Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
TIRANË– Ambasada Amerikane në Shqipëri ka përçuar një mesazh të fortë pas nisjes zyrtare të fushatës elektorale për zgjedhjet parlamentare të 25 prillit. SHBA-të kanë kërkuar edhe njëherë që listat të jenë “të pastra” nga emrat me të shkuar kriminale, duke ua bërë të qartë udhëheqësve të subjekteve politike që të veprojnë në përputhje me standardet ndërkombëtare. Në deklaratën e lëshuar, Amerika kërkon edhe nga zgjedhësit që të “mbushin kutinë” e alternativave më të mira për vendin, duke kërkuar edhe nga media që të luajë rolin e saj. Në fund, pas shumë këshillave, SHBA ka shtuar se në fund do të marrin masa për të gjithë ata që pranojnë ose nxisin dhunën, duke shënjestruar kështu krerët e partive politike.
“Si mikja dhe aleatja juaj, Shtetet e Bashkuara i kanë bërë të qarta pritshmëritë dhe shpresat tona. Ne përsërisim se do t’i mbajmë udhëheqësit përgjegjës. Në këtë drejtim, është tërësisht e kuptueshme se ata që aktualisht janë në poste drejtuese kanë përgjegjësinë e parë dhe më të rëndë për të vepruar në interesat e vendit. Ne do të marrim masat e duhura në përgjigje të atyre që pranojnë ose nxisin dhunën, pranojnë ose nxisin shkeljen e ligjeve zgjedhore dhe standardeve ndërkombëtare, apo ndryshe përpiqen të minojnë integritetin dhe besimin në procesin zgjedhor dhe rezultatet e tij që e shtyn Shqipërinë drejt anëtarësimit të plotë në familjen evropiane si një demokraci e fortë dhe e begatë,”-shkruhet ndër të tjera në deklaratë.
DEKLARATA E PLOTË:
Sezoni i fushatës zgjedhore në Shqipëri nisi zyrtarisht dje për të ecur drejt zgjedhjeve kombëtare në 25 prill. Shtetet e Bashkuara mirëpresin fillimin zyrtar të fushatës dhe, së bashku me autoritetet vendore ndërkombëtarët, do të bëjnë të gjitha përpjekjet për të mbështetur zgjedhjet deri në përfundimin e tyre me sukses. Ne u bëjmë thirrje të gjithë partive, udhëheqësve dhe votuesve që të përfshihen plotësisht dhe me përgjegjësi në ushtrimin e të drejtave dhe përgjegjësive të tyre.
Nxisim partitë të paraqesin ide dhe kandidatë që pasqyrojnë respekt për votuesit. Presim nga udhëheqësit që të shfaqin udhëheqësi, përfshirë edhe duke u siguruar që partitë dhe kandidatët e tyre sillen në përputhje me ligjet elektorale dhe standardet ndërkombëtare, duke refuzuar qartë dhunën dhe duke treguar se ata me të vërtetë do të ishin të denjë për të udhëhequr dhe përfaqësuar Shqipërinë.
Nxisim votuesit t’i mbajnë partitë dhe kandidatët përgjegjës, të marrin në shqyrtim zgjedhjet që kanë dhe të votojnë për ato parti dhe kandidatë të cilët ofrojnë të ardhmen më të mirë për Shqipërinë – një e ardhme në partneritet me Shtetet e Bashkuara, që e shtyn Shqipërinë drejt anëtarësimit të plotë në familjen evropiane si një demokraci e fortë dhe e begatë.
Edhe media duhet të luajë rolin e saj me përgjegjësi dhe etikë, duke bërë pyetje të vështira në emër të publikut dhe duke kërkuar përgjigje të vërteta nga kandidatët. Presim gjithashtu që shoqëria civile të luajë rolin e saj të rëndësishëm gjatë gjithë procesit zgjedhor.
Përgjatë gjithë kohës, ne shpresojmë që të gjitha partitë, udhëheqësit dhe votuesit të sillen me dinjitet dhe, më e rëndësishmja, me respekt për këtë ushtrim më themelor dhe të rëndësishëm të demokracisë. Populli i Shqipërisë nuk meriton asgjë më pak.
Si mikja dhe aleatja juaj, Shtetet e Bashkuara i kanë bërë të qarta pritshmëritë dhe shpresat tona. Ne përsërisim se do t’i mbajmë udhëheqësit përgjegjës. Në këtë drejtim, është tërësisht e kuptueshme se ata që aktualisht janë në poste drejtuese kanë përgjegjësinë e parë dhe më të rëndë për të vepruar në interesat e vendit.
Ne do të marrim masat e duhura në përgjigje të atyre që pranojnë ose nxisin dhunën, pranojnë ose nxisin shkeljen e ligjeve zgjedhore dhe standardeve ndërkombëtare, apo ndryshe përpiqen të minojnë integritetin dhe besimin në procesin zgjedhor dhe rezultatet e tij.
Ditën e djeshme, Partia Socialiste dhe ajo Demokratike, një në sheshin “Skënderbej” dhe tjetri para Universitetit Politeknik të Tiranës nisën fushatën. Kryeministri Edi Rama kërkoi një mandat të tretë, ndërsa kreu i PD-së, Lulzim Basha, premtoi rotacion për ndryshim në të mirë të vendit. Ndërkohë që dje, edhe ambasadori i BE në Shqipëri, Luigi Soreca ka bërë thirrje për një fushatë elektorale të qetë dhe pa trazira që mund të dëmtojnë imazhin e vendit.
(k.m/dosja.al)
Rama është propozuar për president nga disa deputetë socialiste, mendoni se:
DURRËS– Kryeministri Edi Rama ka vendosur që rrugën nga kopështi i fëmijëve ‘1 qershori’ në Durrës, deri te qendra ku po kryhet vaksinimi ta bëjë në këmbë....
DURRËS– Pas çeljes së fushatës zgjedhore në Tiranë, Rama nisi ‘turin’ në qytetin bregdetar të Durrësit. Si fillim, Rama ishte i pranishëm në disa la...
TIRANË– Kryeministrit Edi Rama i ka ardhur një letër nga Presidenti i Partisë Socialiste Europiane, Sergei Stanishev. Ky i fundit i ka dërguar një mesazh u...
TIRANË– Kreu i Komisionit Qendror të Zgjedhjeve, Ilirjan Celibashi ka zhvilluar një konferencë për shtyp me gazetarët duke iu përgjigjur pyetjeve lidhur me...
KONFERENCA PËR SHTYP:PYETJE: Dekriminalizimi, mes tyre keni dërguar edhe Tom Doshin, mbi ç’kriter e keni kërkuar inspektimin e tij?Ilirjan Cel...
TIRANË– Komisioni Qendror i Zgjedhjeve ka dërguar në Prokurorinë e Përgjithshme për verifikim 28 kandidatë nga listat e partive politike që garojnë në zgje...
TIRANË- Dje nisi zyrtarisht fushata elektorale për zgjedhjet e 25 prillit 2021. Në dy forma te të ndryshme, dy partitë më të mëdha në vend, Partia Socialis...
TIRANË– Kryeministri Edi Rama iu është drejtuar me një apel shqiptarëve që jetojnë në Maqedoninë e Veriut. Përmes një video-live të publikuar në “Facebook”...
GRAMSH– Kandidati për deputet i Partisë Demokratike në Elbasan, ka zhvilluar një takim me fermerët e Gramshit, ku këta të fundit janë shprehur se nuk kanë mbësh...
TIRANË– Është vendosur më 29 mars në orën 11:00 seanca në Kolegjin Zgjedhor ku do të shqyrtohet ankimimi i Partisë Socialiste për listat e kandidatëve...
