Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Organizatat bamirëse kundër abuzimit në familje i kanë përshkruar postimet e Andrew Tate si mizogjeni ekstreme, e cila mund të radikalizojë sjelljen e burrave të moshuar dhe të rinj dhe mund të shkaktojë pasoja në botën reale.
RUMANI- Mizogjenia, seksizmi, promovimi i përdhunimit dhe trafikimit të qenieve njerëzore. Të gjitha këto lidhen me Andrew Tate, i cili konsiderohet si një nga emrat më të rrezikshëm në rrjetet sociale dhe që me të drejtë është vënë në shënjestër të kritikave të ashpra.
Kush është Andrew Tate? Do ta njihni më mirë kur të kuptoni se ai beson se gratë e kanë vendin vetëm në shtëpi, se gratë nuk duhet të ngasin makinën dhe se ato janë pronë e burrave. Ai gjithashtu mendon dhe thotë se viktimat e përdhunimit duhet të "mbajnë përgjegjësi" për sulmet seksuale ndaj tyre. Ai mburret me lidhjet me vajza 18 deri në 19 vjeç. Në video të tjera, kikboksieri britaniko-amerikan, i cili pozon pranë makinave të shpejta, me armë dhe dëshiron të paraqitet si një playboy, flet për rrahjen e mbytjen e grave, hedhjen e sendeve të tyre dhe mbylljen në shtëpi.
"E godita në fytyrë dhe pastaj e kapa nga qafa. Hesht, kurvë, i thashë unë asaj,"-tregon ai në një video, "duke pretenduar" se rrahu një grua pasi ajo e akuzoi për tradhti.
Organizatat bamirëse kundër abuzimit në familje i kanë përshkruar postimet e Andrew Tate si mizogjeni ekstreme, e cila mund të radikalizojë sjelljen e burrave të moshuar dhe të rinj dhe mund të shkaktojë pasoja në botën reale. Ekspertët paralajmërojnë, por Tate është ende i pranishëm në internet.
Ky 35-vjeçar nuk është një figurë margjinale që fshihet në cepin e errët të rrjetit social, edhe pse po të ishte një person i tillë, sërish do të ishte i rrezikshëm. Në vend të kësaj, ai është një nga personalitetet më të famshme në TikTok, ku videot e tij janë parë 11.6 miliardë herë. Sa shifër e tmerrshme!
Tate ndërton me kujdes "imazhin" e tij. Në rrjetet sociale, ai e prezanton veten si një guru vetëndihmues, duke u ofruar fansave të tij kryesisht meshkuj një recetë për të fituar para, për të tërhequr vajza. Në pak muaj, Tate u shndërrua nga një emër pothuajse i panjohur në një nga njerëzit më të përfolur në botë. Për shembull, në korrik kishte më shumë kërkime në Google për emrin e tij sesa Donald Trump dhe Kim Kardashian.
Si lindi popullariteti i Tate? Dëshmitë e marra nga Observer tregojnë se ndjekësve të Tate u thuhet të vërshojnë rrjetet sociale me videot e tij, duke zgjedhur klipet më të diskutueshme për të marrë shikimet maksimale.
Strategjia e koordinuar, që përfshin mijëra anëtarë të akademisë private online të Tate, “Hustler University” dhe një rrjet llogarish në TikTok, është përshkruar nga ekspertët si një "përpjekje e hapur për të manipuluar algoritmin" dhe për të rritur artificialisht përmbajtjen e tij. Në më pak se tre muaj, kjo strategji i ka fituar atij ndjekës masivë në internet dhe potencialisht miliona paund: 127,000 anëtarë tani paguajnë 39 £ në muaj për t'u bashkuar me komunitetin e Universitetit Hustler.
Si ishte jeta e Andrew Tate para se të dominonte mediat sociale? Ai u rrit në një pronë në Luton, djali i një punonjësje hotelerie dhe një mjeshtri shahu. Ai ka qenë prej kohësh në kryefjalë për shkak të shpërthimeve të tij të diskutueshme. Gjatë të njëzetave, ai punoi si producent televiziv dhe njëkohësisht u stërvit për kikboks në një palestër lokale, duke vazhduar të ndeshet profesionalisht dhe të fitojë tituj botërorë.
Në vitin 2016, dukej se karriera e tij tashmë kishte përfunduar pasi u përjashtua nga sezoni i 17-të i “Big Brother” për shkak të një videoje ku ai godiste një grua me rrip.
“Ishte një lojë,”- u mbrojt ai. Menjëherë pas kësaj, u shfaq një video e dytë që tregonte atë duke i thënë një gruaje të numëronte mavijosjet që ai me sa duket i kishte shkaktuar asaj. Si Tate ashtu edhe gratë mohuan se kishte pasur ndonjë abuzim dhe thanë se videot tregonin "marrëdhënie seksuale konsensuale". Më pas, në shtator 2017, ai u kritikua nga organizatat bamirëse për mbështetjen e shëndetit mendor duke thënë se depresioni nuk ishte "i vërtetë". Muajin pasues, në vazhdën e lëvizjes #MeToo, ai tha se gratë duhet të "mbajnë njëfarë përgjegjësie" për përdhunimin.
Në mënyrë tronditëse dhe ironike, kjo e rriti praninë e tij në skenën publike dhe ai shpejt u shfaq në InfoWars, podkasti i teoricienit konspirativ Alex Jones, pozoi për një foto me YouTuber-in e krahut të djathtë Paul Joseph Watson dhe u takua me Donald Trump Jr. në Trump Tower.
“Gratë nuk duhet të shkojnë me pushime,”- thotë Tate.
Në vitin 2018, ai u ankua për "rënien e qytetërimit" në Facebook pasi pa një poster në aeroportin Heathrow "që i inkurajonte vajzat të shkonin me pushime në vend që të ishin nëna të dashura dhe gra të përkushtuara".
Rreth kohës kur policia britanike po hetonte akuzat për abuzim ndaj një gruaje, Tate besohet të jetë larguar nga Britania për në Rumani.
“Unë nuk jam përdhunues, por më pëlqen ideja që thjesht të jem në gjendje të bëj atë që dua. Më pëlqen të jem i lire,”-thoshte ai.
Tate aktualisht jeton në Rumani.
“Dua të jetoj në një vend ku mund t'i paguaj një polici 50 euro kur bëj një shkelje, dua të jetoj në një vend ku të gjithë kemi të drejtën e korrupsionit, jo si në Perëndim, ku kjo e drejtë është e rezervuar vetëm për të pasurit”, tha ai.
Andrew Tate ka premtuar se nuk shkojë kurrë në Serbi. Trajneri i tij, Amiri, nga Bosnja luftoi kundër serbëve në luftën e viteve nëntëdhjetë. Ai theksoi se nuk ka asgjë, por se vendimi i tij është një reflektim i “respektit për trajnerin”.
"Burrat e vërtetë kanë qen, jo mace"
Shumë nga fotot e Andrew Tate duken të padëmshme në shikim të parë. Në stilin e tij të sinqertë, ai tallej me burrat që pinë ujë rubineti në vend të ujit me gaz dhe me njerëzit që kanë mace.
"Burrat e vërtetë kanë qen,"-pretendon ai.
Ndikimi i rrezikshëm i Tate tek burrat e tjerë.
“Ai është njeriu më i frikshëm në internet”, thotë një grua. Kritikët thonë se popullariteti i Andrew Tate po ngre shqetësime për mizogjininë në internet dhe radikalizimin e mundshëm. Andrew Tate ka 4.1 milionë ndjekës në Instagram, ndërsa vëllai i tij Tristan, i cili promovon një "imazh" të ngjashëm, ka 1.1 milionë fansa./Blic
Roger E Mosley SHBA- Ylli i Magnum PI, Roger E Mosley, ka vdekur në moshën 83-vjeçare pasi ka pësuar lëndime në nj&eum...
Kanye West dhe Pete Davidson SHBA- Kim Kardashian dhe Pete Davidson kanë nisur rrugët e tyre të ndara pas 9 muajsh lidhje.&nb...
Enca Haxhia TIRANË- Këngëtarja Enca Haxhia kërkon që vajzat të kujdesen për veten e tyre duke u dhuruar sa më shum&...
Marina Vjollca TIRANË- Moderatorja Marina Vjollca ka një problem shëndetësore. Ajo ka bërë me dije se ka një problem sh&...
Pamje nga Antartika ANTARTIKA- Shtrirja e akullit në Antarktik arriti vlerën më të ulët për muajin korrik të këtij...
Roza Lati TIRANË- Roza Lati është një nga moderatoret më të komentura të ekranit shqiptarë dhe kjo falë karizm...
Volodymyr Zelenskyy dhe Jessica Chastain UKRAINË- Aktorja hollivudiane Jessica Chastain dhe presidenti ukrainas Volodymyr Zelenskyy u takuan t&eu...
KOSOVË- Këngëtarja Beatrix Ramosaj i është rikthyer dhe një herë raportit të saj me Donaldin dhe Bora Zemanin duke sqa...
Federline dhe Spears SHBA- Ylli i popit Britney Spears ka thyer heshtjen e saj në lidhje me pretendimet bombë të ish-it të sa...
Andrea Bocelli ITALI- Legjenda e operas, Andrea Bocelli pati një incident të vogël dhe të paqëllimshëm gjatë pushimeve, ...
