Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
Kështu ishte edhe vitin e kaluar, kur udhëheqësit e BE-së i dhanë Moldavisë dhe Ukrainës dritën jeshile për të filluar bisedimet e pranimit, i siguruan Gjeorgjisë statusin e vendit kandidat dhe miratuan një paketë sanksionesh kundër Rusisë.
BRUKSEL- Zakonisht, java para pushimeve dimërore në Bashkimin Evropian është më e ngarkuara, me vendime të mprehta që duhet të merren para përfundimit të vitit. Kështu ishte edhe vitin e kaluar, kur udhëheqësit e BE-së i dhanë Moldavisë dhe Ukrainës dritën jeshile për të filluar bisedimet e pranimit, i siguruan Gjeorgjisë statusin e vendit kandidat dhe miratuan një paketë sanksionesh kundër Rusisë. Agjenda e sivjetme para festave duket më e qetë.
Për paketën e re, por më të vogël të sanksioneve kundër Rusisë u ra dakord më 11 dhjetor. Presidenti i Ukrainës, Volodymyr Zelensky, do të marrë pjesë në samitin e BE-së më 19 dhjetor, por nuk pritet ndonjë vendim i madh në lidhje me Kievin. Draft-konkluzionet e fundit të samitit të BE-së, të para nga Radio Evropa e Lirë, konfirmuan “angazhimin e palëkundur të BE-së për të ofruar mbështetje të vazhdueshme politike, financiare, ekonomike, humanitare, ushtarake dhe diplomatike për Ukrainën dhe popullin e saj, për aq kohë sa duhet. Rusia nuk duhet të triumfojë”.
Ka zëra që thonë se Zelensky do t’u bëjë thirrje vendeve anëtare të BE-së që ta rrisin prodhimin e mbrojtjes, mundësisht në bashkëpunim të drejtpërdrejtë me industrinë e mbrojtjes të Ukrainës, dhe t'i ofrojnë Kievit sisteme të mbrojtjes ajrore dhe kapacitete përgjimi me dronë.
Samiti i posaçëm BE-Ballkani Perëndimor në Bruksel, i cili do të mbahet më 18 dhjetor mes udhëheqësve të Shqipërisë, Bosnje e Hercegovinës, Kosovës, Malit të Zi, Maqedonisë së Veriut dhe Serbisë dhe homologëve të tyre të BE-së, nuk pritet të sjellë ndonjë gjë të veçantë.
Draft-deklarata, e parë nga Radio Evropa e Lirë, nuk përmban elemente të reja. Zyrtarët e BE-së thonë se “arritja” kryesore është kryesisht simbolike - thjesht, e përbërë nga fakti se liderët e rajonit po takohen me zyrtarë të BE-së përpara samitit të rregullt të BE-së.
Gjashtëshja ballkanike ka darkuar me presidentin e ri të Këshillit Evropian, Antonio Costa, dhe me shefen e sapoemëruar të politikës së jashtme të BE-së, Kaja Kallas, në fillim të dhjetorit. Ajo ka qenë një shenjë se udhëheqësit e rinj të BE-së do t’i japin prioritet rajonit. Ditë e rëndësishme, së paku për disa nga vendet e Ballkanit Perëndimor, është dita e sotme, kur ministrat e Evropës të vendeve anëtare të BE-së miratojnë konkluzionet vjetore të zgjerimit të BE-së dhe marrin pjesë në disa konferenca ndërqeveritare.
Shqipëria mori pjesë në një nga këto takime, ku hapë kapituj të rinj të negociatave të anëtarësimit në BE, që lidhen me politikën e jashtme. Tirana i ka nisur në tetor negociatat për pesë kapituj. Konferenca tjetër ndërqeveritare, e cila u zhvillua më 16 dhjetor, ishte për Malin e Zi. Mali i Zi i ka hapur negociatat për të 33 kapitujt e politikave, por, për herë të parë që nga viti 2017, Podgorica i ka mbyllur tre kapituj - për shoqërinë e informacionit, politikën industriale dhe pronësinë intelektuale. Kjo do të thotë se ligjet e BE-së në këto sfera janë përshtatur tashmë në ligjin malazez.
Marrë parasysh se gjatë 12 vjetëve negociata me Brukselin, Mali i Zi ka arritur të mbyllë vetëm tre kapituj të tjerë, ky hap është mjaft domethënës. Diplomatët e BE-së kanë lënë të kuptohet se Mali i Zi mund t’i bashkohet BE-së këtë dekadë. Ka pasur një shtysë të madhe që konferenca e tretë ndërqeveritare këtë javë të mbahej me Serbinë, me të cilën do të hapeshin edhe disa kapituj të negociatave. Kjo shtysë ka ardhur kryesisht nga Budapesti, vendet e mëdha anëtare të BE-së si Franca dhe Italia, si dhe Komisioni Evropian, i cili ka sugjeruar se Beogradi është gati të vazhdojë me integrimin e tij në BE.
Megjithatë, tri shtetet baltike, Estonia, Letonia dhe Lituania, e kanë bllokuar procesin, për shkak të mospërputhjes së vazhdueshme të Beogradit me politikën e sanksioneve të BE-së kundër Rusisë. Çështja e përparimit të Serbisë ka të ngjarë të rishfaqet në gjysmën e parë të vitit 2025 dhe, deri atëherë, mund të lidhet edhe me hapjen e kapitujve të negociatave me Ukrainën dhe Moldavinë. Kievi dhe Kishinjevi pritet të fillojnë zyrtarisht procesin e anëtarësimit në BE nën presidencën polake, edhe pse Hungaria ka sinjalizuar se mund të mos e japë pëlqimin e saj për Ukrainën, duke argumentuar se pakica etnike hungareze në këtë vend vazhdon të diskriminohet.
Situata në Gjeorgji do të jetë e dukshme këtë javë. Draft-konkluzionet e samitit të BE-së për republikën e Kaukazit Jugor janë mjaft të dobëta. Në to thuhet se Këshilli Evropian “përsërit shqetësimet e tij serioze për kursin që ka marrë Qeveria gjeorgjiane, e që bie ndesh me vlerat dhe parimet mbi të cilat është themeluar Bashkimi Evropian”.
Komisioni, gjithashtu, shpreh keqardhje për vendimin e Qeverisë gjeorgjiane për ta pezulluar procesin e anëtarësimit të vendit në BE deri në vitin 2028. Dhuna kundër gjeorgjianëve që protestojnë ndaj këtij vendimi të Qeverisë, dënohet gjithashtu.
“Autoritetet gjeorgjiane duhet të respektojnë të drejtën e tubimit dhe të shprehjes dhe të përmbahen nga përdorimi i forcës. Të gjitha aktet e dhunës duhet të hetohen dhe përgjegjësit duhet të japin llogari”, thuhet në draft-konkluzione.
Teksti nuk është më i ashpër, sepse Hungaria dhe Sllovakia nuk duan të mbajnë qëndrim të vrazhdë kundër udhëheqjes së Gjeorgjisë, të cilën e shohin si aleate të tyre./ REL
Foto ilustruese PARIS- Një djalë 15-vjeçar humbi jetën pranë një shkolle të mesme në Paris pasi u godit me t...
Caspar Veldkamp BRUKSEL- Holanda do të bllokojë rrugën e Serbisë në avancimin drejt anëtarësimit në Bashkimin ...
Foto SIRI- Përballja me regjimin e Asadit ishte e vështirë në Këshillin e Sigurimit të OKB-së. Pas tij fshiheshin Rusia...
Foto ilustruese SIRI- Kreu i Task Forcës Siriane të Emergjencave, Mouaz Mustafa është shprehur se një varr masiv është g...
vendi i shperthimit KIEV- Një oficer i rangut të lartë i ngarkuar me Trupat e Mbrojtjes Bërthamore, Biologjike dhe Kimike të Rusi...
Yoon Suk-yeol KORE- Presidenti i Koresë së Jugut, Yoon Suk-yeol, i cili është pezulluar nga ushtrimi i kompetencave pasi Parlamenti vot...
Rrënojat VANUATU- Një tërmet shumë i fortë me magnitudë 7.3 ballë goditi ishujt Vanuatu duke shkaktuar dëme t&...
Emigrantë në Gjermani GJERMANI- Sipas Organizatës Ndërkombëtare të Punës (ILO) migrantët luajnë nj&e...
Foto ilustruese SHBA- Një studim ka zbuluar saktësisht sa kohë na heqin nga jeta ushqimet e shpejta dhe pijet freskuese. Studimi u...
pamje nga brenda bunkereve SERBI- Dyert e rënda prej hekuri të çojnë në korridore të mëdha nën tokë, në...
