"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Ai përmend një person me inicialet D.V., që sipas anonimit, është arrestuar nga policia për vrasjen e Saimir Jakut, por është lënë i lirë për mungesë provash.
TIRANË- Disa mesazhe të dërguara në telefonin e Florind Jakut, vëllait binjak të Saimir Jakut, ish-drejtorit të OST-së dhe njëkohësisht ish-anëtarit të Këshillit Bashkiak si përfaqësues i PS-së, tregon konfliktet mes familjes Jaku dhe asaj Reçi. Në mesazhet e zbardhura nga emisioni ‘Në shënjestër”, tregon se Florind Jaku ka rrëfyer për grupin hetimor se personi me inicialet P.P., që i ka dërguar mesazhet në mënyrë anonime ka folur me emra të përveçëm se kush mund të ishte ekzekutori. Ai përmend një person me inicialet D.V., që sipas anonimit, është arrestuar nga policia për vrasjen e Saimir Jakut, por është lënë i lirë për mungesë provash.
PJESË NGA DOSJA:
Vëllai i Saimir Jakut
Personi që më çoi mesazhin, ndër të tjera më shkruante se familja Reçi ka paguar një shtetas të quajtur D.V., i cili sipas tij është ekzekutori i vëllait tim së bashku me një person tjetër nga Laçi, pa emër. Ky person më ka dërguar mesazhe të gjata edhe ditët në vijim, ku flet edhe për aktivitetin kriminal të vëllezërve Reçi.
Florind Jaku
Pas vrasjes së vëllait tim, vura re se më ndiqte një person që quhet V.Lleshi. Gjë të cilën e kam vënë re edhe gjatë lëvizjeve që kam bërë jashtë Rrëshenit dhe konkretisht në Tiranë, me automjetin tim”. Menjëherë pas dëshmisë së vëllait të Saimir Jakut, Prokuroria e Lezhës, riaktivizoi edhe njëherë në vitin 2019, hetimet e pezulluara prej 2 vitesh për ekzekutimin e drejtorit të OST-së për veriun, ku gjatë këqyrjes së telefonit celular të Florind Jakut, në aplikacionin ‘Mesenger’, u konstatuan disa mesazhe të dërguara nga një person, që për arsye redaksionale emisioni ‘Në shënjestër’ ka vendosur t’i ruajë identitetin e plotë.
Mesazhe telefonike- Datë 20 Tetor 2018, ora 13:44
Florind ja u ke futur frikën në palcë. Pasi u vra Gaspri, Kastrioti pati punësuar disa truproja të armatosur. Njerëzit thoshin që edhe kur ulej në lokal, zinte vende me shpinë nga muri. Gasperi dhe Saimiri thuhet se janë përplasur edhe në Tiranë, ku thuhet se Saimiri e ka mbytur në grushta. Po kështu flitet se Reçët ishin ata që e qëlluan Saimirin, natën duke shkuar në shtëpi. Dhe e ka qëlluar me pagesë e njëjta dorë.
Më tej në mesazhet e zbuluara në telefonin e Florind Jakut, miku dashamirës, e falënderon atë për hakun që mori për vrasjen e vëllait e tij, Saimirit, duke eliminuar në Itali Gaspër Reçin, vëllain e Kastriot Reçit, Gaspër Reçi, i cili u ekzekutua me katër plumba, në kryeqytetin italian, Romë, më 27 prill 2017 në banesën e tij në Via Simeri Crichi, në Tor Vergata, por që duhet thënë se për këtë vrasje, nuk ka ende një autor.
Këto nuk do të ishin mesazhet e vetme që tashmë miku që i donte të mirën familjes Jaku, po i dërgonte në vazhdimësi Florindit, vëllait të Saimirit të vrarë.
Në një tjetër mesazh, ai fillon përmend edhe emra konkretë, që sipas tij lidheshin me vrasjen. Madje miku shkon edhe më tej teksa i tregon Florindit edhe se kush ka vrarë Kreshnik Gjinin, nipin e familjes Jaku, vrasje kjo e ndodhur më 6 shtator 2017, në komunën Forest në Belgjikë, ku dy persona të maskuar dhe të armatosur e qëlluan 31-vjeçarin me dy plumba, duke e lënë të vdekur në vend.
Vrasje e cila u krye në lokalin ku Kreshnik Gjini punonte, në sy të koleges së tij, ku sipas informacioneve të policisë, porositës dilte të ishte Kastriot Reçi, të cilit vetëm disa muaj më parë i ishte vrarë në Itali, vëllai i tij, Gaspër Reçi.
Mesazhe telefonike- Datë 19 Tetor 2018, ora 09;40
“Florind desha të të thoja disa gjëra në lidhje me ngjarjen tënde. Megjithëse kam dëgjuar se edhe ti i ke marrë vesh. Gjithsesi unë po t’i them, që t’i kesh shtesë.
Futu te facebook-u i D.V., tek një me kapuç që do të çoj dhe shiko të gjitha fotografitë dhe nxirr analiza. D.V., ditën e ngjarjes së Saimirit, është parë me automatik në dorë në pyll, pasi kanë djegur makinën. Kurse tjetri me shishe birre në dorë, laçjani, flitet se të ka ashtu Kreshnikun”.
Po kështu edhe Drejtoria e Policisë së Lezhës e ka marrë në pyetje D.V, si të dyshuar. Po t’i çoj këto sepse e di që je i interesuar dhe futi në burg, se janë armë shumë e rrezikshme në dorë të Kastriot Reçit. D.V., e ka vrarë me dorën e vet Saimirin. Lezha e ka lëshuar prapë për mungesë provash”.
“Me provat që të dha hasmi dhe fakti që tani je djalë i vetëm, tani duhet të shikosh jetën tënde. Se po thua ti, ja fus Kastriotit dhe nuk del kush në derë. Grupi ka lidhje dhe me Martinin. Janë racë plehrash dhe marrin hak prapë. Ti të jesh i sigurt që të kanë lokalizuar ku banon për ndonjë rast hakmarrje nga ana jote. Unë që të shkruaj të flas me kompetencë se i njoh mirë nga brenda”.
Saimir Jaku u vra nga dy persona të maskuar, ndërkohë që Gjergj Prenga mbeti i plagosur lehtë. Në lokalin ku ndodhi ngjarja, në momentin kur dy personat kanë sulmuar me armë ka pasur dhe efektivë të komisariatit Rrëshen, i cili ndodhej vetëm 20 metra larg. Policët kanë parë personat që kanë qëlluar me armë, por askush nuk ka reaguar për të ndjekur apo ndaluar dy autorët e këtij krimi të rëndë, që tronditi qytetin e Rrëshenit. Gjatë vite me vonë, në korrik të vitit 2022 u arrestua Dorjan Keqi, 40-vjeç nga Kruja dhe sipas policisë dyshohet si vrasës me pagesë, i cili e ka kryer ekzekutimin e Jakut, në bashkëpunim me persona te tjerë. Ai u zbulua pasi u arrestua rastësisht i dehur në timon dhe gjurma e gishtit që u krahasua me atë të gjetur në një shkrepëse në vendin ku u dogj mjeti i autorëve të Jakut, ‘përputhi’ gjithçka dhe e çoi pas hekurave.
Arlind Gjokutaj TIRANË- Në Tiranë, prokuroria kërkoi sot masën "arrest me burg" , si të dyshuar për shpërdorim t&eu...
Saimir Jaku TIRANË- Një mesazh dërguar në telefonin e Florind Jakut, vëllait binjak të Saimir Jakut, ish-drejtorit të OS...
Saimir Jaku TIRANË- Shtatë vite pas vrasjes së ish-drejtorit të OST-së dhe njëkohësisht ish-anëtarit të Kë...
Qeni KROACI- Pamjet e mëposhtme janë nga arrestimi i dy shqiptarëve me heorinë dje në Kroaci. Në videon e publikuar nga media...
Foto Ilustruese VLORË- Një 50-vjeçar është arrestuar në Vlorë, pasi ka aksidentuar një të moshuar me ma...
Shqiptaret KROACI- Fotot e dy shqiptarëve të arrestuar në Kroaci me drogë janë bërë publike nga mediat kroate. Sipa...
Arbër Paplekaj dhe Mirash Martini ELBASAN- Gjykata e Elbasanit ka zhvilluar një tjetër seancë maratonë prej më shumë se ...
Prokuroria Tiranë TIRANË- Prokuroria ka publikuar njoftimin zyrtar në lidhje me abuzimin 1.2 milion eurosh në Ministrinë e Financa...
Foto nga operacioni TIRANË- Aksioni policor “Hermanos” në Itali u ka vënë prangat 6 shqiptarëve ditën e...
Alket Rizai GREQI- Një bastisje e befasishme në qelitë e burgjeve të Domokos është kryer më herët, të mër...
