Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Në një konferencë televizive për shtypin, zëdhënësi i ushtrisë së Izraelit, Daniel Hagari tha se një hetim fillestar i kryer në skenën e sulmit tregon se bëhet fjalë për një dron iranian Samad-3, që "me sa duket kishte pësuar një përmirësim për të rritur rrezen e tij të veprimit".
IZRAEL- Ushtria izraelite tha se një dron iranian që goditi qendrën e Tel Avivit para agimit të së premtes, duke vrarë një person dhe duke plagosur të paktën tetë të tjerë, ishte i prodhuar nga Irani dhe u lëshua nga Jemeni.
Në një konferencë televizive për shtypin, zëdhënësi i ushtrisë së Izraelit, Daniel Hagari tha se një hetim fillestar i kryer në skenën e sulmit tregon se bëhet fjalë për një dron iranian Samad-3, që "me sa duket kishte pësuar një përmirësim për të rritur rrezen e tij të veprimit".
Ai tha se ushtria beson se droni erdhi nga Jemeni, më shumë se 1600 kilometra larg. Rebelët Houthi me bazë në Jemen kanë marrë tashmë përgjegjësinë për sulmin.
Zoti Hagari tha se pothuajse në të njëjtën kohë me sulmin në Tel Aviv, një tjetër dron që vinte nga lindja u rrëzua pranë kufirit izraelit. Ai tha se ushtria po heton lidhjen midis dy sulmeve.
Një zyrtar ushtarak izraelit tha se droni që goditi Tel Avivin u zbulua nga një sistem i mbrojtjes ajrore izraelite, por nuk u rrëzua për shkak të "gabimit njerëzor".
"Dua të theksojë se sistemi i mbrojtjes ajrore nuk është e padepërtueshëm", u tha zoti Hagari gazetarëve. "Ne po forcojmë patrullat tona ajrore dhe mbrojtjen e të gjithë hapësirës ajrore të vendit. Ne po hetojmë incidentin, po përmirësojmë dhe përsosim aftësitë tona për të mbrojtur më mirë qytetarët izraelitë ."
Zëdhënësi ushtarak i grupit Houthi, Yahya Saree, tha në një deklaratë televizive se sulmi ishte kryer me një dron të ri të aftë për të shmangur sistemet e mbrojtjes ajrore. Drejtuesit e grupit Houthi kanë thënë se sulmet e tyre ndaj Izraelit dhe objektivave të tjera perëndimore në rajon po kryhen për të treguar solidaritet me palestinezët në Rripin e Gazës.
Ndërkohë, agjencia e lajmeve Reuters thotë se raketat e lëshuara nga Libani goditën Izraelin verior të premten, por ato u rrëzuan nga sistemi izraelit i mbrojtjes nga raketat.
Sulmi vjen një ditë pasi ushtria izraelite konfirmoi se kishte vrarë një komandant të lartë të Hezbollahut, që mbështetet nga Irani, në Libanin jugor. Komandanti i vrarë i forcave elite të Hezbollahut, “Radwan” është drejtuesi i fundit i lartë, që vritet nga forcat izraelite ndërsa ato vazhdojnë të luftojnë me militantët në Libanin jugor.
Izraeli ka shkëmbyer të shtëna me raketa dhe artileri me Hezbollahun përgjatë kufirit të tij verior dhe në Libanin jugor pothuaj çdo ditë që nga fillimi i luftës në Gazë, duke shkaktuar frikën e një konflikti më të gjerë rajonal nëse situata përshkallëzohet.
Kryeministri izraelit Benjamin Netanyahu vizitoi trupat izraelite në Gazën jugore të enjten ndërsa tanket e tyre vazhdojnë të hyjnë në qytetin e Rafahut. Kjo ndodh vjen në prag të vizitës së javës së ardhshme të Netanyahut në Uashington, ku ai do mbajë një fjalim në Kongres.
Ministri izraelit i Sigurisë Kombëtare Itamar Ben-Gvir vizitoi një vend të shenjtë të kontestuar në Jeruzalem në të njëjtën ditë. Zyra e Netanyahut njoftoi vizitën pasi ai u largua nga Gaza jugore. Ai më vonë lëshoi një deklaratë duke thënë: "Vetëm trysnia ushtarake na ndihmon të avancojmë marrëveshjen e pengjeve".
Më parë, parlamenti i Izraelit miratoi lehtësisht një rezolutë që kundërshtonte krijimin e një shteti palestinez.
Zëdhënësi i Këshillit të Sigurisë Kombëtare në Shtëpinë e Bardhë, John Kirby tha të enjten se politikanët izraelitë nuk duhet të nxisin konfliktin pas vizitës së zotit Ben-Gvir në Xhaminë Al-Aksa. "Ne do të vazhdojmë t'i bëjmë thirrje homologëve tanë izraelitë që të mos bëjnë asgjë që do të nxiste më tej veprimet e dhunshme", tha zoti Kirby./VOA
joe biden SHBA- Komentatori politik i CNN dhe ish-strategu i Bill Clinton, Paul Begala tha të enjten se fushata e rizgjedhjes së Presidentit Bid...
foto ilustruese TIRANË- Një pjesë e konsiderueshme e botës u përball të premten me probleme madhore të shkaktuara nga nj...
Joe Biden dhe Jill Biden PARIS- Zonja e Parë, Jill Biden, pritet të kryesojë mbledhjen e parë evropiane të fushatës Biden-Ha...
blogerja SERBI- Pas ekzekutimit të Faton Hajrizit, policia serbe ka arrestuar edhe blogeren e famshme në Serbi, Ivana Radovanoviç...
foto ilustruese HAIT- 40 persona kanë vdekur pasi varka me të cilën po udhëtonin u përfshi nga zjarri në brigjet e Haitit n&e...
Kamala Harris SHBA- Zëvendëspresidentja Kamala Harris do t’i drejtohet një rrjeti donatorësh të mëdhenj demokratë ...
Joe Biden SHBA- Presidenti Joe Biden bëri thirrje të premten për bashkim të partisë për ta mposhtur atë që e quajti...
fotot ilustruese SINGAPOR- Dy cisterna të mëdha nafte janë djegur pas një përplasjeje në afërsi të Singaporit, port...
artan hajrizi SERBI- Ministri i Punëve të Brendshme të Serbisë, Ivica Daçiç, ka thënë se Serbia do të k&eu...
donald trump SHBA- Ish-presidenti amerikan, Donald Trump, ka qenë në shënjestër të Teheranit që kur ai urdhëroi vrasjen ...
