Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Deri në vitin 2018, kokaina prodhohej rrallëherë në Europë. Rritja e prodhimit të kokainës në Amerikën Latine dhe mbikëqyrja më e rreptë policore, i kanë shtyrë disa kriminelë që të ndryshojnë taktikat.
TIRANË- Kur policia spanjolle përndoqi një bandë nga Ishujt Kanarie vitin e kaluar, ata zbuluan rastësisht diçka të madhe, shkruan The Economist.
Në një shtëpi të thjeshtë në qytetin Galicia, në Spanjën Veriperëndimore, disa ekipe të posaçme punonin pa pushim për të prodhuar deri në 200 kg kokainë në ditë.
Dy banda droge, njëra kolumbiane dhe tjetra meksikane, kishin paguar rreth 2 milionë euro (2.1 milionë dollarë) për të ngritur këtë laborator, të cilin spanjollët e furnizonin me bazën e produkteve të nevojshme për prodhimin e kokainës.
Ky ishte laboratori i dytë i kokainës i gjetur në Spanjë. Deri tani, është më i madhi i zbuluar ndonjëherë në Europë.
Deri në vitin 2018, kokaina prodhohej rrallëherë në Europë. Rritja e prodhimit të kokainës në Amerikën Latine dhe mbikëqyrja më e rreptë policore, i kanë shtyrë disa kriminelë që të ndryshojnë taktikat.
Edhe pse shumica ende e importojnë produktin e përfunduar, ka disa mashtrues që marrin lëndë më të lira si bazë për prodhimin e kokainës, dhe më pas i kthejnë ato në hidroklorur kokaine (një pluhur i bardhë), duke përdorur kimikate në laboratorë.
Të tjerë e fshehin kokainën brenda dërgesave të qymyrit, drurit, veshjeve dhe sheqerit. Në vitin 2022, në Bashkimin Europian u çmontuan 39 laboratorë kokaine, nga 15 në vitin 2019.
Prodhimi i paligjshëm i drogës në Europë, nuk është asgjë e re. Belgjika dhe Holanda kanë eksportuar amfetaminë dhe tableta MBMA (që shkaktojnë ekstazi) në mbarë botën, të paktën që nga vitet 1990. Kanabisi është rritur prej kohësh në të gjithë kontinentin.
Por në dekadën e fundit, prodhimi i drogës në Europë është rritur me shpejtësi, dhe jo vetëm ai i kokainës. Vitin e kaluar, në Poloni, Belgjikë dhe Holandë, u çmontuan një numër rekord laboratorësh, shumica e të cilëve përdoreshin për prodhimin e drogave sintetike.
Dhe madhësia dhe sofistikimi i laboratorëve është rritur, thotë Rita Jorge nga Qendra Europiane e Vëzhgimit për Drogën dhe Varësinë nga Droga (EMCDDA), një agjenci e BE-së.
Marrim si shembull metamfetaminën europiane. Para vitit 2017, ajo prodhohej kryesisht në laboratorët çekë për tregjet lokale.
Që atëherë, rrjetet kriminale kanë ngritur laboratorë të tjerë në shkallë industriale, në Belgjikë dhe Holandë. Pjesa më e madhe e drogës së prodhuar, është eksportuar.
Ekspertiza e Amerikës Latine ka nxitur prodhimin e paligjshëm të drogës në Europë. Kriminelët holandezë mësuan si të prodhonin metamfetaminë në masë, duke përdorur benzil metil ketoni (BMK), të prodhuar nga meksikanët, thotë eksperti belg Arthur Debruyne.
Bandat europiane po përdorin një metodë kolumbiane ku kokaina rioksidohet. Kimikatet e ndryshme me cilësi më të lartë në Europë rrisin efikasitetin dhe pastërtinë e drogave.
Disa laboratorë holandezë kanë ndjekur metodat kolumbiane, por me standarde më të larta.
Laboratorët europianë janë më të personalizuar sesa ata kanadezë ose amerikanë, sipas Bordit Ndërkombëtar të Kontrollit të Lëndëve Narkotike, me seli në Vjenë. Tani më shumë laboratorë mund të prodhojnë lloje të ndryshme drogash sipas kërkesës.
Numri i laboratorëve holandezë të drogës që u zbulua, u rrit nga 9 në vitin 2022, në 21 vitin e kaluar.
Bandat e drogës janë të afta për të shmangur zbulimin. Si me çdo biznes tjetër të mirë, ekipe të ndryshme kujdesen për faza të ndryshme në procesin e prodhimit të drogës.
Ata përdorin gjithnjë e më shumë lëndë bazë imituese (shih grafikun), të cilat nga ana kimike, janë shumë të ngjashme me lëndët e ndaluara të drogës, por shumë më të vështira për t’u zbuluar nga autoritetet.
Për shembull, kur substanca APAA u ndalua ndërkombëtarisht në vitin 2015, disa javë më vonë u shfaq në treg alternativa e ngjashme me emrin MAPA.
“Duke qenë se kimia mundëson shumë alternativa, është relativisht e lehtë të gjesh substanca që mund të përdoren si zëvendësuese”, thotë Alexis Goosdeel, një belg që drejton qendrën EMCDDA.
Ndërkohë, po rritet gjithnjë e më shumë rreziku që në treg të dalin droga më të fuqishme. Produktet e reja MDMA, në formë të ngurtë ose të lëngshme, po bëhen gjithnjë e më popullore.
Prodhimi i katinonit po rritet në Poloni. Produkti Captagon tani prodhohet gjerësisht në Holandë. Disa meksikanë që janë të aftë në prodhimin e fentanilit janë zhvendosur në Europë.
Fushatat për ndërgjegjësimin e publikut mund të ndihmojnë për të frenuar valën e drogave të paligjshme. Denoncimet në polici çuan në zbulimin e një laboratori të paligjshëm droge në Holandë vitin e kaluar.
Shkëmbimi i informacionit është thelbësor, pasi kriminelët importojnë kimikate nga vendet e zonës Shengen, ku licencimi është më pak i rreptë.
Muajin e ardhshëm, qendra EMCDDA (që së shpejti do të riemërohet Agjencia e Drogave e Bashkimit Europian), do të fillojë të vëzhgojë kimikatet bazë për prodhimin e drogave.
Sfida është e madhe. “Ne duhet të evoluojmë po aq shpejt sa ata”, thotë Dr. Jorge. Kjo mund të jetë një garë e vështirë./MONITOR
yoko kamikawa KOSOVË- Ministrja e Punëve të Jashtme të Japonisë, Yoko Kamikawa, gjatë takimit me kryeministrin e Kosovës...
IZRAEL- Ushtria izraelite tha se një dron iranian që goditi qendrën e Tel Avivit para agimit të së premtes, duke vrarë një ...
joe biden SHBA- Komentatori politik i CNN dhe ish-strategu i Bill Clinton, Paul Begala tha të enjten se fushata e rizgjedhjes së Presidentit Bid...
foto ilustruese TIRANË- Një pjesë e konsiderueshme e botës u përball të premten me probleme madhore të shkaktuara nga nj...
Joe Biden dhe Jill Biden PARIS- Zonja e Parë, Jill Biden, pritet të kryesojë mbledhjen e parë evropiane të fushatës Biden-Ha...
blogerja SERBI- Pas ekzekutimit të Faton Hajrizit, policia serbe ka arrestuar edhe blogeren e famshme në Serbi, Ivana Radovanoviç...
foto ilustruese HAIT- 40 persona kanë vdekur pasi varka me të cilën po udhëtonin u përfshi nga zjarri në brigjet e Haitit n&e...
Kamala Harris SHBA- Zëvendëspresidentja Kamala Harris do t’i drejtohet një rrjeti donatorësh të mëdhenj demokratë ...
Joe Biden SHBA- Presidenti Joe Biden bëri thirrje të premten për bashkim të partisë për ta mposhtur atë që e quajti...
fotot ilustruese SINGAPOR- Dy cisterna të mëdha nafte janë djegur pas një përplasjeje në afërsi të Singaporit, port...
