Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
• Pedagogët kanë vendosur një tjetër ultimatum. Pas orës 16:00 të ditës së sotme, kohë kur kishin planifikuar të nisnin grevën e urisë familjarisht, pedagogët, përmes një deklarate bënë me dije se kanë vendosur të presin edhe tri ditë. Këtë herë, ata presin që Presidenti i Republikës, Bajram Begaj, t’i garantojë që nuk do tu rrezikohet jeta në mënyrë që të nisin grevën e urisë. • Por, kreu i Sindikatës së Pedagogëve, Sandër Kovaçi tha se pedagogët po kërcënohen pas paralajmërimit se do të futen në grevë. Ai i bëri thirrje kryeministrit Edi Rama që të ndalojë sulmet politike ndaj pedagogëve, ndërsa grevën e konsideroi ‘alarmin e kuq’ që qeveria nuk pranon ta shohë. • Kryeministri Edi Rama, deklaroi ditën e djeshme se grevë për rritje rrogë bëjnë vetëm njerëz pa fe e pa atdhe, rublaxhinj pa din e pa iman, foltorexhinj e baltaxhinj që vetëm Shqipërisë e shqiptarëve nuk i shërbejnë. Më 5 tetor Qeveria ka vendosur që të rrisë me 15% pagën e pedagogëve, pas protestave të këtyre të fundit. Nga ku 7% do të mbulohet nga buxheti i shtetit dhe 8% do të mbulohet nga vetë bordi i administrimit. • Kërkesat e kryesore të pedagogëve: Rritja e pagave për pedagogët dhe stafin ndihmës; Rritja e financimit për kërkimin shkencor; Rivendosja e shtesave mbi pagë për ‘Dëshmëri shëndeti në punë’; Rritja e shtesës mbi pagën për vjetërsinë në punë; Rritja e pagesës së orëve të ngarkesës suplementare; Rivlerësimi i orës mësimore pasi ka zbritje prej 50% të pagesës së orës mësimore si rezultat i mosfierencimit të orës mësimore të leksionit; Rishikimin e tatimit prej 23% mbi pagesën e ngarkesës suplementare; Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”; Të bëhet transparencë mbi buxhetin dhe të ardhurat e universitetet publike.
2 artikuj për këtë temë.
TIRANË- Sandër Kovaçi, kreu i Sindikatës së Pedagogëve është shprehur se do të presin edhe tri ditë për tu futur në grevë, deri sa të reagojë Presidenti i Republikës. Në një deklaratë për mediat, tre orë pasi paralajmëruar futjen në grevë urie, Kovaçi thotë se pedagogët po kërcënohen pas paralajmërimit për të përshkallëzuar protestën e tyre. Ai i është drejtuar kryeministrit Edi Rama, të cilit i ka kërkuar të ndalë sulmet e presionet ndaj pedagogëve.
"Një kauzë që i përket jo vetëm dinjiteti të intelektualëve, por gjithë vendit, dëshmon se sa thellë ka hyrë kjo gjë në arsim. Po kërcënojnë kolegët tanë që po ndërmarrin hapin e grevës së urisë. Mos reagimi është plaga më e madhe e shoqërisë. Kjo protestë tregon se si kjo shtresë shoqërore po përballet me shtrëngime. I nderuar zoti kryeministrës kjo është një njësi e dritës që përdor forcën e argumentit. Greva e urisë është alarmi i kuq që ju nuk doni ta shikoni. Ndaloni sulmin ndaj pedagogëve, greva jonë është e drejtë e ligjshme,"- tha Kovaçi.
TIRANË- Kreu i Sindikatës së Pedagogëve Sandër Kovaçi u shpreh se nuk ka tërheqje nga ana e tyre për të futur në grevë urie. Duke folur për mediat Kovaçi tha se ata i janë drejtuar Presidentit të vendit dhe institucioneve të rendit që t'u garantojnë jetën por pa dhënë detaje se çfarë dhe kush i ka kërcëuar pedagogët. Kreu i Sindikatës u shpreh se nëse atyre u garantohet jeta nga presidenti 30 pedagogë do t
Ata lënë pa një afat pritjen e tyre dhe se kur mund të nisë greva e urisë e paralajmëruar prej tyre për në orën 16:00 të ditës së sotme.
Sandër Kovaçi: Në pamundësi të marrjes së një përgjigje nga qeveria, Sindikata i drejtohet presidentit dhe institucuioneve të rendit për garantimin e jetës së pedagogëve që do të hyjnë në grevë urie dhe familjarëve të tyre. Ne jemi këtu për mbrojtjen e arsimnit dhe vlerës njerëzore. Besojmë shumë se është çështje që i takon të gjithëve. Nëse kjo garanci jepet për 3 minuta, 3 orë, apo edhe për 3 ditë, 30 pedagogë futen menjëherë në grevë urie.Ne jemi këtu për mbrojtjen e arsimit. Misioni ynë akademik vazhdon.Nëse marrin garanci për jetën 30 pedagogë kanë vendosur të futen në grevë. Do jenë në pritje të një përgjigje dhe për pak minuta do futen në grevë. Përgjigjen do e presin në ambientet e politeknikut.
Pyetje: Do të hyni sot në ngujim?
Sandër Kovaçi: Po presim përgjigje.
Sindikata e Pedagogëve dhe Sindikata e Punonjësve të Universiteteve prej tre javësh kanë bojkotuar mësimin në shenjë proteste për moszgjidhjen e kërkesave të tyre drejtuar ministrisë së Arsimit dhe qeverisë. 16 tetori do të niste me bojkot, i cili do të vijojë të paktën deri të premten. Ata kërkojnë nga ministria e Arsimit dhe qeveria rritjen me 30% të pagave këtë vit dhe 20% vitin që vjen ndërkohë që kërkojnë më shumë financime sa i përket kërkimeve shkencore. Kryeministri i është përgjigjur protestës së tyre dhe ka ofruar zgjidhjen e tij duke ofruar rritjen me 15% të pagave ku 8 % do mbulohej nga shteti dhe 7% nga universitetet. Kjo u refuzua nga ata. Ndërkohë ditën e sotme u bë e ditur se është arritur një marrëveshje me ministrinë në lidhje me disa nga kërkesat e tyre por që mbetet ende e hapur dera e dialogut për rritjen e pagave që është dhe një kush nga i cili pedogogët nuk heqin dorë.
