Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Britania u trondit nga dhuna shtatëditore, që u shoqërua me plaçkitje dhe djegie ndërtesash publike. Në shënjestër ishin bizneset e pronarëve nga grupet e pakicave. Xhamitë u bënë objekt sulmesh në valën e dhunës kundër myslimanëve. Protestuesit dogjën hotelet ku mendohet se strehoheshin azilkërkuesit.
ANGLI- Autoritetet britanike po përpiqen të identifikojnë shkaqet e protestave të dhunshme të së djathtës ekstreme që shpërthyen në gjithë vendin në fillim të muajit. Siç njofton korrespondenti i Zërit të Amerikës, Henry Ridgwell, ndërsa disa fajësojnë racizmin dhe përhapjen e lajmeve të rreme në rrjetet sociale, të tjerë fajësojnë problemet e thella ekonomike dhe sociale në vend.
Britania u trondit nga dhuna shtatëditore, që u shoqërua me plaçkitje dhe djegie ndërtesash publike. Në shënjestër ishin bizneset e pronarëve nga grupet e pakicave. Xhamitë u bënë objekt sulmesh në valën e dhunës kundër myslimanëve. Protestuesit dogjën hotelet ku mendohet se strehoheshin azilkërkuesit.
“Duam që të marrë fund ardhja ilegalisht e njerëzve me varka nga vende të sigurta”, thotë Karina, një protestuese kundër emigracionit.
Më shumë se një mijë individë janë arrestuar.
Shkak për dhunën u bë një sulm me thikë në një klasë vallëzimi për fëmijë në Southport pranë Liverpool-it, që rezultoi në vdekjen e tre vajzave, gjashtë, shtatë dhe nëntë vjeç.
Njoftimet e rreme të shpërndara fillimisht nga një faqe e panjohur interneti e quajtur ‘Channel3 Now’ e identifikuan gabimisht vrasësin si një azilkërkues mysliman që kishte mbërritur me varkë. Lajmi i rremë u përhap me shpejtësi në rrjetet sociale. Në Southport shpërtheu dhuna dhe brenda pak orëve u përhap edhe në qytete të tjera.
“Dhuna fillestare nisi nga një gënjeshtër. Në një farë mase mendoj se është mjaft e drejtë të fajësosh mediat sociale”, thotë Anand Menon, profesor në Universitetin “King’s College”.
Shumë analistë fajësojnë ndarjet e thella sociale.
“Tensione të ngjashme po ndodhin në shumë vende, deri diku edhe në Shtetet e Bashkuara, ku po shfaqen ndjenja nacionalizmi, një ndjenjë se njerëzit po përbuzen”, thotë Stephanie Alice Baker, sociologe në Universitetin e qytetit të Londrës.
Kritikët akuzuan për nxitjen e dhunës disa politikanë të krahut të djathtë, veçanërisht Nigel Farage, kreun e partisë Reforma, që është kundër imigracionit. Zoti Farage e mohon me forcë akuzën.
Në kanalin e tij në YouTube, zoti Farage ka bërë publike më parë hotelet që strehojnë azilkërkuesit. Demonstrata shumë më të mëdha kundër të djathtës ekstreme janë zhvilluar që atëherë në të gjithë Britaninë dhe trazirat janë zbutur.
Mbi një mijë individë janë arrestuar dhe qindra janë dënuar për vepra të lidhura me trazirat. Ndaj shumë të tjerëve janë ngritur akuza për shkelje në lidhje me postimet në mediat sociale.
Pronari i rrjetit X, Elon Musk, është përballur me kritika për lejimin e postimeve të tilla. Vetë ai shkroi për protestat e ekstremit të djathtë duke u shprehur se “lufta civile është e pashmangshme”.
“Pajtohem që pas kësaj trazire, ne duhet t’i shikojmë më në thellësi mediat sociale”, tha Kryeministri britanik Keir Starmer.
Qeveria ka paralajmëruar se dhuna mund të shpërthejë sërish.
“Mbretëria e Bashkuar, gjatë 10-15 viteve të fundit, ka pasur rritje ekonomike shumë të vogël dhe nuk ka bërë sa duhet për shumë njerëz që janë në vështirësi ekonomike. Kjo nuk e justifikon dhunën në asnjë mënyrë apo formë. Mendoj se është absolutisht e përshtatshme të mendohet, duke pasur parasysh atë që ka ndodhur, a ka arsye që i bëjnë njerëzit të ndihen kaq të dëshpëruar saqë janë më të prirur (për revolta) se të tjerët? ”, shtron pyetjen profesori Anand Menon me Universitetin King’s College.
Dhuna i ka shtuar dhimbjet për familjet e fëmijëve të vrarë në qytetin Southport. 17-vjeçari Axel Muganwa Rudakubana, i lindur në Britani, akuzohet për vrasjen e tre vajzave./VOA
fotot ilustruese GJERMANI- Prokurorët gjermanë lëshuan urdhër-arrestin e parë në kuadër të hetimeve mbi shpërt...
Presidenti bullgar, Rumen Radev. Fotografi nga arkivi. BULLGARIA- Presidenti bullgar, Rumen Radev, e ka shndërruar në ligj amendamentin e miratua...
foto ilustruese SUEDI- Suedia njoftoi të enjten se ka konfirmuar rastin e parë të lisë së majmunëve në vend. P...
Kamala Harris dhe Donald Trump SHBA- Zëvendëspresidentja Kamala Harris ka marrë epërsinë ndaj ish-presidentit Donald Trump, sipas ...
kamala harris dhe donald trump SHBA- Ish-president amerikan dhe kandidati republikan për zgjedhjet presidenciale, Donald Trump, ka hedhur një s&e...
Ksenia Karelina RUSIA- Një gjykatë ruse në Jekaterinburg e ka dënuar shtetasen amerikano-ruse, Ksenia Karelina, me 12 vjet burgim, pasi...
Ivica Daçiç SERBIA- Ministri i Punëve të Brendshme të Serbisë, Ivica Daçiç, njoftoi se Beogradi kërkon...
fotot ilustruese KATANIA- Etna, vullkani më aktiv në Evropën kontinentale, shpërtheu gjatë natës duke shkaktuar mbylljen e ae...
fotot ilustruese BRUKSE- Bashkimi Evropian ka thënë se dëshiron të fusë në agjendën e dialogut çështjen e ha...
fotot ilustruese SHBA- Guvernatori i Minesotës, Tim Walsh dhe senatori i Ohajos, James David Vance, kanë rënë dakord p&e...
