme në Drejtorinë e Përgjithshme të Tatimeve, si: Inspektor, përgjegjës sektori dhe drejtor drejtorie, sipas procedurave që parashikon Kodi i Punës dhe legjislacioni në fuqi. Ky fakt dëshmohet nga vërtetimi i gjendjes gjyqësore, datë 10.08.2022, ku rezulton i pa dënuar! Lidhur me pretendimin në artikullin me të njëjtin titull, sipas të cilit punonjësi në fjalë akuzohet për shpërdorim detyre, DPT saktëson se kjo nuk është e vërtetë, duke vënë në dispozicion të opinionit publik dokumentet, që provojnë të kundërtën, si më poshtë: Vendimin e Gjykatës së rrethit Gjyqësor Tiranë, nr. 2788, datë 15.09.2016, ku citohet se është pushuar çështja penale në ngarkim të zotit Tarja, për mungesë provash, duke e shpallur atë të pafajshëm, vendim i lënë në fuqi edhe në vendimin nr. 2120, datë 08.10.2018, të Gjykatës së Apelit Tiranë. Kjo konfirmohet edhe nga dëshmia e penalitetit, ku rezulton i pa dënuar! Theksojmë se Administrata Tatimore nuk intimidohet nga sulmet dashakeqëse mediatike dhe garanton qytetarët shqiptarë se mbetet e angazhuar në zbatimin e detyrave, që i ngarkon ligji duke vepruar drejt dhe me transparencë në përmbushje të misionit të saj për çdo tatimpagues, në mënyrë të barabartë,”-shkruhet në reagime.
SHKRIMI I PLOTË:
Skandal me drejtorin e Përgjithshëm të Tatimeve Ceno Klosi, i cili i ka emëruar në krye të një prej drejtorive më të rëndësishme një inspektor tatimor të arrestuar më parë nga policia për favorizim të bixhozit dhe shpërdorim detyre në 2015. Bëhet fjalë për drejtorin e Verifikimit në Terren dhe Koordinimit, Trëndafil Tarja, i cili nga përgjegjës sektori është graduar nga Ceno Klosi në krye të një prej drejtorive kryesore në Tatime. Në 2015 Trëndafil Tarja ishte arrestuar me bujë së bashku me 10 tatimorë të tjerë teksa u kapën duke favorizuar biznese të lojërave të fatit, dhe u akuzua për shpërdorim detyre. Mjafton një kërkim i thjeshtë në internet për operacion e policisë të koduar “Stop”, se si Trëndafil Tarja dhe tatimorët e tjerë kishin ngritur kundrejt ryshfetit një skemë favorizimi biznesesh, ku lajmëronin subjekte të ndryshme çdo ditë se ku do të bëheshin kontrolle në terren me qëllim që t’i shpëtonin kompanitë e basteve nga gjobat. Ndoshta kjo eksperiencë e Trëndafil Tarjes si njohës i mirë i terrenit, ka bërë që Ceno Klosi ta emërojë në krye të drejtorisë së Verifikimit në Terren dhe Koordinimit. Po ashtu Trëndafil Tarja është një militant i vijës së parë i Partisë Socialiste duke marrë pjesë në aktivitete fushate. Emërimet e Ceno Klosit në administratën e tatimore po degradojnë dita ditës me punësime me të shkuar kriminale, nepotike dhe në konflikt interesi. Klosi ka emëruar në drejtorin kyçe të Rimbursimit të TVSH kushëririn e tij Gjergji Smokthina, ndërsa pak ditë më parë u zbulua se Ceno Klosi kishte punësuar si këshilltar Mikel Lesaj, i cili deri në 28 janar 2022, rezulton të jetë ortak në biznes me vëllain e kreut të Tatimeve, Genti Klosi. Lidhjet nepotike të drejtorit të Përgjithshëm të Tatimeve janë konsoliduar me emërimin si këshilltar të tij të Mired Reçit, i cili është djali i tezes i zv.kryeministres dhe ministres së Infrastrukturës dhe Energjisë Belinda Balluku. Por përveç lidhjeve nepotike Mired Reçi rezulton se ka qenë aksioner në dy kompani të hapura në Shqipëri. Bëhet fjalë për kompaninë “XL MARKET” shpk, dhe “Hippo Tregu Elektrik”, shpk, ku Mired Reçi ishte aksioner deri vonë me 49%, ndërsa ortaku tjetër ishte Meland Qirko, kunati i zv. kryeministres dhe ministres së Energjisë dhe Infrastrukturës, si dhe bashkëshort i Pamela Qirkos, e motra Ballukut. Skandali thellohet, pasi dy kompanitë ku ka qenë pronar Mired Reçit janë subjekt i mundshëm kontrolli nga administrate tatimore, aty ku ai është i punësuar në një prej niveleve më të larta.
Tapash Sarkar TIRANË- Një burrë nga Bangladeshi ka vdekur duke u përpjekur të mbërrinte në Francë nga Greqia pë...
Ervis Martinaj KURBIN- Detaje të reja janë mësuar lidhur me zhdukjen e Ervis Martinajt. Burime për gazetaren Klodiana Lala bëjn&e...
Ervis Martinaj KURBIN- Zbulohet mesazhi i fundit që ka lënë për familjarët Ervis Martinaj. Me një numër që nuk e p&...
Britani BRITANI- Një shqiptar 20-vjeçar ka pranuar se po rriste kanabis në një fermë të madhe droge të gjetur brenda n...
KURBIN- Detaje të reja janë mësuar lidhur me zhdukjen e Ervis Martinajt. Kallëzimin penal në Policinë e Kurbinit e ka bër&e...
Ervis Martinaj TIRANË- Familja e Ervis Martinaj ka kallëzuar në Policinë e Shtetit humbjen e kontakteve me të shumëk&e...
Foto ilustruese TIRANË- Tre vatra zjarri vijojnë të mbeten aktive në vend. Emergjencat Civile kanë bërë me dije se n&eum...
DURRËS- Një vajzë 31-vjeçare është zhdukur në Durrës. Policia njofton se ka qenë nëna e 31-vjeçares...
FIER- Disa orë më vonë, polumbarët kanë arritur të gjejnë trupin e pajetë të 14-vjeçarit, i cili u zhduk d...
Mirela Kumbaro TIRANË- Në fillim të këtij muaji Jonada Avdia, një vajzë shtatëvjeꞔare, që jetonte në Angli me ...
