Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Duke qenë se ka përfituar nga gjykimi i shkurtuar, i është ulur një e treat e dënimit dhe do të vuajë vetëm 8 vite burg. Apeli ka vendosur që vuajtja e dënimit për pjesën e pavuajtur nga Malindi do të kryhet në një burg të sigurisë së lartë.
TIRANË- Apeli i Gjykatës së Posaçme Kundër Korrupsionit dhe Krimit të Organizuar (GJKKO) ka lënë në fuqi dënimin për Gentian Malindin, lidhur me trafikimin e 137 kilogramëve kokainë nga Ekuadori për në Durrës. Në njoftimin zyrtar bëhet me dije se Malindi është deklaruar fajtor për kryerjen e veprës penale “Trafikimi i narkotikëve”, në bashkëpunim në formën e grupit të strukturuar kriminal, “Kryerja e veprave penale nga organizata kriminale dhe grupi i strukturuar kriminal”; “Grupi i strukturuar kriminal” dhe është dënuar në total me 13 vite burg. Duke qenë se ka përfituar nga gjykimi i shkurtuar, i është ulur një e treat e dënimit dhe do të vuajë vetëm 8 vite burg. Apeli ka vendosur që vuajtja e dënimit për pjesën e pavuajtur nga Malindi do të kryhet në një burg të sigurisë së lartë.
Si u arrestua Malindi?
Malindi ishte shpallur në kërkim që në vitin 2019 për porositjen e 137 kilogramëve kokainë që u gjurmuan e zëvendësuan me oriz. Pas tre viteve në kërkim nga Policia e Shtetit, Malindi ka rënë në pranga e policisë në afërsi të Vorës, teksa lëvizte me mjetin e tij. Në momentin që është ndaluar nga efektivët, Malindi u është prezantuar si qytetar i Kosovës dhe u ka dhënë një mjet identifikimi me emër tjetër. Por, verifikimet e mëtejshme kanë zbuluar se bëhet fjalë për të shpallurin në kërkim. Gjatë kontrollit fizik, shërbimet e Policisë i gjetën 1050 euro, 11 500 lekë të rinj, 3 aparate celulare dhe dy mjete identifikimi të dyshuara të falsifikuara, të cilat u sekuestruan në cilësinë e provës materiale, së bashku me automjetin me të cilin qarkullonte 46-vjeçari.
Trafiku i drogës
Droga për të cilën akuzohet Malindi u sekuestrua në Pire dhe u zëvendësua me oriz, të cilit iu vendos gjurmues, ndërsa Policia Shqiptare u sinjalizua nga vetë DEA Amerikane për të kontrolluar konetjenerin ku ishte futur dhe për të parë se kush do të dilte për të pritur 'kokainën' në Durrës. Atë ditë, në port u paraqitën dy punonjësit e Malindit, Ardian Bega dhe Altin Myslihaka. Gentian Malindi është një person me precedentë penalë. Ai ka qenë edhe më herët i arrestuar dhe proceduar për trafikim të lëndëve narkotike, më konkretisht për një sasi prej 500 kilogramë hashash.
Njoftimi:
Gjykata e Posaçme e Apelit për Korrupsionin dhe Krimin e Organizuar, me trup gjykues të përbërë nga gjyqtarët Florjan Kalaja (kryesues), Engert Pëllumbi (anëtar) dhe Igerta Hysi (anëtare), më datë 25.04.2023, përfundoi shqyrtimin e çështjes së regjistruar me nr. 26 akti, datë 22.02.2023 regjistrimi, mbi ankimin e paraqitur nga ankuesi/i pandehuri Gentian Malindi, kundër vendimit nr. 2, datë 10.01.2023 të Gjykatës së Posaçme të Shkallës së Parë për Korrupsionin dhe Krimin e Organizuar që ka vendosur:
1. Deklarimin fajtor të të pandehurit Gentian Malindi për kryerjen e veprës penale “Trafikimi i narkotikëve”, në bashkëpunim në formën e grupit të strukturuar kriminal, “Kryerja e veprave penale nga organizata kriminale dhe grupi i strukturuar kriminal” parashikuar nga neni 283/a/1, dhe në lidhje me nenet 28/4 dhe 334/1 të Kodit Penal dënimin e tij me 13 (trembëdhjetë) vjet burgim.
2. Deklarimin fajtor të të pandehurit Gentian Malindi për vepër penale “Grupi i strukturuar kriminal”, parashikuar nga neni 333/a/1 i Kodit Penal dhe dënimin e tij me 5 (pesë) vjet burgim.
3. Bazuar në nenin 55 të Kodit Penal në bashkim të dënimeve i pandehuri Gentian Malindi dënohet me një dënim të vetëm prej 13 (trembëdhjetë) vjet burgim.
4. Në zbatim të nenit 406/1 të Kodit të Procedurës Penale, të pandehurit Gentian Malindi i ulet 1/3 (një e treta) e dënimit të dhënë, duke u dënuar përfundimisht me 8 (tetë) vjet e 8 (tetë) muaj burgim.
5. Vuajtja e dënimit për pjesën e pavuajtur të kryhet nga i pandehuri Gentian Malindi në një burg të sigurisë së lartë, në respektim të nenit 16 pika 1, germa “a” të ligjit Nr. 81/2020 “Për të drejtat dhe trajtimin e të dënuarve me burgim dhe të paraburgosurve”.
Në përfundim, Gjykata e Posaçme e Apelit për Korrupsionin dhe Krimin e Organizuar vendosi: Lënien në fuqi të vendimit nr. 2, datë 10.01.2023 të Gjykatës së Posaçme të Shkallës së Parë për Korrupsionin dhe Krimin e Organizuar.
Policia TIRANË- Një person pa jetë është gjetur mengjësin e sotëm në Tiranë. Mësohet se një 67-...
Dosja TIRANË- Dosja.al ju sjell lajmet më kryesore në portalet për ditën e sotme. Dosja.al, TopChanel, TvKlan, Abc dhe Shqipt...
Ambulancë TIRANË- Një 56-vjeçar ka rënë nga kati i katërt i një pallati në Tiranë. Në njoftimin e ...
Policia e Tiranës TIRANË- Tre persona janë vënë në pranga nga Policia e Tiranës pasi akuzohen për trafik emigrant&e...
Ergys Dashi TIRANË- Rako Plaku, i njohur ndryshe edhe si Ledi është 36-vjeçari shqiptar që u vetëdorëzua në komis...
Moti TIRANË- Shqipëria sot do të jetë nën ndikimin e masave të ftohta ajrore dhe reshjeve të shiut. Sot parashikohet se ...
Tërmet GREQI- Një tërmet me magnitudë 4 gradë të shkallës rihter ka tronditur kufirin mes Shqipërisë dhe Greqi...
Leonard Thodhori TIRANË- Leonard Thodhori dhe Fatmir Sulovari rezultojnë të zhdukur prej më shumë se dy javësh. Policia dhe f...
Pamje nga vendi i ngjarjes ITALI- Një shtetas maroken mbeti i vrarë në përleshje me karabinierët italianë pasi kishte që...
Armet ITALI- Policia italiane ka vënë në pranga një shqiptar, i cili maskohej si shitës makinash të përdorura, por ...
