Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Kancelari gjerman Olaf Scholz mbështeti në Pragë idenë e Presidentit francez Macron për një Komunitet Politik Evropian. Njëkohësisht ai precizoi se se si e përfytyron Gjermania atë, shkruan Auron Dodi.
GJERMANI- Kancelari gjerman, Olaf Scholz mbështeti të hënën (29.08.) në fjalimin për Evropën në Pragë propozimin për një Komunitet Politik Evropian, të prezantuar në maj nga presidenti francez Emmanuel Macron. Scholzi tha se vërtet ekzistojnë tashmë disa forume në Evropë, ku evropianët bashkëpunojnë përtej BE, siç janë "OSBE, OECD, Partneriteti Lindor, Zona Ekonomike Evropiane dhe NATO". Por deri tani ka munguar një forum i liderëve politikë me BE. Në këtë rol e kupton Scholzi Komunitetin Politik Evropian.
Kancelari i Gjermanisë tha se kryetarët e shteteve dhe të qeverive të BE mund të takohen me ata jashtë BE në këtë kuadër, në formën e një forumi, "një herë apo dy herë në vit". Ai u shpreh edhe për temat, që mendon se ka kuptim të diskutohen në forum. Janë „tema që prekin kontinentin në tërësi: siguria, energjia, klima ose konektiviteti".
Mbështetja që i jep kancelari gjerman iniciativës franceze ndikon që ajo të mbetet në diskutim. Gjermania tregon solidaritet me një ide franceze, për të cilën Këshilli Evropian u pozicionua në qershor. Pozicionimi i kancelarit gjerman është i ngjashëm me konkluzionet e Këshillit Evropian, por të dyja dallohen nga idetë, sidomos fillestare të presidentit francez.
Komuniteti Politik Evropian – pa struktura fikse institucionale
Komuniteti Politik Evropian (KPE) thërret në kujtesë Komunitetin Evropian (të themeluar më 1993 me Marrëveshjen e Mastrihtit, dhe që përfundoi më 2009 me Marrëveshjen e Lisbonës), por nuk është i ngjashëm me të. Ai nuk ka struktura fikse institucionale ose një kornizë juridike, siç kishte Komuniteti Evropian.
Sipas përfytyrimeve aktuale, ai do të ishte i ngjashëm më tepër me forume ekonomike si G7-a apo G-20. Në to takohen liderët e shteteve anëtare për të diskutuar temat e mëdha të politikës. Komuniteti Politik Evropian do të ofronte po ashtu "takime në nivelin e liderëve": në një version të gjerë të tij ,"të të gjitha shteteve me të cilat BE ka marrëdhënie të ngushta"; ose në një version më të ngushtë të tij, ai do të ishte "platformë për koordinimin e politikave të vendeve evropiane në të gjithë kontinentin". Kështu u tha në konkluzionet e Këshillit Evropian në qershor. Pas një "shkëmbimi të parë mendimesh" për një orë e gjysëm për këtë temë, Këshilli Evropian tha atëherë se diskutimi për këtë projekt mund të vazhdojë.
Kur e përmendi për herë të parë në maj Komunitetin Politik Evropian në Parlamentin Evropian, Presidenti Macron e paraqiti atë si një mjet tjetër për të strukturuar Evropën. Macroni tha se Bashkimi Evropian nuk mund të jetë i vetmi mjet, për të strukturuar kontinentin. Kjo për shkak të shkallës së integrimit dhe ambicjeve të BE. Por forumi, për të cilin po diskutohet tani, nuk duket i mjaftueshëm për synimin fillestar të Macronit.
Përfytyrimet franceze për Komunitetin Politik Evropian
Synimi i Macronit ishte t'i shtonte Bashkimit Evropian një nivel tjetër, apo një rreth tjetër. Veç shteteve anëtare në BE dhe rrathëve të tjerë siç janë shtetet e Eurozonës dhe ato të Shengenit, do të shtohej edhe një rreth i jashtëm shtetesh: shtete me të cilat sipas Macronit BE "ndan të njëjtat vlera." Macroni kërkoi më tej që bashkëpunimi të mos jetë vetëm në politikë. Por edhe në siguri, në energji, në transport, në investime, në infrastrukturë, në lëvizjen e lirë të personave dhe te rinia.
Asnjë lider evropian nuk pritet të marrë pjesë në funeralin e liderit të fundit të Bashkimit Sovjetik, Mihail Gorbaçov, që do të mbahet në Moskë mëngjesin e sotëm, ku mungon edhe presidenti rus Vladimir Putin.
Pavarësisht se Londra, Parisi dhe Berlini e vlerësojnë Gorbaçovin për kontributin e tij në përfundimin e Luftës së Ftohtë, pushtimi rus i Ukrainës ka rritur tensionet midis Perëndimit dhe Moskës.
Për shkak të sanksioneve të vendosura ndaj Rusisë dhe kundërmasave ruse, fluturimet komerciale ndërmjet vendit dhe vendeve anëtare të BE-së janë ndalur.Në të njëjtën kohë, Moska, në përgjigje të sanksioneve perëndimore , ka ndaluar hyrjen e politikanëve perëndimorë në territorin e saj.
Kancelari gjerman Olaf Scholz tha se nuk kishte marrë një ftesë për të marrë pjesë në funeralin e Gorbaçovit. Paraardhësja e tij Angela Merkel e refuzoi ftesën, duke përmendur një lëndim në gju.
Megjithatë, në ceremoni do të marrin pjesë diplomatë dhe ambasadorë, përfshirë ambasadorin francez në Moskë Pierre Levy, si dhe amerikanin John Sullivan.
Të enjten, Putin shkoi në spitalin e Moskës ku 91-vjeçari Gorbachev vdiq pas një "sëmundjeje të gjatë dhe të rëndë". Presidenti rus vendosi një buqetë me trëndafila të kuq pranë arkivolit të hapur të liderit të fundit të BRSS, mbajti një minutë heshtje dhe uli kokën në shenjë respekti.
Megjithatë, në Rusi nuk u shpall ditë zie kombëtare , megjithëse, siç nënvizoi Kremlini, ceremonia e tij do të ketë "të gjitha elementet e një funerali shtetëror".
Vajza e Gorbaçovit, Irina, është shprehur se ceremonia do të jetë modeste dhe do të zhvillohet sot në orën 10:00 (koha lokale dhe greke). Trupi i tij do të ekspozohet në Sallën e Kolonave, Shtëpia e Sindikatave, pranë Kremlinit, siç ishte tradicionalisht rasti me udhëheqësit sovjetikë. Ai do të varroset në varrezat Novodevichy të Moskës, pranë gruas së tij Raisa, e cila vdiq në 1999.
Liderëve të shteteve ballkanike kandidate në BE, Macroni u tha në qershor se në platformën që propozonte ai, ata nuk do të ishin vetëm formalisht të barabartë me BE, siç janë aktualisht, kur në fakt zbatojnë vetëm rregullat juridike të BE dhe respektojnë kërkesat e të tjerëve. Frankfurter Allgemeine Zeitung e komentoi këtë si një përpjekje të Macronit për t'i bërë për vete liderët ballkanikë.
Ai dhe më vonë Presidenti i Këshillit Evropian, belgu Charles Michel folën edhe për një integrim selektiv në fusha të caktuara të shteteve kandidate në BE. Një shtet që p.sh., i kishte reformuar tregjet energjetike, mund të ftohej në samitet e ministrave të Energjisë të BE.
Kjo duket e pranueshme për të gjithë, por nga përvoja projekte si këto duan kohë që të nisin. Një difekt i procesit të tanishëm të anëtarësimit në BE është padyshim që shtetet kandidate i gëzojnë vetëm në fund shumë rezultate për të cilat përpiqen me vite.
Projekti i Macronit ecën në drejtimin e duhur, për këtë nuk ka dyshim. Kjo shpjegon edhe mbështetjen e Gjermanisë. Ia vlen që në procesin e zgjerimit të ecet në dy shina, me KPE ose me një Hapësirë Evropiane Politike dhe Ekonomike, konkludoi në maj fondacioni Shkenca dhe Politika, që këshillon qeverinë gjermane.
Megjithë deklaratën e tërhequr të qershorit të Këshillit Evropian, ministri francez i Evropës, Laurence Boone deklaroi javën e kaluar (26.08.) se Komuniteti Politik Evropian duhet të përqëndrohet "në politikën e jashtme dhe të sigurisë” dhe "në tregti, kërkime dhe arsim”.
Kancelari Scholz skicon kufijtë e "Evropës gjeopolitike”
Që në maj, kancelari Olaf Scholz e quajti në Berlin propozimin e Macronit propozim "shprehimisht interesant". Por linja të qarta si e përfytyron Gjermania Komunitetin Politik Evropian Scholzi përcaktoi në fjalimin e tij të hënën në Pragë. Që në krye ai bëri të qartë se zgjerimi i BE duhet të ndodhë. "Unë angazhohem për zgjerimin e BE me shtetet e Ballkanit Perëndimor, me Ukrainën, Moldavinë dhe në perspektivë edhe me Gjeorgjinë". Komuniteti Politik Evropian është për kancelarin "një forum" për tema të caktuara të mëdha si "siguria, energjia, klima ose konektiviteti".
Kancelari Scholz i përmendi me arsye kufijtë e një „Evrope gjeopolitike", sipas përfytyrimit gjerman. Ai theksoi çështjen e zgjerimit, sepse këtu kanë qenë pikëpyetjet për synimin final apo shoqërues të propozimit francez. Kur e paraqiti propozimin e tij Macroni në të njëjtën frymë ai tha se për shtete si Ukraina do të duhen dekada që të anëtarësohen në BE. Pasi Ukraina dhe Moldavia e morën në qershor statusin e kandidatit të BE, Macroni u shpreh se në plan afatgjatë kjo nuk është strategjia e duhur. As për shtetet kandidate, që lodhen nga procesi i gjatë, dhe as për Bashkimin Evropian, i cili thellohet dhe zhvillon një "intimitet strategjik" "që nuk duhet ta sakrifikojmë për këtë".
Honi soit qui mal y pense (= E mbuloftë turpi, atë që mendon keq) kur dëgjoi këto deklarata dhe kujt iu kujtua ftesa e francezit tjetër, presidentit François Mitterrand në vitet 1990, për shtetet ish-komuniste lindore (dhe Rusinë): ato ftoheshin të hynin në një "konfederatë evropiane". Por këtë ftesë shtetet lindore e kuptuan si një truk për të mos hyrë kurrë në Bashkimin Evropian. Edhe presidentit Macron i njihet aftësia për t'i shprehur me narrativë tërheqëse evropiane synimet franceze.
Kur foli për integrimin e shteteve që kryejnë reformat energjitike në BE, mbështetësi tjetër i idesë së Komunitetit Politik Evropian, Charles Michel tha se ata që braktisin reformat mund të përjashtohen. Te disa vëzhgues kjo ushqeu edhe më tepër dyshimin se platforma mund të përdoret më tepër si mjet përjashtues, madje edhe për shtete që janë në Bashkimin Evropian.
Ndërkohë, nga grupet potenciale përfituese të një Komuniteti Politik Evropian, Britania e Madhe deklaroi se nuk ka interes për këtë. Kandidatja për kryeministre e Britanisë së Madhe, Liz Truss deklaroi javën e kaluar (27.08.) për propozimin e Macronit se personalisht nuk beson në "komunitetin e tij politik dhe ekonomik."
Në qershor, Emmanuel Macroni shtoi se, nëse forumi do të mbetet vetëm takim për të pirë kafe me kryetarët e shteteve dhe të qeverive, apo do të bëhet më shumë, këtë do ta vendosin shtetet. Gjasat që ky forum të bëhet më shumë, për momentin, nuk duken të mëdha./DW/
Funeral i Gorbaçov RUSI- Asnjë lider evropian nuk pritet të marrë pjesë në funeralin e liderit të fundit të Bashk...
termet GREQI- Një tërmet i fortë me magnitudë 5.2 ballë të shkallës Rihter ndodhi ka goditur mëngjesin e ...
Kurti dhe Murati KOSOVË- Kryeministri i Kosovës, Albin Kurti bashkë me ministrin e tij të Financave kanë qenë dy emrat më...
Vjosa Osmani KOSOVË- Pas 3 ditësh bojkot të procesit mësimor në Kosovë pasi sindikatat kanë nisur një grevë p&...
Foto ilustruese EGJIPT- Të paktën tre persona u vranë dhe 10 të tjerë u plagosën kur një minibus që raportohet...
foto ilustruese EUROPË- Rreziku i trazirave civile është rritur në të gjithë globin ndërsa vendet e zhvilluara dhe ...
Joe Biden SHBA- Presidenti amerikan, Joe Biden ka paralajmëruar për rënien e nivelit të demokracisë amerikane. Ai ndër t...
Mar-a-Lago SHBA- Agjentët e FBI-së gjetën dhjetëra dosje boshe të shënuara si të klasifikuara gjatë një kontro...
Foto ilustruese SHBA- Sipas një studimi të ri, i cili u publikua së fundmi në portalin shkencor të British Public Health BMC ...
Foto Ilustruese ZVICËR- Policia zvicerane arrestoi të enjten dy persona të dyshuar për lidhje me grupin militant Shteti Islamik. Voal.c...
