Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
KAVAJË- Kryedemokrati Lulzim Basha, ditën e sotme është takuar me qytetarë dhe biznese të Kavajës.
Po ashtu ai është takuar edhe me pensionistë, të cilëve u ka premtuar se kur të vijë në pushtet pas 25 prillit, çdo vit do të rrisë pensionet me 5%, sakaq ka shtuar se çdo muaj do të ketë bonus 20 mijë lekë të vjetra për të gjithë pensionistët. Ndër të tjera, ai ka thënë se ligji në vendin tonë do të funksionojë, duke premtuar se do të fusë Shqipërinë në Bashkimin Evropian.
Ndërkohë, gjatë vizitës, Flutura dhe Ibrahim Shehu i treguan Bashës vështirësitë që kanë ata për të përballuar jetesën vetëm me pension.
Lulzim Basha: Profesor mirë se ju gjej!
Ibrahim Shehu: Faleminderit! Si t’u duk Kavaja sot?
Lulzim Basha: E jashtëzakonshme!
Flutura Shehu: Gjithmonë kështu ka qenë!
Lulzim Basha: Frymë ndryshimi! Fryma e ndryshimit, është një frymë…
Flutura Shehu a: Prandaj ju pyeta si ju duk sot.
Lulzim Basha: Si në fillimet e demokracisë. Në fakt me thënë të drejtën, jo vetëm Kavaja, kudo ku shkoj të njëjtat fjalë dëgjoj; nuk durohet dot më! Tani, ka njeri që bindet, që pasi ka patur 8 vite në pushtet më shumë se çdokush, se pas Enver Hoxhës ky i duhet prapë kohë për të bërë mirë, 8 vite s’ka bërë asnjë gjë të mirë, ka bërë vetëm keq këtij populli. As punësim, as shëndetësi, arsimi përtokë, rinia duke u larguar! Pa ik ky, nuk ka ndryshim! Ndryshimin e duan të gjithë, e duan edhe socialistët. Edhe socialistët e ndershëm me zi po e presin ndryshimin! Vëllezërit dhe motrat tona janë dhe ato, një Shqipëri është kjo. Ti ke dhënë historinë?
Ibrahim Shehu: Histori.
Lulzim Basha: Unë e kam pasion historinë, e kam hobi. Domethënë, mes librave që kam lexuar në jetën time, unë them që minimumi ¼ janë libra të historisë. Jeni pensionist të dy?
Ibrahim Shehu: Po, po, pensionist.
Flutura Shehu: Gjysmë pensioni… po hajt, jemi keq domethënë. Burrë e grua, ky një pension, unë gjysmë pensioni. Po Ishallah…
Lulzim Basha: Fëmijët e keni këtu apo në emigracion?
Flutura Shehu: Ne një çun që kemi, e kemi këtu shyqyr.
Lulzim Basha: Ju gjendet pranë?
Flutura Shehu: Nuk diskutohet, por me fuqinë që ka ai. Se ne me ilaçet, me ato që…
Lulzim Basha: Me pensionin, me gjysmë pensionin, se unë i kam vet të dy prindërit pensionist
Ibrahim Shehu: Se një çik është e vështirë.
Lulzim Basha: Po të paguash dritat dhe ilaçet nuk ngelet asgjë.
Ibrahim Shehu: Drita janë shumë të këqija. Këto dy muaj na kanë ardhur afrofe edhe një pension me zor i lëmë. Kot me thënë.
Lulzim Basha: Keni kaluar gjithë jetën me sakrifica për të na rritur ne.
Ibrahim Shehu: Këto ilaçet me një fjalë janë shumë shumë për neve.
Qytetari: Kam 43 vite punë. E kam filluar në Kukës edhe e kam përfunduar… Ishalla me shpresën të ndihmoj zoti.
Lulzim Basha: Gjithë këtë sakrificë që keni bërë në jetën tuaj ne do tua shpërblejmë.
Ibrahim Shehu: Inshalla.
Lulzim Basha: Këto 8 vite pensionet janë rritur më pakë se ç’janë rritur çmimet prandaj thonë janë rritur më pak se norma e inflacionit. Ne do ti rrisim minimalisht sa dyfishi i normës së inflacionit por jo më pak se 5%. Ndërsa për pandeminë, që ditën e parë do të vëmë në efekt atë paketën që ja propozuam këtyre dhe këta nuk e bënë se e kanë mendjen me ja dhënë lekët oligarkëve dhe inceneratorëve që çdo pensionistë do marrin nga 20 mijë lekë në muaj të paktën për këto shpenzimet e pandemisë jo higjienizuese për duart jo maska jo diçka tjetër. Ndërsa sa i përket ilaçeve që është problemi kryesor i çdo pensionisti rimbursimin do të bëhet si mbas diagnozës
Ibrahim Shehu: Me zor i arrijmë me i ble!
Lulzim Basha: E di, e di , i di vetë, i kam të dy prindërit pensionistë.
Ibrahim Shehu: edhe kur të takojnë me i marr me rimbursimin, të sorollatin, jo këtu, jo atje. Unë kam tridhjetë e sa vjet invalidë, jam me artirit, reumatizëm, asnjëherë nuk kam marr ilaçe kështu, i kam blerë vetë.
Lulzim Basha: Asnjëherë nuk ke marrë me rimbursimin?
Ibrahim Shehu: Jo jo, edhe një herë që tentova, se ma than, të takojnë, jo do bësh analiza, jo do shkosh këtu, jo atje!
Lulzim Basha: Ta bënë të pamundur?
Qytetari: Kështu e lash më.
Lulzim Basha: Këta vetëm për njerëzit nuk janë kujdesur këto 8 vite, për veten e tyre e ke pa mo tani, janë bërë sheikë e shkuar sheikëve, se edhe për të hëngër shkojnë në restorantet e sheikëve të Dubait. Popullit I ka ardhur durimi në fund, I është sosur durimi. Kavaja i ka prirë ndryshimit, do t’i prijë prapë me 25 prill dhe të jeni të sigurt që ne do të punojmë për ju, nuk do zhgënjeheni. Angazhimet që kemi marrë para njerëzve do t’i çojmë deri në fund. Kemi ekip të mrekullueshëm. Këtu në Kavajë dhe në Rrogozhinë keni Gridën, jua kanë zili.
Flutura Shehu: Për çdo gjë, na e ka zbukuru.
Lulzim Basha: Po. Do të punojmë bashkë. Sigurisht që fillimi do të jetë i vështirë se kanë hapur gropa të mëdha por të gjitha vështirësitë kalohen kur jemi bashkë se vendi shyqyr Zotit ka mundësi të jashtëzakonshme.
Ibrahim Shehu: Po e keqja e këtij populli…
Lulzim Basha: I duhet një qeveri e cila përkushtohet dhe një qeveri në lartësinë e pritshmërive tuaja. Nuk do të jetë një qeveri që do të reflektojë llumin e llumit. Ju e keni në Kavajë sesi në vend që të sillte njerëzit më të mirë, Partia Socialiste ka sjellë llumin e llumit. Të njëjtën gjë ka bërë edhe me qeverinë në Tiranë. Nga ne meritoni, prisni edhe do të keni një qeveri dhe një qeverisje në lartësinë e duhur e pritshmërive tuaja duke filluar nga kryeministri te ministrat te njerëzit që ju shërbejnë, dyert e institucioneve do të rihapen për njerëzit, ligji do funksionojë. Ky është formimi im, kjo është ajo që besoj unë dhe ka ardhur koha në 2021 në vend që të shkojmë mbrapa mbas tetë vjet ngecje në vend të ecim përpara dhe të ndërtojmë edhe në Kavajë edhe në të gjithë Shqipërinë një qeverisje normale me politika që ndihmojnë njerëzit, gjithçka duhet të ndryshojë. Tek pensionet gjëja e parë që duhet të ndryshojë është që të rrisim buxhetin për pensionet e pensionistët të kenë mjaftueshëm para, të kenë vendin e tyre në shoqëri dhe me dinjitet sepse me pensionet që keni sot ju s’pini dot një kafe pasi paguani ilaçet edhe dritat. Natyrisht duhet të ndihmojmë edhe fëmijët e pensionisteve, duhet të ndihmojë pra, rininë edhe ata që janë në moshë të mesme, kush ka vendin e punës ta ruaj e t’i rriten të ardhurat, kush kërkon një vend pune të ketë mundësi të gjejë një vend pune. Ekonomia është përparësia jonë kryesore. Duke ndihmuar ekonominë, duke ndihmuar pensionistët dhe shtresat në nevojë janë pjesë e një mekanizmi i cili pastaj fillon dhe e rikthen Shqipërinë në një normalitet dhe e rimëkëmb nga ana ekonomike.
Ibrahim Shehu: Po, po, ikin njerëzit, po ikin..
Lulzim Basha: Po ikin se duan Europën, duan Europën. Ne tani ky është misioni kryesor ta fusim Shqipërinë në Europë, jo ti çojmë gjithë shqiptarët në Europë dhe ta zbrazim Shqipërinë.
Ibrahim Shehu: Jo investime jo gjëra….
Lulzim Basha: Dimë ta bëjmë ne këtë, e kemi provuar. Në NATO e kemi futur, vizat i kemi hequr, edhe në Europë do ta fusim. Po në Europë nuk futet kështu, duke vjedhur paratë e popullit më të varfër, me çmimet më të larta të naftës, me pensionistët e lënë pas dore.
Ibrahim Shehu: Dritat, mjekësia, shkolla
Lulzim Basha: Absolutisht.
Ibrahim Shehu: pronat te i zoti…
Lulzim Basha: Ky ligj që kanë bërë për pronat është shpronësim, nuk është drejtësi.
Flutura Shehu: Edhe i intereson po!
Lulzim Basha: Faleminderit për pritjen! Ruani shëndetin!
Ibrahim Shehu: Ju lumshin këmbët!
Lulzim Basha: Faleminderit shumë!
Ibrahim Shehu: dhe inshallah me fitore
Lulzim Basha: Faleminderit! Ju lumtë goja.
Flutura Shehu: Hajde ta bëjmë një foto!
Lulzim Basha: Patjetër, patjetër!
Flutura Shehu: Hajde se jemi pallati ne. Hajde ti këtu!
Flutura Shehu: Me fitore inshallah!
Lulzim Basha: Faleminderit! Faleminderit shumë!
Flutura Shehu: Me shpresat tek zoti!
Lulzim Basha: Faleminderit!
Flutura Shehu: Gjithë të mirat!
Lulzim Basha: Faleminderit! Mirupafshim!
Flutura Shehu: Mirupafshim!
Lulzim Basha: Si jeni? Si të kam? A je mirë? Me shëndet?
Flutura Shehu: Do të fitojmë, do të fitojmë
Ibrahim Shehu: Sivjet bën një vjeç në 25 Prill.
Lulzim Basha: Marshallah!
Ibrahim Shehu: Do t’ja festojmë ditëlindjen mbas fitores.
Flutura Shehu: Se kemi ditëlindjen. Ta bëjmë një foto?
Lulzim Basha: Shpirti i vogël. Si e ka emrin?
Ibrahim Shehu: Sinea.
(A.k.dosja.al)
1 vit nga zgjedhjet e 25 prillit si e shikoni gjendjen e vendit:
Kreu i Partisë Drejtësi për Integrim dhe Unitet, Shpëtim Idrizi nuk i ka shpëtuar komenteve ironizuese të kryeministrit Edi Rama, gjatë takime të zhvilluara në ...
KAVAJË– Kreu i Partisë Demokratike Lulzim Basha ka nisur fushatën për zgjedhjet e 25 prillit nga qyteti i Kavajës. Basha ditën e sotme ka zhvilluar një tak...
ITALI– Ministrja për Evropën dhe Punët e Jashtme, Olta Xhaçka nis sot një vizitë zyrtare në Itali, ku do të takohet me Ministrin e Punë të Jashtme të Ita...
KAVAJË- Kreu i Partisë Demokratike, Lulzim Basha, ka zhvilluar këtë pasdite takime me biznese dhe qytetarë, në qytetin e Kavajës, me të cilët ka diskutuar ...
TIRANË- Kreu i Lëvizjes për Zhvillim Kombëtar, Dashamir Shehi, së fundmi ka ka reaguar për ‘urdhrin’ e Ramës për të përjashtuar nga Partia Socialiste, kr...
TIRANË– Ish-kryeministri Sali Berisha ka shpërndarë në profilin e tij të ‘Facebook’, spotin e Partisë Socialiste. Në videon e publikuar nga PS, shihet një ...
TIRANË– Fushata ka nisur dhe bashkë me të edhe sulmet nga të dyja palët politike. Mirëpo ka disa sulme që cilësohen si të tepërta! E fundit është ajo...
GJERMANI– Mark Hauptmann, deputeti i Bungestag, ka dhënë dorëheqjen nga mandati i tij për shkak të akuzave për rryshfet nga Azerbajxhani.Ai akuzohet se ka dalë ...
TIRANË– Ish-deputetja e PD, drejtuese politike në njësinë 11 në Tiranë, Albana Vokshi zhvilloi sot një takim me banorë të Laprakës. Një nga gratë kryefamil...
VLORË– Kryeministri Edi Rama tha ditën e sotme nga Vlora se javës që vjen do të nisin punimet për tunelin e Llogarasë. Me bindje, ai u shpreh se do të përf...
