Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Franca dhe Gjermania kanë lëshuar një deklaratë të përbashkët pak kohë para takimit, duke thënë se çështja e kufizimit të vizave për rusët do të ishte kundërproduktive, teksa BE-ja po tenton të fitojë “zemrat dhe mendjet” e rusëve që nuk e mbështesin agresionin e paprovokuar të Moskës ndaj Ukrainës.
GJERMANI- Një propozim i anëtarëve të Bashkimit Evropian për të ndaluar vizat turistike për rusët për shkak të luftës në Ukrainë, duket se po përballet me pengesa të mëdha. Ministrat e BE-së do të takohen sot në Pragë të Republikës Çeke për të diskutuar për këtë propozim.
Franca dhe Gjermania kanë lëshuar një deklaratë të përbashkët pak kohë para takimit, duke thënë se çështja e kufizimit të vizave për rusët do të ishte kundërproduktive, teksa BE-ja po tenton të fitojë “zemrat dhe mendjet” e rusëve që nuk e mbështesin agresionin e paprovokuar të Moskës ndaj Ukrainës.
Çështja e ndalimit të vizave për rusët është aktualizuar ditëve të fundit nga disa shtete të BE-së, por për këtë çështje duhet një vendim unanim i të 27 shteteve anëtare, në mënyrë që të shndërrohet në sanksion të ri kundër Rusisë për shkak të pushtimit të Ukrainës.
“Ne duhet të mendojmë për mënyra të mençura për të përdorur këtë levë të rëndësishme, që është lëshimi i vizave”, u tha në deklaratën e përbashkët të Gjermanisë dhe Francës.
“Përderisa kufizojmë kontaktet me përfaqësuesit e regjimit dhe autoriteteve në tema të interesit vital të BE-së, ne duhet të luftojmë në mënyrë strategjike për të fituar zemrat dhe mendjet e popullatës ruse – të paktën e atyre segmenteve që nuk janë shkëputur krejtësisht nga Perëndimi”, thanë dy shtetet, duke sugjeruar se blloku duhet të vazhdojë të ofrojë viza për studentët, artistët, shkencëtarët dhe profesionistët e tjerë kyçë që duan të hyjnë në BE.
Shtetet që ndajnë kufirin me Rusinë – shtetet e Baltikut, Polonia dhe Finlanda – janë nismëtare për vendosjen e kufizimeve sa i përket lëshimit të vizave turistike për rusët. Përderisa BE-ja ka vendosur ndalesa në fluturimet nga Rusia, shumica e udhëtarëve përdorin kufijtë tokësorë për të udhëtuar në shtetet e bllokut.
Një marrëveshje e vitit 2007, ka mundësuar lehtësimin e kritereve për marrjen e vizave të BE-së nga rusët, por kjo marrëveshje është pezulluar pjesërisht në fund të shkurtit, duke u pamundësuar udhëtimin në bllok personave të afërt me presidentin rus, Vladimir Putin.
Por, rusët e zakonshëm nuk u prekën nga kjo ndalesë dhe ata ende gëzojnë përfitime lehtësuese nga kjo marrëveshje, e cila ul kohën e pritjes dhe të kostos, por edhe kërkon më pak dokumente për aplikim për vizë.
Presidenti ukrainas, Volodymyr Zelensky, ka kërkuar nga BE-ja që të ndalojë lëshimin e vizave për të gjithë shtetasit rusë, me qëllim që të ndëshkojë Moskën për pushtimin e paprovokuar të shtetit të tij.
Por, gjatë një interviste për Radion Evropa e Lirë, shefi i diplomacisë së BE-së, Josep Borrell, tha më 29 gusht se “veçse ka pasur një pezullim të pjesshëm” sa i përket regjimit të vizave.
“Nuk do të thosha se asnjë rus nuk mund të shkojë kurrë në Evropë, për çfarëdo arsyeje. Por, u takon ministrave të vendosin”, tha ai.
Borrell tha, po ashtu, se pret të marrë miratimin e ministrave të BE-së që po takohen në Pragë edhe për nisjen e punës në një mision trajnues të ushtrisë ukrainase./REL/
Osmani KOSOVË- Presidentja e Kosovës, Vjosa Osmani, ka udhëtuar për në Çeki, ku do të takohet me kryeministrin ç...
Osmani KOSOVË- Presidentja e Kosovës, Vjosa Osmani, tha se Serbisë duhet t’i bëhet presion ndërkombëtar me qëllim ...
foto ilustruese KOSOVË- Një ngjarje e rëndë tronditi opinionin publik të hënën në Kosovë ku një vajzë...
gjykata e prishtines KOSOVË- Gjykata ua ka caktuar masën e paraburgimit, meqë ka vlerësuar se ekziston rreziku i ikjes së tyre, me...
Permbytje ne Pakistan PAKISTAN- Pakistani po përballet me "një muson mbi steroid", ka paralajmëruar Sekretari i Përgjithshëm i OKB...
Pamje nga autostrada SHBA- Një kamion ka derdhur më shumë se 150,000 domate në një autostradë të ngarkuar në shteti...
Aleksander Vucic SERBI- Presidenti Aleksandër Vuçiç ka folur ditën e sotme në lidhje me çështjen e targave me Koso...
Gazprom FRANCË- Gazprom i Rusisë ka njoftuar ndërmarrjen franceze Engie se po redukton furnizimet me gaz natyror duke filluar nga ...
Kyriakos Mitsotakis GREQI- Mbledhja e Këshillit të Ministrave, e drejtuar nga kryeministri grek Kyriakos Mitsotakis, ësht&eu...
Foto ilustruese KOSOVË- Sot është Dita Ndërkombëtare e Personave të Zhdukur 23 vjet nga përfundimi i luftës në...
