Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Vizita e tij erdhi disa ditë pasi dy raketa balistike ruse goditën qytetin Sumi, duke vrarë të paktën 35 persona, përfshirë dy fëmijë, dhe plagosur 119 të tjerë
UKRAINË- Mbështetja e NATO-s për Ukrainën mbetet “e palëkundur,” deklaroi të martën sekretari i përgjithshëm i aleancës, Mark Rutte, duke theksuar se më shumë se 20 miliardë euro ndihmë sigurie janë premtuar tashmë nga aleatët e NATO-s në tre muajt e parë të vitit 2025. Rutte vizitoi Ukrainën të martën dhe u takua me presidentin ukrainas, Volodymyr Zelensky, në qytetin e Odesës.
“Jam këtu sot sepse besoj se populli i Ukrainës meriton paqe të vërtetë, siguri dhe mbrojtje të vërtetë në vendin e tyre, në shtëpitë e tyre”, tha zyrtari i NATO-s gjatë një konference të përbashkët me Zelenskyn.
Të dy vizituan spitalin në Odesa dhe u takuan me ushtarë ukrainas të plagosur. Vizita e tij erdhi disa ditë pasi dy raketa balistike ruse goditën qytetin Sumi, duke vrarë të paktën 35 persona, përfshirë dy fëmijë, dhe plagosur 119 të tjerë. Qyteti verilindor ndodhet rreth 30 kilometra nga kufiri i Ukrainës me Rusinë. Ky ishte sulmi i dytë në shkallë të gjerë brenda më shumë se një jave që rezultoi me viktima të shumta civile.
Kjo është gjithashtu vizita e parë e Ruttes në Ukrainë që kur presidenti amerikan, Donald Trump, mori drejtimin e negociatave për armëpushim ndërmjet Kievit dhe Moskës, të cilat kanë përfshirë disa runde bisedimesh në Arabinë Saudite.
“Këto diskutime nuk janë të lehta, veçanërisht pas kësaj dhune të tmerrshme,” tha zyrtari i NATO-s, duke iu referuar sulmeve të fundit. “Por, të gjithë ne mbështesim përpjekjen e presidentit Trump për paqe”.
Ukraina e ka mbështetur marrëveshjen e gjerë për armëpushim të propozuar nga SHBA-ja, megjithatë Rusia në mënyrë efektive e ka bllokuar procesin duke vendosur kushte.
Ndërkohë, Ukraina dhe partnerët e saj evropianë po vazhdojnë zhvillimin e infrastrukturës për një koalicion që pritet të funksionojë si një garanci afatgjatë sigurie që synon të parandalojë agresione të ardhshme ruse pas arritjes së një armëpushimi.
Në mes të kësaj pasigurie dhe paralajmërimeve nga SHBA-ja se Evropa duhet të kujdeset vetë për sigurinë e saj dhe atë të Ukrainës në të ardhmen, kjo forcë shumëkombëshe shihet si një test i parë i gatishmërisë së kontinentit për të mbrojtur veten dhe interesat e tij.
Zelensky tha se Turqia mund të luajë një rol të rëndësishëm në ofrimin e garancive të ardhshme të sigurisë në Detin e Zi për Ukrainën.
“Kjo nuk ka të bëjë me përfundimin e luftës, fatkeqësisht,” tha Zelensky, duke komentuar mbi takimin për sigurinë që po mbahet në Turqi të martën dhe të mërkurën. “Ka të bëjë me atë që vjen pas — garancitë e sigurisë për Ukrainën pas një armëpushimi.”
Ai tha se përfaqësues ushtarakë nga Ukraina, Franca, Britania e Madhe dhe Turqia po diskutojnë praninë e një kontingjenti ushtarak në Detin e Zi si pjesë e këtyre garancive.
“Fakti që këto bisedime janë duke vazhduar, që ne po përgatitemi për këtë eventualitet të shpresuar dhe që pritet të arrihet së shpejti — NATO përpiqet ta drejtojë këtë në drejtimin që ne mendojmë se është i këshillueshëm,” tha Rutte.
Takimi në Turqi vjen më pak se një muaj pasi Shtetet e Bashkuara njoftuan se Rusia dhe Ukraina kishin rënë dakord të “eliminojnë përdorimin e forcës” në Detin e Zi. Megjithatë, detajet kryesore mbeten të pazgjidhura, dhe Kremlini e ka kushtëzuar marrëveshjen me heqjen e disa sanksioneve perëndimore.
Duke komentuar mbi negociatat e vazhdueshme me SHBA-në për një version të rishikuar të një marrëveshjeje që do t’i jepte SHBA-së qasje në burimet minerale të vlefshme të Ukrainës, Zelensky i përshkroi bisedimet teknike të javës së kaluar në Uashington si pozitive, me më shumë konsultime që priten gjatë ditëve në vijim.
Ai tha se takimi ishte një seancë teknike për ekipet eksperte dhe se “të dyja palët e përfunduan takimin me tone pozitive”. Zelensky shtoi se diskutimet do të vazhdojnë gjatë gjithë javës, dhe sapo ekipet të jenë gati, do të paraqesin rezultatet e punës së tyre./ REL
Ish-presidenti peruan Ollanta Humala LIMA – Goditje e rëndë për elitën politike të Perusë. Ish-presidenti Ollanta Huma...
Spitali i Gazës bombardohet nga Izraeli GAZA – Lufta në Lindjen e Mesme ka hyrë në ditën e 557 me tensione që nuk njohi...
Protestat ne Turqi STAMBOLL – Ndërsa zemërimi për shkarkimin e kryebashkiakut të Stambollit, Ekrem İmamoğlu, vazhdon të p&eu...
Pamje nga aksidenti tragjik ne Greqi GREQI - Një aksident tragjik ka ndodhur në autostradën Egnatia në Greqi, duke lënë pas d...
Trump SHBA- Administrata e Donald Trump po planifikon një ristrukturim të madh të pranisë diplomatike amerikane. Trump po mendon t...
alexei navalny RUSI- Një gjykatë në Moskë ka dënuar katër gazetarë me pesë vjet e gjysmë burg,&...
Mandatari për Qeverinë e re serbe, Gjuro Macut, gjatë paraqitjes para Kuvendit të Serbisë. SERBI- Pas rreth tetë orëve d...
Donald Trump dhe Giorgia Meloni ITALI - Një përplasje e re tregtare mes Shteteve të Bashkuara dhe Bashkimit Europian duket se po merr form&e...
Pamje nga protestat ne Tunizi TUNIZI - Tunizia është tronditur nga një tragjedi që ka ndezur valë zemërimi dhe protestash. Tr...
Mark Zuckerberg SHBA - Mark Zuckerberg ndodhet nën presionin më të madh që nga krijimi i Facebook. Në një sallë gjyqi n&...
