Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Trump akuzohet se ka falsifikuar të dhënat e biznesit, për të fshehur një marrëdhënie me një ish-aktore të filmave pornografikë, që nëse bëhej publike mund t’i dëmtonte atij potencialisht fushatën e zgjedhjeve të vitit 2016 sipas prokuroreve.
SHBA- Një grup i tjetër personash do të merren në pyetje për t'u zgjedhur si anëtarë rezervë të jurisë në gjyqin penal që po mbahet në Nju Jork ndaj ish-Presidentit Donald Trump. Që juria të kompletohet do të duhet të zgjidhen 12 anëtarë si dhe 6 rezervë, për çdo të papritur.
Trump akuzohet se ka falsifikuar të dhënat e biznesit, për të fshehur një marrëdhënie me një ish-aktore të filmave pornografikë, që nëse bëhej publike mund t’i dëmtonte atij potencialisht fushatën e zgjedhjeve të vitit 2016 sipas prokuroreve. Ata thone se Trump i dha aktores 130 mijë dollarë me synimin për të blerë heshtjen e saj mbi këtë çështje.
Të enjten u zgjodh një juri prej 12 njujorkezësh, e tashmë vëmendja është kthyer tek anëtarët rezervë, të cilët duhet të zotohen të lënë mënjanë pikëpamjet personale të tyre dhe të gjykojnë në mënyrë të paanshme kandidatin republikan për president.
Procesi i zgjedhjes së jurisë ka treguar se mund të jetë i paparashikueshëm sikurse ishte rasti i largimit të dy anëtarëve të zgjedhur këtë të martë.
Një prej anëtareve u largua vetë duke shprehur shqetësimin se identiteti i saj ishte bërë publik si dhe hedhur dyshime mbi aftësinë e saj për të qenë e drejtë dhe e paanshme në vendim.
Anëtari tjetër u skualifikua, pasi prokurorët gjetën informacione që ngritën pikëpyetje mbi vërtetësinë e përgjigjeve që ai kishte dhënë për t’u zgjedhur.
Në aktpadinë që po gjykohet në Nju Jork përfshihen 34 akuza, shumica e të cilave për falsifikim të të dhënave të biznesit.
Prokuroret thone se para zgjedhjeve të vitit 2016, zoti Trump, në atë kohë kandidat për president, përmes kompanisë së tij, i dha avokatit të tij personal, Michal Cohen 130 mijë dollarë për të paguar ish-aktoren e njohur të filmave për të rritur, Stormy Daniels, që ajo të mos bënte publike një marrëdhënie që kishte patur me zotin Trump, vite të shkuara. Synimi, sipas prokurorisë ishte që njoftimi të mos bëhej publik, pasi mund ta dëmtonte atë gjatë fushatës elektorale. Prokurorët thonë se pagesa prej 130 mijë dollarësh që iu dha zonjës Daniels, u regjistrua si shpenzim ligjor i kompanisë së zotit Trump, por ata thotë se nuk ishte i tillë, por një shpenzim personal. Vetë zoti Trump e ka mohuar vazhdimish të ketë patur një marrëdhënie me zonjën Daniels dhe e ka quajtur gjyqin ndaj tij politik dhe një sulm ndaj vendit.
Gjykatësi i çështjes ka sugjeruar që deklaratat hapëse të palëve të fillojnë që të hënën. Ish-presidenti do të qëndrojë në sallën e gjyqit në Manhatan për javë të tëra, duke e detyruar të luajë një rol të dyfishtë, atë të të pandehurit në një proces penal dhe të kandidatit, në sfondin e garës së fortë kundër Presidentit Joe Biden.
Gjykatësi Juan M. Merchan gjithashtu pritet të zhvillojë një seancë dëgjimore të premten për të shqyrtuar një kërkesë të prokurorëve për të trajtuar të çështje ligjore të mëparshme të zotit Trump nëse ai vendos të dëshmojë në gjyqin penal mbi falsifikimin e të dhënave të biznesit. Prokurorët kanë thënë se duan ta marrin në pyetje zotin Trump në lidhje me gjyqin më të fundit civil ndaj tij, ku ai u shpallur fajtor për mashtrim me pasurinë dhe u detyrua të paguajë një shumë prej 454 milionë dollarësh. Vetë zoti Trump e ka apeluar vendimin.
Zoti Trump thotë se nuk bëri asnjë shkelje dhe se është viktimë e një sistemi drejtësie të motivuar politikisht, që po kërkon të pengojë përpjekjet e tij për të rimarrë Shtëpinë e Bardhë.
Ai ka bërë kritika në rrjetet sociale ndaj gjykatësit të çështjes, prokurorëve dhe dëshmitarëve të mundshëm, duke bërë që prokurorët të kërkojnë penalizimin e tij për shkelje të mundshme të një urdhri të mëparshëm të gjykatës që ndalon sulmet ndaj dëshmitarëve apo anëtarëve të gjykatës.
Të enjten zoti Trump tha para gazetarëve se duhej të ishte në fushatë dhe jo në gjykatë, duke shtuar se kjo gjë ka irrituar shumë vetë. Duke e cilësuar gjyqin si të padrejtë zoti Trump tha se “e gjithë bota po e sheh këtë skemë mashtrimi (ndaj tij) në Nju Jork".
Anëtarët e zgjedhur të jurisë janë të profesioneve të ndryshme dhe janë zgjedhur mes dhjetra të tjerëve që janë skualifikuar.
Gjyqi i Nju Jorkut është i pari që shkon për gjykim ndër 4 çështjet penale që rëndojnë ndaj ish-Presidentit Trump dhe ndoshta mund të jetë i vetmi për të cilin mund të ketë një vendim, para zgjedhjeve të nëntorit.
Apelimet kanë shkaktuar vonesa në tre rastet e tjera, në dy prej të cilave zoti Trump akuzohet për komplot për të përmbysur rezultatin e zgjedhjeve të vitit 2020 dhe në një tjetër për mbatje të paligjshme e të qëllimtë të dokumenteve sekrete./VOA
Joe Biden SHBA- Presidenti i Shteteve të Bashkuara Joe Biden tha në Penslilvani se synon të trefishojë tarifën mbi importin...
foto ilustruese GAZA- Një total prej 276 kamionësh me ndihma që transportonin furnizime humanitare iu nënshtruan inspektimit dhe u pran...
foto ilustruese LONDËR- Sonia Nixon është burgosur pasi telefonoi shërbimet e urgjencës për ndihmë të policisë...
Antony Blinken SHBA- Sekretari amerikan i Shtetit, Antony Blinken, thotë se SHBA është e përkushtuar ndaj sigurisë së Izraeli...
foto ilustruese NAPOLI- 30 persona u plagosën pasi trageti u përplas në një skelë porti në Napoli të Italisë. Sipas...
foto ilustruese PARIS- Policia franceze arrestoi të premten një burrë që kishte kërcënuar se do të hidhte veten në ...
foto ilustruese SHBA- Drejtori i Agjencisë Qendrore të Inteligjencës (CIA) të SHBA-së, Bill Burns paralajmëroi se Ukraina mun...
aleksander vucic SERBI- Presidenti i Serbisë, Aleksandar Vuçiç, e ka cilësuar si “hipokrit” reagimin e bashkësis&...
Olaf Scholz GJERMANI-Kancelari gjerman Olaf Scholz të premten i bëri thirrje Izraelit dhe Iranit që të mos e përshkall&eum...
Foto ilustruese KOSOVË- Bashkimi Evropian ka thënë të premten se themelimi i Asociacionit të komunave me shumicë serbe në...
