6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Presioni ekonomik i shkaktuar nga pandemia si dhe ligjet e reja që kufizojnë abortin kanë detyruar shumë gra, sidomos nga shtresat e varfra, të shkojnë në kryeqytetin e vendit, Uashington për aborte. Korrespondentja e Zërit të Amerikës, Veronica Balderas Iglesias shpjegon arsyet: Që nga muaji janar, të paktën 83 kufizime janë miratuar mbi të drejtën e abortit në 16 shtete amerikane, sipas Institutit Guttmacher Institute, një organizatë që lobon për të drejtat e riprodhimit.
Më të ndikuara janë gratë me ngjyrë, sidomos ato që mbetën pa punë si rezultat i pandemisë. Si rezultat, kërkesa për aborte është rritur ndjshëm në shtete si Kolorado, apo në kryeqytetin Uashington, ku qasja është më e lehtë.
Në klinikën e lagjes DuPont ka pasur një rritje prej 10% të pacienteve nga shtete të tjera që nga marsi i vitit të kaluar. Gjysma e tyre nuk kanë sigurime shëndetësore dhe nuk mund të paguajnë koston deri në 12,000 dollarësh të kësaj procedure në spital. Në këto raste nevojat përmbushen nga klinika jofitimprurëse.
“Ne bashkarisht, përmes fondeve të mbledhura ofrojmë ndihmën që u nevojitet këtyre grave. Jo thjesht mbulojmë koston, por i ndihmojmë edhe me transportin, akomodimin në hotel, etj,”-thotë bashkëthemeluesja e klinikës, Maritza Arias Basemore.
Fondi i Uashingtonit për Abortin, që operon plotësisht me vullnetarë, është një ndër organizatat që grumbullon fonde për të mbështetur gratë, sidomos ato me të ardhura të ulëta, që duan të bëjnë abort.
“Në pesë muajt e parë të këtij viti, jemi zotuar të grumbullojmë 100,000 dollarë në muaj nga donacionet. Kjo shumë është dy herë më e lartë se donacionet që marrim zakonisht. Po bëjmë sa mundemi por nuk është e lehtë”, thotë Deborah Swerdlow e Fondit të Uashingtonit për Abortin.
Grupet kundër abortit duan që kjo praktikë të shpallet e paligjshme dhe po përgatiten t’i kundërvihen propozimit që do t’i dërgojë administrata Biden Kongresit për të eliminuar Amendamentin Hyde, i cili nuk lejon përdorimin e fondeve qeveritare për të mbështetur klinikat e abortit.
“Administrata Biden është administrata më e tërbuar ekstreme pro-abortit. Kërkojmë nga të gjithë që të thërrasin përfaqësuesit e tyre në Kongres e t’u bëjnë presion,” thotë Carol Tobias, Presidente e Organizatës “E drejta Kombëtare për Jetën”.
Ndërkaq, anëtarët e Kongresit që kundërshtojnë abortin po përpiqen të pengojnë miratimin e një ligji që do të shpallte të paligjshme kufizimet ndaj abortit të miratuara në shtete individuale.
“Ky ligj do të eliminonte masat për mbrojtjen e shëndetit dhe për informimin e duhur para procedurës, do të eliminonte kufizimet e aborteve në muaj të avancuar të shtatzanisë. Këto ligje i gjen thuajse në çdo shtet”, thotë Catherine Glenn Foster e Shoqatës “Amerikanët e Bashkuar Pro-Jetës”.
Në shtete ku janë miratuar kufizime të reja kundër abortit, aktivistët pro-abortit shqetësohen se mund të ndiqet shembulli i Teksasit me “ligjin e rrahjeve të zemrës” i cili ndalon abortet pas javës së gjashtë të shtatzanisë.
Persona që nuk kanë lidhje fizike me shtatzaninë mund të hedhin në gjyq klinikën. Brittany House bëri abort në 2012. Ajo tani punon si vullnetare për grupin pro-abortit, Planned Parenthood dhe shton se duhet kapërcyer stigma që ekziston ndaj grave që kërkojnë të abortojnë.
“Për ata që nuk duan që gratë të bëjnë abort, çfarë programesh kanë miratuar në këto shtete për t’i ndihmuar gratë? I keni zgjeruar programet për ndihma me ushqime, me kopshte e çerdhe falas apo për mbështetjen e fëmijëve? Po u ofrojnë transport falas? Si do t’ua lehtësojnë jetën grave që të mos bëjnë aborte?” pyet Brittany.
Në bazë të ligjit federal të vitit 1973 Roe v. Wade, aborti është i ligjshëm në Shtetet e Bashkuara. Por mbetet i hapur debati mbi autoritetin e shteteve individuale për të kufizuar këtë të drejtë.
“Duhet të jemi të hapur dhe të dëgjojmë argumentet e të dyja palëve dhe të shpresojmë se mund të gjejmë një të mesme të pranueshme që të mbështesim gratë dhe familjet e tyre”, thotë Ana Langer, pedagoge në Universitetin e Harvardit.
Në maj, Gjykata e Lartë pranoi të dëgjojë argumentet e ngritura nga një grup kundër shtetit të Misisipit për të mos lejuar aborte pas 15 javë shtatzani. Gjykata e Lartë me një shumicë të fortë konservatore mund të rrëzojë ligjin federal që legalizoi abortin 48 vjet më parë.
Marrë nga VOA
Iftar dhe politikë, a u prek Muaji i Ramazanit nga politikanët?
Një rekord i amerikanëve kanë vdekur nga mbidoza e drogës vitin e kaluar, teksa Shtetet e Bashkuara janë përballur me pandemi të koronavirusit, kanë treguar të ...
PARIS– Policia franceze evakuoi për pak kohë Kullën Eiffel dhe bllokoi zonën përreth të Mërkurën pas një kërcënimi me bombë përmes telefonit. Të gjithë tu...
HOLANDË-Gjysëm ton kokainë me vlerë tregu 35 milion euro është kapur nga autoritetet holandeze me destinacion Irlandën ditën sotme, e maskuar si qymyr.BBC ...
ITALI-Presidentja e Komisionit Europian, Ursula Von der Leyen është shprehur në “Samitin e Grave W20 në Romë” se duhet të përpiqemi që të krijojmë kushtet e duh...
KOSOVË– Qyetarët e Kosovës nisur nga 1 shtatori, do t’iu shtohen një kostoje shtesë financiare me rastin e regjistrimit të automjeteve, duke paguar 4...
I ftuar në hapsirën Intervista e Ditës në SYRI TV me moderatoren Armela Ferko, Kryetar i Komunës së Deçanit, Bashkim Ramosaj ka folur për emergjencën e k...
Kina dhe Rusia kanë kohë që po zgjerojnë ndikimin e tyre në Ballkan Perëndimor, duke përdorur strategji të ndryshme, me synimin e njejtë për t’iu kundërvënë Per...
KOSOVË– Instituti i mjekësisë ligjore në Kosovë ka hedhur poshte dyshimet se dy persona vdiçën në Deçan për shkak të helmimit nga uji. ...
ITALI– Një ngjarje e pazakontë ka ndodhur në Itali ku krimi ka dalë ‘zbuluar’ pasi një çantë e mbushur me drogë ka rënë nga një avion i cili po tra...
BRAZIL-Presidenti i Brazilit Jair Bolsonaro, ditën e djeshme është shtruar në spital pas disa dhimbjeve të barkut dhe lemzës së pandalshme prej dhjetë ditësh.BB...
