Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Fjala e kryeministrit Rama bazohet dhe pason një Rezolutë që Kuvendi i Shqipërisë miratoi në korrik, ku thuhet se raporti i hartuar nga i dërguari i Asamblesë parlamentare të Këshillit të Europës, Dick Marty përmban pretendime, të cilat mbeten të paargumentuara, të paprovuara dhe të pabazuara në prova dhe fakte e, për rrjedhojë, duhet të konsiderohen si të tilla nga të gjitha institucionet kombëtare e ndërkombëtare.
STRASBURG- Shqipëria i kërkoi Asamblesë Parlamentare të Këshillit të Europës që të rishqyrtojë rezolutën e mbështetur në raportin e të dërguarit Dick Marty, sipas saj të pabazuar dhe të paprovuar, ku shprehen pretendime se ish drejtues të UÇK-së të jenë përfshirë gjatë luftës së vitit 1999 në trafikim organesh njerëzore, i shtrirë edhe në Shqipëri. Kryeministri Edi Rama theksoi në fjalën e tij sot para Asamblesë parlamentare të Këshillit të Europës se spastrimi etnik i Milosheviçit në Kosovë shkaktoi mijëra të vrarë e të zhdukur dhe qindra mijëra të shpërngulur.
“NATO dhe bashkësia ndërkombëtare ndërhynë dhe paqja u vendos. Por institucionet europiane humbën busullën dhe pranuan pretendime të paqena, nga kujtimet e ish prokurores Carla del Ponte, e deri tek mocione nga diplomatë rusë e serbë, që arritën të futnin në një raport të KE për gjoja trafikim të organeve njerëzore, një lajm i rremë me akuza të turpshme”, tha ai.
Fjala e kryeministrit Rama bazohet dhe pason një Rezolutë që Kuvendi i Shqipërisë miratoi në korrik, ku thuhet se raporti i hartuar nga i dërguari i Asamblesë parlamentare të Këshillit të Europës, Dick Marty përmban pretendime, të cilat mbeten të paargumentuara, të paprovuara dhe të pabazuara në prova dhe fakte e, për rrjedhojë, duhet të konsiderohen si të tilla nga të gjitha institucionet kombëtare e ndërkombëtare.
Kjo rezolutë e Tiranës i është dërguar zyrtarisht Këshillit të Europës dhe vendeve anëtare, dhe Shqipëria kërkon tani ndryshimin e dokumentit të miratuar në Strasburg 11 vite më parë.
Zoti Rama shtoi se lajme të tilla të rreme janë sajuar në Kremlin kundër Kosovës, dhe se Europa duhet të respektojë dinjitetin e kombit shqiptar, duke i hedhur poshtë ato.
“Ky ishte lajmi më i tmerrshëm i rremë. Ky lajm i rremë mizor ariti të shndërrohej në një raport dhe u transformua në një rezolutë nga kaq shumë njerëz, të cilët u keqorientuan dhe i minuan të vërtetën dhe drejtësinë”, tha zoti Rama.
Përveç këtyre deklarimeve të kryeministrit Rama, Shqipëria duhet të ndjekë disa procedura konkrete për të vënë në lëvizje Asamblenë Parlamentare të Këshillit të Europës.
Hapi i parë është paraqitja e një mocioni për Rezolutë. Këtë Shqipëria mund ta bënte qysh tani në kuadër të këtij sesioni të Asamblesë, por “Zëri i Amerikës” ka mësuar zyrtarisht se ende nuk është paraqitur një kërkesë e tillë.
Kërkesa, sipas rregullit, merret në shqyrtim nga Byroja parlamentare, e cila verifikon nëse është në respekt të procedurave të saj. Më pas ia kalon një prej Komiteteve të saj, i cili mund të caktojë dy relatorë për të hartuar një raport.
Ky dokument do të duhet të miratohet po nga Komiteti për t’u përfshirë në rendin e ditës së Asamblesë, ku do të duhen dy të tretat e votave. Rruga pritet të jetë e gjatë dhe e vështirë, madje deri tani nuk rezulton që Asambleja Parlamentare të jetë përballur më parë kërkesa për rishikimin e rezolutave të saj.
Raporti i të dërguarit Dick Marty ishte pikënisja, që çoi në ngritjen e një Gjykate të Posaçme për krime lufte në Kosovë, me seli në Hagë dhe nisjen e një procesi, që ka vënë nën akuzë disa nga ish drejtuesit më të lartë politik të Prishtinës.
Marrë nga VOA
Foto Ilustruese SHBA- Udhëheqësit e grupit të shtatë vendeve më të pasura në botë thonë se do ta mbështes...
Varret UKRAINË- Autoritetet ukrainase kanë zhvarrosur dhjetëra trupa, duke përfshirë një foshnjë njëvjeçare,...
OKB SHBA- Asambleja e Përgjithshme e OKB-së (UNGA) miratoi me shumicë dërrmuese një rezolutë të mërkurën, n&eu...
Joe Biden SHBA- Presidenti Joe Biden paralajmëroi pasoja për Arabinë Saudite ndërsa administrata e tij ka nisur rivlerësimin e mar...
KAZAKISTAN- Moska pret që presidenti turk, Rexhep Tajip Erdogan, të ofrojë zyrtarisht që të bëjë ndërmjetësimin e...
Evropa BRUKSEL- Mes luftës në Ukrainë udhëheqësit evropianë po i drejtohen Afrikës për më shumë gaz natyr...
Ukraina tha më 12 tetor se ka çliruar pesë vendbanime të tjera në rajonin jugor të Hersonit, ndërsa forcat e saj të ...
Aleksandër Vuçiç SERBI- Presidenti Aleksandër Vuçiç u takua me kreun e Delegacionit të Bashkimit Evropian në...
Caroline Crouch GREQI- Piloti grek Babis Anagnostopoulos duket i habitur nga veprimi i prindërve të të ndjerës Caroline Crouc...
Pamjet nga sateliti MALI I ZI- Mali i Zi ka lëshuar satelitin e parë në hapësirë. Duke ja kaluar edhe Shqipërisë, organi...
