Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Me bisedimet në vendet e Lindjes së Mesme ministrja e Jashtme Baerbock u përpoq të ndërmjetësojë mes aktorëvë të ndryshëm dhe për mirëkuptimin reciprok. Por mundësitë e Gjermanisë për ndërmjetësim janë të kufizuara.
GJERMANI- Jordani, Izrael, Liban, Egjipt: Stacionet e një diplomacie intensive krize. Ministrja e Jashtme gjermane, Annalena Baerbock brenda tre ditësh zhvilloi bisedime në katër vende. Qëllimi ishte: Të pengohet përhapja e konfliktit të Lindjen e Mesme. Një qëllim tjetër ishte që të zbutet sa më shumë të jetë e mundshme kriza humanitare në Rripin e Gazës.
Në fjalimin e saj në "samitin për paqe" në Kajro Baerbock përshkroi vuajtjet dhe shqetësimet, me të cilat po përballen njerëzit në terren dhe përtej të gjithë kufijve. "Kudo në rajon shohim vuajtje dhe frikë të tmerrshme njerëzore", konkludoi ministrja e Jashtme.
Ajo njëkohësisht përmendi arsyen se përse u krijua gjithë kjo vuajtje. E kjo e gjitha ka një emër, tha Baerbock: "Ishte Hamasi, që më 7 tetor solli terrorin e tmerrshëm në Izrael dhe ushtroi krime të neveritshme."Në afat të shkurtër është e rëndësishme, që të zbutet vuajtja, atje ku ajo është më e madhe, tha ministrja e Jashtme, e gjendja është emergjente në Rripin e Gazës. Ndaj Gjermania ka rritur ndihmën humanitare për Rripin e Gazës në rreth 50 milionë euro. Të enjten (19.10.2023) në Aman ajo bisedoi me drejtorin e organizatës së OKB për Ndihmat për Palestinezët, UNRWA, Philippe Lazzarini. Ky i fundit i shpjegoi asaj "gjendjen ekstremisht të rëndë" në Rripin e Gazës. Ka mbi një milionë rë dëbuar brenda vendit. 3700 vetë kanë vdekur, tha Lazzarini duke iu referuar të dhënave të Autoriteteve të Shëndetësisë nën kontrollin e Hamasit. Në këtë rajon nuk ka ujë të pijshëm.
Mundësi të kufizuara për ndërmjetësim
A mund të ndërmjetësojë Gjermania në këto rrethana? Po, por sipas gjendjes, mundësitë janë të kufizuara thotë Peter Lintl, ekspert për Izraelin pranë Fondacionit Shkenca dhe Politika në Berlin: Ndërmjetësimi gjerman pranohet sa u përket pengjeve. "Këtu Gjermania mund të veprojë për të ndihmuar." Por mbështetje tjetër Gjermania nuk mund të japë për arsye që janë të kuptueshme: "Gjermania nuk flet me Hamasin."
Sidoqoftë Gjermania mund të ndërmjetësojë në oragnizimin e ndihmave humanitare. "Kjo pranohet edhe nga Izraeli, sepse ndihma kërkohet edhe nga ana e SHBA-së." Ndaj kontributi gjerman për zbutjen e krizës mund të konsistojë në këto dy aspekte, thekson Lintl: "Pengjet dhe ndihma humanitare."
Parimisht një pjesë e vendeve arabe e shohin me rezerva politikën e jashtme të Gjermanisë. Annalena Baerbock e ndjeu këtë vet në Aman: Ku sipas mediave u mor me rezerva deklarata e saj, që Izraeli është viktimë e terrorit të Hamasit dhe ka të drejtë të mbrohet. Sipas Lintl ka në përgjithësi rezerva - "por njëkohësisht edhe gatishmëri pragmatike për bashkëpunim, atje ku kjo është e mundur."
Bota arabe solidarizohet me palestinezët
Bisedimet që zhvilloi Baerbock në kryeqytetet e katër vendeve të Lindjes së Mesme u zhvilluan në sfondin e një sërë demonstratash solidariteti me njerëzit në Rripin e Gazës. Në Egjipt (20.10.2023) dhjetëra mijëra vetë demonstruan në rrugë për të shprehur solidaritetin e tyre me palestinezët në Rripin e Gazës. Edhe në Aman mijëra vetë shprehën përkrahjen për palestinezët. Demonstratat janë një indikator për distancimin që kanë shtresa të tëra të popullsisë ndaj Izraelit.
Po ashtu në pjesë të madhe të vendeve arabe, njerëzit mendojnë, që shtetet perëndimore përkrahin pa kushte Izraelin. Formula, se Izraeli ka të drejtë të mbrohet, përsëritet pa asnjë kritikë, shkruhet në gazetën palestineze "Al ayyam". Kjo gazetë i referohej në artikullin e saj edhe Gjermanisë. Njëkohësisht edhe në Jordanin Perëndimor po shpërthen dhuna.
Të tilla ndjesi kanë influencë ndaj vendimeve të qeverive në Kajro, Aman e në vende të tjera arabe. "Në shumë vende politikanët, që bashkëpunojnë ngushtë me vendet perëndimorë ndodhen tani nën presion ekstrem", thotë në bisedë për DW, Simon Wolfgang Fuchs, profesor në fushën e studimeve për Islamin dhe Lindjen e Mesme në Universitetin Hebre të Jeruzalemit.
"Izraeli nuk do përpjekje për ndërmjetësim"
Një tjetër arsye e mundësive të kufizuara për ndërmjetësim, sipas Lintl, është edhe, se: "Izraeli vet nuk do asnjë përpjekje për ndërmjetësim. Një ofertë e tillë ndërkohë do të ndalohej." Qëllimi i Izraelit është t'i japë fund sundimit të Hamasit. "Një ndërmjetësim do të ishte përkundër këtij qëllimi." Një ndërmjetësim pranohet, nëse është fjala për lirimin e pengjeve. "Përveç kësaj nuk pranohet asnjë lloj tjetër ndërmjetësimi."
Foto ilustruese SHBA- Edward Madec profesor i kolegjit dhe njëkohësisht edhe ish-trajner i basketbollit është arrestuar pasi dyshohet ...
foto ilustruese LUKSEMBURG- Krerët e diplomacisë së BE-së sot bëjnë një takim në Luksemburg, ku pjesë e diskut...
pamje nga vendngjarja IZRAEL- Sulmet gjatë natës në të gjithë Rripin e Gazës kanë çuar në "një num...
Michelle Hidalgo SHBA- Një dado 28-vjeçare në Kaliforni, po përballet me akuzat për abuzim me ...
Foto ilustruese FRANCË-70 kërcënime të rreme për bombë në pesë ditët e fundit janë rregjistruar në ...
Tarik Jasarevic IZRAEL- Organizata botërore e shëndetësisë edhe një herë i ka bërë thirrje Izraelit të ri...
Harta dhe gazetarja e CNN SHBA- Një hartë e shfaqur nga rrjeti amerikan CNN që përmban gabime të rëndësishme në...
foto ilustruese JAPONI- Ministria e Shëndetësisë dhe Mirëqenies së Japonisë i ka bërë thirrje publikut që t&eu...
Mikhail Khodorkovsky RUSI- Për presidentin rus, Vladimir Putin, lufta Izrael-Hamas është si çdo krizë tjetër në bot&eu...
Albin Kurti dhe zyrtarët e lartë KOSOVË- I dërguari i BE-së për dialogun Kosovë-Serbi, Miroslav Lajçak ka zb...
