6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Presidenti amerikan Joe Biden dhe kancelari gjerman Olaf Scholz, raportoi gazeta që ka burime të mira, planifikojnë që ta detyrojnë Ukrainën të ulen në bisedime për paqe me Rusinë vitin e ardhshëm, duke mos ia dërguar armët që i nevojiten për të fituar.
Nga Walter Russell Mead “Wall Street Journal”
Tabloidi gjerman “Bild” e raportoi me bujë. Presidenti amerikan Joe Biden dhe kancelari gjerman Olaf Scholz, raportoi gazeta që ka burime të mira, planifikojnë që ta detyrojnë Ukrainën të ulen në bisedime për paqe me Rusinë vitin e ardhshëm, duke mos ia dërguar armët që i nevojiten për të fituar.
Ky skenar krijon një dilemë për ata që e dinë se fati i Ukrainës ka shumë rëndësi për SHBA-në, por është vënë re se ekipi i Biden është më i interesuar të shmangë konfrontimin me Rusinë sesa ta mposhtë atë. Të kundërshtosh sot ndihmën e mëtejshme për Ukrainën do të thotë të garantosh një fitore të Rusisë.
Por qasja e deritanishme e presidentit Biden do të bëjë pak për ta parandaluar diçka të tillë, dhe do ta dobësojë më tej mbështetjen e publikut për angazhimin global të Amerikës. Pasi nuk ia doli të pengonte Vladimir Putinin nga pushtimi i Ukrainës, administrata Biden e mbivlerësoi efektin e sanksioneve perëndimore ndaj Rusisë.
Pasi u bë e qartë se sanksionet nuk do ta detyronin Rusinë që t’i jepte fund luftës, dhe pas disa përpjekjeve të dështuara për ta joshur Rusinë me ndonjë mundësi “rrugëdalje” nga lufta që nisi, ekipi i Biden përgatiti Planin e Ngërçit. Pra Perëndimi do t'i dërgonte Ukrainës ndihma të mjaftueshme që të mbijetojë, por jo aq sa për ta ndihmuar atë të fitojë luftën.
Dhe në një moment ukrainasit do ta humbnin shpresën për fitore dhe do t'i ofronin Vladimir Putin një paqe kompromisi. Shtëpia e Bardhë do ta cilësonte atë një triumf të lavdishëm të demokracisë dhe sundimit të ligjit. Disa do ta kritikojnë këtë si një strategji cinike, por problemi i vërtetë është se ajo është naive.
Joe Biden duket se i ka varur shpresat tek mundësia që Putin mund të zbutet nëse i ofrohen lëshime territoriale të arsyeshme. Dhe sipas kësaj logjike të Shtëpisë së Bardhë, nëse Kievi ofron kushte të arsyeshme, Moska do t’i pranojë ato me kënaqësi.
Po sikur Putin kur të ndihet i dobët të këmbnëngulë akoma më shumë tek strategjia e tij e luftës? Po sikur disa mijëra kilometra katrorë të territorit ukrainas të kenë më pak rëndësi për të, sesa shkaktimi i një disfate poshtëruese të administratës Biden dhe nxjerrjen kësisoj në pah të dobësisë së Perëndimit?
Putin ka arritur të kapërcejë pengesat e tij të hershme në Ukrainë. Që nga fillimi i luftës Rusia i ka dyfishuar forcat e saj atje. Pavarësisht pengesave të hershme, Rusia ka zhvilluar aftësi dhe taktika, të cilat e kanë përmirësuar efektivitetin e trupave të saj në fushën e betejës. Vendimi jo-konvencional (edhe pse moralisht i neveritshëm) për të dërguar të burgosur të luftojnë në vende të tilla si Bakhmut dhe Avdiivka, nënkupton se Rusia ishte në gjendje të degradonte disa nga njësitë më të mira luftarake të Ukrainës, duke ruajtur njësitë e veta më të mira për betejë diku tjetër.
Rusia e ka shtuar prodhimin e armëve, dhe tani po prodhon municione rreth shtatë herë më shpejt se Perëndimi. Po ashtu Moska e ka zbutur efektin negativ të sanksioneve perëndimore. Ajo po forcon lidhjet ushtarake dhe strategjike me Iranin dhe falë milicisë së mbështetur prej saj, Hamas, vëmendja perëndimore është zhvendosur nga Ukraina drejt Lindjes së Mesme.
Le të themi se pas 6 muajsh, strategjia Biden arrin të ulë Ukrainën në tryezën e bisedimeve. Në atë pikë, mbështetja për më shumë financime për luftën do të ishte akoma më e ulët në SHBA dhe Evropë sesa tani. Ukraina do të ishte edhe më e përçarë dhe e lodhur nga lufta sesa tani.
Pozicioni politik i presidentit Volodymyr Zelensky në vend do të dobësohej. Në këto rrethana, pse Putin do t’i ofronte presidentit amerikan Biden një rrugëdalje të qetë nga një luftë që ky i fundit nuk mendon se mund të fitojë? Pra më duket se jemi kthyer tek marrëzitë e Obamës.
Në vitin 2014, presidenti Obama dështoi ta pengonte Rusinë nga shkelja e Kartës së Kombeve të Bashkuara duke pushtuar territorin e një vendit fqinj, sigurinë e të cilit SHBA-ja ishte zotuar ta mbështeste në Memorandumin e Budapestit. Po ashtu ai dështoi të luftonte kundër pushtimit, dhe më pas dështoi edhe të krijonte një program sanksionesh dhe presionesh që do ta pengonin Rusinë të konsolidonte sukseset e saj në Krime dhe Donbas.
Duke u tallur me paralajmërimet e buta të Mitt Romney për Vladimir Putin, dhe duke kërkuar më shumë fleksibilitet pas zgjedhjeve në raport me Rusinë, dhe duke pranuar në mënyrë pasive fushatën ushtarake vrastare dhe strategjike të Rusisë në Siri, presidenti i kohës Barack Obama i mësoi Putinit të përbuzë Perëndimin.
Putin u mbështet tek një sjellje po aq e butë e SHBA-së ndaj vendit të tij gjatë administratës së Donald Trump, por sapo Joe Biden mori në Stëpinë e Bardhë, ku pjesë e stafit të tij vijonin të ishin edhe disa ish-zyrtarë të Obamës, lideri rus iu rikthye sjelljeve shantazhuese.
Derisa ekipi i Biden të zhdukë plotësisht paqartësitë e qasjeve të tij të epokës Obama, administrata aktuale do të vazhdojë zhgënjimin dhe dështimin e saj përballë Rusisë së fuqizuar dhe të guximshme që Obama u la pasardhësve të tij. Ka ende mënyra sesi mund të dominojë Perëndimi.
Rrjetet globale të ndikimit që zotëron Putin mund të shkatërrohen. Ne mund të shkatërrojmë fuqinë e Wagner-it në Afrikë, të sabotojmë aktivitetet e Rusisë në Siri dhe ta detyrojmë Iranin që të bllokojë bashkëpunimin e tij të ngushtë me Moskën.
Po ashtu, ne mund të shtojmë ndihmën tonë ushtarake për të përmbysur ekuilibrin kundër Rusisë në Ukrainë. Dështimi i financimit nuk është një plan. Kongresi Amerikan duhet të vazhdojë të financojë Ukrainën, por duhet të këmbëngulë edhe për bërjen e ndryshimeve që do ta bëjnë sërish koherente strategjinë e SHBA-së ndaj Luftës në Ukrainë.
Henry Kissinger SHBA-Henry Kissinger, ish-këshilltari i Sigurisë Kombëtare dhe ish-Sekretar i Shtetit, ndikimi global i të cilit vazhd...
Bujar Osmani SHKUP- Ministri i Jashtëm i Maqedonisë së Veriut Bujar Osmani ka kryesuar ditën e sotme samitin e Organizatë...
Foto ilustruese RUSI-Gjykata e Lartë e Rusisë e ka shpallur lëvizjen LGBT një organizatë ekstremiste dhe ka ndaluar aktivitetet e...
Bujar Osmani SHKUP- Ministri i Punëve të Jashtme në Maqedoninë e Veriut Bujar Osmani në fjalën e tij hapëse në K&eu...
Foto llustruese KOSOVË-Zëvendëskryeministri i Kosovës, Besnik Bislimi, ka thënë të enjten se nuk do të lejohet mba...
pamje nga vendngjarja KOSOVË- Policia e Kosovës përmes një njoftimi ka bërë të ditur se lidhur me grabitjen e argjendari...
Ali Kosova dhe Edon Bujupi KOSOVË- Detaje të reja janë zbardhur nga vrasja që tronditi mëngjesin e sotëm Prishtinën.&nb...
Zjarrfikës KOSOVË- Zjarrfikësit e Kosovës protestuan më 30 nëntor para ndërtesës së Qeverisë s...
foto ilustruese SHBA- Ky vit do të jetë viti më i nxehtë në historinë njerëzore, tha kreu i Kombeve të Bashkuara, n...
foto ilustruese KOSOVË- Drejtoria e Policisë së Kosovës për rajonin e Veriut ka kërkuar sërish nga Ministria e Punë...
