Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pedagogu thotë se prindërit nuk dinë se çfarë duan apo kërkojnë, teksa shton se nuk mund të vihet policë për çdo fëmijë në shkollë e as nuk është normale që të survejohen me kamera dhe në tualet.
TIRANË- Akademiku Artan Fuga ka reaguar lidhur me protestat e organizuara për vrasjen e 14-vjeçarit, Martin Cani. Në një postim në rrjete sociale, Fuga shkruan se duhen lënë pas makabritetet dhe shkrimet me gjak nëpër mure, dhe se shkolla ka nevojë të hapet, të liberalizohet. Pedagogu thotë se prindërit nuk dinë se çfarë duan apo kërkojnë, teksa shton se nuk mund të vihet policë për çdo fëmijë në shkollë e as nuk është normale që të survejohen me kamera dhe në tualet.
"Shkolla ka nevojë për ide të reja, kush i ka t'i japë, jo për ngjyre gjaku në mure institucionesh, makabritete! Shkolla ka nevojë të hapet, të liberalizohet, të mos jetë autoritare as e centralizuar, jo të mbyllet në mënyrë policeske! Arsimi, edukimi, informacioni dhe teknologjia e re duhet të jenë fjalë kyçet e një shkolle të re! Nuk kuptoj se kush i organizon marshimet te ministria e arsimit, apo nuk ka punë tund derën? Si nuk del dikush? Cfarë kërkoni që pas cdo vogëlushi të venë një polic:, që mësuesit të shëtisin me pranga në duar në shkollë, që teknologjia të bllokohet si në Mesjetën e inkuizicionit, që me kamera nxënësit të survejohen në ëc, që rojet te dera të kontrollojnë xhepat e nxënësve, që ministria të kontrollojë çfarë bëhet në cdo shkollë, që shkolla të bëhet kazermë, burg, shkollë vagabondash, në mënyrë që prindërit të bëjnë sehir, që shoqëria të flejë, çfarë janë mësuesit gardianë burgjesh?
Shkolla ka të tjera fare probleme. Jeni jashtë loje komplet, politizoni gjithçka, manipuloni çdo ngjarje në mënyrën më të padëshureshme, nuk keni asnjë ide të re! Shkolla ka nevojë për ide të reja, për emancipim se ka ngelur e viteve '60, duhen reforma të thella të edukimit, kulturës, teksteve, buxheteve familjare, bibliotekave, marrëdhënie të reja mes informacionit, shkollës, familjes. Lërini makabritetet me gjak nëpër mure dhe me parrulla abstrakte etike! Nuk jeni në gjendje të mblidhni pesë intelektualë, tre sindikata, pesëdhjetë prindër! Jo, kërkohet tjetër gjë. Politizime ka bllokuar shoqërinë dhe u shërben vetëm politikanëve në lojën e tyre për karrike," shkruan Fuga.
Përgjigje akademikut Fuga i ka kthyer një prej organizuesve të protestës, aktivisti Migen Qiraxhi me anë të një postimi në rrjetet sociale. Qiraxhi thekson se protesta për këtë ngjarje të rëndë është organizuar nga aktivistë dhe prindër të shumtë në kryeqytet. Po ashtu Qiraxhi thekson se në protestë nuk është kërkuar që çdo fëmijë të ketë nga një oficer policie, por që çdo shkollë sipas ligjit të ketë një oficer policie.
"Profesor i nderuar Artan Fuga pa cënuar të drejtën tuaj për të mos besuar apo qënë kundër protestës, do dëshiroja të kontriboja në disa të vërteta që meritojnë të jenë në dritë! Unë po i jap përgjigje njërës nga pyetjeve ku thua "nuk kuptoj kush i organizon marshimet" ? Marshimit janë organizuar nga Ermelinda Hoxhaj Sidorela Vatnikaj Rigels Xhemollari Kolindo Vjerdha Gentian Sejrani Edison Lika, Igli Llapaj, Migen Qiraxhi, Esmeralda Keta , Aneo Hila, Etleva Kondakçiu , Laureta Spahiu edhe shumë prindër të tjerë me kontribute të ndryshme prej shumë vitesh për çështjet e Arsimit jo vetëm me protestat e fundit! Profesor ju garantoj që prej nesh dhe organizatorëve prej vitesh nuk ka munguar kontributi në ide të cilat ju ftoni që sot duhet ti japim, madje ata kanë dhënë më shumë, në analiza në forume në monitorime në rekomandime e më tej në denoncime e më tej në procese gjyqësore, për të rëndësishmen 'arsimin' në vend, dhe prej të cilave në shumë prej tyre jemi vlerësuar nga ju.
Nga ne nuk është kërkuar që pas cdo vogëlushi të vendoset polic, me shumë mundësi jeni dizinformuar por është kërkuar që në zbatim të ligjit të ketë një oficer pas cdo shkolle që në 54% të shkollave mungojnë. Dhe psikolog në standardin europian 1 me 200 jo 1 me 500 - 1500 siç edhe jemi. "Të lejnë makabritetet me njolla në mure" kërkoni ju nga protestuesit dhe menjëherë më kujton një nga reagimet te tua pas tërmetit të 5 vitve më parë ku qeveria udhëzonte të fokusoheshim tek halli që na kish zënë tek zgjidhja por jo te llogaria dhe politika dhu ju atëherë thonit me të drejtë "Por këta tipa, harrojnë se edhe në ngushëllime vdekjeje shqiptari bisedon për shoqërinë, njërezit, politikën, jetën."
Reagimi që është bërë në këto 4 protesata ka qënë një ngjarje fantastike demokracie dhe lirie që ka bashkuar individë intelektualë organizata, gazetare, qytetarë prindër nxënës, që një pjesë e mirë e tyre të paktën në 10 vitet e fundit kanë bërë maksimumin për të zhvendosur rrjedhën e edukimit në vend, shpesh e pushtuar nga fenomeni i kriminalizimit të botës akademike e deri tek fitorja e betejave të vogla për standartet e fëmijëve në bangot e shkollave, tryezave me shumë intelektualë, peticionave me më shumë se 50 Prindër (me 600 prindër), që pas vrasjes së ndodhur tek Shkolla Fan Noli thirrën protestë si formë e demokracisë për ti dalë përballë institucionit që asnjëherë nuk e patën në krahë apo në tryeza. Me shumë përulësi edhe si një lexues dhe ndjekës prej vitesh i juaj, ju ftoj ta rikonsideroni edhe njëherë që protesta e qytetareve kontribuon mbase më shumë se sa një status për qëllimet që I kemi të përbashkëta, gjithashtu është me vlerë të njihni kontributin e njerëzve që kanë pasur kurajon të reagojnë në këto kohë të vështira reagimi, të cilët edhe njollosin institucionet kur lipset nevoja," shkruan Qiraxhi.
furgoni SARANDË- Një furgon tip 'Mercedes-Benz' është përfshrë nga flakët paraditen e sotme. Ngjarja ka ndodhur në ...
Durres DURRËS- Moti i keq me erë të fortë dhe reshje shiu ka përshirë qytetin bregdetar të Durrësit prej disa dit&e...
foto ilustruese SHKODËR- Një automjet i parkuar në Bushat është përfshirë nga flakët në orët e para t&eum...
policia greke GREQI- Një 32-vjeçar shqiptar ka rënë në prangat e policisë greke. Mësohet se shqiptari ishte në k&...
Arrestimi TIRANË- Pamjet e mëposhtme janë nga momenti i arrestimit të Xhenjo Manushit dhe Klajdi Serjanit, që u kapë...
Autori dhe viktima TIRANA- Mario Përlleshaj 14-vjecari i dyshuar për vrasjen e Martin Canit dhe plagosjen e Luis Meçjas, i ësht&...
policia KOSOVË- Një tjetër sulm është regjistruar në Mitrovicën e Veriut. Raportohet se gjatë mbrëmjes të...
aksident DIMAL- Shoferi 33-vjeçar, i cili shkaktoi një aksident me pasojë vdekje në Dimal, është arrestuar nga policia. Si...
Pajtim Serjani TIRANË- Dosja.al, ka arritur që të sigurojë emrat e dy personave të arrestuar nga aksioni anti drogë...
Te arrestuarit TIRANË- Detaje të reja kanë dalë nga operacioni anti drogë në Tiranë. Mësohet se gjat&e...
