Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Zonja Smith beson që babai i saj 71-vjeçar, u nxit nga mjekët të pranojë vdekjen si opsion të vetëm. Ajo thotë se mjekët nuk kërkuan të dhëna mjekësore nga mjeku personal i babait të saj. Përpos kësaj, zonja Smith thotë se i ati u eutanazua për një sëmundje, që autopsia nuk e tregonte se e kishte.
KANADA- Eutanazia, apo vdekja e kërkuar nga vetë pacienti në kujdesin mjekësor, po bëhet gjithnjë e më e ligjshme nëpër botë. Aktivistë të të drejtave të njeriut në Kanada thonë se mënyra se si është rregulluar kjo çështje në këtë vend nxit edhe pacientët, që nuk e kanë vdekjen të afërt të zgjedhin eutanazinë. Jo pak prej kanadezëve, sidomos ata me aftësi të kufizuara zgjedhin vdekjen që të mos përballen me faturat në rritje.
Babai i Erin Smith-it u shtrua në një spital në Ontario të Kanadasë vitin e kaluar, pasi u rrëzua. Ai nuk doli i gjallë prej spitalit. Rod McNeill u eutanazua një muaj pasi mbërriti.
Zonja Smith beson që babai i saj 71-vjeçar, u nxit nga mjekët të pranojë vdekjen si opsion të vetëm. Ajo thotë se mjekët nuk kërkuan të dhëna mjekësore nga mjeku personal i babait të saj. Përpos kësaj, zonja Smith thotë se i ati u eutanazua për një sëmundje, që autopsia nuk e tregonte se e kishte.
“Ai ndjeu se ishte bërë i bezdisshëm për stafin dhe se ishte thjesht më e lehtë të shkojë dhe të mos shqetësonte askënd,” tha zonja Smith.
Në Kanada, të rriturit që konsiderohet se janë në një gjëndje të rëndë dhe të pashërueshme dhe vuajtjet e pacientit janë të “padurueshme” mund të kërkojnë ndihmë për të vdekur.
“Unë nuk e kuptova se kjo përfshinte njerëzit e rëndomtë, derisa motra ime, Sue, tha, ‘kjo tanimë është bërë gjë e zakonshme në Kanada’. Pra, në vend që t'i ndihmoni me shërbime dhe të siguroheni që ata janë mirë, po zgjidhet kjo mënyrë më e lehtë dhe që kushton më pak” tha zonja Smith.
Eutanazia apo vetëvrasja nën kujdesin e stafit mjekësor është kritikuar në Kanada nga ekspertë të të drejtave të njeriut, akademikë dhe aktivistë të personave me aftësi të kufizuar.
Kanadaja lejon personat me aftësi të kufizuar të zgjedhin vetëvrasjen ndonëse nuk kanë ndonjë problem tjetër mjekësor. Vendi, i cili e bëri eutanazinë të ligjshme gjashtë vjet më parë, ka pa dyshim rregullat më të lehta të eutanazisë në botë.
Aktivistët e personave me aftësi të kufizuar dhe zyrtari më i lartë i të drejtave të njeriut në Kanada, thonë se këto rregullore zhvlerësojnë jetën e personave me aftësi të kufizuara dhe mund të jenë duke i shtyrë mjekët të sugjerojnë gjithnjë e më shumë procedurën edhe për ata persona që më parë nuk e kanë pasur në mëndje ta bëjnë këtë.
“E gjithë premisa e legjislacionit mendoj se është ndërtuar mbi një lloj qasjeje diskriminuese ndaj personave me aftësi të kufizuara,” thotë Dr. Ramona Coelho, e cila kujdeset për pacientët me aftësi të kufizuara si pjesë e klinikës së saj në qytetin Londër të Ontarios.
Ndërkohë, ministri kanadez i shëndetësisë thotë se ligji i eutanazisë njeh të drejtat e të gjithëve dhe vlerën e barabartë të çdo jete.
Eutanazia është e ligjshme në shtatë vende: Belgjikë, Kanada, Kolumbi, Luksemburg, Holandë, Zelandë e Re, Spanjë dhe disa shtete në Australi.
Vende të tjera, duke përfshirë disa shtete të SHBA-së, e lejojnë eutanazinë vetëm kur pacientët e marrin vetë ilaçin vdekjeprurës, zakonisht me recetë mjeku.
Në vitin 2016, ligji fillestar i eutanazisë i Kanadasë ishte për personat mbi 18 vjeç, që plotësonin disa kushte, duke përfshirë gjendjen mjekësore “të rëndë dhe të pashërueshme”, që shkakton vuajtje të padurueshme dhe vdekja e të cilëve mund të parashikohej si e pashmangshme.
Ligjvënësit më vonë e hoqën kufizimin duke thënë që vetvrasjen mund ta kërkonin edhe ata, vdekja e të cilëve nuk është e pashmangshme, një veprim që kritikët thonë se hoqi mbrojtjen kryesore.
Ndryshe nga vendet e tjera si Belgjika dhe Holanda, ku eutanazia ka qenë e ligjshme për dy dekada, Kanadaja nuk ka komisione për të shqyrtuar rastet që përbëjnë shqetësim dhe nuk ka asnjë kufizim për mjekët që sugjerojnë eutanazinë për pacientët që nuk e kanë kërkuar vet atë.
Shoqata e profesionistëve shëndetësorë kanadezë që ofrojnë eutanazi këshillon mjekët dhe infermierët të informojnë pacientët nëse mund të kualifikohen, si një nga “opsionet e tyre të kujdesit klinik”.
Njerëzve që kërkojnë eutanazi në Kanada gjithashtu nuk u kërkohet të kenë shteruar të gjitha opsionet e tyre të trajtimit, siç është rasti në Belgjikë dhe Holandë.
Sipas ligjit aktual, çdo i rritur me një sëmundje të rëndë, ose paaftësi mund të kërkojë të vdesë, duke zgjeruar në masë të madhe numrin e njerëzve të kualifikuar për eutanazi.
“Mendoj se është e arsyeshme të shqetësohemi se si ligje të tilla ndryshojnë kulturën e vdekjes. Dhe kulturën e të jetuarit me sëmundje,” tha Jason Adam Wasserman, profesor në Fakultetin e Mjekësisë në Universitetin “William Beaumont” në Michigan.
Ndërkohë, disa kanadezë me aftësi të kufizuara kanë zgjedhur vdekjen, që të shmangin përballjen me faturat në rritje.
“Unë do të thoja se është një problem i madh. Në klinikën time, kam pasur pacientë që kanë përmendur se ata do të preferonin të vdisnin dhe të zgjidhnin eutanazinë sesa të jetonin të varfër,” tha Dr. Coelho.
Legjislacioni për vdekjen në kujdesin mjekësor po zgjerohet në tërë botën.
Ligjvënësit do ta debatojnë atë në Britani dhe Parlamenti i Portugalisë së fundmi mbështeti një projekt-ligj për eutanazinë. Ndërsa disa ekspertë thonë se sistemi në Kanada kërkon një shqyrtim të mëtejshëm.
Vitin e ardhshëm, Kanadaja do të lejojë që njerëzit të zgjedhin vdekjen ekskluzivisht për arsye të shëndetit mendor. Vendi gjithashtu po shqyrton shtrirjen e eutanazisë tek personat nën 18 vjeç, që plotësojnë të njëjtat kërkesa si të rriturit./VOA/
Donald Trump Ish-presidenti amerikan, Donald Trump, ka bërë thirrje që të publikohet “menjëherë” urdhri i FBI-s&e...
Foto ilustruese RUSI- Miku im rus Artjom e pëlqen Finlandën: liqene të bukura, njerëz miqësorë, ajër të pastër...
sulmi ne Kapitol SHBA- Sulmi i 6 janarit në Kapitolin e Shteteve të Bashkuara duket të jetë përcaktues në zgjedhjet që p...
LIBAN- Një burrë i armatosur është shfaqur si një hero në Liban pasi ka mbajtur pengje në një bankë qendrore t&eu...
lufta ne ukraine UKRAINË- Presidenti ukrainas Volodymyr Zelenskyy u ka thënë zyrtarëve që të ndalojnë së foluri me ...
Stano BRUKSEL- Zëdhënësi i Bashkimi Evropian, Peter Stano, ka thënë se blloku evropian nuk u imponon zgjidhje partnerëve, tek...
Foto Ilustruese KOSOVË- Në Kosovë autoritetet thonë se dimri i këtij viti pritet të jetë mjaft sfidues për shkak t&...
Nigel Farage ANGLI- Ish-eurodeputeti britanik, Nigel Farage është shprehur i shqetësuar me numrin në rritje të shqiptarëve n...
Foto Ilustruese GJERMANI- Në landin NRW ka nisur gjyqi kundër një oficeri rezervë të ushtrisë gjermane. Ai dyshohet se i ka d...
Derra GREQI- Një burrë ka plagosur aksidentalisht një grua teksa kishte dalë për gjueti. Ngjarja ka ndodhur në zonën e K...
