Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Vrasja në maj e gazetares palestinezo-amerikane Shireen Abu Akleh, ndërsa ajo po ndiqte një operacion të forcave izraelite në Bregun Perëndimor, shkaktoi zemërim në mbarë botën.
SHBA- Departamenti i Shtetit ka reaguar ndaj një deklarate izraelite për vrasjen e gazetares palestinezo-amerikane Shireen Abu Akleh në maj, duke thënë se Shtetet e Bashkuara do të ushtrojnë trysni ndaj Izraelit që të rishikojë rregullat e angazhimit të forcave të tij në Bregun Perëndimor për të ulur rrezikun e qëllimit të gazetarëve dhe civilëve të tjerë.
Vrasja në maj e gazetares palestinezo-amerikane Shireen Abu Akleh, ndërsa ajo po ndiqte një operacion të forcave izraelite në Bregun Perëndimor, shkaktoi zemërim në mbarë botën. Të hënën, forcat izraelite lëshuan një deklaratë duke thënë se ka një "mundësi të madhe" që Abu Akleh të jetë qëlluar aksidentalisht nga ushtarët e saj gjatë një shkëmbimi të shtënash me të dyshuar të identifikuar si persona të armatosur palestinezë. Ushtria izraelite tha se nuk planifikon të ngrejë akuza penale kundër asnjërit prej ushtarëve të përfshirë në këtë incident.
Familja e gazetares Abu Akleh ka hedhur poshtë rezultatet e hetimit të Izraelit, duke thënë se Abu Akleh kishte veshur një jelek antiplumb me mbishkrimin “SHTYPI" që e identifikonte atë në mënyrë të qartë si pjesë e medias. Mbesa e gazetares Abu Akleh, Lina Abu Akleh foli me Zërin e Amerikës përmes Skype-it.
"E dimë se ajo dhe kolegët e saj që ishin të pranishëm atje kishin veshur jelekë antiplumb me mbishkrimin “Shtypi” dhe të gjithë ishin të identifikuar nga ushtria, ndërsa po shkonin për në vendngjarje. Ishte shumë qetësi dhe më pas papritmas filluan të shtënat ndaj tyre. Shireen u qëllua mes helmetës dhe jelekut të saj, pikërisht nën kokën e saj. Goditja ishte shumë e saktë. Është qesharake që deri më sot, nuk ka ende asnjë llogaridhënie dhe veprim për këtë rast", tha ajo për Zërin e Amerikës.
Gazetarët pyetën zëdhënësin e Departamentit të Shtetit se përse Shtetet e Bashkuara nuk po e mbajnë përgjegjës Izraelin për vrasjen e një shtetaseje amerikane.
"Ne vazhdojmë t'i bëjmë presion Izraelit drejtpërdrejt dhe nga afër në nivelet më të larta për të rishikuar politikat dhe praktikat e tij në lidhje me këtë rast dhe për t'u siguruar që diçka e tillë të mos ndodhë më në të ardhmen", tha zëvendës-zëdhënësi i Departamentit të Shtetit, Vedant Patel.
Reagimi amerikan nuk ishte e mjaftueshme për Lina Abu Aklehin.
"Duhet të ketë një hetim nga Shtetet e Bashkuara për ta mbajtur ushtrinë izraelite përgjegjëse për vrasjen e një prej shtetasve të tyre. Është detyrë dhe përgjegjësi e tyre. Politikat nuk mund të ndryshohen pa llogaridhënie, pa i dhënë fund mosndëshkueshmërisë”, thotë ajo.
Disa aktivist të mbrojtjes së lirisë së shtypit kanë thënë gjithashtu se Departamenti i Shtetit nuk angazhohet në mënyrë të mjaftueshme në rastet kur gazetarët vriten. William McCarren është drejtor ekzekutiv i Klubit Kombëtar të Shtypit.
"Ne jemi të shqetësuar se ka një hendek në rritje midis retorikës së mirë të Departamentit të Shtetit në lidhje me lirinë e shtypit në përgjithësi dhe veprimeve të tyre. Pra, në këtë rast, duket se ata po thonë gjëra të mira, por nuk po pranojnë të marrin veprimet që më pas nevojiten për t’u siguruar që kjo vrasje të mos kalojë pa u ndëshkuar dhe do të ketë rreziqe të qarta për gazetarët e tjerë nëse kjo nuk trajtohet”, thotë ai.
Familja e gazetares Abu Akleh, grupet e të drejtave të njeriut dhe aktivistët e lirisë së shtypit po bëjnë thirrje që Shtetet e Bashkuara, Gjykata Penale Ndërkombëtare dhe organizata të tjera ndërkombëtare të hetojnë vrasjen e gazetares Shireen Abu Akleh dhe të mbajnë përgjegjës autorët e saj.
Marrë nga VOA
Hristijan Mickovski SHKUP- Kryetari i partisë opozitare VMRO-DPMNE, Hristijan Mickovski të mërkuren dorëzoi në Komisionin Shtet&eu...
Netflix EGJIPT- Rregullatori i mediave në Egjipt i ka kërkuar platformës Netflix, dhe shërbimeve tjera të ngjashme, që të...
Kremlini RUSI- Moska ka ndaluar ushtarakë të Bashkimit Europian të futen në Rusi. Mediat e huaja shkruajnë se Rusia ka njoftu...
Vladimir Putin RUSI- Presidenti rus Vladimir Putin tha të mërkurën se vendi i tij nuk ka humbur asgjë nga operacioni ushtarak n&eu...
Një anije kalon pranë një fushe gazi në Rusi RUSI- Presidenti rus, Vladimir Putin, ka hedhur poshtë akuzat e Perëndimit ...
Ursula von der Leyen BRUKSEL- Zyrtarët e Bashkimit Evropian kanë dhënë shenja se synojnë të vendosin çmim tavan ...
Mehmet Kraja KOSOVË- Vajzat që vendosin shami nën moshën 16-vjeçare janë nën një lloj diktati. Një vijë...
Papirusi i zbuluar në Izrael IZRAELI- Autoriteti i Antikiteteve i Izraelit ka zbuluar një shënim jashtëzakonisht të rral...
Flamuri kinez HONG KONG- Presidenti i sindikatës së gazetarëve të Hong Kongut u arrestua sot, vetëm disa javë para se t&...
thatesira ne Kine KINË- Kina regjistroi temperaturat e saj më të larta dhe një nga nivelet e saj më të ulëta të res...
