SPAK pushton Bashkinë e Tiranës, 8 flet-arreste për “3 Drejtorët” e Veliajt, Qato dhe Molla në burg
"Po nuk u arrestua Veliaj nuk ka drejtësi"/ Këlliçi komenton arrestimet në Bashkinë Tiranë: Ju mendoni ai nuk ka...
"Po nuk u arrestua Veliaj nuk ka drejtësi"/ Këlliçi komenton arrestimet në Bashkinë Tiranë: Ju mendoni ai nuk ka...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Miratohet në Këshillin e Sigurimit rezoluta për armëpushim të menjëhershëm në Gazë, SHBA abstenon ...
• Vritet Mario Muka në Gjermani. Rrugët e qytetit gjerman Krefeld janë përgjakur mbrëmjen e djeshme, pasi 42-vjeçari shqiptar është ekzekutuar rreth orës 20:00 të mbrëmjes nga 2 persona me 4 plumba, 2 prej të cilëve i mori pas koke. • Ai ishte arrestuar disa herë për trafik droge si dhe vjedhje.•Po ashtu, shqiptari në Gjermani mësohet se ishte i pastrehë si dhe i varur nga droga. Muka ishte pronar i një karburanti në Shijak. • Ende nuk dihen shkaqet e ngjarjes, ndërkohë që Policia ka shpallur në kërkim dy persona, të cilët i dhanë fund jetës së shqiptarit.
4 artikuj për këtë temë.
TIRANË- Mario Muka është shqiptari i vrarë në Gjermani. 42-vjeçari rezulton të jetë pronar i një karburanti në ‘Katër Rrugët’ e Shijakut dhe kishte emigruar drejt Gjermanisë në vitin 2018.
Autoritetet gjermane kanë kërkuar të dhëna për Mukën, që nga shenjat e gishtërinjve dhe nëse është i skeduar nga policia.
Ngjarja e rëndë ka ndodhur mbrëmjen e së hënës në Krefeld të Gjermanisë. Të shtënat ndodhën në orën 19:50 dhe sipas dëshmitarëve dy burra u panë duke ikur në errësirë. Një e shtënë e ka goditur viktimën në kokë, duke e lënë të vdekur në vend.
32-vjeçari ishte i njohur për policinë për krime të drogës dhe pronës. Thuhet se ai nuk ishte një “lojtar i madh” në biznesin e drogës, por një tregtar i vogël që kishte konsumuar edhe vetë drogë. Policia dhe grupi hetimor po vijojnë hetimet për zbardhjen e plotë të ngjarjes.
GJERMANI- Detaje të reja janë zbuluar lidhur me vrasjen e 42-vjeçarit shqiptar në Gjermani, i cili gjeti vdekjen në vend pasi mori 2 plumba në pjesën e pasme të kokës. Shqiptari i ndjerë ishte emër i njohur për Policinë pasi ishte vënë re disa herë për vepra të ndryshme penale (trafik droge, vjedhje). 42-vjeçari i varur nga droga jetonte në Gjermani që nga viti 2018 dhe ishte i pastrehë.
Siç mësoi BILD, dy autorët me sa duket kanë ardhur në Garnstraße në Krefeld me një Peugeot blu të vjedhur (targa ëES). Aty mesa duket kanë parkuar makinën dhe kanë pritur shqiptarin. Njëri nga vrasësit ishte me trup mesatar, kishte veshur një xhaketë të errët, pantallona ngjyrë të çelur dhe kapelë ngjyrë të çelur. I dyti ishte gjithashtu me gjatësi normale, kishte veshur një xhaketë të errët me logo në shpinë, pantallona të errëta dhe një kapele të errët.
Të dy shkuan rreth 30 metra drejt shqiptarit, më pas me siguri janë qëlluar katër të shtëna, dy mësohet se kanë qenë fatale.
Autorët janë larguar në këmbë në drejtim të Unazës 'Alter Deutscher', nuk dihet nëse ata hipën në një automjet tjetër. Hetuesit po ndjekin një qasje në mjedisin e drogës. Një gjyq për një tregtar droge që po vazhdon aktualisht në Krefeld, ndoshta nuk ka asnjë lidhje me rastin e së hënës në mbrëmje, por viktima ishte dëshmitar. Por shqiptari nuk duhej të paraqitej më në gjykatë për shkak se dëshmia e tij nuk ishte më e nevojshme.
GJERMANI- Detaje të reja kanë dalë në dritë në lidhje me vrasjen e 42-vjeçarit shqiptar identiteti i të cilit nuk është bërë i ditur. Ai u ekzekutua mbrëmjen e djeshme rreth orës 20:00 në Krefeld, në veriperëndim të Dyseldorfit me plumb pas koke duke gjetur vdekjen. Kur efektivët e Policisë mbërritën në vendin e ngjarjes së bashku me ekipet mjekësore konstatuan vdekjen e tij.
Kanë qenë disa dëshmitarë okularë ata që kanë lajmëruar Policinë pasi kishin dëgjuar të shtënat me armë. Në dëshminë e dhënë para Policisë ata thanë që kishin parë dy burra duke u larguar nga vendi i ngjarjes në drejtim të Unazës Alter Deutscher.
“Burri i parë ishte me gjatësi dhe trup mesatar. Ai kishte veshur një xhaketë të errët, pantallona të lehta dhe një kapele të lehtë. Burri i dytë ishte gjithashtu me gjatësi normale. Ai kishte veshur një xhaketë të errët me një logo të spikatur në anën e pasme, pantallona të errëta dhe një kapelë të errët”, thanë dëshmitarët.
42-vjeçari shqiptari nuk ishte një emër i panjohur për Policinë gjermane. Ai ishte me precedentë penal pasi ishte akuzuar disa herë për vepra të ndryshme penale. Autoritetet janë vënë në lëvizje për zbardhjen e plotë të ngjarjes. Policia ka vënë dhe një numër kontakti në dispozicion për të gjithë ata që kanë qenë dëshmitarë apo kanë dijeni në lidhje me ngjarjen.
GJERMANI- Një ngjarje e rëndë është shënuar mbremjen e djeshme në qendër të qytetit të Krefeld në veriperëndim të Dyseldorfit ku një 42-vjeçar shqiptar është ekzekutuar me armë zjarri teksa po lëvizte me biçikletë. Sipas informacioneve të BILD ngjarja e rëndë ka ndodhur pak para prës 20:00. Shqiptari ka mbetur i vdekur në vend.
Nuk dihet ende nëse ka qenë vetëm një autor apo disa por sipas Policisë 42-vjeçari është qëlluar nga një distancë shumë e afërt. Policia ka ngritur grupe të shumta kontrolli për zbardhjen e ngjarjes. Deri më tani nuk ka informacione të tjera lidhur me ngjarjen e rëndë.