Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Legjislacioni i ri parasheh dënime të ashpra për ata që posedojnë, krijojnë, shpërndajnë, ose që përmes udhëzimeve, mësojnë të tjerët si të krijojnë imazhe të dhunimit të fëmijëve.
MBRETËRIA E BASHKUAR- Mbretëria e Bashkuar do të bëhet vendi i parë që po shqyrton miratimin e ligjeve që trajtojnë imazhet e abuzimit seksual të fëmijëve të krijuara përmes Inteligjencës Artificiale.
Legjislacioni i ri parasheh dënime të ashpra për ata që posedojnë, krijojnë, shpërndajnë, ose që përmes udhëzimeve, mësojnë të tjerët si të krijojnë imazhe të dhunimit të fëmijëve.
Në makinë civile me oficerë policie shkon drejt një shtëpie në një lagje të bashkisë Hertfordshire.
Policia i afrohet shtëpisë së të dyshuarit dhe hap derën me forcë. Qëllimi është që të parandalohet shkatërrimi i provave, para se ato të konfiskohen.
Të dyshuarit brenda besohet se përmes Inteligjencës Artificiale krijojnë dhe shpërndajnë imazhe të dhunimit të fëmijëve.
Ligjet e reja do ta bëjnë të paligjshëm posedimin, krijimin dhe shpërndarjen e imazheve të dhunimit të fëmijëve të krijuara përmes Inteligjencës Artificiale. Kushdo që kapet, do të përballet me dënime deri në pesë vjet burg.
Ata që posedojnë udhëzime se si mund të krijohen imazhe të tilla përmes Inteligjencës Artificiale, do të përballen me tre vjet burg.
Tashmë është i paligjshëm posedimi i imazheve të dhunimit të fëmijëve të krijuara nga Inteligjeca Artificiale. Ligjet e reja po vënë në shënjestër krijuesit e këtyre imazheve.
Abuzuesit e fëmijëve që menaxhojnë faqe interneti me imazhe nga dhunimi seksual i fëmijëve do të përballen me burgim deri në dhjetë vjet, sipas ligjit të ri.
Sipas një hulumtimi të Fondacionit të Vrojtimit të Internetit, imazhet e dhunimit seksual të fëmijëve të krijuara përmes Inteligjencës Artificiale në internet, janë katërfishuar brenda një viti.
Raporti thotë se gjatë vitit 2024 janë hasur 245 raste të imazheve të dhunimit të fëmijve të krijuara përmes Inteligjencës Artificiale, krahasuar me 51 raste më 2023, një rritje prej 380 për qind.
Hulumtuesit thonë se në 193 raste, imazhet ishin aq reale, saqë është dashur të trajtohen si të ishin fotografi të vërteta të dhunimit seksual të fëmijëve.
Nënsekretarja Parlamentare e Shtetit për Viktimat dhe për Sigurinë e Brendshme përgjegjëse për ligjet e reja, Jess Fillips, thotë se Britania po udhëheq në trajtimin e krimeve më të tmerrshme në internet.
“Ky është një problem global që ka nevojë për zgjidhje globale, por qeveria britanike po udhëheq përpjekjet për ta shtypur këtë krim të tmerrshëm. Shtimi i imazheve të fëmijëve të krijuara përmes Inteligjencës Artificiale, bazuar në imazhet origjinale të viktimave të dhunimit që ekzistojnë tashmë, ose përmes përdorimit të imazheve të fëmijëve të mi ose të fëmijëve të tjerë për të krijuar përmbajtje të tmerrshme, është një betejë e madhe. Këtu fillon, por nuk mbaron”, thotë ajo.
Zonja Phillips shton se kompanitë e mëdha teknologjike do të nxiten të rrëzojnë faqet me përmbajtje të tillë.
“Kompanitë e mëdha teknologjike mund të bëjnë më shumë dhe duhet të bëjnë më shumë. Ato nuk duhet të presin legjislacionin për të bërë gjënë e duhur. Ata duhet të përdorin kodet e tyre morale dhe të mendojnë për fëmijët e tyre kur vendosin mbi politikat. Puna me kompanitë e mëdha teknologjike në këtë drejtim nuk është diçka e re. Sidomos sa i përket imazheve të dhunimit të fëmijëve është bërë shumë punë ndër vite, me synimin për të kapur dhe hequr këtë përmbajtje. Por, ligji për sigurinë në internet, që do të hyjë në fuqi së shpejti, nënkupton se nëse një kompani dështon të bëjë këtë do të paguajë deri në 10 për qind të fitimeve globale ”, thotë zonja Philips.
Por, Fondacioni i Vrojtimit të Internetit thotë se megjithëse ligji i ri është mirëpritur, imazhet e abuzimit me fëmijë po bëhen më ekstreme dhe se njerëzit nuk duhet të vetëkënaqen duke menduar se përmes këtij ligji do të zhduket ky krim.
Eksperti Derek Ray-Hill thotë se veprimi global është i domosdoshëm.
“Zbatimi i këtyre direktivave është jashtëzakonisht i rëndësishëm. Si e kategorizoni një faqe që shpërndan mbateriale të abuzimit seksual të fëmijëve? Ky është një krim ndërkombëtar dhe ne i bëjmë thirrje qeverisë së Mbretërisë së Bashkuar të përdorë ndikimin e saj në skenën ndërkombëtare për të ushtruar trysni ndaj qeverive në mbarë botën për të ndërmarrë veprime të ngjashme”, thotë ai.
Zoti Ray-Hill thotë se çdo fëmij mund të jetë viktimë e imazheve që duken si reale të dhunimit seksual, që mund të krijohen përmes Inteligjencës Artificiale, me disa kërkesa dhe klikime./VOA
JD Vance MYNIH- Nënpresidenti amerikan JD Vance tha të mërkurën se synimi i Uashingtonit është arritja e një marrëv...
Donald Trump dhe Volodymyr Zelensky MYNIH- Presidenti ukrainas Volodymyr Zelensky tha se do të pranojë të takohet personalisht me udh&e...
Von der Leyen, JD Vance MYNIH - Ursula von der Leyen dhe JD Vance ofruan të premten pikëpamje jashtëzakonisht të ndryshme për k&eu...
foto ilustruese MYNIH- Nënpresidenti i SHBA J.D. Vance tha gjatë takimit me Presidentit ukrainas se Volodymyr Zelenskyy se qëllimi i Sh...
foto ilustruese UASHINGTON- Fushata e Presidentit Donald Trump dhe këshilltarit të tij Elon Musk për shkurtime radikale të punonjë...
foto nga vendngjarja PERU- Të paktën dy persona u vranë dhe 41 u plagosën të premten (14/2) kur një urë u shemb&nbs...
Zelensky MYNIH - Presidenti i Ukrainës Volodymyr Zelensky u shpreh ditën e sotme se ushtria e vendit të tij do të duhet të dyfisho...
Boris Pistorius MYNIH- Ministri gjerman i Mbrojtjes, Boris Pistorius, kundërshtoi deklaratat e nënpresidentit të SHBA-së, JD Vance...
Mark Rutte EUROPA- Objektivi aktual për kontributin e anëtarëve të NATO-s për mbrojtjen është që çdo ko...
foto ilustruese SERBI- Studentja e biologjisë Marija Petroviç thotë se, kur ajo dhe kolegët e saj, filluan të protestojnë k...
