Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Muhamet Rrumbullaku ka theksuar se ndryshimin e vizionit për një qasje ndryshe ndaj komunitetit dhe në luftë ndaj krimit, me qëllim vendosjen e një standardi të ri për metodologjinë e punës së strukturave të Policisë së Shtetit, por ka vënë përparësi në zbardhjen e krimeve të vjetra.
TIRANË- Drejtori i ri i Përgjithshëm i Policisë së Shtetit, Muhamet Rrumbullaku vazhdon takimet me vartësit e tij në kuadër të prezantimit të objektivave me strukturat e drejtorive vendore. Sot është takuar me strukturat e Policisë në Vlorë, Gjirokastër, Fier, Berat, Lezhë dhe Shkodër, por edhe me ato për Kufirin dhe Migracionin Vlorë, Gjirokastër dhe Shkodër.
Gjatë fjalës së tij në mbledhje, Rrumbullaku ka theksuar se ndryshimin e vizionit për një qasje ndryshe ndaj komunitetit dhe në luftë ndaj krimit, me qëllim vendosjen e një standardi të ri për metodologjinë e punës së strukturave të Policisë së Shtetit, por ka vënë përparësi në zbardhjen e krimeve të vjetra. Po ashtu, shtoi se uljen e kriminalitetit dhe zbardhjen e ngjarjeve e ka mision dhe sfidë personale, ndaj shtoi se kjo kërkesë llogarie nga ana e tij do të jetë e njëjtë deri ditën e fundit që do të jetë në këtë detyrë.
“Angazhimi, përkushtimi, profesionalizmi, realizimi i detyrave, prioriteteve dhe objektivave të përcaktuara më parë dhe atyre të vendosura në kuadër të 100 ditëve, do të jenë të vetmit faktorë që do të përcaktojnë vijimesinë tuaj në detyrë. Ndryshoni menjëherë metodologjinë e punës, duke filluar nga drejtori e deri te shefi i seksionit, mos komandoni nga zyrat por dilni në terren, kontrolloni, mbështesni, ndihmoni dhe orientoni shërbimet që keni në varësi, për të përmbushur sa më mirë detyrën në shërbim te qytetarëve. Kërkoj impenjim maksimal dhe profesional, për hetime të thelluara, duke bashkëpunuar me prokuroritë respektive dhe agjencitë ligjzbatuese. Intensifikoni masat, me qëllim zbardhjen e ngjarjeve të rënda kriminale të ndodhura më parë. Intensifikoni kontrollet në terren, me qëllim parandalimin dhe goditjen e veprimtarisë kriminale të kultivimit të bimëve nakotike në terren të hapur dhe në ambiente të mbyllura. Grumbulloni informacion për lokalizimin dhe mundësoni kapjen e personave në kërkim, të atyre që qarkullojnë me armë zjarri ose me lëndë narkotike. Krimi ekonomik të zhvillojë hetime proaktive kundër korrupsionit dhe pastrimit të parave. Të përmirësohet sa më parë komunikimi i shërbimeve të Rendit dhe i shërbimeve të Policisë Rrugore, me qytetarët. Policia Rrugore të vërë në përdorim teknologjinë dhe të shmangë kontaktet me përdoruesit e rrugës. Monitoroni akset rrugore nacionale, rurale dhe qendrat e banuara, me mjetet inteligjente dhe ndëshkoni maksimalisht shkeljet që janë burim potencial për ngjarje rrugore me pasoja për jetën dhe shëndetin. Të ndiqen me rigorozitet dhe të trajtohen me përgjegjshmëri e profesionalizëm rastet e dhunës në familje, në bashkëpunim edhe me institucionet e tjera përgjegjëse, me qëllim parandalimin e krimit në familje. Të trajtohen me seriozitet ankesat dhe problematikat që adresojnë qytetarët deri në zgjidhjen e tyre, si dhe të informohen qytetarët për zgjidhjen e ankesës apo për mënyrën si duhet adresuar ankesa e qytetarit që të gjejë zgjidhje. Të merren masa për garantimin e rendit dhe sigurisë në shkolla, duke zbatuar me përpikmëri planin e masave për këtë qëllim. Të bashkëpunohet me stafet drejtuese të shkollave, oficërët e sigurisë në shkolla, psikologët dhe bordet e prindërve, me qëllim parandalimin e depërtimit të fenomeneve kriminale në ambientet e shkollave, si dhe për zgjidhjen në kohë të konflikteve midis nxënësve apo midis tyre dhe personave të jashtëm. Parandalimi dhe goditja e krimeve mjedisore të jenë ndër prioritetet parësore të punës së strukturave vendore të Policisë. Të luftohen krimet ndërkufitare, ato që mund të zhvillohen nëpërmjet detit, kufirit të gjelbër apo nëpërmjet pikave të kalimit kufitar. Të rritet efikasiteti i goditjes së veprimtarive kriminale të trafikimit të lëndëve narkotike, trafikimit të mjeteve motorike, kontrabandës me mallra për të cilat paguhet akcizë dhe të dhënies ndihmë emigrantëve nga vendet e treta për kalim të paligjshëm të kufirit, të cilët hyjnë ilegalisht në vendin tonë, përmes kufirit të gjelbër me shtetin grek,”-tha Rrumbullaku në fjalën e tij.
Takimet do të vijojnë, me të gjitha strukturat e Policisë në mbarë vendin.
Foto ilustruese GREQI- Dy shqiptarë, një pakistanez dhe një tunizian u arrestuan në Athinë me akuzën e trafikut të l&eum...
Pamje nga venbdi i ngjarjes FIER- Një zjarr ka përfshirë një sipërfaqe prej dy hektarësh me pisha në kodrat e fshat...
Foto ilustruese DIBËR- Një-45 vjeçar është arrestuar nga policia e Dibrës pasi drejtonte makinën në gjendje t&eu...
Foto ilustruese Prej kohësh ka një shqetësim të ngritur lidhur me gjendjen teknike të digave në vend. Ky shqetësim b&eum...
Enis Ylli Drejtori i Sigurisë në AKSHI, Enis Ylli, ka paralajmëruar se mund të ndodhin sulme të tjera kibernetike në sektor&e...
Momenti kur turistja gjermane shpëtohet PËRMET- Një turiste gjermane e cila po eksploronte në këmbë Kanionet e Langaricë...
droga e sekuestruar GREQI- Në kuadër të procedurës spontane, katër persona, dy shqiptarë, një pakistanez dhe një tu...
Martin Çeço dhe Tina Pajollari TIRANË- Tina Pajollari, vajza që u përfol si mollë sherri për vrasjen e Martin &Ccedi...
Jak Prenga TIRANË- Ka përfunduar hetimi për një prej të akuzuarve për Festim Bizhdilin, kopshtarin e resorit “Golden&rd...
Klodian Tomorri TIRANË- Gazetari i ekonomisë, Klodian Tomorri e quan VKM-në për shtesat pa leje si amnistinë më të madhe...
