Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Ditën që u konstatua vjedhja nga vajza e Klosit, Simona, e cila kur është kthyer nga shkolla ka vënë re që shtëpia ishte rrëmujë dhe ishte vjedhur, vetë zyrtarja ishte në institucionin ku edhe ishte e punësuar, në Agjencinë e Mbikëqyerjes Financiare. Si erdhi nga Amerika me urgjencë? Pas kësaj interviste, justifikimet u ‘trashën’.
TIRANË- Që ish-zyrtarja Alda Klosi gënjeu për burimin e 120 mijë eurove dhe të florinjve në banesë, është një fakt (lexo të plotë formularin e siguruar nga Dosja.al), por ajo që mbetet evazive, është arsyeja që e çoi njeriun që për gjashtë vite ka qenë drejtoreshë në institucione të ndryshme, ta ndërmarrë këtë hap.
Gënjeshtra nisi ditën që vjedhja u bë publike, ose më saktë kur u raportua se banesa që kishin vjedhur nënë e bir, Rozeta dhe Havier Dobi, ishte e njëjta ku jetonte me qira Klosi. Kur në media qarkullonin dyshimet për burimin e parave, Klosi u kujdes të nxirrte zbuluar mungesën e transparencës që kishte treguar në formularët e firmosur ndër vite në institucionin përgjegjës për deklarimin, kontrollin e pasurisë dhe konfliktin e interesit për zyrtarët e lartë shtetërorë dhe publikë (ILDKPKI).
“Gjatë kësaj kohe kam menduar me qetësi për sendet që kam patur dhe konstatova se ditën e ngjarjes më janë vjedhur një shumë në valutë të huaj më shumë se 120 mijë euro, si dhe një shumë prej 30 mijë dollarësh. Shumën e kam të deklaruar. Se po të ishte e kundërta nuk e bëja denoncimin! Jo, fare nuk më shkoi mendja. Por ngaqë ishin bërë disa grabitje në banesa. Jam ndjerë shumë keq. Më ka lënë një shije shumë të keqe. Plus edhe momenti, situata e rënduar, kam xhaxhain duke vdekur. Ato kanë qenë lekë për kurimin e tij. Nuk më ka shkuar mendja te ky person. Kjo grua ka punuar në 20 shtëpi të tjera prej shumë vitesh. E kanë kapur kamerat. Unë erdha kastile nga Amerika me urgjencë. Erdha pardje, shkova në polici dhe bëra denoncimin. Policia bëri një punë të palodhur. Ky njeri përbën një rrezik publik. Sa shumë familje mund të jenë dëmtuar. Sepse ajo punonte në shumë banesa. Por me denoncimin që bëra i bëra një të mirë komunitetit,”- tha Klosi, por ky ishte i gjithi një mashtrim!
Ditën që u konstatua vjedhja nga vajza e Klosit, Simona, e cila kur është kthyer nga shkolla ka vënë re që shtëpia ishte rrëmujë dhe ishte vjedhur, vetë zyrtarja ishte në institucionin ku edhe ishte e punësuar, në Agjencinë e Mbikëqyerjes Financiare. Si erdhi nga Amerika me urgjencë? Pas kësaj interviste, justifikimet u ‘trashën’.
Në deklaratën e dhënë në prokurori, të publikuar dhe nga Dosja.al më herët, Alda Klosi thoshte se paratë ia kishte lënë xhaxhesha për të kompletuar shtëpinë e tyre dhe për nevoja të tyre pasi xhaxhain e ka të sëmurë me kancer dhe djali i tyre është me probleme.
“Deklaron se këto para i kishte të xhaxhait dhe nuses së xhaxhait të saj i cili i’a ka lënë për të kompletuar shtëpinë e tyre dhe për nevoja të tyre pasi xhaxhain e ka të sëmurë me kancer dhe për çdo nevojë që do të kishte, pasi djali i tyre është me probleme dhe këto lekë janë të mbledhura ndër vite nga ana e tyre pasi jetojnë në Amerikë dhe në këtë kohë ai po kurohet në Amerikë. Deklaron se ka patur një unazë floriri me medalionin e shën mërisë, një unazë floriri të bardhë me gurë të kuq, një unazë me flori të bardhë dhe me tre gurë, vathë të ndryshme me përmasa dhe forma të ndryshme, një palë vëthë me emoi, një varëse floriri me kryq dhe me shën meri, një palë vëthë floriri në formë triangolo, një unazë flori me tre gure diamandi. Një çantë me ngjyre blu dhe të bardhë e markes Valentino, një portofol me ngjyrë bezhë e markës Valentino,”- thuhet në deklaratëm e Klosit.
Versioni ndryshoi por mbeti një mashtrim. Tashmë përveç parave që Klosi duhet të vërtetojë ku i mori dhe i mori, duhet të tregojë dhe burimin e koleksionit të florinjve? I mori nga xhaxhesha? Ia sollën nga Amerikë? Si ia sollën? Janë dhuratë? Sërish do të ishte problem për një zyrtare, pasi tejkalon vlerën e që i lejohet të marrë në formë dhurate.
Tashmë çështja kryesore nuk është vjedhja, as arsyet e vjedhjes, por burimi i parave dhe sendeve që u vodhën. A ka indicia Prokuroria e Posaçme Kundër Korrupsionit dhe Krimit të Organizuar (SPAK) që të nisë hetimet për Klosin? Ka dyshime se kemi të bëjmë me para të pista me burime nga korrupsioni?
Nisur kjo dhe nga deklarata e vetë kryeministrit Edi Rama, i cili e konsideroi Klosin një ‘llum të veshur me kostum’.
“Nuk e di kur do ta kuptojnë disa që Reforma në Drejtësi dhe forcimi i institucioneve ligjzbatuese bëhen pikërisht për të pastruar llumin! Prandaj kur del llumi falë punës së këtyre institucioneve, s’duhet harruar se këto janë provat e vullnetit tonë kundër korrupsionit! E thënë ndryshe, në një kohë tjetër policia apo drejtësia nuk ia nxirrnin kurrë lakrat në shesh njerëzve të veshur me kostum zyrtar, ndërsa sot kohët ndryshojnë përditë për mirë edhe në këtë drejtim! Sepse sot vullneti politik është i plotë dhe mburoja e vjetër politike ka rënë! Unë uroj vetëm që t’u shkohet sa më shumë deri në fund historive të ulëta me para të pista dhe forca e ligjit të mos ndalojë përpara askujt, kur faktet provojnë se është shkelur ligji për përfitime të paligjshme, nga kushdoqoftë,”- shkruant Rama.
Foto Ilustruese TIRANË- Një makinë ka marrë flakë pasditen e sotme në Tiranë. Mësohet se makina tip 'Audi' ka ...
Rene Rexhepi DANIMARKË- Rene Rexhepi, shefi shqiptar më i famshëm në botë, ka njoftuar se së shpejti restoranti i tij Noma do...
Alda Klosi TIRANË- Në 6 vite punë në administratë, duke mbajtur gjithmonë poste me mjaft përgjegjësi, Alda Klosi u ...
Foto ilustruese TIRANË- Infektimet dhe shtrimet në spital si pasojë e prekjes nga pandemia e koronavirusit, në vendin tonë jan&eum...
Antonio Leka LEZHË- I veshur me anti-plumb të bardhë dhe me arsenal armësh në makinë, këto janë pamjet e Antonio L...
Alda Klosi TIRANË- Dosja.al ka siguruar ekskluzivisht deklarimin e pasurisë së ish-zyrtares Alda (Çiko) Klosi, në banesën e...
Foto nga bastet POGRADEC- 3 persona janë arrestuar në Progradec për organizim të lojërave të fatit. Nga operacioni i pol...
Foto ilustruese Rritja e eksporteve bujqësore si perime, fruta dhe bimë medicinale këtë vit shënoi rritje në sasi dhe në...
Porti i Durresit DURRËS- Një 25-vjeçar është arrestuar ditën e sotme në Portin e Durrësit për veprë...
Ortenca Budlla TIRANË- Gazetarja e Euronews, Ortenca Budlla, ka shkuar këtë të martë në banesën e Alda Klosit, zyrt...
