Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Dëshmitë e mbledhura nga OCCRP dhe partnerët e saj raportues sugjerojnë se raporti i rremë i bankës është krijuar nga Tal Hanan, një ekspert izraelit i eksplozivëve që shet shërbime dezinformimi .
BEOGRAD- Një raport i zbuluar hedh dritë mbi burimin e një sulmi misterioz mediatik ndaj rivalit politik të presidentit serb. Ndërsa presidenti serb Aleksandër Vuçiç zhvilloi një vizitë zyrtare në Emiratet e Bashkuara Arabe në mars 2021, ai ishte nën vëzhgim për shkak të zbulimeve të fundit në lidhje me lidhjet e qeverisë së tij me një grup vrasës. Por, siç e ka zakon, Vuçiç doli në sulm, duke shfrytëzuar mundësinë e një interviste me median miqësore TV Pink për të trajtuar një temë tjetër.
Vuçiç pretendoi se pas akuzave qëndronte një rival politik, ish-kryetari i bashkisë së Beogradit, Dragan Đilas. Vuçiç, më pas pretendoi se Đilas kishte fshehur pasurinë e tij në banka në mbarë botën dhe parashikoi se më shumë detaje do të dilnin së shpejti.
6 ditë më vonë, gazetat pro-qeveritare serbe filluan të botonin histori rreth llogarive të supozuara të Đilas në offshore.
“Đilas ka fshehur para në Mauritius dhe Zvicër: më 12 dhjetor 2020 ai kishte pothuajse 6.4 milionë euro në llogari bankare në këto dy vende,”- thuhet në një artikull në faqen e parë të së përditshmes proqeveritare serbe Večernje Novosti.
Për dy javë, akuzat për milionat e supozuara të Đilas në offshore dominuan titujt kryesorë. Gazetarët pohuan se kishin prova se llogaritë ekzistonin, komentuesit u shprehën hapur për pastrimin e parave dhe evazionin fiskal dhe zyrtarët kërcënuan me pasoja. Ministri i Financave, Siniša Mali u shfaq në televizion duke tundur raportin që ai pretendonte se vërtetonte se Đilas kishte dhjetëra llogari plot me para të vjedhura.
Shefi kundër pastrimit të parave në Serbi, Zheljko Radovanoviç, u zotua se do të hetonte lidhur me rastin. Por ndërsa fushata mediatike u shpërqendrua nga zbulimet për lidhjet e qeverisë me krimin e organizuar, akuzat nuk u kthyen kurrë në akuza të vërteta dhe penale. Đilas, i cili i mohoi me zë të lartë akuzat, u përpoq të padiste Vuçiçin, Malin dhe gazetarët në Večernje Novosti, duke pretenduar se ata falsifikuan të dhënat bankare për të shkëputur vëmendjen nga "aktiviteti i tyre kriminal", por gjykata serbe nuk pranoi të merrte në shqyrtim çështjen.
Dëshmitë e mbledhura nga OCCRP dhe partnerët e saj raportues sugjerojnë se raporti i rremë i bankës është krijuar nga Tal Hanan, një ekspert izraelit i eksplozivëve që shet shërbime dezinformimi .
Gazetarët ishin pjesë e projektit “Story Killer ”, i koordinuar nga media jofitimprurëse me bazë në Paris, Forbidden Stories, e cila shqyrtoi industrinë globale të dezinformimit.
Metadata e kopjes së dokumentit që Mali tregoi në televizion, tregoi se ajo u krijua në dhjetor 2020, disa muaj para se të transmetoheshin për herë të parë akuzat ndaj Đilas. Formatimi i tij duket pothuajse identik me një raport për një shërbim që Hanan e quan "skanim bankar global", të cilin ai ua parashtroi gazetarëve të infiltruar që paraqiteshin si klientë të mundshëm në zyrën e tij.
Dy burime në dijeni të aksionit konfirmuan se ai qëndronte pas operacionit. Është e paqartë se kush e punësoi atë për të prodhuar dokumentin pasi zyrtarët e qeverisë serbe, përfshirë përfaqësuesit e Malit dhe Vuçiçit, nuk iu përgjigjën kërkesave për koment.
Kjo nuk do të ishte hera e parë që Hanan dyshohet për shitjen e të dhënave bankare.
Prokurorët zviceranë hetuan më parë Hanan për ofrimin e informacioneve të ngjashme me një spiun zviceran të quajtur Daniel Moser. Siç raportohet nga partneri zviceran i OCCRP, prokurorët zbuluan se Moser i kishte paguar Hanan 88,000 dollarë në vitin 2014 për të siguruar inteligjencë financiare. Hanan mohoi çdo keqbërje kur u kontaktua nga "Tregimet e Ndaluara", por nuk u është përgjigjur pyetjeve ose kërkesave për koment mbi raportin e Đilas.
Hanan ka një histori të përdorimit të dezinformatave dhe hakerave për të ndërhyrë në politikën globale. Në mesin e vitit 2022, gazetarët e infiltruar të "TheGuardian" që punonin në projektin Story Killers iu afruan ekipit të Hanan. Gjatë disa telefonatave në Zoom dhe një takimi personal, Hanan dhe ekipi i tij zbuluan taktikat e tyre për të përhapur dezinformimin dhe për të prishur demokracinë.
Gazetarët ishin në gjendje të verifikonin se ekipi i Hanan ka përdorur disa nga këto taktika, si fushatat e shënjestruara të mediave sociale dhe hakimi i emaileve, për të manipuluar rezultatet politike.
"Tani do t'ju tregoj inteligjencën financiare,"-tha Hanan gjatë një telefonate në "Zoom".
James Henry, një ekonomist dhe lektor në Universitetin Yale, tha se pretendimet e Hanan për të fituar akses në informacionin bankar konfidencial në mbarë botën ishin të pabesueshme.
“Nuk ka asnjë bazë të dhënash të centralizuar bankare globale, as nuk mund të ketë ndonjëherë. Kushdo që ofron këtë lloj aksesi po ju thotë drejtpërdrejt se ata janë një mashtrim ose përfshirje në shantazhe serioze ose ryshfet të zyrtarëve brenda bankave specifike,"- tha ai.
Paraqitja e raportit Gavaa e shfaqur nga Hanan ngjan shumë me raportin për Đilas të marrë nga gazetarët, megjithëse nuk ka asnjë markë kompanie në asnjërën.
Grupi i Hanan, i cili i referohet vetes si "Ekipi Jorge", nuk është i regjistruar si kompani dhe nuk përdor markë, duke preferuar të qëndrojnë në hije. Kur gazetarët takuan Hananin në një ndërtesë në Modi'in, eksperti i dezinformimit shpjegoi: E patë se çfarë thotë në derë, apo jo? Nuk thotë asgjë. Ja kush jemi: ne jemi asgjë!
Padia Đilas e paraqitur kundër Vuçiçit, Malit dhe gazetarëve në Večernje Novosti u refuzua nga gjykata, por çështja nxori një detaj tregues: Gazetarja e parë që publikoi historinë në të përditshmen pro-qeveritare tha se i kishte marrë të dhënat bankare “në një anonime dërgesa tek ajo nga një burim anonim, ndoshta i vetëdijshëm se ajo ishte gazetare.”
Deutsche Bank nuk kishte një degë në Mauritius në atë kohë dhe Societe Generale në Cyrih lëshoi një letër që konfirmonte se numri i llogarisë që i atribuohej Đilas nuk ekzistonte. Đilas tha se më parë kishte hapur një kompani në Zvicër me leje nga banka kombëtare e Serbisë, por se llogaria bankare që i atribuohej nuk ekzistonte.
“Unë nuk kam pasur kurrë një llogari offshore,”-i tha ai qendrës serbe anëtare të OCCRP-së KRIK.
Sipas provave të marra nga OCCRP, Aron Shaviv, një konsulent politik që ka punuar me kryeministrin izraelit Benjamin Netanyahu, mund të ketë qenë i përfshirë në lidhjen e qeverisë serbe me Hanan. Shaviv u konfirmoi gazetarëve se ai kishte punuar në fushatën e presidentit serb në vitin 2017, por mohoi përfshirjen me Hanan.
"Unë u njoha me 'Team Jorge' një herë në fillim të vitit 2019 dhe nuk kam pasur asnjë biznes apo ndonjë transaksion me ta,"- i tha ai OCCRP.
"Nëse emri im është përdorur nga një palë e tretë e përfshirë në këtë rast për të krijuar besueshmëri - kjo është pa dijeninë time dhe është shumë për të ardhur keq."
Đilas tha se ai kishte kohë që dyshonte se qeveria serbe qëndronte pas raporteve të rreme, por kurrë nuk kishte siguruar prova.
"Në fund të fundit, kush ishte i pari që njoftoi se unë i kisha ato llogari?"- tha ai.
Në vitin 2012, Vuçiç dhe Partia e tij Progresive Serbe erdhën në pushtet në skenën kombëtare dhe narrativa anti-Đilas ka qenë e përhapur në mediat pro-qeveritare që atëherë, duke e përshkruar politikanin si një biznesmen grabitqar që fitoi ilegalisht mbi 600 milionë euro përmes kompanive të tij.
“Më shpallin hajdut, kriminel, se kam një miliard euro, e kështu me radhë. Nuk mund të luftosh kundër lajmeve të rreme, veçanërisht kur është një fushatë e koordinuar me shuma të mëdha parash të investuara për të,"-tha Đilas.
Marrë dhe përkthyer nga OCCPR
Përkujtohen viktimat e Bucha UKRAINË- Në përvjetorin e çlirimit të qytetit ukrainas, Bucha nuk kanë munguar as ...
Ivanka Trump SHBA- Vajza e Donald Trump, Ivanka sapo ka postuar në Instagram një përgjigje ndaj aktakuzës së babait t&eu...
Terrositët në Pakistan GREQI- Dy terrositët nga Pakistani, Haider dhe Hussein të cilët kishin planifikuar një sulm të p...
Vendi ku ra tërmeti GREQI- Një tërmet me magnitudë 4.8 ballë të shkallës Rihter ka ndodhur pak më parë në...
Ushtar i Ukrainës UKRAINË- Në vijën e parë të frontit luftës me uniformën e ushtrisë, të gatshëm p&e...
Foto ilustruese BELGJIKË- Një belg ka vrarë veten pasi foli me një chatbot të Inteligjencës Artificiale për frikën ...
Vjosa Osmani Një ankesë e parashtruar në Gjykatën Kushtetuese të Kosovës në lidhje me legjitimitetin e mandatit të ...
Kim Jong-un dhe Vladimir Putin RUSI- Vladimir Putin dhe Kim Jong-un thuhet se kanë bërë një marrëveshje për të tregtuar ...
Fumio Kishida JAPONI- Japonia ka ndaluar eksportet e çelikut, aluminit dhe avionëve për në Rusi, duke përfshirë dron&e...
Një vit nga çlirimi i Bucha-s UKRAINË- Më 31 mars 2022 Bucha, qyteti i vogël jashtë Kievit, po kthehej pas 33 dit...
